မိတ္တဗလဋီကာ

အခန်း ၂ ရန်သူပေါစေသော ကိန်းသေနည်း၊ မည်သို့ ရှောင်ရမည်

သီအိုဒို ရုစဗဲ့သည် အမေရိကန်ပြည်၏ သမ္မတဖြစ်စဉ်က သူ လုပ်သမျှကိစ္စ တို့သည် ၇၅ ရာခိုင်နှုန်းမျှ မှန်ကန်ခဲ့ပါလျှင် သူသည် သူမျှော်လင့်ထားသည့် အတိုင်း ထိပ်ဆုံးအတန်းကို ရောက်ရှိလိမ့်မည်ဟု ထုတ်ဖော်ပြောဆိုခဲ့ဖူးလေသည်။

ယခုခေတ်၏ ထိပ်တန်းအကျဆုံးသော ပုဂ္ဂိုလ်ကြီး တစ်ယောက်လုံးက သူ လုပ်သမျှသော ကိစ္စ တစ်ရာလျှင် ၇၅ ခုလောက်ပင် မမှန်ဟု ဆိုလျှင် သင်နှင့် ကျွန်ုပ်တို့မှာမူကား အဘယ်ဆိုဖွယ်ရာ ရှိပါမည်နည်း။ ။

အကယ်၍ သင်သည် သင်လုပ်သမျှ ကိစ္စတွင် ၅၅ ရာခိုင်နှုန်းမှန်သည်ဟု သေချာလျှင် ဝေါလမ်းသို့သွား၍ တစ်နေ့လျှင် ဒေါ်လာတစ်သန်းလောက် ရအောင် လုပ်၊ ရွက်လှေကို ဝယ်၊ အငြိမ့်မင်းသမီးကလေးနှင့် လက်ထပ်၍

နေနိုင်ပေလိမ့်မည်။ သင်ကိုယ်တိုင်ပင်လျှင် တစ်ရာမှာ ၅၅ ကြိမ်လောက်မျှ မမှန်နိုင်လျှင် တစ်ဘက်သားအား အဘယ့်ကြောင့် မှားသည်ဟု သင်သည် စွပ်စွဲပေမည်နည်း။ ။

သင်သည် လူတစ်ဦးတစ်ယောက်အား မှားသည်ဟု စကားဖြင့်သာ ထင်ရှားအောင် စွပ်စွဲနိုင်သည် မဟုတ်၊ သင်၏ မျက်နှာပေး အမူအရာဖြင့်သော် လည်းကောင်း၊ လေယူလေသိမ်းဖြင့်သော် လည်းကောင်း၊ ကိုယ်ဟန်လက်ဟန် ဖြင့်သော်လည်းကောင်း စကားကဲ့သို့ပင် ထင်ရှားအောင် စွပ်စွဲနိုင်လေသည်။ ထို့ကြောင့် အကယ်၍ သင်သည် တစ်ဘက်သားကို မှားသည်ဟု တစ်နည်း နည်းဖြင့် စွပ်စွဲလိုက်လျှင် ထိုအစွပ်အစွဲခံရသောသူသည် သင်နှင့် စိတ်သဘောချင်း ညီညွတ်နိုင်ပါဦး မည်လား။ ဘယ်နည်းနှင့်မျှ ညီညွတ်လိမ့်မည် မဟုတ်။ အဘယ်ကြောင့်ဆိုသော် ဤသို့စွပ်စွဲလိုက်ခြင်းဖြင့် အစွပ်စွဲခံရသူ၏ အသိဉာဏ်နှင့် “’တည်းဟူသော မာနကိုသင်သည် တိုက်ရိုက်စော်ကားခြင်း ဖြစ်လေသည်။ `ဤကဲ့သို့ စော်ကားခြင်းကြောင့် အစော်ကားခံရသူသည် သင့်ကိုပြန်၍ “တွယ်” ချင်ပေလိမ့်မည်။ သို့ရာတွင် သူ့စိတ်ကို ပြင်ချင်လိမ့်မည်ကား မဟုတ်။ ပညာရှိကြီးများဖြစ်ကြသော ပလေတို” နှင့် အင်မနျူရယ် ကန့် -တို့၏ ကျမ်း စာအုပ်များကို အကိုးအကားလုပ်ပြစေကာမူ မာနကို တိုက်ရိုက်အစော်ကား ခံရသောသူသည် သင်ပြောသမျှစကားကို နာယူတော့မည် မဟုတ်ပေ။

တစ်ဖက်သားနှင့် စကားပြောသောအခါ “မင်း နားလည်အောင် ငါရှင်းပြမယ်”ဟူသော စကားမျိုးကို ဘယ်အခါမှ မသုံးလေနှင့်။ ထိုစကား မျိုးသည် အတော်ပင်ကန့်လန့်ကျသောစကားမျိုးဖြစ်လေသည်။ ထိုစကားမျိုးကို သုံးခြင်းဖြင့် “ငါ မင်းထက်တော်တယ်၊ ငါ့စကားကို နားထောင်မိရင် မင်းရဲ့ နဂိုစိတ်ထားတွေ ပြောင်းကုန်လိမ့်မယ်”ဟူ ၍ ပြောရာရောက်လေသည်။

ဤစကားသည် တစ်ဖက်သားအပေါ်တွင် ဆရာလုပ်ချင်သောစကား ဖြစ်လေသည်။ ထို့ကြောင့် ထိုစကားမျိုးကို ပြောမိလျှင် သင်ပြောချင်သည့် စကားကိုမှ ရေလည်အောင် မပြောရသေးမီ တစ်ဖက်သား၌ သင့်အား ကလန် ကဆန် ပြန်၍ပြောချင်သောစိတ်များ ပေါ်ပေါက်လာတော့သည်။

တစ်ဖက်သား၏ အယူအဆကို ပြုပြင်ပြောင်းလဲအောင် လုပ်ရန်ကိစ္စသည် စိတ်အလွန်ကြည်ကြည်လင်လင်ဖြစ်နေသော အခါများပင်လျှင် ခက်ခဲလျက်ရှိရာ အဘယ့်ကြောင့် သင်သည် ဤကိစ္စကို ပို၍ခက်ခဲအောင် လုပ်ချင်ရသနည်း။ မကြိုးစားရသေးမီကပင် ရှုံးနေသောကိစ္စကို အဘယ့်ကြောင့်လုပ်ချင်ရသနည်း။

တစ်ဖက်သားမသိသည်ကို သိအောင်ပြောလိုသောအခါ ထိုကဲ့သို့ပြောမှန်း ကို တစ်ဖက်သားအား အသိမပေးပါနှင့်။ ပြောရာ၌ အလွန်ပါးနပ်ပါစေ။ : သင့်စကားကို နားထောင်နေသောသူကိုယ်တိုင်က သင်သည် သူ့ကို ဆုံးမနေ . သည်ဟု မထင်အောင် ပြောပါလေ။

“လူကလေး တတ်နိုင်လျှင် အခြားသူများထက်ပို၍ ပညာရှိအောင် ကြိုးစားပါ။ သို့ရာတွင် ဤကဲ့သို့ပို၍ ပညာရှိကြောင်းကို အခြားသူများအား မပြောပါလေနှင့်”ဟူ၍ လော့ ချက်စတာဖီး” ဆိုသူ ပညာရှိတစ်ဦးက သူ၏ သားကို ဆုံးမဖူးလေသည်။ ။

အနှစ်၂၀ လောက်က မှန်သည်ဟု ကျွန်ုပ်ယုံကြည်ခဲ့သော အရာများ အနက် အလီပေါင်းကလွဲ၍ အခြားအရာများကို ကျွန်ုပ်သည် နှစ်နှစ်ကာကာ မယုံတော့ချေ။ အိုင်းစတိုင်း-၏ စာအုပ်များကို ဖတ်ပြီးသောအခါ အလီပေါင်း ကိုပင် သံသယ ဖြစ်လာပြန်လေသည်။ နောက်အနှစ်နှစ်ဆယ်လောက်ကြာလျှင် ယခုစာအုပ်ထဲ၌ရေးသော စကားများကို ကျွန်ုပ်ကိုယ်တိုင်ယုံချင်မှ ယုံတော့မည်။ မည်သည့်အရာမျိုးကိုမျှ ကျွန်ုပ်သည် ရှေးကလောက် ယုံယုံကြည်ကြည် . မရှိတော့ပေ။

‘ငါသိသောအရာ တစ်ခုတည်းသာရှိသည်။ ထိုအရာသည်ကား အခြား မဟုတ်၊ ငါဘာမှ မသိသေးဟူ၍ သိခြင်းပင်ဖြစ်သည်”ဟု ဆိုကရေးတီး” ဆိုသူ ပညာရှိကြီးသည် သူ၏ တပည့်များကို အေသင် * မြို့တွင် မကြာခဏပြောခဲ့ဖူး လေသည်။

