မိတ္တဗလဋီကာ

အခန်း ၄ သဘောပေါက်အောင် လုပ်ရန်နည်း

သင်သည် ဒေါသထွက်သောအခါ တစ်ဖက်သားအား သင်ပြောလိုသမျှ အရာ များကို ပြောလိုက်ရလျှင် သင့်မှာမူကား စိတ်ပြေသွားမည် အမှန်ဖြစ်၏။ သို့ရာတွင် အပြောခံရသူတွင် ဘယ့်နှယ်နေပါမည်နည်း။ သင်ကျေနပ်သကဲ့သို့ ကျေနပ်နိုင်ပါမည်လား။ ဒေါသနှင့်ပြောသော သင်၏ အသံနှင့် ဒေါသနှင့်ကြည့် သော သင်၏ မျက်နှာထားတို့ကြောင့် ထိုလူသည် သင့်ဘက်သို့ပါလိမ့်မည်လား။

သင်သည် သင်၏ လက်သီးကို ဆုပ်၍ ကျွန်ုပ်ထံသို့လာလျှင် ကျွန်ုပ် ကလည်း သင့်လို လက်သီးဆုပ်ရန် အဆင်သင့်ပဲ။ သို့ရာတွင် သင်သည် ကျွန်ုပ်ထံသို့လာ၍ သည်ကိစ္စကို ကျုပ်တို့ အတူတူထိုင်ပြီး စဉ်းစားကြရအောင်။ စဉ်းစားလို့ သဘောချင်း ကွဲလွဲကျရင်လဲ ဘာကြောင့် သဘောကွဲလွဲရတယ်။ သဘောကွဲလွဲတဲ့ အချက်တွေဟာ ဘာတွေဆိုတာကို ကျုပ်တို့ ကောင်းစွာ သိရမှာပဲဟု ပြောပြလျှင် ကျွန်ုပ်တို့သည် တစ်ဦးနှင့်တစ်ဦး နီးစပ်ဖို့ရာ သိပ်မဝေးတော့သည်ကို တွေ့ရမည်ဖြစ်၏။ ထို့ပြင်လည်း ကျွန်ုပ်တို့ သဘော ကွဲလွဲသော အချက်များက နည်း၍ သဘောတူညီသောအချက်က များကြောင်း ကိုလည်း တွေ့ရမည့်အပြင် ကျွန်တို့မှာသာ တစ်ဦးနှင့်တစ်ဦး ညီညွတ်လိုသော ဆန္ဒနှင့် ဇွဲရှိပါလျှင် ကျွန်ုပ်တို့သည် ညီညွတ်ကြတော့မည့်အကြောင်းကိုလည်း တွေ့ရဦးမည်ဖြစ်၏ ဟူ၍ ဗုဒရိုး ဝီလဆင် ” က ပြောပြဖူး၏။ , ဝီလဆင်၏ စကားကို ဂျွန်ဒီရော့ဖဲလား (အငယ်) ထက်ပို၍ နားထောင် သောသူ ရှိမည်မဟုတ်ပေ။ ၁၉၁၅ ခုနှစ်လောက်က ကော်လိုရာဒို * နယ်တွင် ရော့ဖဲလားထက်ပို၍ အမုန်းခံရသောသူ မရှိပေး အမေရိကန်ပြည်၏ အလုပ်သမားများ သမိုင်းတွင် အလွန်တရာ ကြောက်မက်ဖွယ်ကောင်းသော သပိတ်ကိစ္စ ကြီးသည် ထိုနယ်တွင် ဖြစ်ပေါ်နေသည်မှာ နှစ်နှစ်မျှ ကြာလေပြီ။ အကြမ်းဖက်ချင်သော အလုပ်သမားများသည် “ကော်လိုရာဒို မီးသွေးနှင့် သံကုမ္ပဏီ””မှ လခကို ပို၍ တောင်းလျက်ရှိကြ၏။ ထိုကုမ္ပဏီကို ရော့ဖဲလား သည် အုပ်ချုပ်လျက် ရှိလေသည်။ အလုပ်သမားများသည် အလုပ်ရုံများကို ဖျက်ဆီးပစ်သဖြင့် စစ်တပ်များကို ခေါ်၍ နှိမ်နင်းရသည့်အတွက် အလုပ်သမား များစွာတို့မှာ သေကြေပျက်စီးကြရ၏။ ။

ဤကဲ့သို့ အလုပ်သမားနှင့် ဓနရှင်တို့သည် တစ်ဖက်နှင့်တစ်ဖက် မုန်းတီးသော စိတ်ဓာတ်များ လျှံကျနေသည့်အချိန်တွင် ရော့ဖဲလားသည် အလုပ်သမားများကို သူ့ဘက်သို့ ပါအောင် ဆွဲလိုသော ဆန္ဒ ရှိ၏။ ထိုဆန္ဒ ရှိသည့်အတိုင်း သူသည် ကြိုးစား၏။ မည်ကဲ့သို့ ကြိုးစားပါသနည်း။ ဤသို့ ပင်တည်း။

ရော့ဖဲလားသည် အလုပ်သမားများနှင့် ခင်ခင်မင်မင် ရင်းရင်းနှီးနှီး ဖြစ်အောင် ရက်သတ္တပတ်ပေါင်းများစွာ ပေါင်းသင်းဆက်ဆံပြီးနောက် အလုပ် သမား ခေါင်းဆောင်များနှင့် တွေ့ဆုံရန် ရက်ချိန်းလေသည်။ ထိုသူတို့နှင့် တွေ့သော အခါတွင် သူ ပြောသော စကားသည် စံတင်လောက်ပေသည်။ ထိုစကားကို ပြောပြီးနောက် အံ့သြဖွယ်ကောင်းလောက်အောင် ကိစ္စများသည် ပြီးမြောက်လေသည်။ ရော့ဖဲလားကို နစ်မွန်းပျက်စီးအောင် ဖန်တီးနေသော အမုန်းဓာတ် လှိုင်းဂယက်ကြီးသည် ငြိမ်သက်၍ သွားလေသည်။ ထိုစကားကို ကြားရပြီးနောက် သူ့ကို ချစ်ခင်သူကြည်ညိုသူများ အလွန်ပေါများလာလေသည်။ ပြောရန်ရှိသော စကားများကို ရင်းရင်းနှီးနှီး သာယာခြင်စွာ ပြောသောကြောင့် အလုပ်သမားတို့သည် အလွန်ကျေနပ်ကြပြီးလျှင် သူတို့ကိုယ်တိုင် ပြင်းပြင်း ထန်ထန် တောင်းဆိုခဲ့သော လခတိုးပေးရန်ကိစ္စကို နောက်ထပ်မပြောတော့ဘဲ အလုပ် ပြန်ဆင်းကြလေသည်။

သူ၏ စကားစပုံကို ကြည့်ပါ။ မည်မျှ သာယာခြင်သော စကားလုံးတို့ဖြင့် . တန်ဆာဆင်ထားပါသနည်း။ .

