မိတ္တဗလဋီကာ

အခန်း ၃ . သင်၏ အပြစ်များကို ရှေးဦးစွာ ဖော်ပြပါ

နှစ်ပေါင်း အနည်းငယ်ခန့်က ကျွန်ုပ်၏ တူမ ဂျိုးဆက်ဖင် သည် ကျွန်ုပ်၏ အတွင်းရေးမှူး အဖြစ်ဖြင့် နယူးယောက်မြို့တွင် ကျွန်ုပ်နှင့်အတူ လာ၍နေလေ သည်။ ထိုအခါက ဆယ်တန်း အောင်ပြီးသည်မှာ သုံးနှစ်သာ ရှိသေး၍ သူ၏ အသက်မှာ ဆယ့်ကိုးနှစ် ဖြစ်၏။ သူ၏ လုပ်သက်ဆိုလျှင် ဗလာနတ္ထိ ဖြစ်၏။ ယနေ့မှာမူကား စူးအက်”တူးမြောင်း၏ အနောက်ဘက် တစ်လွှားတွင် အတော်တကာ့အတော်ဆုံး အတွင်းရေးမှူးတစ်ဦး ဖြစ်၍ နေလေပြီ။ သို့ရာတွင် ကျွန်ုပ်နှင့် အတူတူ လာ၍နေစဉ်က လုပ်သက်မရှိသေးသော်လည်း တတ်ချင်သော စိတ်ကြောင့် အသင်ရ လွယ်ကူလေသည်။ တစ်နေ့သ၌ အလုပ် တစ်ခုကို ကျွန်ုပ် စိတ်သဘောနှင့် မတွေ့သောကြောင့် ကြိမ်းမောင်းမိမည်ရှိရာ “ခဏနေဦး ဒေးကာနက်ဂျီ၊ ခဏနေဦး၊ မင်းဟာ ဂျိုးဆက်ဖင်းထက် အသက်မှာဆိုလဲ နှစ်ဆလောက် ကြီးတယ်၊ အလုပ်သက်မှာဆိုလဲ အဆပေါင်းတစ်သောင်းလောက် ပိုတယ်၊ အဲဒီတော့ သူဟာ မင်းလို ဘယ်မှာ တော်နိုင်ပါ့မလဲ၊ ဟေ့ ဒေ၊ နောက်ပြီး ခဏနေဦးကွ၊ မင်းဟာ အသက် ဆယ့်ကိုးနှစ်လောက်တုန်းက ဘာဖြစ်ခဲ့သလဲ၊ အဲဒီတုန်းက မင်းလုပ်ခဲ့တဲ့ အမှားတွေကို မင်း ပြန်သတိရသေး ရဲ့လား၊ ဟိုအမှားတွေ လုပ်ခဲ့၊ ဒီအမှားတွေ လုပ်ခဲ့တာတွေကော သတိရသေး ၂ ရဲ့လား” အစရှိသည်ဖြင့် ကျွန်ုပ်ကို ကျွန်ုပ် ပြန်၍ ဆုံးမလျက် ရှိ၏။

( အသေအချာပြန်၍ စစ်ဆေးကြည့်သောအခါ အမှန်စင်စစ်ပြောရလျှင် ဂျိုးဆက်ဖင်း၏ လုပ်ရည်ကိုင်ရည်မှာ ကျွန်ုပ် ဆယ့်ကိုးနှစ်အရွယ်တုန်းကထက် သာပေသေးသည်။

ထို့ကြောင့် ဂျိုးဆက်ဖင်း၏ အမှား တစ်ခုခုကို ပြင်ချင်သောအခါ “တူမရေ၊ ဟောဒါကလေးတော့ မှားနေတယ်ဟေ့၊ အေးကွာ၊ ဒါတွေဟာ ငါ မှားတာတွေလောက်တော့ မဆိုးသေးပါဘူး၊ အမှား အမှန်ဆုံးဖြတ်နိုင်တဲ့ဉာဏ် ဆိုတာ မွေးကတည်းက ခေါင်းမှာ ကပ်ပါလာတာမျိုးမှ မဟုတ်ဘဲ၊ လုပ်ရင်း ကိုင်ရင်းမှ ဒီဉာဏ်မျိုးကို တဖြည်းဖြည်း ရလာတာပဲ၊ ဦးလေးလဲ တူမတို့ အရွယ်တုန်းက ငါ့ထက် ဆိုးသေးတာပဲ၊ ကိုယ်ကိုယ်တိုင် အမှားမှား အယွင်းယွင်း ဖြစ်ခဲ့ဖူးတာတွေ များလွန်းလို့ တူမကိုဖြစ်ဖြစ် ဘယ်သူ့ကိုပဲ ဖြစ်ဖြစ် ခုများဖြင့် အပြစ်မပြောချင်တော့ပါဘူးကွယ်၊ အေးကွယ် ဟောဒါလေးကို ဒီလို ပြင်လိုက်ရင် ပိုပြီး မကောင်းပေဘူးလား” အစရှိသည်ဖြင့် ကျွန်ုပ်သည် ပြောပြ၏။ . . အကယ်၍ သင့်ကို အပြစ် ပြောချင်သောသူ တစ်ဦးသည် သင့်ကို အပြစ်မပြောမီ သူ၏ အပြစ်များကို ရှေးဦးစွာ ဝန်ခံထားလျှင် သင်၏ အပြစ် များကို ပြောသောအခါ သင့်တွင် နားဝင်ဆိုးလှတော့မည် မဟုတ်ပေ။

