မိတ္တဗလဋီကာ

အခန်း ၂ – ဆက်ဆံရာဝယ် နည်းကောင်းတစ်မည် ။

ဤမိုးအောက်တွင် တစ်စုံတစ်ယောက်သောသူအား ကိုယ်ခိုင်းလိုသည့်အရာကို . လုပ်အောင် ခိုင်းနိုင်သော နည်းတစ်နည်းသာရှိသည်။ ထိုနည်းမှာ မည်သည့် နည်းများ ဖြစ်ပါလိမ့်ဟူ၍ သင်စဉ်းစားမိပါ၏လော။ ဟုတ်ကဲ့ နည်းတစ်နည်း သာလျှင်ရှိ၏။ ထိုနည်းသည်ကား တစ်စုံတစ်ယောက်သောသူအား ကိုယ် ‘ ခိုင်းလိုသည့်အရာကို လုပ်ချင်အောင် ခိုင်းခြင်းပင် ဖြစ်၏။ . . . ထိုနည်းအပြင် အခြားနည်း မရှိကြောင်းကို သတိပြုပါ။ . တကယ်ပါပဲ။ လူတစ်ယောက်၏ နံကြားကို ခြောက်လုံးပြူး သေနတ် – နှင့် တေ့ပြီးတော့ သူ့ နာရီကို ပေးချင်လာအောင် သင်လုပ်ချင်လျှင် လုပ်နိုင် ပေလိမ့်မည်။ အလုပ်ထုတ်ပစ်မည်ဟု ခြိမ်းခြောက်ခြင်းအားဖြင့် သင့်လုပ်သား တစ်ဦးကို သင့်မျက်စိအောက်တွင် သင့်အား ကူဖော်လောင်ဖက်ရအောင် ခိုင်းနိုင်ပေလိမ့်မည်။ ကလေးတစ်ဦးအား ကျောပွတ်ဖြင့်ရိုက်၍သော်လည်းကောင်း၊ ခြောက်လှန့်၍သော်လည်းကောင်း သင် ခိုင်းလိုသည့် အရာကို လုပ်အောင် ခိုင်းနိုင်ပေလိမ့်မည်။ သို့ရာတွင် ဤကဲ့သို့ မသိမ်မွေ့သောနည်းများမှ အလိုမရှိ အပ်သော အမှုအခင်းများသည် ပေါက်ဖွားလာတတ်လေသည်။

ကျွန်ုပ်သည် သင့်အား မည်သည့်ကိစ္စကိုမဆို ပြုလုပ်စေလိုလျှင် ကျွန်ုပ် ပြုလုပ်ရမည့် တစ်ခုတည်းသောနည်းလမ်းမှာ သင်အလိုရှိသည့်အရာကို သင့်အား ပေးခြင်းပင် ဖြစ်၏။

သင် ဘာကို အလိုရှိသလဲ။ ယခုခေတ်တွင် အထင်အရှားဆုံးသော စိတ်ဘက်ဆိုင်ရာ ပညာရှိကြီးတစ်ဦး ဖြစ်သည့် ဗီယင်နာမြို့ ” မှ ဒေါက်တာ ဆစ်ဂမန် ဖရွိုက် က သင်နှင့် မိမိကိုယ်ကို အထင်ကြီးသော စိတ်တို့၏ တိုက်တွန်းမှုနှစ်ခုမှ ဖြစ်ပေါ်လာလေသည်ဟူ၍ ပြောကြားဖူး၏။