ရော့လား ́ စကားပြောနေသောသူများသည် အခြားမဟုတ်။ ရက် အနည်းငယ်ခန့်က သူ့ကို သစ်ပင်တစ်ပင်တွင် ကြိုးဆွဲချ၍ သတ်ချင်သော အလုပ်သမားများဖြစ်ကြောင်း သူ၏ စကားကိုဖတ်ရင်း သင်သည် သတိရပါစေ။ ဆင်းရဲသား ဝန်ထမ်း ဆေးဆရာများ” နှင့် တွေ့ဆုံ စကားပြောရာ၌ပင်လျှင် ထိုအခါက အလုပ်သမားများကို ပြောစဉ်ကလောက် သူသည် ခန့်ညားတည်ကြည် ၍ ဖော်ရွေခြင်းရှိမည် မဟုတ်ပေ။ သူ၏ စကားထဲတွင် “ဤသို့ လာရောက် ပြောဆိုရခြင်းကို ဂုဏ်ယူပါသည်” “အဆွေတို့၏ အိမ်များကို အလည်အပတ် ရောက်ရှိပြီးနောက်” “အဆွေတို့၏ သားမယားများနှင့် ကလေးများကိုပါ တွေ့ခဲ့ရသဖြင့် ကျွန်ုပ်တို့ ယခုတွေ့ ရသည်မှာ သူစိမ်းအဖြစ်နှင့် တွေ့ရခြင်း မဟုတ်ပါ” “မိတ်ဆွေရင်းချာများ’ အဖြစ်ဖြင့်သာ တွေ့ကြရခြင်း ဖြစ်ပါသည်။ နှစ်ဦးနှစ်ဖက်စလုံးက “ခင်မင်ရင်းနှီးသော စိတ်ဓာတ်များ” “ကျုပ်တို့ ခင်ဗျားတို့ နှစ်ဦးစလုံး၏ အကျိုးအတွက်” အဆွေတို့၏ ထောက်ထားညှာတာစွာနှင့် ခွင့်ပြုချက်ကြောင့်သာလျှင် ဤနေရာသို့ ကျုပ် ရောက်ရပါသည် အစရှိသော စကားလုံးများကို ဆီလျော်သည့်နေရာတွင် ကြည့်၍ ထည့်သွားလေသည်။

ရော့ဖဲလားသည် သူ၏ စကားကို အောက်ပါအတိုင်းစ၍ ပြောကြား၏။ “ကျုပ်တစ်သက်မှာဖြင့် ယနေ့ဟာ အပျော်ဆုံး နေ့ထူးနေ့မြတ်ကြီးပါပဲ။ ကျုပ် ကုမ္ပဏီကြီး၏ အလုပ်သမားကိုယ်စားလှယ်များ ကုမ္ပဏီအရာရှိများနှင့် ကုမ္ပဏီ၏ ရုံးအုပ်များအား ယခုလို တစ်ပေါင်းတစ်စည်းတည်း တွေ့ဆုံရသော အခွင့်အလမ်းကို ကုသိုလ်ထောက်မ၍ ရရှိခြင်းသည် ဤအကြိမ်ဟာ ပထမပါပဲ။ ဤကဲ့သို့ လာရောက်ရသည့်အတွက် အထူး ဂုဏ်ယူကြောင်းကိုလည်း ကျပ် သစ္စာဆိုပါတယ်၊ ဤသို့ တွေ့ရခြင်းလည်း ကျုပ် အသက်ရှင်နေသရွေ့ မေ့နိုင်တော့မည် မဟုတ်ပါ၊ ယခု အစည်းအဝေးကို တနင်္ဂနွေ နှစ်ပတ်လောက် တုန်းကသာ ကျင်းပခဲ့ပါလျှင် အဆွေတို့အထဲမှ လူအနည်းငယ်လောက်ကိုသာ ကျုပ် သိပြီးလျှင် `အဆွေတို့ရဲ့ အလယ်မှာ ကျုပ်ဟာ သူစိမ်းပြင်ပြင် ဖြစ်နေ တော့မှာပဲ၊ တောင်ဘက်ပိုင်းရှိ ကျောက်မီးသွေးတွင်းများကို တူးနေကြသော အလုပ်သမားများ၏ အိမ်များအားလုံးကို လှည့်လည်ကြည့်ရှုပြီးနောက် တခြား သို့ သွားရောက်နေကြသော အလုပ်သမား ခေါင်းဆောင်များမှလွဲ၍ ကျန်ရှိသော ခေါင်းဆောင်အားလုံးနှင့် လွန်ခဲ့သော တနင်္ဂနွေအပတ်က ကိုယ်တိုင်နှီးနှော ခဲ့ရသည့်ပြင် အဆွေတို့၏ သားမယားများနှင့် ကလေးများကိုပါ တွေ့ဆုံခဲ့ရသော

ကြောင့် ယခုတစ်ကြိမ်ပြန်တွေ့ရာ၌ ကျုပ်တို့သည် သူစိမ်းတစ်ရံစာများကဲ့သို့ မဟုတ်ဘဲ မိတ်ဆွေရင်းချာများကဲ့သို့ တွေ့ရှိရပါတယ်။ ယခုကဲ့သို့ နှစ်ဦး နှစ်ဖက်စလုံး ခင်မင်ရင်းနှီးနေကြသော စိတ်ဓာတ်များ တက်ကြွနေသည့် အခါမျိုးတွင် ကျုပ်တို့နှင့် အဆွေတို့ နှစ်ဦးစလုံး အကျိုးရှိစေ့မည့် ပြဿနာများကို တွေ့ဆုံ ဆွေးနွေးရန် အခွင့်အလမ်း ရသည့်အတွက် ကျပ် အများကြီး ဝမ်းသာပါတယ်။

. “ကျုပ်ဟာ ကုမ္ပဏီ၏ အရာရှိလည်း မဟုတ်၊ အလုပ်သမားများ၏ ကိုယ်စားလှယ်လည်း မဟုတ်သည့်အတွက် အရာရှိများနှင့် ကိုယ်စားလှယ်များ ဆွေးနွေးရာဖြစ်သော ဤအစည်းအဝေးသို့ ယခုလို တက်ရောက်ခွင့် ရရှိခြင်းမှာ အဆွေတို့၏ ထောက်ထားညှာတာစွာ ခွင့်ပြုချက်အရသာလျှင် ဖြစ်ပါတယ်၊ ကျုပ်ဟာ အရာရှိလည်း မဟုတ်၊ ကိုယ်စားလှယ်လည်း မဟုတ်ငြားသော်လည်း ကုမ္ပဏီ၏ အစုရှင်များနှင့် ဒါရိုက်တာ” လူကြီးများ၏ ကိုယ်စားလှယ်ဖြစ်သော ကြောင့် အဆွေတို့၏အကျိုးနှင့် ကျုပ်၏အကျိုးသည် တိုက်ရိုက် ဆက်သွယ် လျက် ရှိပါတယ်”

ရန်သူများကို မိတ်ဆွေ ဖြစ်လာအောင် လုပ်ရာ၌ ဤလို စကားမျိုးကို စံနမူနာတင်ရန် မကောင်းပေဘူးလား။

အကယ်၍ ‘ရော့ဖဲလားသည် ယခုကဲ့သို့ မပြောဘဲ အခြားနည်းနှင့် ပြောသည်ဟု ဆိုကြပါစို့။ ဥဒါဟရုဏ်၊ သူသည် သတ္တုတွင်းတူးသမားများနှင့် အငြင်းအခုံလုပ်ပြီးလျှင် ဝမ်းထဲရှိသမျှ ဖွင့်၍ ချလိုက်သည်ဟု ဆိုကြပါစို့။ သူ၏ လေယူလေသိမ်းဖြင့် လည်းကောင်း၊ နိမိတ်ပြ စကားလုံးများဖြင့် လည်းကောင်း အလုပ်သမားများအား သူတို့၏ တောင်းဆိုချက်သည် မှားသည် ဟူ၍ စွပ်စွဲပြောဆိုသည်ဟု ဆိုကြပါစို့။ သို့မဟုတ် အခြားသော အကိုးအကား အမျိုးမျိုးဖြင့် အလုပ်သမားသာလျှင် မှားသည်ဟူသော စကားများကို ရော့ဖဲလား သည် ပြောကြားသည်ဟု ဆိုကြပါစို့။ ထိုနည်းကို အသုံးပြုလျှင် မည်ကဲ့သို့ – ဖြစ်မည်နည်း။ အလုပ်သမားများသည် ပို၍ ဒေါသဖြစ်လာလိမ့်မည်။ သူ့ အပေါ်တွင် ပို၍ အမုန်းကြီး မုန်းလာကြလိမ့်မည်။ ထို့ကြောင့် သူ့ကို ပို၍ ပုန်ကန်ကြပေလိမ့်မည်။ ‘ တစ်စုံတစ်ယောက်သောသူသည် သင်နှင့်သဘောမမျှ၍ သင့်အပေါ်တွင် မေတ္တာပျက်နေပါလျှင် ခရစ်ယာန်အယူဝါဒ ပျံ့နှံ့နေသော အရပ်များ အားလုံးတွင် ရှိသည့် ကျမ်းအစောင်စောင်ကို ကိုးကားပြသော်လည်း သင့်ဘက်သို့ ပါမည် မဟုတ်ပေ။ လူတို့သည် မိမိစွဲလမ်းလျက်ရှိသော အယူဝါဒများကို မပြောင်းလဲ ချင်ကြောင်းကို အကြိမ်းသန်သော မိဘများ၊ နိုင်ထက်စီးနင်းလုပ်လိုသော အထက်အရာရှိကြီးများနှင့် လင်ယောက်ျားများ၊ နားပူနားဆာ လုပ်တတ်သော မိန်းမများသည် ကောင်းစွာ သတိချပ်အပ်ကြပေသည်။ ။

