မိတ္တဗလဋီကာ

အပိုင်း ၄

တစ်ဘက်သားကို ၊ မျက်မုန်းမကျိုး စိတ်မဆိုးစေဘဲ
စိတ်ပြောင်းလာစေသော နည်း ၉ နည်း

အခန်း ၁ အပြစ်ဆိုစရာ ရှိလာခဲ့ပါမူ ဤနည်းနှင့် စ ပါ

ဤနည်း ကယ်လဗင် ကူးလစ်”သည် အမေရိကန်သမ္မတဖြစ်စဉ်က ကျွန်ုပ်၏ သူငယ်ချင်း တစ်ဦးသည် သမ္မတ၏ ဧည့်သည်အဖြစ်ဖြင့် အိမ်တော်တွင် တနင်္ဂနွေတစ်ပတ်မျှ နေခဲ့ဖူးလေသည်။ တစ်နေ့သ၌ သမ္မတ၏ အလုပ်ခန်းဘက်သို့ အမှတ်တမဲ့ လျှောက်သွားစဉ် “ဒီနေ့မနက် ဝတ်လာတဲ့အဝတ်က တယ်လှပါကလားဟေ့၊ ဒီအဝတ်နဲ့မင်းနဲ့ သိပ်ကြည့်ကောင်းတာပဲ”ဟု သမ္မတသည် သူ၏ အတွင်းရေးမှူး မိန်းကလေးတစ်ဦးအား ပြောဆိုနေသံကိုကျွန်ုပ်၏ သူငယ်ချင်းသည် ကြားရလေ သည်။ ။

အလွန်စကားနည်းသော သမ္မတ ကူးလစ်သည် သူ ၏ အတွင်းရေးမှူး တစ်ဦးကို ဤသို့ ချီးကျူးလိုက်ခြင်းမှာ အများဆုံး ချီးကျူးခြင်းပင် ဖြစ်ကောင်း . ဖြစ်ပေလိမ့်မည်။ ဤကဲ့သို့ ပြောပုံဆိုပုံမျိုးသည် မကြားစဖူး အလွန် ထူးခြားလှ သောကြောင့် သူ၏ အတွင်းရေးမှူးသည် ရှက်ကိုးရှက်ကန်း ဖြစ်ပြီးလျှင် ခြေမကိုင်မိ လက်မကိုင်မိ ဖြစ်သွားလေသည်။ ထိုအခါမှ “ကိုင်းလေ၊ ကြောင် တောင်တောင် ဖြစ်မနေနဲ့တော့၊ မင်း စိတ်ရွှင်လာအောင်လို့ ဒီလို ပြောလိုက်တာ၊ မင်းကို ပြောချင်တာကတော့ ဒီနေ့ကစပြီး နောက်ကို စာအရေးအသားမှာ အဖြတ်အတောက်ကို ဂရုစိုက်စမ်းပါကွယ်”ဟု ကူးလစ်သည် ဆက်ပြောလေ သည်။

သူ့နည်းမှာကား ရှင်းလွန်းအားကြီးသည်။ သို့ရာတွင် တစ်ဖက်သား၏ စိတ်ကိုမူကား အတော်ထိသောနည်း ဖြစ်လေသည်။ ကျွန်ုပ်တို့၏ ကောင်းကြောင်း ချီးကျူးသံများကို ကြားရပြီးနောက် ကျွန်ုပ်တို့၏ အပြစ်များကို ဖော်ပြလျှင် . နားထောင်ရသည်မှာ စိတ်သက်သာရာ ရပေမည်ဖြစ်၏။