* ၁၉၀၉ ခုနှစ်လောက်က ဂျာမန်မင်းသားကြီး ဗွန်ဘူးလိုသည် ဤနည်းကို အသုံးပြုရန်အရေးတကြီးလိုကြောင်း သိရှိခဲ့ဖူးလေသည်။ ထိုအခါက သူသည် ဂျာမနီပြည်၏ နန်းရင်းဝန်ကြီးဖြစ်၍ ထိုစဉ်အခါက ဂျာမန် ဘုရင်သည် ကိုင်ဇာ ခေါ် ဒုတိယလဟမ်” ဘုရင်ဖြစ်လေသည်။ ထိုဘုရင်သည် မာန အလွန်ကြီးလေသည်။ သူ့လက်ထက်တွင် ကမ္ဘာပေါ်၌ အကြီးဆုံးရေတပ်နှင့် ကုန်းတပ်ကို တည်ထောင်မည်ဟူ၍လည်း ကြုံးဝါးခဲ့ဖူး၏။ • များမကြာမီ အကြောင်းထူးတစ်ခု ပေါ်လာလေသည်။ ထိုကိုင်ဇာဘုရင် သည် ယုံကြည်နိုင်လောက်စရာ မရှိသော စကားများကို ထုတ်ဖော်ပြောဆိုရာ ဥရောပတိုက် တစ်တိုက်လုံးသာမက တစ်ကမ္ဘာလုံး ဆူပွက်လာလေသည်။ ထို့ထက် ပိုဆိုးခြင်းသည်ကား အခြားမဟုတ်။ အဆိုပါစကားများကို သူ့တိုင်းပြည် တွင် မဟုတ်ဘဲ အင်္ဂလန်ပြည်တွင် ဧည့်သည်တော်အဖြစ်နှင့် သွားရောက် လည်ပတ်စဉ် ပြောကြားမိသောကြောင့်ပင် ဖြစ်လေသည်။ ထိုမျှမကသေး၊ သူ့စကားများကို ဒေလီ တယ်လီဂရပ်’ သတင်းစာထဲတွင် ပုံနှိပ်ရန် ခွင့်ပေးခဲ့ သေး၏။ သူပြောသော စကားများမှ ကောက်နုတ်၍ အကျဉ်းချုပ်ပြောရလျှင် အင်္ဂလိပ်တွေအပေါ်တွင် စိတ်ကောင်းရှိသော တစ်ဦးတည်းသောဂျာမန်လူမျိုးမှာ သူပင် ဖြစ်ကြောင်း၊ ရေတပ်ကိုအကြီးအကျယ် ဆောက်လုပ်လျက်ရှိခြင်းမှာလည်း ဂျပန်၏ရန်ကို ချိုးနှိမ်ရန်အတွက် ဖြစ်ကြောင်း၊ ရုရှားနှင့် ပြင်သစ် နှစ်ပြည် ပူးပေါင်း၍ အင်္ဂလန်ကို ပျက်စီးအောင်ကြံစည်ခဲ့ရာ သူတစ်ဦးတည်းကသာ အင်္ဂလန်ကို အဆိုပါ ဘေးဆိုးမှ လွတ်ကင်းအောင် ကယ်ဆယ်ခဲ့ရကြောင်း၊ အာဖရိက တောင်ပိုင်းတွင် ဘိုဝါး များနှင့် အင်္ဂလိပ်တို့သည် စစ်ဖြစ်စဉ်က အင်္ဂလန်ပြည်၏ စစ်ဗိုလ်ချုပ်ကြီးသည် ဘိုဝါးများကို နိုင်အောင် စစ်ဆင်ပုံမှာ သူ့စစ်ဆင်ပုံပင်ဖြစ်ကြောင်း အစရှိသည်ဖြင့် ရောက်တတ်ရာရာတို့ကို လျှောက်၍ ပြောခဲ့လေသည်။