တစ်ဖက်သားကို အတင်းအကျပ် နိုင်ထက်စီးနင်း စေခိုင်းခြင်း အားဖြင့် သူသည် သူ့ အယူအဆကို စွန့်မည်မဟုတ်။ သို့ရာတွင် ကျွန်ုပ်တို့သည် ချိုချို သာသာ ရင်းရင်းနှီးနှီး ဆက်ဆံပါလျှင် ကျွန်ုပ်တို့ အလိုသို့ လိုက်လျောလိုသော စိတ်ထားများ တစ်ဖက်သားတွင် ပေါ်လာကောင်း ပေါ်လာပေမည်။

နှစ်ပေါင်းတစ်ရာလောက်က လင်ကွန်းသည် အထက်အဓိပ္ပာယ်မျိုးပါ သော စကားကို ပြောခဲ့ဖူးလေသည်။ ပြောသည့်စကားမှာ အောက်ပါအတိုင်း ဖြစ်၏။

“ပျားရည်တစ်စက်သည် မုတ်ခါးရည်တစ်ဂါလံထက် ယင်ကောင်များကို ပို၍ ဖမ်းနိုင်သည်” ဟူသော စကားပုံမှာ ရှေးကျ၍ မှန်လေသည်။ လူ့အရေး ကိစ္စတွင်လည်း လူတစ်ယောက်ကို သင့်ဘက်သို့ပါအောင်ဆွဲချင်လျှင် သင်သည် သူ၏ မိတ်ဆွေစစ်ဖြစ်ကြောင်း သဘောပေါက်အောင် သူ့အား ရှေးဦးစွာ ပြောပြရလိမ့်မည်။

| သင်၏ စကားထဲတွင် သူ၏ အသည်းကို စွဲသွားအောင် လုပ်နိုင်သည့် ပျားရည်တစ်စက် ပါပေမည်။ မည်သို့ဆိုစေ ပျားရည်တစ်စက်သည် သင့်ဘက်သို့ ပါအောင် ဆွဲရာ၌ အလွန် အရေးပါမည်ဖြစ်၏။

ခင်မင်ရင်းနှီးစွာ ပေါင်းသင်းဆက်ဆံခြင်းသည် အကျိုးရှိမှန်းကို ဓနရှင်ကြီး . များသည် ကောင်းစွာ သိရှိကြလေသည်။ သာဓက တစ်ခုကို ပြပါအံ့။

လှိုက်မော်တာ ကုမ္ပဏီတွင်အလုပ်လုပ်နေသော အလုပ်သမား ၂,၅ဝဝ တို့သည် လခတိုးပေးရန်နှင့်အလုပ်သမား အသင်းဆိုင်တစ်ခုကို ဖွင့်ပေးရန် အတွက် အလုပ်ရပ်စဲကြသောအခါ ထိုကုမ္ပဏီ၏ မန်နေဂျာလူကြီး ဖြစ်သော ရောဘတ်အက်ဖ်ဘလက် ” သည် အလုပ်သမားများကို ဒေါသ ဖြစ်ခြင်း၊ ကြိမ်းမောင်းခြင်း၊ ခြိမ်းခြောက်ခြင်း၊ ကွန်မြူနစ်များဖြစ်ကြသည်ဟု စွပ်စွဲခြင်း – စသော ကိစ္စများကို မပြုလုပ်ချေး၊ ဤသို့မလုပ်ရုံသာမက အလုပ်သမားများကိုပင် ချီးကျူးခဲ့သေး၏။ အလုပ်သမားများ၏ စည်းကမ်းသေဝပ်စွာ သပိတ်မှောက်ခြင်း ကို ချီးကျူးထားသည့် ဆောင်းပါးများကို ကလီးဗလန်” သတင်းစာများတွင် ပိုက်ဆံအကုန်အကျခံ၍ ကြော်ငြာပေး၏။ သပိတ်တားသမားများ ပျင်းနေမည် စိုး၍ ဘေ့စဘောကစားသည့် ဘက်တံ ၂၄ ချောင်းနှင့် လက်အိတ်များကို မန်နေဂျာကိုယ်တိုင် ဝယ်ပေးပြီးလျှင် ကုမ္ပဏီပိုင်သည့် မြေရာလပ်များတွင် လာရောက်၍ ကစားကြရန် အလုပ်သမားများကို ဖိတ်ကြား၏။

“ကရိကတ် ” ၏ဘောလုံးရိုက်ကစားလိုသော အလုပ်သမားများအတွက် ကစားရန် ကွင်းတစ်ခု ကိုပင် ငှားပေးသေး၏။

ဤကဲ့သို့ မန်နေဂျာကိုယ်တိုင်က ခင်မင်သောစိတ်ထားများကိုပြလိုက်ရာ တစ်ဦးမေတ္တာ တစ်ဦးမှာဆိုသကဲ့သို့ အလုပ်သမားများဘက်မှလည်း ခင်မင်သော စိတ်ဓာတ်များ ပြလာကြ၏။ ထို့ကြောင့်အလုပ်သမားတို့သည် တံမြက်စည်းများ၊ တူရွင်းငန်းပြားများ၊ အမှိုက်လှည်းများကို ငှားပြီးလျှင် အလုပ်ရုံပတ်လည်တွင် ပွနေသော မီးခြစ်ဆံများ၊ စက္ကူစများ ဆေးလိပ်တိုများကို ကျုံးပစ်ကြ၏။ စဉ်းစားသာကြည့်ကြပေတော့၊ လခများတိုးပေးရန်နှင့် အလုပ်သမား အသင်းဆိုင် တစ်ဆိုင် တည်ထောင်ပေးရန်အတွက် ဓနရှင်တို့နှင့် အပြင်းအထန် တိုက်ပွဲဆင် နေသော အလုပ်သမားများသည် ကုမ္ပဏီပိုင် မြေကြီးပေါ်တွင်ရှိသော အမှိုက် သရိုက်များကို ကျုံးပစ်နေခြင်းကိုသာ တွေးကြည့်ပါတော့။ အမေရိကန်ပြည်၏ သပိတ်မှောက်သမိုင်းတွင် ဤအဖြစ်မျိုးကို တစ်ခါဖူးမျှ မကြုံတွေ့ခဲ့ဘူးချေ။ ထိုသပိတ်ကိစ္စသည်လည်း တစ်ဖက်နှင့် တစ်ဖက် စိတ်နာကြည်းခြင်း၊ အမျက် ထွက်ခြင်း မဖြစ်ရဘဲ ကျေကျေအေးအေးနှင့် တနင်္ဂနွေ တစ်ပတ်အတွင်း ပြီးဆုံးသွားလေသည်။ ။