ဆတ္တာသည်တစ်ဦးသည် လူတစ်ယောက်အား မုတ်ဆိတ်မွေး မရိတ်မီ မုတ်ဆိတ်မွေးများကို ဆပ်ပြာဖြင့် ပွတ်ပေး၏။ ၁၈၉၆ ခုနှစ်က မက်ကင်လေး” သည် သမ္မတရာထူးအတွက် ယှဉ်ပြိုင်အရွေးခံစဉ် ဤနည်းကိုပင် အသုံးပြုခဲ့လေ သည်။ ထိုအချိန်အခါက သမ္မတဂိုဏ်းသား နာမည်ကြီးတစ်ဦးသည် ရွေးကောက် ပွဲတွင် စကားပြောရန်အတွက် စာတစ်ပုဒ်ကို ရေးသားထားလေသည်။ သူ ရေးသားထားသောစာကို ဆစ်ဆီရို၊ ပက်ထရစ် ဟင်နရီ၊ ဒယ်နီယယ် ဝက်ဘစတား စသော ကမ္ဘာကျော်စကားပြောကောင်းသူများ၏ စကားများ အားလုံးပေါင်းထားခြင်းထက် အနည်းငယ်ပို၍ ကောင်းသေးသည်ဟု သူထင်၏။ ထို့ကြောင့် အလွန် ရွှင်လန်းဝမ်းမြောက်စွာဖြင့် သူ ရေးထားသော စကားကို မက်ကင်လေးသို့ ဖတ်ပြ၏။ သူ့စကားထဲတွင် ပွဲကျလောက်သောအချက်များ ပါ၏။ သို့ရာတွင် ထိုလောက်နှင့် မရသေး။ ထိုစကားကိုသာ ပြောချလိုက်လျှင် အတော်ဆူပွက်လာဦးမည်ဖြစ်၏။ ထို့ကြောင့် ထိုစကားကိုလည်း ပြောခွင့် မပေးချင်။ မပေးဘဲ နေချေက ထိုလူ၏ အလွန်တက်ကြွနေသောစိတ်ဓာတ်များကို ချိုးနှိမ် လိုက်သလို ဖြစ်မည်ကို စိုးရသေး၏။ မက်ကင်လေး လုပ်ပုံနည်းကို ကြည့်ကြဦးစို့။

“သူငယ်ချင်းရေ၊ သိပ်ကောင်းတာပဲဟေ့၊ ဒါထက် ကောင်းအောင် ဘယ်သူထပ်ပြီး ရေးနိုင်ဦးမလဲ၊ ဒီစကားမျိုးကိုပြောဖို့အချိန်အခါတွေ အများကြီး ရှိတယ်၊ အခုလိုအခါမျိုးနဲ့တော့ မတော်သေးဘူး ထင်တယ်၊ မင့်ဘက်ကနေ ကြည့်တော့ ဒီအချက်တွေဟာ အကုန်မှန်တာပဲ၊ သို့ပေမယ့် ဒီလိုပြောလိုက်ရင် ဘယ့်နှယ်ဖြစ်လာမယ်ဆိုတာ ပါတီဘက်ကနေပြီးတော့လဲ ကြည့်ရဦးမယ်။ ကဲ အိမ်ပြန်ပြီးတော့ ငါ ရေးပေးလိုက်တဲ့အချက်တွေပါအောင် အသစ်တစ်ပုဒ် ပြင်ရေးခဲ့ကွာ”ဟု မက်ကင်လေးသည် ပြောပြီးလျှင်ထိုလူကို ပြန်လွှတ်လိုက်၏။

ထိုလူသည် မက်ကင်လေး ပြောသည့်အတိုင်း အသစ် ပြန်ရေး၏။ ထိုအချိန်မှ အစပြု၍ ထိုသူမှာ ရွေးကောက်ပွဲတွင် စကားပြော အကောင်းဆုံး လူတစ်ယောက် ဖြစ်လာခဲ့လေသည်။