ကျွန်ုပ်သည် ဆိုကရေးတီးထက် ပို၍ ပညာမရှိနိုင်ချေ။ ဆိုကရေးတီး တစ်ယောက်လုံးကပင် ဤသို့ပြောလျှင် ကျွန်ုပ်မှာ ပြောဖွယ်ရာ မရှိတော့ပြီ။ ထို့ကြောင့် တစ်ဘက်သားအား မှားသည်ဟုပြောဆိုသောအကျင့်ကို ကျွန်ုပ်သည် လုံးလုံး စွန့်လိုက်လေပြီ။ ဤကဲ့သို့ စွန့်လိုက်ခြင်းကြောင့် အကျိုးရှိသည်ကို ကျွန်ုပ်ကိုယ်တိုင် တွေ့ရဖူးလေသည်။

အကယ်၍ လူတစ်ယောက်သည် – စကားတစ်ခုကို ပြောလိုက်ရာ ထိုစကားသည် မှားသည်ဟု သင်ကိုယ်တိုင် အကယ်စင်စစ် သေချာကျနစွာ သိရှိသည့်တိုင်အောင် ထိုသူ့ကို မှားသည်ဟု တိုက်ရိုက်မပြောဘဲ အောက်ပါ စကားမျိုးဖြင့် ပြောရလျှင် မကောင်းပေဘူးလား။

“ဒီမှာအဆွေ၊ ကျွန်တော် ထင်တာက တစ်မျိုးဖြစ်နေတယ်၊ ကျွန်တော် ထင်တာ မှားချင်လဲ မှားမှာပဲ၊ ကျွန်တော်က အတွေးတော့ တော်တော်ခေါင်တတ်တယ်။ တကယ်လို့များ မှားနေလျှင်ပြင်ပါ။ အကြောင်းချင်းတကို – တစ်ခုစီပြန်ပြီး စပ်ကြည့်ရအောင်။ ။ .

“ကျွန်တော် မှားချင်လဲမှားမှာပဲ၊ ကျွန်တော်က အတွေး တော်တော်ခေါင်တတ်တယ် အကြောင်းချင်းတစ်ခုစီကို ပြန်ပြီး စစ်ကြည့်ရအောင်” အစရှိသော စကားလုံးများသည် အတော်တာသွားသော စကားများဖြစ်၏။

“ကျွန်တော် မှားချင်လဲ မှားမှာပဲ၊ အကြောင်းချင်းတစ်ခုစီပြန်ပြီး စိစစ်ကြည့် ရအောင်” အစရှိသော စကားများကို ဘယ်လူမျိုးမျှ ကန့်ကွက်လိမ့်မည် မဟုတ်ပေ။

လောကဓာတ်ဆရာကြီးတစ်ဦး၏ စကားသုံးနှုန်းပုံကို ကြည့်ကြဦးစို့။ ။ တစ်ခါတုန်းက စတက်ဖင်ဆန် ” ဆိုသူနှင့် ကျွန်ုပ် တွေ့ဖူး၏။ သူသည် နာမည်ကျော် လောကဓာတ်ဆရာကြီးတစ်ဦးဖြစ်၏။ အလွန်အေးသောအာတိတ် စက်ဝိုင်း၏ မြောက်ဘက်တွင် ဆယ့်တစ်နှစ်ကြာအောင် နေခဲ့သည့်ကာလတွင် ခြောက်နှစ်တိုင်တိုင် အမဲသားနှင့်ရေကိုသာ မှီဝဲခဲ့လေသည်။ သူနှင့်တွေ့သောအခါ သူကိုယ်တိုင် စမ်းသပ်စစ်ဆေးလျက်ရှိသော လောကဓာတ်နည်း တစ်နည်းကို ကျွန်ုပ်အား ပြောပြသဖြင့် ဘယ်လိုနည်းသစ်တွေကို လက်တွေ့ပြမလို့တုံးဟူ၍ မေးဖူး၏။ ထိုအခါ

“လောကဓာတ်ဆရာဆိုတာ စင်စစ်မတော့ နည်းသစ်တွေကို လက်တွေ့ပြဖို့ မကြိုးစားပါ၊ ရှိပြီးသားနည်းဟောင်းတွေကို မပေါ်ပေါ်အောင် ရှာတာပါပဲ”ဟူ၍ ကျွန်ုပ်ကို ပြန်ပြော၏။ ကျွန်ုပ်သည် ထိုစကားများကို မည်သည့်အခါမျှ မေ့နိုင်မည် မဟုတ်ပေ။

စကား ပြောရာ၌ သင်ကိုယ်တိုင် မှားကောင်း မှားလိမ့်မည်ဟူ၍ ဝန်ခံခြင်းဖြင့် သင့်၌ ဘေးမဖြစ်နိုင်။ ဤကဲ့သို့ ဝန်ခံခြင်းကြောင့် ဘာကိုမျှ ငြင်းခုံစရာ မလိုရုံသာမက သင်နှင့်စကားပြောနေသော တစ်ဖက်သားသည်လည်း သင်ကဲ့သို့ပင် စိတ်သဘောထား ကြီးလာ၍ သင်ကဲ့သို့ပင် မှားကြောင်းကို ဝန်ခံချင်သော စိတ်ထားများ ပေါ်ပေါက်လာပေမည်။ ,

တစ်ဦးတစ်ယောက်သောသူသည် မှားယွင်းလျက်ရှိသောအခါ မှားသည် ဟု ထိုသူအား တုံးတိတိကြီး ပြောမိသောကြောင့် မည်ကဲ့သို့ ဖြစ်ဖူးကြောင်း ၊ သာဓက တစ်ခုကို ဖော်ပြပါအံ့။ ။

လပ်စာတင်နှင့် ဖလိကော်ပိုရေးရှင်း”တို့ဖြစ်ကြသော အမှုကြီးတစ်ခု သည် အမေရိကန်ပြည်ထောင်စု တရားလွှတ်တော်ချုပ်သို့ များမကြာမီက ရောက်လာလေသည်။ ထိုအမှုတွင် မစ္စတာအက်စ် ဆိုသူက ရှေ့နေအဖြစ် လိုက်ပါဆောင်ရွက်လေသည်။ တရားဖြစ်နေသောငွေမှာ အလွန်များပြားရုံသာ မက ဥပဒေတစ်ရပ်နှင့်စပ်လျဉ်း၍ မရှင်းလင်းသောအချက်များလည်း အကျုံး ဝင်လျက်ရှိရကား ထိုအမှုသည် အလွန်အရေးကြီးသောအမှုတစ်ခုဖြစ်လေသည်။ . ထိုအမှုနှင့် စပ်လျဉ်း၍ လျှောက်လဲနေစဉ် “ရေဘက်ဆိုင်ရာတွင် စာချုပ်များကို ကန့်သတ်ပိုင်းခြားထားသည့်နှစ်ဟာ ခြောက်နှစ်မဟုတ်ဘူးလား” ဟု တရားဝန်ကြီးတစ်ဦးက မစ္စတာအက်စ်ကို ဖြတ်၍ မေးလိုက်လေသည်။

မစ္စတာအက်စ်ကလည်း လျှောက်လဲချက်ကို ခေတ္တရပ်၍ မေးသော တရားဝန်ကြီးကို အံ့အားသင့်စွာ စိုက်ကြည့်နေပြီးနောက် “ရေတပ်ဘက် ဆိုင်ရာတွင် စာချုပ်ကန့်သတ်သည့်ဥပဒေမရှိပါ”ဟု တုံးတိတိ ပြန်ပြောလိုက် သည်။

“ဒီလိုလဲပြန်ပြီး ဖြေလိုက်ပါရော တစ်ရုံးလုံးလဲ မီးကိုရေနှင့်သတ်သလို တိတ်သွားတာပဲ၊ ကျွန်ုပ်က မှန်ပြီး တရားဝန်ကြီးက မှားလို့မှားကြောင်းကို .ပြောမိတာ အမှန်ပဲ၊ သို့ပေမယ့် ဒီလိုပြောလိုက်လို့ တရားဝန်ကြီးက ကျွန်ုပ် အပေါ်မှာ မေတ္တာရှိလာသတဲ့လား၊ မရှိဘူး၊ ဥပဒေအရဆိုလျှင် ကျွန်ုပ်မှန်သည်ဟု ယနေ့ထက်တိုင် ကျွန်ုပ် ကောင်းစွာယုံကြည်၏၊ နောက်ပြီးတော့လဲ အဲဒီနေ့က ခါတိုင်းနေ့တွေကထက် ကျွန်ုပ်၏ လျှောက်လဲချက်ဟာ ပိုပြီးကောင်းတယ်လို့ ကျွန်ုပ်ကိုယ်တိုင် သိတယ်၊ သို့ရာတွင် ကျွန်ုပ်သည် အလွန်ပညာရှိ၍ နာမည်ကျော်ကြားသော တရားဝန်ကြီးတစ်ဦးကို ဖျောင်းဖျောင်းဖျဖျ မပြောဘဲ မှားသည်ဟု တုံးတိတိ ပြောမိသောကြောင့် အမှားကြီး မှားခဲ့ဖူးလေသည် ဟူ၍ မစ္စတာ အက်စ်ကိုယ်တိုင် ကျွန်ုပ်၏ တပည့်များကို ပြောပြဖူးလေသည်။