‘ ဒယ်နီယယ် ဝက်ဘ်စတာသည် အမှုလိုက် အကောင်းဆုံးသော ရှေ့နေ များထဲတွင် တစ်ဦးအပါအဝင် ဖြစ်လေသည်။ ဤသို့ရှေ့နေကြီးတစ်ဦးဖြစ်သည့် တိုင်အောင် လျှောက်လဲရာ၌ “ဂျူရီ” လူကြီးများ သဘောတစ်ခုပါပဲ” “လူကြီးမင်းများ ခင်ဗျာ၊ ဤအချက်သည် စဉ်းစားရန်ကောင်းသော အချက်တစ်ခု ဖြစ်ကောင်းဖြစ်ပါလိမ့်မည်” “ဤအချက်များကို လျစ်လျူရှုလိမ့်မည် မဟုတ်ဟူ၍ ကျွန်တော် ယုံကြည်ပါသည် လူကြီးမင်းများ ခင်ဗျာ” “လူကြီးမင်းများသည် ပုထုဇဉ်တို့၏ စိတ်ဓာတ်ကို ကောင်းစွာသိရှိပြီးသည့်အတိုင်း ဤအချက်များ၏ အရေးကြီးပုံကို လွယ်လင့်တကူ မြင်နိုင်ကြပါလိမ့်မည်” စသော သာယာ နာပျော်ဖွယ်ဖြစ်သည့် စကားလုံးများကို သူ၏ လျှောက်လဲချက်များတွင် ထည့်၍ သုံးလေ့ ရှိလေသည်။ ငါ့စကား နွားရဟူသော သဘောမျိုးဖြင့် ပြောလေ့ မရှိ၊ တစ်ဖက်သားအပေါ်တွင် တင်စီး၍ ပြောလေ့ မရှိ၊ ထိုကဲ့သို့ သာယာနာပျော်ဖွယ်ကောင်းသော စကားမျိုးကို ပြောတတ်ခြင်းသည် နာမည်ကြီး သော ရှေ့နေတစ်ဦးဖြစ်အောင် သူ့ကို များစွာ ကူညီခဲ့လေသည်။

ယခုစာကိုဖတ်နေသော အဆွေသည် မန်နေဂျာ ဗလက်ကဲ့သို့ သပိတ် ကိစ္စကိုဖြန်ဖြေ၍ ဝက်ဗစတာကဲ့သို့ ရှေ့နေလိုက်ရသော အလုပ်မျိုး လုပ်စရာ မရှိဟု ဆိုစေကာမူ အနည်းဆုံး အဆွေငှားနေသော အိမ်လခကိုမူ လျှော့ရန် အလိုရှိသည်ကား အမှန်ပင်ဖြစ်တော့၏။ ကဲ သာယာနာပျော်ဖွယ်ဖြစ်အောင် ပြောဆိုခြင်းသည် အိမ်လခလျှော့စေချင်သော အဆွေအား မည်ကဲ့သို့ ကူညီမည်ကို သိရအောင် အောက်ပါသာဓက တစ်ခုကို ဖတ်လိုက်ကြဦးစို့။

အို အယ် စထရော့”ဆိုသူ အင်ဂျင်နီယာတစ်ဦးသည် သူငှားနေသော အိမ်လခကို လျှော့စေချင်၏။ သူ၏ အိမ်ရှင်သည် အပြောရ မာချာကြောင်း ကိုလည်း သူသည် ကောင်းစွာသိ၏။ ထိုအိမ်ရှင်နှင့် ဆက်ဆံပုံကို ကျွန်ုပ်၏ တပည့်များအား အောက်ပါအတိုင်း ပြောပြဖူးလေသည်။

ကျွန်ုပ်တီးထားသော ရက်စေ့လျှင် ကျွန်ုပ်နေသောအိမ်မှ ပြောင်းတော့ မည်ဟု အိမ်ရှင်ထံသို့ အကြောင်းကြားလိုက်၏။ စစ်စစ်မူကား ထိုအိမ်မှ ကျွန်ုပ် မပြောင်းလို။ အကယ်၍သာ အိမ်လခလျှော့လျှင် ဆက်၍ နေချင်၏။ သို့ရာတွင် အိမ်လခ လျှော့ရန်အတွက် မျှော်လင့်ချက်မရှိပေ။ အိမ်လခလျော့အောင် အခြားသော အိမ်ငှားများလည်း ကြိုးစားခဲ့ဖူးလေပြီး၊ မည်သူမျှ မအောင်မြင်ခဲ့ပေ။ အိမ်ရှင်သည် ဆက်ဆံရ အလွန်ခဲယဉ်းသူဟု လူတိုင်းကပြော၏။ သို့ရာတွင် “ငါဟာ မိတ္တဗလဋီကာကို သင်ထားတဲ့လူ တစ်ယောက်ပဲ၊ ငါ့နည်းတွေ ဘယ့်နှယ်နေမယ်ဆိုတာ အဘိုးကြီးကို စမ်းကြည့်ရဦးမယ်”ဟု ကျွန်ုပ်ကိုယ်ကို ကျွန်ုပ် ပြောမိလေသည်။ ။ : ကျွန်ုပ်၏ စာကို ရရှိသောအခါ အိမ်ရှင်နှင့် သူ၏ မန်နေဂျာသည် ကျွန်ုပ် ရှိရာသို့ လိုက်လာကြ၏။ ကျွန်ုပ်သည် ကျွန်ုပ်၏ အိမ် တံခါးဝ၌ အလွန်ရွှင်ပျ ဖော်ရွေသော နှုတ်ဆက်ခြင်းမျိုးဖြင့် အိမ်ရှင်ကို သွားရောက်ကြို၏။

စကားကို အတော်ကလေး ဖောင်လောက်အောင် ပြုံးပြုံးရွှင်ရွှင်နှင့် ပြောလိုက်၏။ သို့ရာတွင် သူ၏အိမ်လခကြီးကြောင်းကို စ၍မပြောဘဲ သူ့အိမ်ကို ဘယ်လောက် နှစ်ခြိုက်သည်ဟူသော စကားမှအစပြု၍ ပြောလေသည်။ ယုံပါတော့။ အိမ်ရှင်ကို ထောက်ခံစရာရှိလျှင် စိတ်ရော ကိုယ်ပါ ထောက်ခံ၍ ချီးကျူးစရာရှိလျှင်လည်း ရက်ရက်ရောရော ချီးကျူးလျက်ရှိပါသည်။ သူ၏ အိမ်ဆောက်ပုံကို ချီးကျူးပြီး လျှင် ဤအိမ်တွင် အနည်းဆုံးနောက်တစ်နှစ်ဆက်၍ နေလိုပါသော်လည်း မတတ် နိုင်သောကြောင့် ပြောင်းရွှေ့ ရတော့မည်ဖြစ်ကြောင်း အိမ်ရှင်အား ပြောပြ၏။

အိမ်ရှင်သည် ဤကဲ့သို့ အပြောမျိုးကို မည်သည့် အိမ်ငှား ထံကမှ မကြားခဲ့ဖူးချေ။ ထို့ကြောင့် ကျွန်ုပ်၏ ရင်းနှီးချိုသာသော စကားကိုကြားရသော . အခါ ရုတ်တရက် ဘာကိုလုပ်ရမှန်းပင် မသိရှာချေ။