အောက်တွင် ဖော်ပြလတ္တံ့သောစာသည် သမ္မတမင်း အဗရာဟမ် လင်ကွန်း ရေးခဲ့သော ဒုတိယအကျော်ကြားဆုံး စာတစ်စောင်ဖြစ်လေသည်။ (သူ၏ ပထမအကျော်ကြားဆုံးစာသည် စစ်ပွဲတွင် သားငါးယောက်စလုံး ကျဆုံးသွား သောကြောင့် ဝမ်းနည်းသည့်အထိမ်းအမှတ်ဖြင့် သူတို့၏ မိခင်ဖြစ်သော မစ္စက် ဗစ်ကရ်ဗီ ထံသို့ ရေးလိုက်သည့်စာ ဖြစ်လေသည်။ အဗရာဟမ် လင်ကွန်းသည် ထိုစာကိုရေးသည်မှာ ငါးမိနစ်လောက်သာ ကြာကောင်းကြာပေ လိမ့်မည်။ သို့ရာတွင် ၁၉၂၆ ခုနှစ် လေလံပွဲတစ်ခုတွင် ထိုစာကို လေလံတင်၍ ရောင်းရာ ဒေါ်လာပေါင်း တစ်သောင်းနှစ်ထောင် ရရှိဖူးလေသည်။ အဗရာဟမ် လင်ကွန်းသည် အလုပ်ပင်ပန်းစွာလုပ်ပြီးနောက် အနှစ် ၅ဝ စုသည့်တိုင်အောင် ထိုလောက် ငွေကို ရလိမ့်မည် မဟုတ်ပေ။) . ။

ယခု ဖော်ပြမည်ဖြစ်သော သူ၏ ဒုတိယ အကျော်ကြားဆုံး စာကို အမေရိကန်ပြည်တွင်းစစ် သဲသဲမဲမဲ တိုက်ခိုက်နေရစဉ် ၁၈၆၃ ခုနှစ် ဧပြီလ ၂၆ ရက်နေ့က ရေးသားခဲ့လေသည်။ စစ်ဖြစ်၍ ၁၈ လလုံးလုံး လင်ကွန်း၏ စစ်ဗိုလ်ချုပ်များသည် တစ်ပွဲပြီးတစ်ပွဲစစ်ရှုံးလျက်ရှိကြ၏။ စစ်သားများလည်း အလွန်ကျဆုံးကြလေသည်။ တစ်နိုင်ငံလုံးလည်း အလွန် တုန်လှုပ်ချောက်ချား လျက် ရှိ၏။ စစ်သားများသည် စစ်တပ်များမှ ထွက်ပြေးကြရုံသာမက လင်ကွန်းကို ထောက်ခံလျက်ရှိကြသော ရီပတ်ဗလိကင် ဂိုဏ်းသား အထက် လွှတ်တော် အမတ်များသည် ထ၍ ဆူပူကြပြီးလျှင် လင်ကွန်းကို သမ္မတရာထူးမှ ဖြတ်ပစ်ချင်ကြ၏။

“ကျွန်ုပ်တို့သည် ယခုအခါ အကြီးအကျယ် ပျက်စီးလုမတတ် ဖြစ်နေ သည်၊ ဘုရားသခင်ကိုယ်တိုင် ကျွန်ုပ်တို့ဘက်တွင် မရှိတော့ဟု ကျွန်ုပ်ထင်မိ၏။

မျှော်လင့်ချက်လုံးလုံး မရှိသလောက် ဖြစ်မိပါသည်” ဟူ၍ပင် လင်ကွန်းသည် ပြောဆိုဖူးလေသည်။ ။

ထိုအချိန်အခါက သူရေးသောစာကို အဘယ့်ကြောင့် ဖော်ပြရသနည်း ဆိုသော် တစ်တိုင်းပြည်လုံး၏ နောင်ရေးသည် စစ်ဗိုလ်ချုပ်ကြီးတစ်ဦး၏ – လုပ်ရည်ကိုင်ရည်ပေါ်၌ အမှီသဟဲပြုနေရသည့် အချိန်အခါတွင် အလွန်ခေါင်းမာ သော ထိုစစ်ဗိုလ်ချုပ်ကြီးကို စိတ်ပြောင်းသွားအောင် ထိုစာသည် တတ်စွမ်း နိုင်သောကြောင့်ပင် ဖြစ်လေသည်။ ။