အမှန်ကိုရောက်အောင် တွေ့နိုင်သောသူများသည် အလွန်ရှားလေသည်။ ကျွန်ုပ်တို့သည် များသောအားဖြင့် အစွဲအလမ်း ကြီးသောသူများ ဖြစ်ကြသည်။ များသောအားဖြင့် ကျွန်ုပ်တို့၌ အဖက်ဖက်၌ စွဲလမ်းလျက်ရှိသော စိတ်ကူးများ၊ သဝန်ကြောင်ခြင်း၊ မယုံသင်္ကာဖြစ်ခြင်း၊ ကြောက်ရွံ့စိုးရိမ်ခြင်း၊ မနာလိုခြင်းနှင့် မာနများ ရှိကြလေသည်။ များစွာသော လူတို့သည် သူတို့ ယုံကြည်သော ဘာသာ သို့မဟုတ် နှစ်သက်သောဆံတောက်ပုံ သို့မဟုတ် မှန်သည်ထင်သော ကွန်မြူနစ် ဝါဒ သို့မဟုတ် စွဲလမ်းလျက်ရှိသော ဇာတ်လိုက်မင်းသား ကလတ်ဗယ် စသည့် အရာတို့ကို စွန့်ပစ်ကြရန် အလိုမရှိကြချေ။

ထို့ကြောင့် အကယ်၍ တစ်ဘက်သားကို မှားသည်ဟု ပြောတတ်သော ဝါသနာ အသင်၌ ရှိခဲ့ပါလျှင် အောက်ပါစာပိုဒ်ကို နံနက်စာမစားမီ နံနက်တိုင်း ဖတ်ကြားပါလေ။ ထိုစာပိုဒ်သည် ပရော်ဖက်ဆာဂျိမ်းဟာဗေး ရော်ဗင်ဆန် – ရေးသားသော “စိတ်ဖြစ်ပေါ်ပုံ” စာအုပ်မှ ကောက်နုတ်ချက်ဖြစ်လေသည်။

ပြင်းပြင်းထန်ထန် မကြိုးစားရဘဲနှင့် ကျွန်ုပ်တို့၏ စိတ်ထားများသည် ပြုပြင်ပြောင်းလဲသွားသည်ကို ကျွန်ုပ်တို့သည် တစ်ခါတစ်ရံ တွေ့ရဖူး၏။ သို့ရာတွင် ကျွန်ုပ်တို့ကို တစ်စုံတစ်ယောက်သောသူက မှားသည်ဟု စွပ်စွဲလိုက်သောအခါ ကျွန်ုပ်တို့သည် ဤသို့ပြောဆိုခြင်းကို မနှစ်မြို့ သောကြောင့် ကျွန်ုပ်တို့၏ မူလသဘောထားကို မပြောင်းဘဲ ဇွတ်တရွတ် နေတတ်ကြလေသည်။ ကျွန်ုပ်တို့သည် ကျွန်ုပ်တို့၏ ယုံကြည် စွဲလမ်းချက် များအပေါ်တွင် အမှုမဲ့အမှတ်မဲ့ ပေါ့ပေါ့ဆဆ နေတတ်ကြသော်လည်း တစ်စုံတစ်ယောက်သောသူက ထိုအချက်များကို ထိခိုက်ပြောဆိုလာသော – အခါ သူတို့အပေါ်တွင်ရှိသော ကျွန်ုပ်တို့၏ စွဲလမ်းခြင်း စိတ်ဓာတ်တို့ သည် ကျွန်ုပ်တို့၏ ရင်တွင်း၌ ဆထက်ထမ်းပိုး တိုးလာသည်ကို တွေ့ရှိရပေလိမ့်မည်။ စင်စစ်မှာမူကား ဤကဲ့သို့ ဖြစ်ခြင်းသည် အမှားအမှန်ကို ဤမျှလောက် ဂရုစိုက်လှ၍ မဟုတ်။ ကျွန်ုပ်တို့၏ ဂုဏ်ကို ထိခိုက်သောကြောင့်ပင် ဖြစ်သည်။ ………

လူတို့တွင် “ငါ့ဟာ” ဆိုသော စကားလုံးကလေးသည် အလွန် အရေးကြီးလေသည်။ ထိုအချက်ကို ကောင်းစွာ အသုံးပြုတတ်ခြင်းသည် ပညာရှိခြင်း၏ အစပင်တည်း၊ “ငါ့ထမင်း” “ငါ့ခွေး” “ငါ့အိမ်” “ငါ့အဖေ” “ငါ့တိုင်းပြည်” “ငါ့ဘုရားသခင်” စသော စကားလုံးတို့သည် အဓိပ္ပာယ်လေးနက်ရာ၌ ညီတူညီမျှပင် ဖြစ်သည်။ ကျွန်ုပ်တို့၏ နာရီသည် အချိန်မှားနေသည် ဟူ၍လည်းကောင်း၊ ကျွန်ုပ်တို့၏ မော်တော်ကားသည် စုတ်နေသည်ဟူ၍လည်းကောင်း အပြောခံရမည်ကို မနှစ်မြို့ရုံသာမက အင်္ဂါဂြိုဟ်တွင် ရှိသော ရေသွားမြောင်းနှင့် စပ်လျဉ်း၍ ကျွန်ုပ်တို့ မှတ်သားထားသည့် အချက်များသည် လည်းကောင်း၊ “အက်ပိတက်တပ်” ဟူသော စကားလုံး ကို ခေါ်ရာ၌ ကျွန်ုပ်တို့၏ အသံထွက်သည် လည်းကောင်း၊ ဆယ်လီစင် ဓာတ်သည် ဆေးဖက်တွင်မည်မျှ အသုံးဝင်သည် သို့မဟုတ် ပထမ ဆာဂွန် ” ၏ မွေးနေ့သည် မည်သည့်နေ့ ဖြစ်သည်ဟူ၍ ကျွန်ုပ်တို့၏ အမှတ်အသားများသည် လည်းကောင်း မှားယွင်း ချွတ်ချော်နေသောကြောင့် သူတို့ကို အသစ်ပြင်ရန် လိုသည်ဟူသော သွန်သင် ချက် တို့ကိုလည်း ကျွန်ုပ်တို့ မနှစ်မြို့ချေ။ ကျွန်ုပ်တို့မှန်သည်ဟု အယူရှိ ထားသော ယုံကြည်ချက်တို့ကို ကျွန်ုပ်တို့သည် ဆက်လက် ယုံကြည် လိုသောဆန္ဒများ ရှိကြသည်။ ထိုယုံကြည်ချက်များကို ထိခိုက်ပြောဆိုသောအခါ မခံချင်သော စိတ်ဓာတ်များကြွတက်လာပြီးလျှင် ထိုအချက် များဘက်မှနေ၍ ဆင်ခြေအမျိုးမျိုးပေးကာ ခုခံကာကွယ် တတ်ကြသည်။ – သို့ဖြစ်သောကြောင့် စကားပြောရာ၌ ကျွန်ုပ်တို့၏ အကိုးအကား . . များသည် အခြားမဟုတ်၊ ကျွန်ုပ်တို့ယုံကြည်ရင်းစွဲဖြစ်သော အချက်များကိုကာကွယ်ရန်အတွက်ပေးသော ဆင်ခြေများပင် ဖြစ်ကြ၏။

တစ်ခါတုန်းက ကျွန်ုပ်၏အိမ်ကို အလှဆင်ရန်အတွက် လူတစ်ယောက်ကို ငှား၍ ခိုင်းဖူး၏။ အားလုံးပြီးစီး၍ အလှဆင်ပေးခအတွက် ကြွေးတောင်း စာရင်း ရောက်လာသောအခါ ဈေးကြီးလွန်း၍ ကျွန်ုပ်သည် ပင့်သက် ရှူမိ၏။