ထို့နောက် အိမ်ရှင်သည် သူ၏ ဒုက္ခများနှင့်တကွ ဆူပူတတ်သော အိမ်ငှားများ၏ အကြောင်းများကိုပါ ကျွန်ုပ်အား ပြောပြလေသည်။ အိမ်ငှား တစ်ယောက်ကမူ သူ့ထံသို့ စာ ၁၄ စောင် တိုင်အောင် ရေးသားခဲ့ရာ ထိုအနက် အချို့တို့မှာ အိမ်ရှင်ကို စော်ကားသော စာများဖြစ်လေသည်။ အခြား အိမ်ငှားတစ်ယောက်ကမူ သူနေသောအခန်း၏ အပေါ်ထပ်တွင်နေသော သူကို အိပ်သည့်အခါမဟောက်စေရန် အိမ်ရှင်က တားမပေးလျှင် အိမ်ငှားသည့် ရက်မစေ့ခင် အခြားအိမ်သို့ပြောင်းဆင်းမည် အစရှိသော စာမျိုးကို ရေးသားခဲ့ ဖူး၏။ “ကျုပ်အိမ်ကို အဆွေလို ကျေကျေနပ်နပ်ရှိတဲ့ အိမ်ငှားမျိုးနဲ့ တွေ့ရတာ ကျုပ်အင်မတန် စိတ်ချမ်းသာပါတယ်”ဟု အိမ်ရှင်သည် ကျွန်ုပ်အား ပြောလေ သည်။ ထိုနောက် ကျွန်ုပ်ကိုယ်တိုင်က အိမ်လခလျှော့ရန် မတောင်းပန်ရဘဲ နှင့် သူကစ၍ အိမ်လခကို အနည်းအကျဉ်း လျှော့ပေးမည်ဟု ပြော၏။ ကျွန်ုပ်သည် သူပြောသည့်နှုန်းထက် ထပ်၍ လျှော့စေချင်သေး၏။ ထို့ကြောင့် ကျွန်ုပ် တတ်နိုင်သည့် အိမ်လခနှုန်းကို ပြောပြသောအခါ ဘာမျှ မငြင်းဘဲ အိမ်ရှင်သည် သဘောတူလေသည်။ ။

ကျွန်ုပ် အိမ်မှ ထွက်သွားခါနီးတွင် ကျွန်ုပ်ဘက်သို့ လှည့်၍ “အိမ်ကို ပြင်ပေးစေချင်သေးရင် ပြောနော်”ဟု ထပ်မံ ပြောသွားသေး၏။

အကယ်၍ ကျွန်ုပ်ကသာ အခြားအိမ်ငှားများအသုံးပြုသော နည်းမျိုးကို အသုံးပြုခဲ့ပါလျှင် ထိုသူတို့ကဲ့သို့ပင်ရှုံးမည်မှာ အမှန်ဖြစ်၏။ ကျွန်ုပ် အောင်မြင်ခြင်း သည် ရင်းရင်းနှီးနှီး ကြင်ကြင်နာနာ ဆက်ဆံ ပေါင်းသင်းခြင်းကြောင့်ပင် ဖြစ်ပေသည်။

( နောက်ထပ် သာဓကတစ်ခုကိုကြည့်ကြဦးစို့။ ဤအကြိမ်တွင် မိန်းမ တစ်ယောက်၏ အကြောင်းကို တွေ့ရပေမည်။ ထိုမိန်းမသည်အထက်တန်းစား – မိန်းမတစ်ဦးဖြစ်၍ သူသည် အခြားမဟုတ်၊ လောင်းအိုင်လန်အရပ်ရှိ ပင်လယ် ကမ်းပေါ်တွင် ဆောက်ထားသော ဂါးဒင်း စီတီး”တွင် ဝင်းခြံပိုင်ရှင် မစ္စ ဒေါ်ရယ်သီ ဒေးပင် ဖြစ်လေသည်။ သူ၏ အတ္ထုပ္ပတ္တိကို နားထောင်ကြဦးစို့။

ကျွန်မ၏ မိတ်ဆွေတစ်စုကို များမကြာသေးမီက နေ့လယ်စာကျွေးရန် . အိမ်သို့ဖိတ်ခဲ့၏။ မိတ်ဆွေများသည် လူကုံထံများဖြစ်သောကြောင့် ထိုစားပွဲတွင် အားလုံး ချောချောမောမော ဖြစ်စေချင်၏။ ဤကဲ့သို့ ဧည့်ခံပွဲများတွင် ` ဟိုတယ်မှူး အဲမီ ၃ သည် ကျွန်မကို များစွာ အကူအညီ ပေးခဲ့ဖူးလေသည်။ သို့ရာတွင် ထိုဧည့်ခံပွဲတွင်မူကား ပေါ့ပေါ့ဆဆလုပ်ခဲ့၏။ နေ့လယ်စာ စားပွဲ သည် စိတ်တိုင်းကျ မဖြစ်ခဲ့ပေ။ ထိုစားပွဲတွင် အဲမီကိုလည်း မမြင်ရ။ ကျွန်မ ၏ ဧည့်သည်အားလုံးအတွက် စားပွဲထိုးတစ်ယောက်တည်းကိုသာ လွှတ်လိုက်၏။ ထိုစားပွဲထိုးကလည်း လူကုံထံများကို မည်ကဲ့သို့ စားပွဲထိုးရမှန်း မသိချေ။ ကျွန်မ၏ အထူးဧည့်သည်ကို နောက်ဆုံးမှစားပွဲထိုးလေ့ရှိလေသည်။ တစ်ခါလည်း ပန်းကန်ပြားကြီးထဲတွင် ဆလတ်ရွက်လေးတစ်ရွက်ကိုသာထည့်၍ ထိုဧည့်သည် ရှေ့တွင် ချပေးခဲ့သေး၏။ အသားတွေကလည်း မနူးမနပ်။ အာလူးကြော်များ ကလည်း ဆီတွေ ရွဲနေ၏။ ကျွန်မလည်း အတိုင်းမသိ ဒေါသဖြစ်လျက်ရှိ၏။ ဧည့်သည်များရှိနေသောကြောင့်သာ ဟန်လုပ်၍ ပြုံးနေရ၏။ အဲမီကို တွေ့လျှင် မူကား ဝမ်းထဲ ရှိသမျှတွေကို အကုန်ထုတ်၍ ကြိမ်းလိုက်ဦးမည်ဟု အမြဲ သတိရလျက်ရှိ၏။

ထိုဧည့်ခံပွဲကို ဗုဒ္ဓဟူးနေ့တွင်ကျင်းပ၍ နောက်တစ်ညတွင် လူများနှင့် ပေါင်းသင်း ဆက်ဆံနည်းများအကြောင်းကို ပြောပြမည့် တရားပွဲသို့ ကျွန်မ တက်ရောက်ခဲ့ပါသည်။ ထိုတရားပွဲကို နာနေစဉ် အဲမီကို ကြိမ်းမောင်းလျှင် အပိုဖြစ်မှာပဲဟူ၍ စဉ်းစားမိပါသည်။ ကြိမ်းမောင်းလိုက်လျှင် သူသည် စိတ် ထဲတွင် အောက်သိုးသိုးဖြစ်ပြီးလျှင် ကျွန်မကို မုန်းခြင်းသာလျှင် အဖတ်တင် လိမ့်မည်။ ထိုမျှမကသေး နောင်ကို ကျွန်မအား ကူညီချင်သော စိတ်ထားများ အားလုံး လွင့်ပျောက်ကုန်လိမ့်မည်။

. နောက်တစ်နေ့တွင် အဲမီကို တွေ့လေသည်။ သူ့ကို ကြိမ်းလိမ့်မည် ထင်သောကြောင့် သူသည် မျက်နှာစု လျက်ရှိ၏။

ကျွန်မ။ ။ “အဲမီရေ မင်းမရှိတုန်းက ဧည့်ခံရတာ သိပ်နာတာပဲ ကွယ်၊ နယူးယောက်မြို့မှာရှိတဲ့ ဟိုတယ်မှူးတွေထဲမှာ မင်းဟာ အကောင်းဆုံးပဲ။ ဗုဒ္ဓဟူးနေ့တုန်းက ဖြစ်တာတော့ ဘယ်တတ်နိုင်မလဲကွာ၊ အစာတွေကို မင်း ကိုယ်တိုင်ဝယ်ပြီးချက်တာမှ မဟုတ်ဘဲ”

| အဲမီ။ ။ (ရွှင်ပျလာပြီးနောက်) “ဟုတ်တယ် မမ၊ မီးဖိုချောင်ထဲက ချက်တဲ့ အကောင်တွေ ကိုယ်တိုင်မှားတာ ကျွန်တော့်အပြစ် မဟုတ်ဘူး”