အမေရိကန်ပြည်၏ အနက်နဲဆုံးသော သဘာဝတ္ထု ပညာရှိကြီး ပါမောက္ခ ဂျွန် ဂျူဝီ က အထက်ပါစကားကို အနည်းငယ်ပြင်၍ ပြောလေသည်။ လူတို့တွင် အပြင်းပြဆုံးသော စိတ်သည် မိမိကိုယ်ကို မိမိ အထင်ကြီးသော စိတ်ပင် ဖြစ်သည်ဟု ဒေါက်တာ ဂျူဝီက ပြောလေသည်။ မိမိကိုယ်ကို မိမိ အထင်ကြီးသောစိတ် ဆိုသော စာပိုဒ်ကို ကောင်းစွာ မှတ်သားထားပါ။ ထိုစကားသည် အဓိပ္ပာယ်လေးနက်၏။ ဤစာအုပ်ထဲတွင် ထိုစကားအကြောင်းကို သင်သည် အမြောက်အမြား ကြားရပေလတ္တံ့။

သင် ဘာကို အလိုရှိသလဲ။ များများလဲ အလိုရှိမည် မဟုတ်ပါ။ သို့ရာ တွင် သင်အလိုရှိသော အနည်းငယ်သော အရာတို့ကို သင်သည် မရလျှင် မနေနိုင်လောက်အောင် အလိုရှိ၏။ လူလားမြောက်သူတိုင်းလိုလိုပင် အလိုရှိ ကြသော အရာများမှာ

၁။ ကျန်းမာခြင်းနှင့် အသက်ရှည်ခြင်း

၂။ အစား

၃။ အအိပ်

၄။ ငွေနှင့် ငွေဖြင့်ဝယ်ယူနိုင်သည့် ပစ္စည်း ‘

၅။ တမလွန်ဘဝ၏ အရေး

၆။ ရာဂစိတ် ပြေငြိမ်းမှု

၇။ သားသမီးတို့၏ ကောင်းစားရေး

၈။ မိမိကိုယ်ကို မိမိ အထင်ကြီးလိုခြင်း

ထို ရှစ်ချက်အနက် တစ်အချက်မှတစ်ပါး ကျန်အချက်များ အားလုံး လိုလိုပင် သင်သည် ရရှိနိုင်လေသည်။ အစားနှင့် အအိပ်တို့ကို အလိုရှိသည့် ဆန္ဒတို့လောက် လေးနက် ပြင်းထန်ပြီးလျှင် တစ်ခါတလေမှသာ ဆန္ဒပြည့်ဝ ရသော တောင့်တချက်တစ်ခု ရှိလေသည်။ ထိုတောင့်တချက်ကို ဖရွိုက်က ကြီးမားလိုသော ဆန္ဒဟု ခေါ်လေသည်။

လူတိုင်း အမြှောက်ကြိုက်သည်ဟု လင်ကွန်းသည် စာတစ်စောင်တွင် အစချီ၍ ရေးသားဖူး၏။ ချီးမွမ်းခံလိုသော ရမ္မက်သည် လူတို့၏ အနက်နဲ ဆုံးသော ပင်ကိုသဘော ဖြစ်သည်ဟူ၍ ဝီလျံဂျိမ်းက ပြောဖူး၏။ ဤနေရာ၌ ဝီလျံဂျိမ်းသည် “အလို” “ဆန္ဒ ‘မျှော်လင့်ချက်” ဟူသော စကားများကို မသုံးဘဲ “ရမ္မက်” ဟူသော စကားကို သုံးလေသည်။ ; , . ဤသည်ကား လူတို့တွင် အလွန်ပြင်းပြလျက်ရှိသော ဆာလောင် မွတ်သိပ်ခြင်းပေတည်း။ ဤစိတ်၏ ဆာလောင်မွတ်သိပ်ခြင်းကို ဖြူစင်ဖြောင့် – စင်းစွာ ဖြေဖျောက်ပေးနိုင်သော လူထူးသည် လူတို့အား သူ၏လက်ဝါးအတွင်း တွင် ဆုပ်ကိုင်ထားနိုင်၍ တွင်းတူးသမားကပင်လျှင် ထိုလူသေသောအခါ ဝမ်းနည်းလိမ့်မည် ဖြစ်၏။