ရက်အနည်းငယ်ကြာသောအခါ ကျွန်ုပ်၏ မိတ်ဆွေတစ်ဦးသည် အိမ်သို့ အလည်ရောက်လာ၏။ အလှဆင်ထားသည်ကို တွေ့သောအခါ အလှပြင်ခ ဘယ်လောက်ပေးရသလဲဟု မေးလေသည်။ အခကိုပြောပြသောအခါ ကျွန်ုပ်၏ မိတ်ဆွေသည် စုတ်သတ်၍ အလှပြင်သမားက ရှင့်ကို “ချ”သွားပြီ၊ ဈေးသိပ်များတာပေါ့”ဟု ပြန်ပြောလေသည်။ ” ကျွန်ုပ်၏ မိတ်ဆွေပြောသောစကားသည် အမှန်ပင်ဖြစ်လေသည်။ သို့ရာတွင် မိမိတို့ကိုယ်တိုင် လုပ်ထားသော အလုပ်များကို မှားသည်ဖြစ်စေ၊ မှန်သည်ဖြစ်စေ `အပြစ်ဆိုခြင်းကိုမူကား ကြိုက်သူ အလွန်နည်းလေသည်။

ကျွန်ုပ်လည်း ပုထုဇဉ်ဖြစ်သည့်အတိုင်း ကျွန်ုပ်လုပ်ထားသော အလုပ်ကို ကာကွယ်လို၏။ ထို့ကြောင့် “အကောင်းကြိုက်ရင် ဈေးပေါပေါနဲ့ မရဘူး၊ ဈေးနည်းနည်းဆိုရင် ကုန်အညံ့တွေရမှာပေါ့” အစရှိသည်ဖြင့် ပြန်၍ ပြောလိုက်၏။

– နောက်တစ်နေ့တွင် အခြားမိတ်ဆွေတစ်ဦး အလည်ရောက်လာပြန်၏။ ထိုမိတ်ဆွေကမူကား အလှပြင်ထားသော အရာများကိုကြည့်ပြီးလျှင် အလွန် စိတ်အားထက်သန်စွာနှင့် ချီးမွမ်းလျက်ရှိ၏။ သူ၏ အိမ်၌လည်း ဒီလိုများ အလှပြင်ထားနိုင်လျှင် ဘယ်လောက်ကောင်းမလဲ အစရှိသည်ဖြင့် ပြောကြား၏။ ထိုမိတ်ဆွေ၏ စကားကိုကြားရသောအခါ ကျွန်ုပ်၏ စိတ်ဓာတ်များသည် တစ်မျိုးတစ်ဖုံ ဖြစ်လာလေသည်။ ထို့ကြောင့် “ဟာ မပြောပါနဲ့တော့ကွယ်။ ခိုင်းပြီးသား ဖြစ်နေလို့သာ ငြိမ်နေလိုက်ရတယ်၊ အစကသာ ဒီလောက် ကုန်မယ်မှန်းသိရင် မခိုင်းပါဘူး၊ ဈေးသိပ်ကြီးတာပဲ”ဟူ၍ ကျွန်ုပ်က ပြန်ပြော၏။

ကျွန်ုပ်တို့သည် အမှားတစ်ခုကို ပြုလုပ်မိသောအခါ ကျွန်ုပ်တို့စိတ်ထဲက သာလျှင် မှားကြောင်း ဝန်ခံကောင်း ဝန်ခံလိမ့်မည်။ ထို့ပြင် ကျွန်ုပ်တို့အား ဖျောင်းဖျောင်းဖျဖျ သာသာယာယာနှင့် မေးစမ်းခြင်းပြုလျှင် ထိုသို့ မေးသူများအား ကျွန်ုပ်တို့၏ အမှားကို ဝန်ခံ၍ “ငါမှန်တာကို ဘွင်းဘွင်းကြီး ပြောရဲတယ်” `အစရှိသော စိတ်ထားဖြင့် ကျွန်ုပ်တို့၏ သဘောထားကြီးခြင်းကို ဂုဏ်ယူကောင်း ဂုဏ်ယူမိပေမည်။ မည်သို့ပင် သဘောထားကြီးချင်သော ဆန္ဒရှိစေကာမူ အတင်းစွပ်စွဲလျှင် ကျွန်ုပ်တို့၏ မှားကြောင်းကို ဝန်ခံမည်မဟုတ်ပေ။

အမေရိကန်ပြည်တွင်းစစ် ” ဖြစ်ပွားစဉ်က ထိုပြည်၏ အကျော်ကြားဆုံး သော သတင်းစာဆရာကြီးဖြစ်သည့် ရေ့စ် ဂရီလေသည် အမေရိကန် ပြည်၏ သမ္မတ လင်ကွန်းနှင့် အပြင်းအထန် သဘောကွဲလွဲခဲ့လေသည်။ လင်ကွန်းအား သတင်းစာထဲမှနေ၍ အပြင်းအထန် ဆဲဆိုကြိမ်းမောင်း ပုတ်ခတ်ရေးသားခြင်းဖြင့် လင်ကွန်းသည် သူ့ဘက်သို့စိတ်ပြောင်းလာလိမ့်မည် ဟူ၍ ဟော်ရေ့စ်ဂရီလေသည် အယူရှိခဲ့၏။ ထို့ကြောင့်အထက်ပါနည်းအတိုင်း လပေါင်းနှစ်ပေါင်းများစွာ ဆူပူရေးသားခဲ့၏။ သမ္မတလင်ကွန်းသည် ဗုဒ် ဆိုသူ၏ လက်ချက်ဖြင့် အသက်ထွက်ရရှာသော ည၌ပင်လျှင် သတင်းစာဆရာ

ဟော်ရေ့စ်ဂရီလေသည် သမ္မတလင်ကွန်းကို ပုဂ္ဂလ ဓိဋ္ဌာန်အားဖြင့် ညစ်ညမ်းစွာ ပုတ်ခတ်ရေးသားခဲ့ဖူး၏။ – သို့ရာတွင် ဤသို့ပုတ်ခတ်ရေးသားခြင်းဖြင့် လင်ကွန်းသည် ဂရီလေ ဘက်သို့ စိတ်ပြောင်းလာရဲ့လား။ မလာဘူး။ ပြက်ရယ်ပြုခြင်း စော်ကားခြင်းဖြင့် မိမိဘက်သို့ပါလာအောင် မည်သည့်အခါမျှ မတတ်နိုင်။ ‘

လူများနှင့် ပေါင်းသင်း ဆက်ဆံရာ၌ အကောင်းဆုံးနည်း အချို့ကို သင်သည် အလိုရှိခဲ့ပါမူ သူကိုယ်တိုင်ရေးသားထားသော ဘင်ဂျမင် ဖရန်ကလင်” ၏ အတ္ထုပ္ပတ္တိကို ဖတ်ဖြစ်အောင် ဖတ်လိုက်ပါ။ အတ္ထုပ္ပတ္တိ စာအုပ်များတွင် အကောင်းဆုံးစာအုပ်တစ်အုပ် ဖြစ်ပါသည်။ စာကြည့်တိုက်ရှိလျှင် ထိုစာကြည့် တိုက်မှ အဆိုပါ အတ္ထုပ္ပတ္တိကို ငှားပါ။ မရှိလျှင် ရနိုင်သည့် စာအုပ်ဆိုင်တစ်ဆိုင်မှ ဝယ်ပါ။ အသင်၏မြို့တွင် စာအုပ်ဆိုင်မရှိပါလျှင် ပင်ရင်းတိုက်သို့ တိုက်ရိုက် မှာယူနိုင်ပါသည်။

ထိုအတ္ထုပ္ပတ္တိထဲတွင် ငြင်းချင်သော အလေ့အထကို ပျောက်အောင် မည်ကဲ့သို့ ဖျောက်ခဲ့ရပုံနှင့် မိမိဘက်သို့ပါအောင် ဆွဲနိုင်သော ပရိယာယ်ကောင်း သည့် နိုင်ငံရေးသမားကောင်းဟူ၍ အမေရိကန်သမိုင်းတွင် ထင်ရှားကျော်ကြားသူ တစ်ဦး ဖြစ်လာအောင် မည်ကဲ့သို့ လုပ်ခဲ့ရပုံတို့ကို ကွက်ကွက်ကွင်းကွင်း ရေးသားထားလေသည်။ “

ဘင်ဂျမင်ဖရန်ကလင်သည် ငယ်ရွယ်စဉ်အခါက တစ်နေ့သောအခါဝယ် သူ၏ သူငယ်ချင်းတစ်ဦးသည် သူ့ကို တစ်နေရာသို့ လက်တို့ခေါ်သွားပြီးလျှင် အောက်ပါစကားကဲ့သို့ အဓိပ္ပာယ်ရှိသော စကားမျိုး သူ့အား ပြောပြ၏။