သမ္မတဖြစ်ပြီးနောက် အဗရာဟင် လင်ကွန်း ရေးသော စာများထဲတွင် ဤစာသည် အပြင်းအထန်ဆုံးသော စာဖြစ်လေသည်။ သို့ပင်ဖြစ်သော်လည်း ထိုစာထဲတွင် အပြစ်ကြီးများကို ဖော်မပြမီ စစ်ဗိုလ်ချုပ်၏ ကောင်းကြောင်းများကို ချီးကျူးထားကြောင်း သင်သည် တွေ့ရပေလိမ့်မည်။

စစ်ဗိုလ်ချုပ်တွင် အပြစ်ကြီးများ ရှိသည်ကား မှန်၏။ သို့ရာတွင် ထိုအပြစ်ကြီးများကို အပြစ်ကြီးများဟူ၍ လင်ကွန်းသည် ထုတ်ဖော်မရေးချေ။ အပြစ်ကြီးများဟူ၍ ဆိုရမည့်အစား “အသင့်အပေါ်တွင် ကျွန်ုပ်ကိုယ်တိုင်လုံးဝ ကျေနပ်ခြင်းမရှိနိုင်သော အချက်အချို့ရှိကြောင်း” ဟူ၍သာ ရေးသားလေသည်။ စကားသုံးပုံနှင့် ပရိယာယ်ကို ဂရုပြုပါ။

စစ်ဗိုလ်ချုပ် မေဂျာ ဂျင်နရယ် ဟုကား” ထံသို့ အဗရာဟင် လင်ကွန်း ရေးပေးလိုက်သော စာကို အောက်တွင် ဖော်ပြလိုက်ပါသည်။

. ပိုတိုမက်စစ်တပ် ကိုအုပ်ချုပ်ရန် သင့်ကိုခန့်ထားသော သူသည် ကျွန်ုပ်ပင် ဖြစ်သည်။ အမှန်ပြောရလျှင် ဤကဲ့သို့ ခန့်ထားခြင်းအတွက် ကျွန်ုပ်၌ လုံလောက်သောအကြောင်းများဟု ထင်မှတ်နိုင်သောအချက်များ ရှိလေသည်။ သို့ရာတွင် အသင့်အပေါ်တွင် ကျွန်ုပ် ကိုယ်တိုင် လုံးဝ ကျေနပ်ခြင်းမရှိနိုင်သော အချက်အချို့ ရှိကြောင်း သင်သိလျှင် ကောင်းလိမ့် မည်ဟု ကျွန်ုပ် ထင်ပါသည်။ သင်သည် စွမ်းရည်သတ္တိနှင့် ပြည့်စုံသော စစ်သား တစ်ယောက် – ဖြစ်ကြောင်းကို ကျွန်ုပ် ယုံကြည်၏။ အမှန်ပြောရလျှင် ထိုအတွက်ကြောင့် လည်း အသင့်ကို ကျွန်ုပ်သည် နှစ်သက်ပါ၏။ ထို့ပြင် သင်သည် သင်၏ လုပ်ငန်းတွင် နိုင်ငံရေးကို အရောနှောမခံဟူ၍လည်း ကျွန်ုပ် ယုံကြည်ပါ၏။ ဤကဲ့သို့ ပြုလုပ်ခြင်းသည်လည်း မှန်သောလမ်းပင် ဖြစ်၏။ သင်သည် သင်၏အစွမ်းကို စိတ်ချယုံကြည်၏။ ထိုသို့စိတ်ချ ယုံကြည်ခြင်းသည် စစ်သားတစ်ယောက်တွင် မရှိလျှင် အရေးမကြီး သော်လည်း အလွန်အဖိုးထိုက်တန်သည့် အရည်အချင်းတစ်ခု ဖြစ်လေ သည်။