မိမိကိုယ်ကို မိမိ အထင်ကြီးသော စိတ်သည် လူနှင့် တိရစ္ဆာန်တို့၏ သဘာဝကို ကွဲပြားခြားနားစေသော အချက်တစ်ချက်ပေတည်း။ သက်သေ ထူပါအံ့။ ကျွန်ုပ်သည် မစ်ဇူရီပြည်နယ်တွင် သူရင်းငှားကလေးဖြစ်နေခိုက် ကျွန်ုပ်၏ ဖခင်သည် လှပသော ဂျူးရော့ ဂျာဆီ” ဝက်များနှင့် မိဘ အစဉ် အဆက်က မျက်နှာဖြူသော နွားများကို မွေးမြူလေသည်။ ထိုဝက်နှင့် နွားများကို ဗဟိုအနောက်ပိုင်း အရပ်ဒေသတစ်လျှောက်ရှိ တောဈေးများနှင့် တိရစ္ဆာန်ပြပွဲများတွင် ပြသလေ့ရှိလေသည်။ ကျွန်ုပ်တို့သည် ပထမဆုများကို မကြာခဏ ရရှိကြသည်။ ကျွန်ုပ်၏ ဖခင်သည် ဆုအဖြစ်ရရှိသော အပြာရောင် ဖဲပြားများကို ပိတ်ဖြူစတစ်စပေါ်တွင် တွယ်ကပ်ထား၍ ကျွန်ုပ်တို့အိမ်သို့ မိတ်ဆွေသင်္ဂဟများ လာကြသောအခါ ကျွန်ုပ်၏ ဖခင်သည် ထိုပိတ်ဖြူစကို ယူထုတ်လာ၏။ သူက တစ်စကိုကိုင်၍ ကျွန်ုပ်က အခြားတစ်စကို ကိုင်လျက် ဖဲပြားများကို ပြလေ့ရှိ၏။

ဝက်နှင့် နွားများသည် သူတို့အတွက် ပထမဆုအဖြစ် ရရှိသော ဖဲပြား များကို ဂရုမစိုက်သော်လည်း ကျွန်ုပ်၏ ဖခင်မှာမူကား များစွာ ဂရုစိုက်လျက် ရှိ၏။ ဤဆုများကြောင့် သူ့ကိုယ်သူ အတော် အထင်ကြီးလျက် ရှိလေသည်။

အကယ်၍သာ ကျွန်ုပ်တို့၏ မိဘ ဘိုးဘေးတို့တွင် သူတို့ကိုယ်ကို သူတို့ အထင်ကြီးသောစိတ်များ ပြင်းပြစွာ မရှိခဲ့ပါမူ ကျွန်ုပ်တို့၏ ယဉ်ကျေးမှု သည် ရှိနိုင်မည် မဟုတ်။ ထိုကဲ့သို့ စိတ်ဆန္ဒများ မရှိခဲ့လျှင် ကျွန်ုပ်တို့လည်း တိရစ္ဆာန်များနှင့် ခြားနားလှမည် မဟုတ်ချေ။

ဒေါ်လာဝက်နှင့် ဝယ်ယူလာသော အိမ်ထောင်ပစ္စည်းများထည့်ထား သည့် စည်ပိုင်းထဲတွင် တွေ့ရှိသော ဥပဒေစာအုပ်များကို အလွန်ဆင်းရဲ၍ ကျောင်းမနေဖူးသော ကုန်စုံဆိုင်စာရေးကလေးအား လေ့လာသင်ကြားစေ သော အရာသည် မိမိကိုယ်ကို မိမိ အထင်ကြီးသော ထိုစိတ်ပင် မဟုတ်ပါလော။ ဤ ကုန်စုံဆိုင် စာရေးကလေး အကြောင်းကို သင်သည် ကြားဖူးကောင်း ကြားဖူးပေမည်။ သူ၏ နာမည်မှာ လင်ကွန်း ဖြစ်သည်။ ။