“ဟေ့ကောင်၊ မင်းဟာ သိပ်ခက်တဲ့အကောင်ပဲကွ၊ မင်းနဲ့သဘောချင်း မတူတဲ့ လူတွေအတွက်မှာဆိုရင် မင်းရဲ့ အယူအဆတွေဟာ ပိသာလေးနဲ့ ဘေးပစ်လိုက်သလိုပဲ၊ မင်းဟာတွေက ကောင်းလွန်းလို့ဘယ်သူကမှ ဂရုမစိုက် ကြဘူး၊ ကြာတော့ဘယ့်နှယ်ဖြစ်နေသလဲဆိုရင် မောင်မင်း ကြီးသား မရှိတော့မှဘဲ မင်းအဖော်တွေမှာ စိတ်သက်သာ ရတော့တယ်၊ ဘာပဲဖြစ်ဖြစ် မင်းက သိပြီးသားချည်းပဲ ဖြစ်နေတော့ မင်းကို ဘယ်သူကမှ ဘာကိုမှ မပြောတော့ဘူး၊ အစစ်ပဲ၊ ဘယ်သူကမှ ဘာကိုမှ မပြောတော့ဘူး။ ဘာဖြစ်လို့လဲဆိုတော့

ပြောရင် ပြောတဲ့လူသာ စိတ်ရှုပ်ပြီး အမောအဖတ်တင်ရုံရှိတော့မှာပဲ။ အဲဒီတော့ မင်းခေါင်းထဲမှာရှိတဲ့ လက်တစ်ဆုပ်လောက် အသိဉာဏ်ကလေးဟာလည်း ဘယ်တော့မှ မတိုးတော့ဘူး”

အထက်ပါစကားသည် မှန်ကန်ကြောင်းကို ဘင်ဂျမင်ဖရန်ကလင်သည် သတိရ၏။ သူ့ကိုယ်ကို သူ မပြင်လျှင် မည်သူနှင့်မျှ ပေါင်းမဖြစ်သည့်အပြင် ဘာကိုမျှလည်း လုပ်မဖြစ်တော့ဟူ၍ ကောင်းစွာ ဆင်ခြင်မိ၏။ ထို့ကြောင့် မထေမဲ့မြင် ပြုလေ့ရှိသော သူ၏ နှုတ်အမူအရာတို့ကို အမြစ်ကနေ၍ လှန်လေသည်။ ။

“တစ်ဖက်သား နာကြည်းမည့် တိုက်ရိုက်ဆန့်ကျင်ဘက် အပြုအမူများနှင့် ငါ့ဟာမှ မှန်သည်ဟု ဇွတ်တရွတ် ပြောဆိုခြင်းမျိုးကို ရှောင်ရှားထားရန် ကျွန်ုပ်သည် သန္နိဋ္ဌာန် ချထား၏။ ထိုမျှမကသေး “ဧကန်အမှန်ပဲ” “ဘယ်နည်း နှင့်မျှ မလွဲရဘူး’ စသော တစ်ဘက်သား ငြင်းရန်မလိုဟူ၍ အဓိပ္ပာယ်ပေါက် စေသည့် စကားလုံးမျိုးတို့ကို သုံးခြင်းမှ အထူးရှောင်ရှား၍ “ဒီဟာ မှန်လိမ့် မယ်လို့ ကျွန်ုပ်ယူဆတယ်၊ ဟိုဟာဖြင့် ဖြစ်နိုင်လိမ့်မယ်လို့ တွေးမိပါတယ်” အစရှိသော စကားမျိုးကို အသုံးပြုလေသည်။ တစ်စုံတစ်ယောက်သောသူသည် ကျွန်ုပ်မှားသည်ထင်သော စကားတစ်ခွန်းကို ကျွန်ုပ်ရှေ့တွင် ပြောလိုက်မိသည် ဆိုကြပါစို့။ သူ၏ ‘အမှားကို ဖြုန်းခနဲပြင်ရန်အတွက် ကျွန်ုပ်၏ ပါးစပ်သည် ယားလျက်ရှိသော်လည်း ထိုဆန္ဒကို မျိုသိပ်ထားလိုက်ပါသည်။ သူ့စကားကို ပြန်၍ ဖြေရှင်းမှ အခြားသော ကိစ္စတို့၌ သူ၏ အယူအဆသည် မှန်ပါလိမ့်မည်။ သို့ရာတွင် ဤကိစ္စမှာမူကား ကျွန်ုပ်နှင့် သဘောချင်းလွဲနေဟန် လက္ခဏာ ရှိသည်ဟု ကျွန်ုပ် ထင်ပါသည်” အစရှိသည်ဖြင့် ပြောပြလေသည်။ . “

“ဤသို့ ကျွန်ုပ်၏ ကိုယ်နှုတ် အမူ အရာကို ပြင်လိုက်ခြင်းဖြင့် အကျိုး ရှိပုံကို ကျွန်ုပ်ကိုယ်တိုင် ထင်ရှားစွာတွေ့ရှိရလေသည်။ သူများနှင့် စကားပြောဆို ရာ၌ ရှေးကထက်ပိုပြီး လေပေးဖြောင့်လျက်ရှိ၏။ မိမိကိုယ်ကို နှိမ့်ချသောနည်းဖြင့် ကျွန်ုပ် ထင်မြင်ချက်များကို ပြောပြရာ လွယ်လင့်တကူနှင့် နှစ်သက်သူများ၍ ကန့်ကွက်သူ နည်းသည်ကို တွေ့ရလေသည်။ ကျွန်ုပ်ကို မှားသည်ဟူ၍ တစ်ဘက်သားတို့က ခြင်ကြသောအခါတွင်လည်း ရှေးကကဲ့သို့ ဂုဏ်ကို ထိခိုက်မည်ဟူ၍ မယူဆတော့ပေ။ ကျွန်ုပ် မှန်သောအခါများ၌လည်း တစ်ဘက်သားတို့သည် သူတို့၏ အမှားများကို စွန့်ပစ်၍ ကျွန်ုပ်ဘက်သို့ လွယ်လင့်တကူ စိတ်ပြောင်းလာကြလေသည်။

” “ကျွန်ုပ်၏ နဂိုစိတ်ထားမှ ထိုကဲ့သို့ကိုယ်နှုတ်အမူအရာမျိုး ဖြစ်လာအောင် `လက်ဦးအစတွင် အတော်ပြင်းပြင်းထန်ထန် ကြိုးစားရပေမည်။ သို့ရာတွင် နောက်ဆုံး၌ ကျွန်ုပ်၏ ဝသီဖြစ်လာသောကြောင့် လွန်ခဲ့သည့် အနှစ်ငါးဆယ်မှ ယနေ့အထိ ငါသာမှန်ရမည်ဟူသော ဇွတ်တရွတ်စကားမျိုး ကျွန်ုပ်ပါးစပ်မှ ထွက်လာသည်ကို မည်သူတစ်ဦးတစ်ယောက်မျှ ကြားမိလိမ့်မည်ဟူ ၍ ကျွန်ုပ် . မထင်ပေ။

“ဥပဒေသစ်များကို တင်သွင်းရာ၌လည်းကောင်း၊ ဥပဒေဟောင်းများထဲမှ အချို့အချက်များကို ပြင်ဆင်ရာ၌လည်းကောင်း၊ တိုင်းသူပြည်သားများအား ကျွန်ုပ်ဘက်သို့ပါအောင် ပြုလုပ်နိုင်ခြင်း၊ ထို့ပြင် ပြည်သူအဖွဲ့များထဲတွင် အဖွဲ့ဝင်တစ်ဦးဖြစ်လာသောအခါ ကျွန်ုပ်နှင့်အတူဖြစ်သော အဖွဲ့ဝင်များအား

ကျွန်ုပ်ဘက်သို့ပါအောင် ပြုလုပ်ခြင်းတို့သည် ကျွန်ုပ်၏ သမာဓိအပြင် . အခြား အကြောင်းကြောင့်မဟုတ်ဘဲ အထက်တွင်ဖော်ပြသကဲ့သို့ ကျွန်ုပ်၏ ကိုယ်နှုတ်အမူအရာ ပြောင်းလဲလိုက်ခြင်းကြောင့်ပင် ဖြစ်သည်ဟု ကျွန်ုပ် အယူရှိမိ၏။ အဘယ့်ကြောင့်ဆိုသော် စကားပြောလည်း မသွက်။ စကားလုံး ကောင်း ရွေးရာ၌လည်း အလွန်နှေးသည့်အပြင် စကားအထားအသို မမှန်ဘဲ ညံ့ဖျင်းသော စကားပြောသမားတစ်ယောက်ပင် ဖြစ်သော်လည်း ကျွန်ုပ် ယူဆသောအချက်များသည် နိုင်သည်သာ များလေသည်” အစရှိသည်ဖြင့် ဘင်ဂျမင် ဖရန့်ကလင်က ပြောကြားဖူးလေသည်။ ။ . အရောင်းအဝယ်လုပ်ရာ၌ ဘင်ဂျမင်၏ နည်းသည် မည်သို့အသုံးကျ သည်ကို ကြည့်ကြရအောင် အောက်ပါ သာဓကနှစ်ခုကို ဖတ်လိုက်စမ်းပါ။