။ – သင့်မှာ မာနရှိလေသည်။ ဤသို့မာနရှိခြင်းသည် တော်ရုံတန်ရုံ ဆိုလျှင် အဆိုးထက် အကောင်းကို ဖြစ်နိုင်စေပါသည်။ သို့ရာတွင် စစ်တပ်ကို ဂျင်နရယ်ဗန်းဆိုက်” အုပ်ချုပ်စဉ်က သင်၏မာန ဆွဲဆောင် ရာသို့ အသင် လိုက်ပြီးလျှင် ဗန်းဆိုက် လက်နှင့် ရေးသမျှကို ခြေနှင့် ။ ဖျက်သောကြောင့် သင်သည် တစ်တိုင်းပြည်လုံးကို နစ်နာအောင် ပြုလုပ်လိုက်ရုံမျှမက သင်နှင့် လုပ်ဖော်ကိုင်ဖက်ဖြစ်သည့် အလွန်မြင့်မြတ် ၍ အလေးပြုထိုက်သော စစ်ဗိုလ်တစ်ဦးကိုလည်း အလွန်နစ်နာအောင် လုပ်လိုက်လေသည်။

အစိုးရအဖွဲ့နှင့် စစ်တပ် နှစ်ခုစလုံးတွင် အာဏာရှင် တစ်ဦး လိုသည်ဟူ၍ များမကြာမီက သင်ကိုယ်တိုင် ထုတ်ဖော်ပြောဆိုသည်ဟု ယုံကြည်လောက်သော ဌာနမှ ကျွန်ုပ် ကြားသိရသည်။ အမှန်ပြောရလျှင် သင်ပြောသည့်အတိုင်း အာဏာရှင် တစ်ဦး လို၍ မဟုတ်။ မလိုသော ကြောင့်သာလျှင် စစ်တပ်ကိုအုပ်ချုပ်ရန် သင့်အား ခန့်ထားလိုက်ခြင်း ဖြစ်ပေသည်။

. စစ်နိုင်သော စစ်ဗိုလ်ချုပ်များသာလျှင် အာဏာရှင်များ အဖြစ် အုပ်စိုးနိုင်လေသည်။ သင့်ထံမှ ကျွန်ုပ် မျှော်လင့်သည်မှာ အသင် စစ်ပွဲနိုင်ရန်ပင် ဖြစ်လေသည်။ စစ်နိုင်သောကြောင့် သင် အာဏာရှင် ဖြစ်လာလျှင် ဖြစ်ပါစေ။ ကျွန်ုပ်တွင်ရှိသောအာဏာကို အဆုံးခံရဲပါသည်။

အခြားစစ်ဗိုလ်ချုပ်များကို ထောက်ခံအားပေးသည်ထက် လျှော့ လည်း မလျှော့ ပိုလည်း မပိုစေဘဲ သင့်ကို အားပေးရန် အစိုးရအဖွဲ့သည် အစွမ်းကုန်ကြိုးစားမည်ဖြစ်၏။ သင် စစ်ဗိုလ်ချုပ် မဖြစ်မီက စစ်ဗိုလ်ချုပ် များကို လက်အောက်ခံ အရာရှိများက အယုံအကြည် ကင်းမဲ့အောင် သင်ကိုယ်တိုင်လှုံ့ဆော်ပေးသောစိတ်ဓာတ်သည် သင် စစ်ဗိုလ်ချုပ်ဖြစ်လာ သောအခါ သင့်ကိုပင် ပြန်၍ ဒုက္ခပေးတော့မည်ဟု ကျွန်ုပ်စိုးရိမ်မိ၏။ ဤစိတ်ဓာတ်မျိုး လုံးဝပျောက်ကွယ်သွားအောင် နှိမ်နင်းရာ၌ သင့်ကို ကျွန်ုပ် တတ်အားရှိသရွေ့ ကူညီမည်။ ။