ဒစ်ကင်း” အား ကမ္ဘာကျော် အမြုတေဝတ္ထုများကို ရေးစေသော အရာသည်လည်း မိမိကိုယ်ကို မိမိ အထင်ကြီးသော ထိုစိတ်ပင် ဖြစ်လေသည်။ ထိုစိတ်ပင်လျှင် ဆာ ခရစ်စတိုဖား‘ရင်း အား ကျောက်တုံးများဖြင့် “နတ်ဘုံ နတ်နန်း”များ ပေါ်ပေါက်စေခဲ့လေပြီ။ ထိုစိတ်ပင်လျှင် ရော့ဖဲလားကို သူ့တစ်သက်တွင် သုံးမကုန်နိုင်သော သန်းပေါင်းများစွာ ဥစ္စာပစ္စည်းတို့ကို စုစေခဲ့လေပြီ။ ထိုစိတ်ပင်လျှင် သင်နေသော မြို့မှာရှိသည့် အချမ်းသာဆုံး သူဌေးအား သူနေနိုင်သည်ထက် အဆပေါင်းများစွာ ကျယ်ပြန့်သော အိမ်ကြီး ရခိုင်ကို ဆောက်စေခဲ့လေပြီ။ ..

ထိုစိတ်ပင်လျှင် နောက်ဆုံးပေါ် ဖက်ရှင်ကို ဝတ်၊ နောက်ဆုံးပေါ် မော်တော်ကားကို စီး၍ ဉာဏ်ထက်မြက်သော သင်၏ ကလေးများအကြောင်း ကို ပြောချင်အောင် သင့်အား လုပ်ပေးခဲ့ဖူးလှလေပြီ။ ။

မြောက်မြားစွာသော လုလင်ပျိုတို့အား လူဆိုးဂိုဏ်းဝင်များ၊ သေနတ် ကိုင် လူဆိုးများဖြစ်အောင် သွေးဆောင်ခဲ့ဖူးသော စိတ်သည်လည်း ထိုစိတ်ပင် ဖြစ်၏။ “ယေဘုယျအားဖြင့် ကာလပေါ် ရာဇဝတ်ကောင်ကလေးများသည် ကိုယ့်ကိုယ်ကို အထင်ကြီးနေသော စိတ်ထားများ မိုးမွှန်လျက်ရှိကြ၍ သူတို့ကို ဖမ်းမိပြီးလျှင် ပြီးချင်း သူတို့ တောင်းဆိုသော ပထမ အချက်သည် သူတို့ကို လူစွမ်းကောင်းများဖြစ်အောင် ရေးသားထားသော ကြောက်စရာ သတင်းများ ပင် ဖြစ်လေသည်။ ဘေဘီ ရုသ်”၊ လာဂါဒီးယား၊ အိုင်းစတိုင်း ၊ လင်းဒဗတ်၊ တော့စကရင်းနီ သို့မဟုတ် ရုစဗဲ့တို့ကဲ့သို့သော ပုဂ္ဂိုလ်ကျော်တို့၏ ဓာတ်ပုံ နှင့် သူတို့၏ ဓာတ်ပုံများကို ယှဉ်၍ သတင်းစာထဲတွင် `ပါလာသည်ကို မြိန်ဆိမ်စွာ ကြည့်နေရစဉ် လျှပ်စစ်ဓာတ်ကုလားထိုင်ပေါ်တွင် တင်၍ အသတ် ခံရမည့် ဘေးကို သတိမရသလိုပင် ° ဖြစ်နေကြလေသည်။ ဤသို့လျှင် နယူးယောက် မြို့တော်၏ ပုလိပ်မင်းကြီးဟောင်း အီးပီ မူလရူနေ “က ထုတ်ဖော် ပြောဖူး၏။