နယူးယော့မြို့ လစ်ဗာတီလမ်း တိုက်အမှတ် ၁၁၄ နေ မစ္စတာအက်ဖဂျေ မဟော်နီ” ဆိုသူသည် ရေနံလုပ်ငန်းအတွက် ကိရိယာတစ်မျိုးကို ရောင်းစားသူ ဖြစ်လေသည်။ တစ်နေ့သ၌ လောင်းအိုင်လန် – အရပ်ရှိ ရေနံကုန်သည်ကြီး တစ်ဦးထံမှ အမှာစာတစ်ခုကိုရ၏။ ထိုအမှာစာအတိုင်း နမူနာများကို ပြသ ပြီးနောက် သဘောကျသဖြင့် ထိုကိရိယာများကိုတပ်ဆင်၍ပင် အတော်အတန် ပြီးလေပြီ။ သို့ ရာတွင် ဝမ်းနည်းဖွယ်ရာ ကိစ္စတစ်ရပ်သည် ရုတ်တရက် ပေါ်ပေါက်လာလေသည်။ ဖြစ်ရပုံမှာ ဤသို့တည်း။ ။

အဆိုပါ ရေနံကုန်သည်ကြီးသည် မိမိ မှာထားသော ကိရိယာများ အကြောင်းနှင့် စပ်လျဉ်း၍ မိတ်ဆွေများနှင့် တိုင်ပင်ကြည့်ရာ ဒီဟာက တိုနေ တယ်၊ ဟိုဟာကြီးက သိပ်ရှည်နေပြီ၊ ဒါတွေဝယ်လိုက်တာ သိပ်မှားတာပဲ။ အစရှိသဖြင့် ထိုမိတ်ဆွေများက ဝိုင်း၍ အပြစ်ပြောကြ၏။ မိတ်ဆွေများ၏ပြောပြချက်အရ ထိုရေနံကုန်သည်ကြီးသည် စိတ်တိုလာပြီးလျှင် မှာထားတဲ့ ကုန်တွေ မလိုချင်တော့ဘူးဟူ၍ မစ္စတာမဟော်နီထံသို့ စကားပြောကြေးနန်း ဖြင့် ပြောကြား၏။ ၊ နောက်ထပ်ဘာဖြစ်ကြသည်ကို မစ္စတာမဟော်နီသည် အောက်ပါအတိုင်း ပြောပြ၏။ . . . ။

“ကျွန်ုပ်၏ ပစ္စည်းများကို အသေအချာ ထပ်မံစစ်ဆေးကြည့်ပြီးဖြစ်၍ ကျွန်ုပ်တို့ဘက်က ဘယ်နည်းနှင့်မျှ မမှားဘဲ ထိုရေနံကုန်သည်ကြီးနှင့် သူ၏ မိတ်ဆွေများသာလျှင် မှားသည့်အကြောင်းကို ကျွန်ုပ်သည် တပ်အပ်သေချာစွာ သိ၏၊ သို့ရာတွင် ကျွန်ုပ်သိသည့်အတိုင်း ပြောပြလိုက်လျှင် အတော်ဆိုးသွား လိမ့်မည်ဟု ကျွန်ုပ်တွေးမိ၏၊ ထို့ကြောင့် ထိုကုန်သည်ကြီးရှိရာ လောင်းအိုင်လန် သို့ ကျွန်ုပ်ကိုယ်တိုင် လိုက်သွား၏။ သူ၏ အလုပ်ခန်းထဲသို့ ကျွန်ုပ် ဝင်မိ သည်နှင့် တစ်ပြိုင်နက် သူသည်ထိုင်ရာမှ ခုန်၍ထပြီးလျှင် ကျွန်ုပ်ဆီသို့ စကားသွက်သွက်ပြောလျက် လျှောက်လာ၏။ ဒေါသ ကြီးလွန်းသဖြင့် သူ စကားပြောနေစဉ် သူ၏ လက်သီးကြီးသည် ကျွန်ုပ်၏ မျက်နှာရှေ့တွင် ဝဲလျက် ရှိပေ၏။

“ကျွန်ုပ်နှင့်တကွ ကျွန်ုပ်တို့ ပစ္စည်းများကို ရစရာမရှိအောင် ပြောပြီးနောက် “အဲဒီဟာတွေအတွက် ခင်ဗျား ဘယ့်နှယ်လုပ်မလဲ”ဟု ဒေါသနှင့် ကျွန်ုပ်အား မေး၏။ . ကျွန်ုပ်(လေအေးအေးဖြင့်) “ဒါတော့ ဦးသဘောကျ်သလိုသာ အမိန့်ရှိပါ၊ အမိန့်အတိုင်းလုပ်ရန် အသင့်ပါပဲ၊ ဦးက ဝယ်သူပါ၊ ဒီတော့ ဝယ်သူကြိုက်တာကို ရရမှာပေါ့၊ သို့ပေမယ့် ဒီလိုဆိုရင် တစ်ယောက်ယောက်က တာဝန် ခံရ လိမ့်မယ် ဦး၊ ဦးတို့ဟာ မှန်တယ်ထင်ရင် ဦးတို့ရဲ့ နမူနာကို ပေးပါ။ ပထမက ဦးမှာတဲ့အတိုင်း လုပ်ထားလိုက်လို့ ဒေါ်လာနှစ်ထောင်လောက် . ကုန်သွားပေမယ့်လဲ ကိစ္စမရှိပါဘူး ဖျက်ပစ်လိုက်တာပေါ့၊ ဦးသဘောကျကိုသာ ရမယ်ဆိုရင် ငွေ နှစ်ထောင်လောက်ဆုံးလို့ မနှမြောပါဘူး၊ သို့ပေမယ့် တစ်ခုတော့ – သတိပေးချင်တယ် ဦးရဲ့၊ ဦးအလိုရှိတဲ့အတိုင်း ကျွန်တော်တို့ ဆောက်ပေး ရမယ်ဆိုရင် ကောင်း မကောင်းကို ဦးတာဝန်ယူရလိမ့်မယ်။ ကျွန်တော်တို့ ယခုအတိုင်း မှန်တယ်လို့ထင်ပြီး စီစဉ်ထားတဲ့အတိုင်း ဆက်လုပ်ရမယ်ဆိုရင် ကျွန်တော်တို့ တာဝန်ယူမယ်။

“ထိုအချိန်သို့ရောက်သောအခါ ရေနံကုန်သည်ကြီးသည် စိတ်အတော် ပြောင်းသွားသည်ကို တွေ့ရလေသည်။ ထို့ကြောင့် “ကောင်းပြီ ဆက်လုပ်တော့၊ သို့ပေမယ့် မောင်ပြောတဲ့အတိုင်း မဟုတ်ရင်တော့ ဘုရားကိုသာ တနေပေတော့’ ဟု ကျွန်ုပ်ကို ပြောလိုက်၏။”

ကျွန်ုပ် ပြောသည့်အတိုင်း မှန်သဖြင့် ယခုနှစ်အတွက် ဒီလို အလုပ်မျိုး နောက်နှစ်ခု ထပ်၍ အမှာစာ ရခဲ့ပြီးလေပြီ။ ..