ကျွန်မ။ ။“မမ သည့်ပြင် ဧည့်ခံပွဲတွေကိုလည်း ချိန်းထားသေး တယ်၊ အဲဒီဟာတွေကျရင် မင်းကိုယ်တိုင် ကူညီရလိမ့်မယ်၊ မီးဖိုချောင်ထဲက အကောင်တွေကို နောက်တစ်ကြိမ်လောက် ထပ်စမ်းကြည့်ရရင် မကောင်းဘူးလား ဟေ့”

အဲမီ။ ။“ကောင်းပါတယ် မမ၊ နောက်တစ်ကြိမ်ဆိုရင် ဒီလို မဖြစ်ရ ပါဘူး’

ရက်သတ္တပတ် တစ်ပတ်လောက်ကြာသောအခါ နေ့လည်စားပွဲတစ်ခု ကို ကျွန်မ၏ အိမ်တွင် ထပ်မံ၍ ကျွေးပါသည်။ ဟင်းလျာများကို အဲမီနှင့် ကျွန်မတို့နှစ်ယောက် စီမံကြပါသည်။ သူ့အတွက် အပိုကြေးကို တစ်ဝက်ဖြတ် လိုက်၏။ သို့ရာတွင် ဗုဒ္ဓဟူးနေ့က သူ ကျူးလွန်ခဲ့သော အပြစ်များကို စိုးစဉ်းမျှ ဖော်မပြခဲ့ပါ။

ထမင်းစားခန်းထဲသို့ ဝင်လာကြသောအခါ စားပွဲပေါ်တွင် အမေရိကန် အလှနှင်းဆီပန်းကြီးများဖြင့် အလှပြင်ထားသည်ကို တွေ့ရ၏။ ဧည့်ခံပွဲကို အဲမိကိုယ်တိုင် အမြဲစောင့်ကြပ်လျက်ရှိသည်ကို တွေ့ရ၏။ အကယ်၍ ထိုနေ့က ကျွန်မ ဧည့်ခံနေသောသူ မှာ မေရီ မိဖုရားကြီးဖြစ်လင့်ကစား ထို့ထက်တိုး၍ ကောင်းအောင် သူသည် ပြုစုနိုင်တော့မည် မဟုတ်ပေ။ ဟင်းလျာများသည်လည်း အလွန်ကောင်း၍ ပူပူ နွေးနွေး ရှိလေသည်။ စားပွဲထိုးသည်မှာလည်း အပြစ် တစ်စုံတစ်ရာ မရှိချေ။ ယခင်ကကဲ့သို့ စားပွဲထိုးတစ်ယောက်တည်းမဟုတ်ဘဲ လေးယောက် စားပွဲထိုးကြလေသည်။ ဟင်းလျာကောင်းများကို အဲမီ ကိုယ်တိုင် စားပွဲထိုးလေ၏။

ကျွန်မတို့သည် ထမင်းစားပွဲမှ ထကြသောအခါ ကျွန်မ၏ အထူး ဧည့်သည်က “ရှင် ဒီဟိုတယ်မှူးကို ညှို့များထားသလား၊ ဒီလောက်ဂရုစိုက်တာမျိုး ကို တစ်ခါဖူးမျှ မတွေ့ဖူးဘူး”ဟု ကျွန်မကို မေးပါသည်။

ညှိထားသည်ဆိုသော စကားသည် မှန်ပါသည်။ သို့ရာတွင် အခြားအရာ များနှင့် ညှို့ခြင်းမဟုတ်ပါ။ ခင်ခင်မင်မင်ရင်းရင်းနှီးနှီး ပေါင်းသင်း ဆက်ဆံခြင်း ဖြင့် ညှိထားခြင်း ဖြစ်ပါသည်။ ။

နှစ်ပေါင်းအတော်ကြာလောက်က အနောက်မြောက် မစ်ဇူရီ” ပြည်နယ် တွင် ကျွန်ုပ်သည် ဆင်းရဲပင်ပန်းစွာ ဖိနပ်မပါဘဲ တောလမ်းကလေးကိုဖြတ်၍ ကျောင်းတက်ရစဉ်အခါ တစ်နေ့သ၌ နေနတ်သားနှင့် လေနတ်သား တန်ခိုး ပြိုင်ကြသည့် ဒဏ္ဍာရီတစ်ခုကို ဖတ်ခဲ့ဖူး၏။ ဘယ်သူက ပို၍ တန်ခိုးကြီး သနည်းဟု အစွမ်းပြိုင်ကြရာ လေနတ်သားက “ကျွန်ုပ်သည် အသင့်ထက်ပို၍ တန်ခိုးကြီးကြောင်းကို ပြမည်၊ ဟောဟိုက အပေါ်အင်္ကျီဝတ်ပြီး လမ်းလျှောက် လာတဲ့ လူတစ်ယောက်ကိုမြင်တယ် မဟုတ်လား၊ သူ့အင်္ကျီကို ချွတ်ပစ်အောင် အသင့်ထက် မြန်အောင် လုပ်ပြမယ်’ဟု ပြောလေသည်။

ထို့ကြောင့် နေနတ်သားသည် တိမ်ကြားတွင် အသာကွယ်၍ နေရာ လေနတ်သားသည် လေပြင်းမုန်တိုင်းကျလုမတတ် တိုက်ခတ်၏။ သို့ရာတွင် လေအတိုက် ပြင်းလာလေလေ ဝတ်ထားသောအင်္ကျီကို ထိုယောက်ျားသည် ဆွဲစေ့လေလေ ဖြစ်၏။ .

နောက်ဆုံး၌ လေနတ်သားသည် လက်လျှော့လိုက်ရ၏။ ထိုအခါ နေနတ်သားသည် တိမ်တိုက်ကြားမှ ထွက်လာပြီးလျှင် ထိုလုလင်အပေါ်သို့ တဖြည်းဖြည်း ပူစပျိုးလာ၏။ လုလင်လည်း သူ၏ နဖူးမှ ချွေးများကိုသုတ်၍ သူ၏ အင်္ကျီကို ဆွဲချွတ်ပစ်လိုက်၏။ ထိုအခါမှ “အဆွေ လေနတ်သား ဒေါသထက် မေတ္တာသည် တန်ခိုးပို၍ကြီးပေသည်” ဟူ၍ နေနတ်သားက လေနတ်သားကို ပြောပြဖူး၏။

အထက်ပါ ဒဏ္ဍာရီလေးကို ဖတ်ရသည့် အချိန်အခါလောက်က ထိုဒဏ္ဍာရီတွင်ပါသော ဆုံးမစကား၏ မှန်ကန်ခြင်းကို ဘော်စတန်မြို့တွင် ဖြစ်ပျက်သောအခြင်းအရာတစ်ခုက သက်သေခံလျက်ရှိလေသည်။

ဒေါက်တာ အေအိပ်ဗီ” ဆိုသော ဆရာဝန်တစ်ဦးသည် ဘော်စတန်မြို့တွင် ဆေးကုစားလျက်ရှိလေသည်။ ထိုဆရာဝန်သည် အထက်ပါ ဒဏ္ဍာရီလေးကို ကျွန်ုပ်ဖတ်ကြားရသည့်အချိန်မှ နှစ်ပေါင်း သုံးဆယ်မျှကြာသောအခါ ကျွန်ုပ်၏ တပည့်ရင်းတစ်ယောက် ဖြစ်လာလေသည်။ ထိုစဉ်အခါက သူ့အဖြစ်အပျက်ကို အောက်ပါအတိုင်း ကျွန်ုပ်၏ အတန်းထဲတွင် သူကိုယ်တိုင် ပြောပြဖူးလေသည်။