စစ်တပ်ထဲ၌ ဤလိုစိတ်ဓာတ်မျိုးရှိနေသရွေ့ ကာလပတ်လုံး သင်ဖြစ်စေ နပိုလီယန်” အသက်ရှင်နေသေးလျှင်လည်း နပိုလီယန်ပင် ဖြစ်စေကာမူ ဤစစ်တပ်မျိုးမှ မည်သည့် အကောင်းကိုမျှ ရအောင် လုပ်နိုင်မည် မဟုတ်ပေ။ စိတ်လိုက်မာန်ပါ ပြုလုပ်ခြင်းကို ကြပ်ကြပ် သတိထားပါ။ သို့ရာတွင် မလျှော့သော လုံ့လဝီရိယဖြင့် ရှေ့သို့ ချီတက်ပြီးလျှင် ကျွန်ုပ်တို့အား အောင်မြင်ခြင်းကို ပေးပါလော့။

သင်သည်လည်း ကူးလစ် မဟုတ်၊ မက်ကင်လီလည်းမဟုတ်၊ လင်ကွန်း လည်း မဟုတ်။ ထို့ကြောင့် နေ့စဉ်နေ့တိုင်းလုပ်နေရသော သင်၏ အလုပ်များတွင် ဤနည်းမျိုးကို စမ်း၍ ရ မရကို သင်သိချင်ပေလိမ့်မည်။ က် ကြည့်ကြရအောင်။ ရှေးဦးစွာ ဖီလဒယ်ဖီးယားမြို့ရှိ ဝပ်ကုမ္ပဏီ ၏ ကိုယ်စားလှယ် ဒဗလျူ ပီဂေါ၏ အကြောင်းကို ကြည့်ကြစို့။ မစ္စတာဂေါသည် သင်နှင့် ကျွန်ုပ်တို့ကဲ့သို့ ရိုးရိုးအရပ်သား ဖြစ်လေသည်။ ဖီလဒယ်လဖီးယားတွင် ကျွန်ုပ်၏ အတန်းများကို ဖွင့်လှစ်စဉ်က မစ္စတာဂေါလည်း လာရောက် သင်ကြားဖူး၏။ အောက်ပါ အကြောင်းများကို အတန်းသားများအား ပြောပြဖူးလေသည်။

ဖီလဒယ်လဖီးယားတွင် အလုပ်တိုက်ကြီးတစ်တိုက်ကို ချိန်းသောနေ့တွင် အပြီးအပ်ရန် ဝပ် ကုမ္ပဏီသည် လက်ခံလိုက်၏။ အဆောက်အအုံတစ်ခုလုံး ချောချောမောမောပြီးခါနီးမှ အဆောက်အအုံရှေ့တွင် အလှတပ်ဆင်ရန် ကြေးနီ တန်ဆာပလာကို သွင်းရမည်ဖြစ်သော ကန်ထရိုက်တာသည် ချိန်းထားသည့် အချိန်တွင် သူ့ပစ္စည်းများကို ရောက်အောင်မပို့နိုင်ဟူ၍ ရုတ်တရက် အကြောင်း ကြားလေသည်။ သူတစ်ယောက်အတွက်နှင့် တစ်တိုက်လုံး အလုပ်ရပ်ထား ရပေတော့မည်။ ဤသို့ရပ်ထားရ၍ အချိန်နှင့်မပြီးလျှင် လျော်ကြေးငွေအများကြီး လျော်ရပေတော့မည်။ ဤလိုသာ လျော်ရလျှင် အကြီးအကျယ်ရှုံးတော့မည်။