‘ထိုကုန်သည်ကြီးသည် သူ၏ လက်သီးကြီးကို ကျွန်ုပ်၏ မျက်နှာနားတွင် ဝဲ၍ ကိုယ့်အလုပ်ကို ကိုယ်နားမလည်သူဟု ကျွန်ုပ်အား စော်ကားနေစဉ် . သူ့ကိုပြန်၍ မငြင်းမိအောင် ကျွန်ုပ်၏ စိတ်ကို အတော်ကြီးချုပ်တည်း ထားရလေသည်။ စိတ်ကို အတော်ချုပ်တည်းရသည်မှာ မှန်၏၊ သို့ရာတွင် ထိုသို့ချုပ်တည်းထားသည့်အတွက် ကျွန်ုပ်၏ ကိစ္စမှာ ထမြောက်အောင်မြင်ခဲ့လေ သည်၊ အကယ်၍သာ သူမှားသည် ကျွန်ုပ်သာမှန်သည် အစရှိသဖြင့် သူနှင့် ပြန်၍ ငြင်းချက်ထုတ်နေလျှင် ရုံးရောက်ရခြင်း၊ စိတ်မကောင်းဖြစ်ရခြင်း၊ ငွေကုန်ရခြင်း ထို့ပြင် ဖောက်သည်ကောင်းတစ်ယောက် ဆုံးရှုံးရခြင်းစသော အပြစ်များ ပေါ်ပေါက်လာကောင်း လာပေလိမ့်မည်၊ အစစ်ပဲ၊ လူတစ်ယောက် အားမှားသည်ဟု စွပ်စွဲခြင်းသည် အကျိုးမရှိဟူ၍ ကျွန်ုပ်သည် စွဲစွဲမြဲမြဲကြီး ယုံကြည်၏”ဟု မစ္စတာမဟော်နီသည် ပြောပြဖူးလေသည်။

ဒုတိယ သက်သောသာဓကတစ်ခုကို ကြည့်ကြဦးစို့။ ဤသက်သေ သာဓကများသည် ထောင်သောင်းမကသောလူများ နေ့စဉ်နှင့်အမျှ တွေ့ကြုံ ရလျက်ရှိသော အဖြစ်အပျက်မျိုးပင် ဖြစ်ကြောင်းကို သတိရပါစေ။

အာ ဗီ ကရိုလီ” သည် နယူးယောက်မြို့ရှိ ဂါဒနာဒဗလျူ တေးလား သစ်ဆိုင် မှ သစ်ရောင်းသမားတစ်ဦးဖြစ်လေသည်။ အလွန်အပြောရခက်သော သစ်သား စစ်ဆေးသည့် အရာရှိများကို နှစ်ပေါင်းများစွာတိုင်အောင် မှားသည်ဟု စွပ်စွဲခဲ့ဖူးသည်ဟူ၍ ကရိုလီသည် ဝန်ခံခဲ့၏။ ဤသို့စွပ်စွဲခြင်း ငြင်းခုံကြရာ၌ ကရိုလီသာလျှင် အနိုင်ရခဲ့၏။ သို့ရာတွင် သစ်ကိုမူကား မရောင်းရချေး၊ အဘယ်ကြောင့်ဆိုသော် ထိုအရာရှိများသည် ဘေ့စဘောကစားပွဲ ဒိုင်လူကြီး များနှင့် တူသည်။ သူတို့တစ်ခါ ဆုံးဖြတ်ချက်ချပြီးနောက် နောက်ထပ်၍ မပြင်တော့ချေဟု ကရိုလီ ကိုယ်တိုင် ပြောပြ၏။

သူငြင်းခုံ၍ နိုင်သမျှ သူ့သစ်ဆိုင်သည် ဒေါ်လာထောင်ပေါင်းများစွာ ဆုံးရှုံးနေသည်ကို ကရိုလီသည် ကောင်းစွာသိလေသည်။ ထို့ကြောင့် ကျွန်ုပ် ထံတွင် ပေါင်းသင်း ဆက်ဆံနည်းကို လာရောက် သင်ကြားနေစဉ် သူ၏ ကိုယ်နှုတ် အမူအရာများကို ပြုပြင်ရန်သန္နိဋ္ဌာန်ချလိုက်၏။ ထိုအခါ ဘာဖြစ် သွားသလဲ။ အောက်ပါအတ္ထုပ္ပတ္တိသည် ကရိုလီကိုယ်တိုင် ကျွန်ုပ်၏ တပည့် များကို ပြန်၍ပြောသော စကားများမှ ဖြစ်လေသည်။ ။ ‘

‘တစ်မနက်ခင်းတွင် ကျွန်ုပ်၏ အလုပ်ခန်းအတွင်းရှိ စကားပြောကြေးနန်း၏ ခေါင်းလောင်းသံသည် မြည်လျက်ရှိ၏။ ကျွန်ုပ်ထံသို့ စကား ပြောသောသူမှာ အလွန်စိတ်တိုနေဟန် လက္ခဏာရှိလေသည်။ ကျွန်ုပ်တို့ ပို့လိုက်သော ကားတစ်စီးစာသစ်များအနက် လေးပုံ တစ်ပုံလောက်ကိုသာအောက်သို့ချပြီးမှ ထိုသူ၏ သစ်စစ်ဆေးရေးအရာရှိက သစ်များသည် စံချိန်ထက် ၅၅ ရာခိုင်နှုန်းခန့် အောက်ကျနေသည်ဟု အစီရင်ခံသောကြောင့် ကားထဲတွင် ‘ ကျန်သော သစ်များကို ဆက်လက် မချတော့ဘဲ ချပြီးသား သစ်များကိုပင် ပြန်ယူသွားရန် စကားပြော ကြေးနန်းဖြင့် ပြောခြင်းဖြစ်လေသည်။

“ထိုစကားကို ကြားရလျှင်ကြားခြင်း ထိုသူ့ထံသို့ ကျွန်ုပ်ကိုယ်တိုင် အလျင်အမြန်လိုက်သွားလေသည်။ လမ်းတစ်လျောက်တွင် ကျွန်ုပ်၏ ကိစ္စကို ချောချောမောမော ဖြစ်သွားအောင် ဘယ်လို လုပ်ရပါမလဲဟု စဉ်းစားသွား၏။ ရှေးအခါက ဤလို ကိစ္စမျိုးနှင့် တွေ့ကြုံလျှင် သစ်တိုင်းရာ၌ အသုံးပြုသည့် ဥပဒေများကို တွင်တွင်ကြီးရွတ်ပြီးလျှင် ကျွန်ုပ်ကိုယ်တိုင် သစ်စစ်ဆေးသော အရာရှိ လုပ်ခဲ့ဖူးသဖြင့် ပို့လိုက်သော သစ်များသည် ပေမှီသောသစ်များ ဖြစ်ကြသည်ကို ကောင်းစွာ သိရှိကြောင်း၊ ထို့ပြင်လည်း ကျွန်ုပ်၏ သစ်များကို ပေ မမှီဟူ၍ ပြောသော အရာရှိသည် သစ်ဥပဒေကို ကောင်းစွာ မကျွမ်းကျင်သေးကြောင်း အစရှိသည်တို့ကိုလည်း ပြောပြဦးမည်ဖြစ်၏။ သို့ရာတွင် ကျွန်ုပ် သင်ထားသော မိတ္တဗလဋီကာကို ထိုကိစ္စတွင် အသုံးပြုဦးမှပဲဟု စဉ်းစားမိ လေသည်။

“ကျွန်ုပ် ရောက်လာသောအခါ သစ်ကုန်သည်နှင့် သစ်စစ်ဆေးသော အရာရှိတို့သည် အလွန်စိတ်တိုနေ၍ ကျွန်ုပ်အား ဝိုင်းတွယ်လိုသော လက္ခဏာများ ပြလျက်ရှိကြသည်။ ကျွန်ုပ်တို့သည် သစ်တင်သော မော်တော်ကားရှိရာသို့ ရောက်ကြသောအခါ “ကဲ ပြီးတော့မှပဲ စကား ပြောကြရအောင်၊ မော်တော် ကားထဲက သစ်တွေကို အကုန်အောက်ကို ချပါဦး”ဟု ကျွန်ုပ်က တောင်းပန်၏။ မော်တော်ကားထဲမှ သစ်များကို အောက်သို့ချနေစဉ် မကြိုက်သောသစ်များကို ဘေးဖယ်ထားရန် သစ်တိုင်း အရာရှိကို ကျွန်ုပ်က ထပ်၍ တောင်းပန်ပြန်၏။

“သူ ဖယ်ထားသော သစ်များကို ကြည့်လိုက်သောအခါ သူ၏ စစ်ဆေးခြင်းမှာ သေချာလွန်းရုံသာမက သစ်ဥပဒေကို အဓိပ္ပာယ်အလွဲ ကောက်ထားမှန်းကို ကျွန်ုပ် တွေ့ရ၏။ ကျွန်ုပ်တို့ပို့လိုက်သောသစ်သည် ထင်းရှူးဖြူသားဖြစ်၍ သစ်အရာရှိသည် ထိုကဲ့သို့ သစ်ပွမျိုးတွင် မကျွမ်းကျင်ဘဲ သစ်မာမျိုးကိုသာ ကောင်းစွာသင်ကြားခဲ့ဖူးသည်ကို တွေ့ရပြန်၏။ သစ်ပွဲတွင် မူကား ကျွန်ုပ်သည် အတော်ကျွမ်းကျင်ပြီးသားဖြစ်သဖြင့် သစ်အရာရှိ မှားနေ