နှစ်ပေါင်းတစ်ရာအတွင်း ထိုကဲ့သို့စကားမျိုးကို စစ်မဖြစ်သည့် အချိန်အခါ တွင် မည်သည့် ဥရောပတိုက်ရှိ မည်သည့် ရှင်ဘုရင်ကမျှ မပြောဖူးချေ။ ဥရောပ တစ်တိုက်လုံး ဆူပွက်လျက် ရှိ၏။ အင်္ဂလန်ပြည်ကလည်း အတော် စိတ်ဆိုး၏။ ဂျာမနီပြည်ရှိ နိုင်ငံပြုသုခမိန်များလည်း အတော်အံ့အားသင့်လျက် ရှိကြ၏။ ထိုသို့ ပွက်လောထလာသဖြင့် ကိုင်ဇာသည် လန့်လာသောကြောင့် – သူ၏ နန်းရင်းဝန် ဗွန်ဘူးလိုအား သူ့အတွက် တန်ဆာခံရန် ပြော၏။ ဗွန်ဘူးလို ကိုယ်တိုင်က ကိုင်ဇာပြောသမျှ စကားတို့သည် သူ အပြောခိုင်းသော စကားများဖြစ်သောကြောင့် အားလုံးအတွက် သူ တာဝန်ယူသည်ဟု ထုတ်ပြန် ကြေညာစေချင်၏။

ထိုအခါ လျှောက်ထားဝံ့ပါသည် ဖုရား၊ ဤကဲ့သို့ စကားမျိုးကို အရှင်ဖုရား ပြောအောင် ဖုရားကျွန်တော်မျိုး တိုက်တွန်းနိုင်လိမ့်မယ်လို့ ဂျာမနီပြည်မှာကော၊ အင်္ဂလန်ပြည်မှာကော ဘယ်ပြည်ကမှ ယုံကြည်ကြမယ် မဟုတ်ပါဘူး ဖုရား’ဟု ဗွန်ဘူးလိုသည် လျှောက်ထား၏။

ဤစကားကို လျှောက်ထားပြီးလျှင် ပြီးချင်း မှားသွားပြီဟု နန်းရင်းဝန် ဗွန်ဘူးလို သိ၏။ ကိုင်ဇာဘုရင်လည်း ဒေါသအမျက် ဟူးဟူးထွက်သည့် အလျောက် “မင်းက ငါ့ကို မင်းတောင် မလုပ်တဲ့ အမှားတွေကို လုပ်တတ်တဲ့ , – နွားမှတ်လို့လား”ဟု မိန့်၏။ “

ဗွန်ဘူးလိုလည်း အပြစ်တင် အလျင်မစောဘဲ စ၍ ချီးမွမ်းသင့်ကြောင်း နောက်မှသိရ၏။ ထို့ကြောင့် ပြောလည်းပြောပြီးပြီဖြစ်၍ မတတ်သာတော့ဘဲ ဖြစ်သမျှအကြောင်း အကောင်းဆုံးဖြစ်အောင် တစ်ဖန်ဆက်၍ ပြောပြလေသည်။ ယခုတစ်ကြိမ်မှာကား အစွမ်းကုန် ချီးမွမ်း၏။ ဤကဲ့သို့ဆက်၍ ချီးမွမ်းမိသဖြင့် ချီးမွမ်းသောစကားတို့၏ ဓမ္မတာအတိုင်း အံ့မခန်း ဖြစ်သွား၏။