ထိုအခါက ဗော်စတန်မြို့ရှိ သတင်းစာများတွင် ပဋိသန္ဓေကို ကျနစွာ ဖျက်ဆီးပေးနိုင်သည်ဆိုသော ကြော်ငြာများ အားတိုးဆေးဟု အမည်တပ်၍ ထားသော ဆေးတု ဆေးယောင်ကြော်ငြာများနှင့် ဆေးဆရာ အတုအယောင် များ၏ ကြော်ငြာများဖြင့် ပြည့်နှက်လျက် ရှိပါလေသည်။ ယောက်ျားများနှင့် သက်ဆိုင်သော ရောဂါများကို ကုသပေးနိုင်သည်ဟု ကြော်ငြာပြီးလျှင် စင်စစ်မှာကား မည်သည့် ရောဂါကိုမျှ ကုမပေးနိုင်ဘဲ ဝေဒနာရှင်များကို “ခင်ဗျားတို့ ယောက်ျားဘဝ တုံးခါနီးနေပြီ၊ နည်းနည်းကလေး လိုတော့တယ်။ အစရှိသော စကားလုံးတို့ဖြင့် ခြောက်လှန့်ပြီးလျှင် ငွေကိုသာ အရအမိ ညှစ်ယူလေ့ ရှိကြလေသည်။ ထိုဆေးဆရာတု ဆေးဆရာယောင်များထံသို့ သွား၍ ဆေးကို ကုမိခါမှ ရောဂါမပျောက်သည့်အပြင် “ငါတော့ ယောက်ျားဘဝ တုံးတော့မှာပဲ”ဟူ၍ စိတ္တဇရောဂါပင် ထပ်မံ တိုးလာပြန်လေသည်။ ပဋိသန္ဓေကို ကျနစွာ ဖျက်ဆီး မပေးနိုင်သောကြောင့် သူတို့လက်ထဲတွင် မိန်းမပေါင်း မြောက်မြားစွာ သေကြေ ပျက်စီးကြလေသည်။ ထိုသို့ ပြုမိသည့်အတွက် အချို့ဆရာတု ဆရာယောင်များမှာမူကား ဒဏ်ငွေ အနည်းငယ်ဆောင်၍ သော်လည်းကောင်း၊ ဩဇာရှိသော နိုင်ငံရေးသမားတို့၏ အကူအညီအားဖြင့်သော် လည်းကောင်း အပြစ်မှ ချမ်းသာရာ ရကြလေသည်။

ထိုဆရာတု ဆရာယောင်များနှင့် ဆေးအတုများကို ရောင်းသောသူများ၏ သရမ်းပုံတို့မှာ တစ်နေ့တခြား ဆိုးရွားလာသည်ဖြစ်သောကြောင့် ဘော်စတန်မြို့ရှိ လူကြီးလူကောင်းများသည် ထ၍ အကြီးအကျယ် ဆူပူကန့်ကွက်ကြ၏။ တရားဟောဆရာများကလည်း စင်မြင့်မှနေ၍ သတင်းစာဆရာများကို ပြစ်တင် ရှုတ်ချကြ၏။ မြို့ရေး ရွာရေးကို ဆောင်ရွက်ကြသော အသင်းများ၊ ကုန်သည် ကြီးငယ်များ၊ ကုမ္မာရီအသင်းများ၊ ရဟန်းများ၊ တက်လူများ၏ အသင်းများသည် တညီတညွတ်တည်းဝိုင်း၍ ဆူပူကန့်ကွက်ကြ၏။ သို့ရာတွင် သူတို့၏ ဆူပူမှု သည် အချည်းနှီးမျှသာ ဖြစ်လေသည်။ ဤကြော်ငြာမျိုးကို မတရားကြော်ငြာ အဖြစ်ဖြင့် ပိတ်ပင်ပေးရန် ဥပဒေပြုလွှတ်တော်တွင် အပြင်းအထန် ကြိုးစားကြ သော်လည်း ငွေမျက်နှာလိုက်သော အမတ်များ ပဃာဂကြောင့် ထိုကြိုးစားချက် သည်လည်း အလဟဿ ဖြစ်ခဲ့ရ၏။

ထို အချိန်အခါက ဆရာဝန် ဗီသည် မဟာဘော်စတန် ခရစ်ယာန် ကြီးပွားရေးအသင်း၏ မြို့သားကောင်းအဖွဲ့ ”မှ နာယကလူကြီး ဖြစ်လေသည်။ ထိုအဖွဲ့ ကလည်း အထက်ပါနည်းတူ ဝိုင်းဝန်းကန့်ကွက်ခဲ့၏။ သို့သော်လည်း ဘာမျှ မထူးခြားချေ။ ထို့ကြောင့် ထိုမသူတော်များကို နှိမ်နင်းရန်ကိစ္စမှာ မျှော်လင့်ချက်နှင့် လုံးဝကင်းရတော့မည့်အခြေသို့ ရောက်ခဲ့လေသည်။ . တစ်ညသ၌ သန်းခေါင်ကျော်ကျော်လောက်တွင် ဒေါက်တာဗီသည် ရှေးအခါက ဘော်စတန်မြို့ရှိ မည်သူတစ်ဦးတစ်ယောက်ကမျှ မစဉ်းစားခဲ့ဖူးသော နည်းတစ်ခုကို တွေးမိသည့်အတိုင်း ဆောင်ရွက်ရန် ကြိုးစား၏။ သူ၏ နည်းမှာ ဒေါသနှင့် ဆူပူကန့်ကွက်သော နည်းမျိုးမဟုတ်။ ဖျောင်းဖျပြောဆို နည်းပင် ဖြစ်လေသည်။ သူ၏ နည်းမှာ သတင်းစာပိုင်ရှင်များကိုယ်တိုင်က အဆိုပါ ကြော်ငြာမျိုးကို ဖြတ်ပစ်ချင်လာအောင် လုပ်သောနည်းပင် ဖြစ်လေသည်။ ထို့ကြောင့် ဆရာဝန်ဗီသည် “ဘော်စတန်ဟာရယ်” J သတင်းစာပိုင်ရှင်ထံသို့ စာတစ်စောင်ရေးလေသည်။ ထိုစာထဲတွင် “ဘော်စတန်ဟာရယ်” သတင်းစာ ကို ဆရာဝန်သည် မည်မျှ အထင်ကြီးကြောင်း၊ ထိုသတင်းစာကို သူကိုယ်တိုင် အမြဲတမ်းဖတ်ကြောင်း၊ ထိုသတင်းစာ၌ ပါသော သတင်းများသည် မည်မျှ အပြစ် ကင်းကြောင်း၊ ခေါင်းကြီးပိုင်းသည်လည်း အလွန် ကောင်းကြောင်း၊ မိသားစုတစ်စု ဖတ်ရန်အတွက် အဖိုးမဖြတ်နိုင်အောင် ကောင်းကြောင်း၊ သူ သဘောအရ ဆိုလျှင် ထိုသတင်းစာသည် နယူးအင်္ဂလန် ပြည်တွင် အကောင်းဆုံး သတင်းစာဖြစ်၍ အမေရိကန် တစ်ပြည်လုံးရှိ သတင်းစာကောင်းများတွင် တစ်စောင် အပါအဝင်ဖြစ်သည်ဟု အထင်ရှိကြောင်း အစရှိသည်တို့ကို ရေးသားပြီးနောက် ဆက်လက်၍ ရေးသားသည်မှာ အောက်ပါအတိုင်း ဖြစ် လေသည်။