ထို့ကြောင့် ကျွန်ုပ်တို့ကုမ္ပဏီမှ အဝေးပြော စကားပြောကြေးနန်းနှင့် ထိုလူ့ထံသို့ စကားပြောရ၏။ တစ်ဖက်နှင့်တစ်ဖက် အပြန်အလှန်ငြင်းခုံကြ၏။ ဆူပူကြ၏။ သို့ရာတွင်ဘယ်နည်းနှင့်မျှ သူ့ပစ္စည်းများကို အချိန်မီရရှိအောင် မကြိုးစားနိုင်ကြချေ။ ထို့ကြောင့် ထိုလူ့ခွစာကို ပျားရည်နှင့် ဝမ်းချရန်အတွက် မစ္စတာ ဂေါကို နယူးယောက်သို့ လွှတ်လိုက်၏။

“ဦးလိုနာမည်မျိုး ဘရုကလင်မှာ ဦးတစ်ယောက်တည်းသာ ရှိတယ်ဆိုတာ ဦး သိပါရဲ့လား” ဟူ၍ ထိုလူ့ အခန်းထဲသို့ ဝင်လျှင်ဝင်ချင်း မစ္စတာဂေါသည် စကားစလေသည်။

“ဟင့်အင်း မသိဘူး”

“ဒီနေ့မနက် မီးရထားက အဆင်းမှာ ဦးရဲ့ လိပ်စာကို သိချင်တာနဲ့ တယ်လီဖုန်းစာအုပ်ထဲမှာ ရှာတော့ ဦးလိုနာမည်မျိုး ဦးတစ်ယောက်တည်းသာ ရှိတဲ့အကြောင်း တွေ့ရပါတယ်”

“ဟင့်အင်း အမှတ်တမဲ့ပဲ၊ ဂရုမစိုက်မိဘူး’ ထို့နောက် ထိုလူသည် တယ်လီဖုန်းစာအုပ်ကို စိတ်ပါလက်ပါနှင့် ယူ၍ကြည့်၏။ ထိုနောက်မှ စကားကိုဆက်၍ “ဟုတ်တယ်၊ ကျုပ်ရဲ့ နာမည် က တော်တော်ထူးတဲ့ နာမည်ဗျ၊ ကျုပ်တို့ ဘိုးဘွားတွေဟာ နှစ်ပေါင်း ၂၀၀ ကျော်လောက်ကတည်းက နယူးယောက်ကို ဟော်လန်”ကပြောင်းလာခဲ့ကြတာ” ဟု သူ့ အမျိုးပေါ်တွင် ဂုဏ်ယူသောလေသံနှင့် အစချီပြီးနောက် ထိုဆွေစဉ် မျိုးဆက်တို့၏အကြောင်းကို အတော်ကြာအောင် ဆက်၍ ပြောနေ၏။ သူ ပြော၍ ပြီးသောအခါ မစ္စတာဂေါသည် သူရောက်ခဲ့ဖူးသော အခြားစက် များနှင့်စာလျှင် ထိုလူ၏ စက်သည် အလွန် ကြီးမားကြောင်း၊ ထို့ပြင်လည်း အသန့်ရှင်းဆုံး အသေသပ်ဆုံးဖြစ်ကြောင်းတို့ကို ချီးကျူးလျက် ရှိ၏။