ကြောင်းကို ကျွန်ုပ်သည် ကောင်းစွာ သိသော်လည်း သူ့အား မှားသည်ဟု ကျွန်ုပ် ပြောမိသလား၊ မပြောမိပါ။ သူ လုပ်နေသမျှကိုသာ စောင့်ကြည့်နေပြီးလျှင် ဒီဘေးဖယ်ထားတဲ့ သစ်တွေမှာ ဘာကိုသဘောမကျတာ ရှိလို့လဲ စသည့် မေးခွန်း အတိုအထွာကလေးများကိုသာ သူ့အား မေးပါသည်။ ထိုသို့ မေးသည့် အခါတွင် “ခင်ဗျား မှားနေသည်”ဟူသော လေမျိုးနှင့်မမေးပါ။ ဤသို့ မေးရ ခြင်းသည် အခြားကြောင့်မဟုတ်ပါ။ နောက်နောင် သစ်များကို ပို့သောအခါ သူတို့မကြိုက်သည့် သစ်မျိုးကို ဖယ်ပြီးလျှင် ကြိုက်သည့် သစ်မျိုးကိုသာ ရွေးချယ်ပြီး ပို့နိုင်စေခြင်းငှာ ဤသို့မေးရခြင်း ဖြစ်ကြောင်း ကို အလေးဂရုပြု၍ ပြောပါသည်။ . . မေးခွန်းများမေးရာ၌ ခက်ထန်မာကျောစွာမမေးဘဲ ခင်ခင်မင်မင် ရင်းရင်းနှီးနှီး မေးမြန်းရုံသာမက သူတို့လုပ်ငန်းနှင့် မသင့်သော သစ်များကို ဤကဲ့သို့ဖယ်ထားခြင်းမှာ လမ်းမှန်ကျကြောင်းကို စကားပြောရင်း အခွင့်အခါ ရတိုင်း ကြားချပ်၍ ပြောပြခဲ့ပါသည်။ အတော်ကလေး စကားလက်ဆုံကျလာ သောအခါ ကျွန်ုပ်ရောက်စက တွေ့ရသော ခက်ထန်မာကျောသည့် စိတ်ထားများ သည် လွင့်စင်သွားပါတော့သည်။ ထိုမျှမကသေး ချက်ကောင်းရတိုင်း မိလောက် သည့် စကားကလေးများကိုလည်း သွင်း၍ပေးလေရာ “ဒီသစ်တွေဟာ တို့မှာတဲ့ နမူနာထက်တော့ ညံ့မှာမဟုတ်ဘူး။ တို့အလုပ်မှာ သုံးနိုင်ဖို့သစ်ကို အလိုရှိရင်တော့ တို့ပေးတဲ့ နမူနာထက် ပိုကောင်းတဲ့ သစ်တွေကို တို့မှာဖို့ကောင်းတာပဲ” စသော စိတ်ဓာတ်တို့သည် ထိုသစ်စစ်ဆေးရေး အရာရှိ၏ ရင်တွင်းတွင် တဖွားဖွား ပေါ်ပေါက်လာစေ၏။ ထိုစိတ်ဓာတ်များ ပေါ်ပေါက်လာအောင် ကျွန်ုပ်က လှုံ့ဆော်ပေးနေသည်ဟူ၍ မဖြစ်ရလေအောင် ကျွန်ုပ်သည် အလွန် သတိထားရပါသည်။

“ကျွန်ုပ်နှင့်ဆက်ဆံရာ၌ သူ၏ ကိုယ်နှုတ်အမူအရာသည် တဖြည်း ဖြည်း ပြောင်းလဲလာ၏။ နောက်ဆုံး၌ ထင်းရှူးဖြူသားအကြောင်းကို သူသည် ကောင်းစွာ နားမလည်ကြောင်း ဝန်ခံပြီးလျှင် မော်တော်ကား ပေါ်မှ ချနေစဉ် ထိုအသားတို့၏ အကြောင်းကို ကျွန်ုပ်ထံမှ မေးမြန်းလျက် ရှိ၏။ သူတို့ မှာသောနမူနာနှင့် ယခုသစ်များသည် အဘယ်ကြောင့် အတူတူဖြစ်သည့် အကြောင်းများကို ကျွန်ုပ်ကလည်း တစ်ခုစီ ရှင်းပြ၏။ သို့ရာတွင် သူတို့၏ လုပ်ငန်းနှင့် ယခုသစ်များသည် မသင့်လျော်လျှင် ယူဖို့မလိုကြောင်းကိုလည်း ကျွန်ုပ်က ထပ်ခါတလဲလဲ ́

ပြောကြားလျက် ရှိ၏။ နောက်ဆုံး၌ သူသည် အတော် သဘောပေါက်သွားပြီးလျှင် သစ်များကို ညံ့သည်ဟူ၍ ဘေးဖယ်ထားရ မည်ကိုပင် လိပ်ပြာလန့်လျက် ရှိလာ၏။ .

“သို့ဖြစ်သောကြောင့် ကျွန်ုပ်သည် ကျွန်ုပ်သက်ဆိုင်သို့ ပြန်လာသော အခါ ထိုအရာရှိသည် သစ်များအားလုံးကို တစ်ဖန်ပြန်လှန်စစ်ဆေးပြီးလျှင် ထိုသစ်တို့ကိုလက်ခံ၍ ကျွန်ုပ်တို့အား ငွေအပြေဆပ်လေသည်။

. “ဤကိစ္စ တစ်ခုတည်း၌ပင် အနည်းငယ်အလိုလိုက်ပြီးလျှင် တစ်ဘက် သားကို မှားသည်ဟု မစွပ်စွဲမိအောင် မိမိနှုတ်ကို ထိန်းသိမ်းနိုင် သောကြောင့် ကျွန်ုပ်၏ ကုမ္ပဏီတွင် ဒေါ်လာဒင်္ဂါး ၁၅၀ လောက် အကျိုးရှိလိုက်သည်။ ထိုမျှမကသေး။ ဖောက်သည်တစ်ဦးနှင့် ဤသို့ မိတ်မပျက်ရသည့် အတွက် ကုမ္ပဏီတွင်လည်း နာမည်ကောင်းလာသည်မှာ အဖိုးဖြတ်၍ မရနိုင်အောင် ရှိမည်ဖြစ်၏။

. ဒါနှင့် စကားမစပ်ပြောရဦးမည်။ ဤအခန်းတွင်ကျွန်ုပ်ရေးခဲ့သမျှသော အကြံဉာဏ်များသည် ယခုမှ ပေါ်ကြသော အသစ်အဆန်းများ မဟုတ်။ နှစ်ပေါင်း ၁၉ဝဝ ကျော်လောက်က ယေရှု” ကိုယ်တိုင်က “သင်၏ ရန်သူနှင့် လျင်မြန်စွာ သဘောညီညွတ်နိုင်ပါစေ” ဟု ပြောခဲ့ပြီးလေပြီ။

တစ်နည်းထပ်၍ ပြောရဦးမည်ဆိုလျှင် သင်၏ ဖောက်သည်ဖြစ်စေ၊ သို့မဟုတ် သင်၏ ယောက်ျားဖြစ်စေ၊ သို့မဟုတ် သင်၏ ရန်သူနှင့်ဖြစ်စေ မည်သူနှင့်မဆို ငြင်းခုံခြင်း မပြုပါနှင့်။ သူတို့ကို မှားသည်ဟု ဆိုခြင်းဖြင့် သူတို့၏ စိတ်ကို ဆွမပေးပါနှင့်။ ပရိယာယ်ကလေးကို သုံးပေးပါလေ။

ယေရှုခရစ် မမွေးမီ နှစ်ပေါင်း ၂၂ဝဝ လောက်ကလည်း အီဂျစ် ပြည်၏ ရှင်ဘုရင်ကြီး အက်ရှိုင်းသည် သူ၏ သားတော်ကို အလွန်ကောင်း သော အကြံတစ်ခုပေးခဲ့ဖူးလေသည်။ ထိုအကြံမျိုးသည် ယခုအခါတွင် များစွာ လိုလျက်ရှိလေသည်။ တစ်ညနေစောင်းအချိန်တွင် အဖျော်ယမကာသောက်ရင်း “ ငါ့သား ပရိယာယ်ရှိပါစေ ဤသို့ရှိခြင်းဖြင့် ငါ့သား၏ အကြံသည် အောင်လိမ့် မည်”ဟု အက်ဘွိုင်း ဘုရင်ကြီးသည် သူ၏သားတော်ကို ပြောကြား ခဲ့ဖူး၏။

ထို့ကြောင့် တစ်ဖက်သားကို အဒေါ့ဘက်သို့ ပါအောင် ဆွဲချင်လျှင် ဥပဒေသ အမှတ် ၂ သည် ။

တစ်ဖက်သား၏ အယူအဆကို အလေးဂရုပြုပါ။ လူတစ်ဦးတစ်ယောက် ‘ အား မှားသည်ဟု ဘယ်အခါမျှ မပြောလေနှင့်