သို့ရာတွင် ကျွန်တော်၏ သူငယ်ချင်းတစ်ဦးမှာ သမီးငယ် တစ်ယောက် ရှိပါသည်။ လွန်ခဲ့သောညက သူ၏ သမီးကလေးသည် ပဋိသန္ဓေဖျက်ပေးမည် ဟူသော အဆွေ၏ သတင်းစာထဲမှ ကြော်ငြာ တစ်စောင်ကို သူ အား ကျယ်လောင်စွာ ဖတ်ပြပြီးလျှင် ထိုကြော်ငြာစာ ထဲ၌ ပါသော အချို့ စကားလုံးများ၏ အဓိပ္ပာယ်ကို မေးသည်ဟု ကျွန်တော့်အား ပြန်ပြောပါသည်။ ထိုသို့မေးသောအခါ ဖခင်ဖြစ်သူ ကျွန်တော်၏ သူငယ်ချင်းမှာ အတော်ပင် မျက်နှာထားခက်ပြီးလျှင် အနေရ အထိုင်ရ ကျပ်သွားပါသည်။ သူ့သမီးကို မည်ကဲ့သို့ပြန်၍ ဖြေရမှန်းမသိရှာပါ။ အဆွေ၏ . သတင်းစာကို ဘော်စတန်မြို့ရှိ လူကုံထံများ၏ အိမ်တိုင်း၌ ဖတ်ကြပါသည်။ အကယ်၍ ကျွန်တော့် သူငယ်ချင်း၏ အိမ်တွင် အထက်ပါ အခြင်းအရာမျိုး ဖြစ်ပျက်ခဲ့ပါလျှင် အခြားသော လူကုံထံများ၏ အိမ်၌လည်း ဤကဲ့သို့ပင် ဖြစ်တန်ကောင်း သည် မဟုတ်ပါလော။ အငွေ့ တွင်လည်း အကယ်၍ သမီးကလေး တစ်ယောက် ရှိခဲ့ပါလျှင် ဤလို ကြော်ငြာမျိုးကို ဖတ်ကြားရန် အဆွေ သည် ခွင့်ပြုနိုင်ပါမည်လား။ အကယ်၍ အဆွေ၏ သမီးကလေးသည် ဖတ်မိသောကြောင့် အဆွေအား ထိုကြော်ငြာများ၏ အကြောင်းကို အထက်ပါနည်းအတိုင်း မေးခဲ့သည်ရှိသော် အဆွေသည် မည်ကဲ့သို့ ပြန်၍ ဖြေဆိုပါမည်လဲ။

“အခြားအဖက်ဖက်တွင် ပြည့်စုံပြီးဖြစ်သော ဤကဲ့သို့ သတင်းစာ ကောင်း တစ်စောင်တွင် ဖခင်များ ကိုယ်တိုင်က သမီးများ ကောက်ယူ၍ ဖတ်မည်ကို တထိတ်ထိတ်နှင့် ဖြစ်နေရသော ထိုကြော်ငြာမျိုး ပါရှိနေသည့် အတွက် ကျွန်တော် ဝမ်းနည်းပါသည်။ အဆွေ၏ သတင်းစာကို ဖတ်သည့် အခြားသူများကလည်း ယခုကဲ့သို့ ကျွန်တော် စိတ် ` မချမ်းမြေ့ခြင်း ဖြစ်ရသလို ဖြစ်ကြလိမ့် မည်ဟုဆိုလျှင် မှားနိုင်ပါ . မည်လော” အစရှိသည်ဖြင့် ရေးသားပြီးလျှင် ထိုစာကို ပို့လိုက်၏။

နောက်နှစ်ရက်ကြာသောအခါ “ဘော်စတန်ဟာရယ်” သတင်းစာပိုင်ရှင် ထံမှ ဆရာဝန်ဗီထံသို့ စာတစ်စောင်လာလေသည်။ ဆရာဝန်သည် ထိုစာ ကို နှစ်ပေါင်း သုံးဆယ်လောက် ကောင်းစွာ သိမ်းထားပြီးနောက် ကျွန်ုပ်၏ အတန်းသားတစ်ဦး ဖြစ်လာသောအခါ ကျွန်ုပ်အား ထိုစာကို ပေး၏။ ထိုစာ ၏ ရက်စွဲမှာ ၁၉ဝ၄ ခုနှစ် အောက်တိုဘာလ ၁၃ ရက် ဖြစ်လေသည်။

အေ-အိပ်-ဗီ၊ အမ်-ဒီ ဗော်စတန်၊ မက်စ်အဆွေခင်ဗျား

စာတည်းထံသို့ ၁၁ ရက် နေ့စွဲနှင့် ပေးပို့လိုက်သော စာအတွက် – ကျေးဇူးအထူးတင်ရှိပါသည်။ ထိုစာထဲတွင်ပါရှိသော ကိစ္စနှင့် စပ်လျဉ်း၍ –

ကျွန်တော်လည်း စဉ်းစားလျက်ရှိရာ ထိုစာကို ရသောအခါတွင်မှ မည်သို့မည်ပုံ လုပ်ရမည်ကို သန္နိဋ္ဌာန်ချဖြစ်ပါတော့သည်။

ယခု တနင်းလာနေ့ကအစပြု၍ “ဘော်စတန်ဟာရယ်” သတင်းစာ ထဲမှ ညစ်ညမ်းသော စာပေများကို လုံးလုံးလျားလျား ဖြုတ်ပစ်လိုက် ပါတော့မည်။

ယခု အချိန်အခါတွင် တစ်ခါတည်း ဖြုတ်မပစ်နိုင်သေးသော ဆေးကြော်ငြာများကိုလည်း မောင်နှင့်နှမ သားနှင့်အမိဇ ဖတ်ရှုနိုင်အောင် . • ကောင်းစွာပြုပြင်၍ ထည့်သွင်းပေးပါမည်။

ဤကိစ္စတွင် အကူအညီပေးသည့်အတွက် ကျေးဇူးအထူး တင်ရှိ ပါကြောင်း။

ဒဗလျူ အီး ဟက်စကယ်

ထုတ်ဝေသူ အီဆော့ သည် ယေရှုခရစ် မမွေးမီ နှစ်ပေါင်း ၆ဝဝ လောက်က . ကရိုးဆပ် ‘ ဘုရင်၏ နန်းတော်တွင်ခစားရသော ဂရိငွေဝယ်ကျွန်တစ်ဦးဖြစ်၍ . ကမ္ဘာတည်မည့် ဒဏ္ဍာရီများကို ရေးသားခဲ့ဖူးလေသည်။ နှစ်ပေါင်း ၂,၅၀၀ လောက်က အေသင်မြို့တော်တွင် လူ့သဘောနှင့် စပ်လျဉ်း၍ သူ ရေးခဲ့သော ဒဏ္ဍာရီတို့သည် ယခုအချိန်အထိ မည်သည့် နေရာ၌မဆို မှန်ကန်လျက် ရှိလေသည်။ လေနတ်သားထက် နေနတ်သားသည် သင်၏ အင်္ကျီကို ပို၍လျင်မြန်အောင် ချွတ်ပစ်စေနိုင်သည်။

ညှာတာခြင်း ရင်းရင်းနှီးနှီး ပေါင်းသင်းဆက်ဆံခြင်းနှင့် ချီးမွမ်းထောမနာ ပြုခြင်းတို့သည် လူတစ်ယောက်၏ စိတ်ဓာတ်ကို ပြောင်းအောင်လုပ်ရာ၌ ခရစ်ယာန်ဘာသာ ကိုးကွယ်သော နိုင်ငံများ အားလုံးရှိ လူအပေါင်း ဝိုင်း၍ ဆူပူကန့်ကွက်ကြခြင်းထက် အရေးပါလေသည်။ ,

“ပျားရည်တစ်စက်သည် မုတ်ခါးရည် တစ်ဂါလံထက် ယင်ကောင်များကို ပိုပြီး ဖမ်းနိုင်သည်”ဟူသော လင်ကွန်း၏ စကားကို မမေ့ပါလေနှင့်။ – သင့်ဘက်သို့ပါအောင် တစ်ဖက်သားကိုဆွဲယူချင်ပါလျှင် ဥပဒေသ အမှတ် ၄ ကို မမေ့ပါနှင့်။

“ချို ချို သာ သာ နှင့် စပါ”