“ဒီလိုအခြေအနေမျိုးရောက်လာအောင် ကျပ် တစ်သက်လုံး ကြိုးစားပြီး တည်ထောင်ခဲ့ရတာပဲ၊ ဒါကြောင့်မို့လို့ ကျုပ်အလုပ်ပေါ်မှာ ကျုပ် တော်တော် ဂုဏ်ယူပါတယ်၊ စက်ထဲကို လျှောက်ကြည့်ရအောင် လာလေ” . လျှောက်ကြည့်နေစဉ် စက်ဆောက်ထားပုံ သပ်ရပ်ကြောင်း၊ ဘာဖြစ်လို့ ဘယ့်နှယ်ကြောင့် သူ့စက်ကထွက်သော ပစ္စည်းများသည် အခြားစက်များက ထွက်သော ပစ္စည်းများထက် အမျိုးသာကြောင်း အစရှိသည်တို့ကို မစ္စတာဂေါ လည်း ချီးကျူးလျက်ရှိ၏။ ထူးထူးခြားခြား ဆောက်လုပ်ထားသော အချို့စက် များကို တွေ့ရ၍ မစ္စတာဂေါက ချီးမွမ်းသောအခါ ထိုစက်သည် သူကိုယ်တိုင် ထွင်ပြီး ဆောက်ထားတာဟု ထိုလူသည် ပြန်၍ ဖြေ၏။ စက်လည်ပုံ အခြားစက်များထက် ပစ္စည်းကောင်းများ အဘယ့်ကြောင့် ထွက်ရပုံတို့ကို မစ္စတာဂေါအား အချိန်အတော်ယူ၍ ပြသလျက်ရှိ၏။ ထိုသို့ပြသပြီးနောက် မစ္စတာဂေါကို နေ့လယ်စာ သူနှင့်အတူစားရန် အတင်းဖိတ်ကြား၏။ ထိုအချိန် အခါထိအောင် လာရသည့် ကိစ္စအကြောင်းနှင့်စပ်လျဉ်း၍ မစ္စတာဂေါ်သည် တစ်လုံးတစ်ပါဒမျှ မပြောသေးကြောင်းကိုလည်း သတိပြုပါ။

နေ့လယ်စာစားပြီးသောအခါ ထိုလူကပင် စတင်၍ “ကဲ ကျုပ်တို့ အလုပ်အကြောင်းနှင့်စပ်လျဉ်းပြီး စကားပြောကြရအောင်၊ ခင်ဗျား ဒီကိုဘာကိစ္စနဲ့ . လာတယ်ဆိုတာ ကျုပ် သိပါတယ်၊ ခင်ဗျားနဲ့ တွေ့စက တစ်ဦးနဲ့တစ်ဦး . ဒီလို အပေါက်အလမ်း တည့်သွားကြလိမ့်မယ်လို့ ကျုပ် မမျှော်လင့်ခဲ့ဘူး၊ ကောင်းပြီ၊ ခင်ဗျား ဖီလဒယ်လ်ဖီးယားကို ပြန်သွားပေတော့၊ ကျုပ် ကတိ ` ပေးလိုက်မယ်၊ သည့်ပြင်အမှာစာတွေကို ဆိုင်းချင်ဆိုင်းထားရပါစေ၊ ခင်ဗျားတို့ – ပစ္စည်းကိုတော့ ချိန်းထားတဲ့ရက်ကို ရောက်အောင် ကျုပ်ဆက်ဆက် ပို့လိုက်မယ်” ဟု မစ္စတာဂေါကို ပြောလေသည်။ ။

– မပြောရဘဲနှင့် မစ္စတာဂေါသည် သူလိုသည့်အရာအားလုံးကို ရရှိ၏။ ပစ္စည်းများလည်း အချိန်မီရောက်လာ၍ အဆောက်အအုံသည်လည်း ရက်ချိန်း အတိုင်း ဆောက်၍ ပြီးစီးသွားလေသည်။ ‘ အကယ်၍သာ မစ္စတာဂေါသည် ဒီလိုကိစ္စမျိုးတွင် ခါတိုင်းအသုံးပြုလျက် ရှိကြသည့် တုတ်တစ်ပြက် ဓားတစ်ပြက် နည်းတို့ကို အသုံးပြုလျှင် သူ လိုသည့် အမူအရာမျိုးကို ရနိုင်ပါမည်လော။

တစ်ဖက်သားကို မျက်မုန်းမကျိုး စိတ်မဆိုးစေဘဲ စိတ်ပြောင်းလာအောင် လုပ်လိုလျှင် ဥပဒေသ အမှတ် ၁ သည် ။

ချီးမွမ်းခြင်း၊ ရိုးသားစွာ ချီးကျူးခြင်းတို့ဖြင့် စ၍ ပြောပါ။