• “ကျွန်တော်မျိုးက ဒီလို မဆိုလိုပါဘူး၊ ဘုန်းတော်ကြီးလှသော အရှင်ဖုရား ဟာ ကျွန်တော်မျိုးထက် အစစအရာရာမှာသာလှကြောင်းပါ ဖုရား၊ စစ်တပ် ရေတပ်ဆိုင်ရာ ဗဟုသုတအဖြာဖြာမှာသာမကဘဲ လောကဓာတ်ပညာ အရာရာ မှာလဲ ကျွန်တော်မျိုးထက်သာကြောင်းပါ ဖုရား၊လောကဓာတ်ပညာရပ်များကို ဘုန်းတော်ကြီးလှသော ရေမြေ့ရှင် အရှင်ဖုရားကိုယ်တော်တိုင် လင်းကျင်း ပြသနေသည့်အခါများတွင် ကျွန်တော်မျိုးကြီးဟာ နားထောင်ရင်း အံ့သြလို့ မဆုံးအောင် ရှိပါတော့သည် ဖုရား၊ ကျွန်တော်မျိုးကြီးများဟာ ဒီပညာ ရပ်များကို နကန်း တစ်လုံးလောက်မျှ မတတ်ကြောင်းကို ရှက်ရှက်နှင့် လျှောက်ထားဝံ့ ပါသည် ဖုရား၊ သို့ပေမယ့် အရှင်ဘုရားရဲ့ ကျေးတော်မျိုး ကျွန်တော်မျိုးမှာ အရှင်ဖုရားရဲ့ ဘုန်းရိပ် ကံရိပ်ကို ခိုလှုံရပါသောကြောင့် အရှင်ဖုရား၏ ကျေးဇူးသစ္စာတော်ကို စောင့်ထိန်းနိုင်ရန် နိုင်ငံရေး ပညာရပ် များကိုတော့ဖြင့် တတ်ကျွမ်းလျက်ရှိပါကြောင်းပါ ဖုရား” ‘ ကိုင်ဇာဘုရင်၏ မျက်နှာတော်သည် မှိုရသောသူ၏ မျက်နှာကဲ့သို့ ဖြစ်လာ၏။ နန်းရင်းဝန် ဗွန်ဘူးလိုသည် သူ့ကိုယ်ကိုနှိမ့်ချပြီးလျှင် သူ့ဘုရင်ကို မိုးထိအောင် မြှောက်လေသည်။ ဤစကားကိုကြားရသောအခါ ကိုင်ဇာဘုရင် ‘ သည် ဗွန်ဘူးလို၏ အပြစ်ဟူသရွေ့ကို ချမ်းသာခွင့်ပေးနိုင်လေတော့သည်။

“အေး ဒါကြောင့် ငါ မပြောဘူးလား၊ တို့နှစ်ယောက်ပေါင်း လောင်းကျော် လိမ့်မယ်လို့ ၊ တို့နှစ်ယောက် ဘယ်တော့မှ မခွဲဘူးကွ ́ဟူ၍ ဝမ်းသာအားရစွာ ပြန်ပြောလေသည်။

ထို့နောက် နန်းရင်းဝန်ကို ကိုင်ဇာဘုရင်သည် တစ်ကြိမ်မက အကြိမ်ပေါင်း များစွာ လက်ဆွဲနှုတ်ဆက်၏ ။ သုံး လေးနာရီလောက် ကြာသွားသောအခါ

” ဝမ်းသာလုံးဆို့လွန်းသဖြင့် “ငါ့ဆီကိုလာပြီး ဗွန်ဘူးလိုအကြောင်း မကောင်း . ပြောတဲ့အကောင်တွေ အကုန်လုံး ငါကိုယ်တော်မြတ်ကိုယ်တော်တိုင် နှာရိုးကို ထိုးပစ်တော်မူမယ်”ဟူ၍ ကြုံးဝါးလေသည်။ ။

ဤနည်းဖြင့် ဗွန်ဘူးလိုသည် ဘုရင်၏ အမျက်တော်အရှခံရမည့်ဘေးမှ – လွတ်ကင်းခဲ့ဖူးလေသည်။ .. ။

– ကိုယ့်ကိုယ်ကိုနှိမ့်ချပြီးလျှင် တစ်ဖက်သားကို မြှောက်တင်ထားသော စကားခွန်း အနည်းငယ်တို့သည် ကိုင်ဇာကဲ့သို့ မာနလည်းရှိ စိတ်ကလည်း နာကြည်းလျက်ရှိသော ရှင်ဘုရင် တစ်ပါးကို မိမိအား ခင်မင်လာအောင် ပြုလုပ်နိုင်လျှင် နေ့စဉ်နေ့တိုင်း သင်နှင့် ကျွန်ုပ်တို့ တွေ့ဆုံနေကြရသော လူများကို မူကား ဤကဲ့သို့နှိမ့်ချခြင်းနှင့် ချီးကျူးခြင်းတို့သည် မည်ကဲ့သို့သော အကျိုးများပြီးစီးအောင် လုပ်နိုင်မည်ကို သင်ကိုယ်တိုင် တွေး၍သာ ကြည့်ပါ တော့။ ထိုနည်းကို အသုံးချတတ်လျှင် ပေါင်းသင်းဆက်ဆံရာ၌ အလွန်ထူးသော အကျိုးများကို သင်သည် တွေ့ရှိရမည် ဖြစ်၏။

တစ်ဖက်သားကို မျက်မုန်းကျိုး စိတ်မဆိုးစေဘဲ စိတ်ပြောင်းလာအောင် ” လုပ်လိုလျှင် ဥပဒေသ အမှတ် ၃ သည် ။ . တစ်ဖက်သားကို အပြစ်မပြောမီ သင်၏ အမှားများကို ဖော်ပြပါ။