အကယ်၍ သင်သည် မည်သို့သောအလုပ်ကို လုပ်ခြင်းဖြင့် သင့်ကိုယ် သင် အထင်ကြီးသော သင်၏ အာသာကို ပြေစေသည်ဟု ကျွန်ုပ်အား ပြောကြားပါလျှင် သင်သည် ဘယ်လိုလူစား ဖြစ်သည်ကို သင့်အား ကျွန်ုပ် ပြောကြားနိုင်မည်ဖြစ်၏။ ထိုစိတ်ကို အကဲခတ်ခြင်းဖြင့် သင်၏ အကျင့် စာရိတ္တကိုဆုံးဖြတ်နိုင်မည် ဖြစ်၏။ ထိုစိတ်သည်ပင်လျှင် သင့်တွင် အထင်ရှား ဆုံးသော အရာဖြစ်သည်။ သက်သေထုတ်၍ ပြဦးအံ့။ တစ်ခါမျှလည်း မမြင်ဖူး၊ နောင်လည်း ဘယ်တော့မျှတွေ့ရမည် မဟုတ်သော တရုတ်ပြည် ပီကင်း” မြို့ရှိ ဆင်းရဲသားသန်းပေါင်းများစွာကို ကုသရန်အတွက် ခေတ်မီ ဆေးရုံတစ်ရုံကို ဆောက်လုပ်ရန် ငွေလှူဒါန်းခြင်းအားဖြင့် ဂျွန်ဒီ ရော့ဖဲလား သူဌေးကြီးသည် မိမိကိုယ်ကို မိမိ အထင်ကြီးနေသော သူ၏ အာသာကို ဖြေခဲ့ လေသည်။ ဒီလင်ဂျာ° မှာမူကား ခိုးသားဓားပြ ဘဏ်တိုက်လုသမား လူသတ် သမား ဖြစ်ခြင်းဖြင့် သူ့ကိုယ်သူ အထင်ကြီးနေသော အာသာကို ဖြေခဲ့လေ သည်။ စက်သေနတ်ကိုင်ပုလိပ်များ နောက်ကလိုက်လာသောကြောင့် မင်နီ ဆိုတာ ပြည်နယ်ရှိ ခြံသမားတစ်ဦး၏ အိမ်တွင်းသို့ အတင်းဝင်ပြေးပြီးနောက် – ““ဒီလင်ဂျာဆိုတာ ကျုပ်ပဲ”ဟု ပြောလေသည်။ ပြည်သူ့ရန်သူ အမှတ် တစ် ဖြစ်ရသည်ကို သူသည် ဂုဏ်ယူ၏။ “ခင်ဗျားတို့ကို လက်ဖျားနဲ့တောင် မတို့ဘူး၊ ကျုပ် ဒီလင်ဂျာပဲ” ဟူ၍ သူက ပြောပြေလေသည်။

ဒီလင်ဂျာနှင့် ရော့ ဖဲလားတို့၏ ကွဲပြားခြားနားချက်တစ်ရပ်မှာ သူတို့ နှစ်ဦးတွင် မိမိကိုယ်ကို မိမိ အထင်ကြီးသောစိတ်များ တစ်မျိုးစီ ပေါ်ပေါက်လျက် – ရှိခြင်းပင် ဖြစ်သည်။

မိမိကိုယ်ကို မိမိ အထင်ကြီးစေသော စိတ်အတွက် အားကြိုးမာန်တက် တုပြိုင်ဆောင်ရွက်ခဲ့ကြသည့် ကျော်စောထင်ရှားသည့် လူများ၏ အူမြူးစရာ . သာဓကများစွာကို သမိုင်းတွင် အထင်အရှားတွေ့ရမည်ဖြစ်၏။ ဂျော့ဝါရှင်တန် ပင်လျှင် သူ့ကို “ဘုန်းလက်ရုံးကြီးမြတ်လှစွာသော အမေရိကန် ပြည်ထောင်စု ၏ သမ္မတမင်း” ဟူ၍ ခေါ်စေချင်၏။ ကိုလံဘတ်’ သည် “သမုဒ္ဒရာတို့၏ ရေကြောင်း စစ်ဗိုလ်ချုပ်ကြီးနှင့် အိန္ဒိယပြည်၏ ဘုရင်ခံချုပ်” ဟူသော ဘွဲ့ကို သူ့ အား ပေးပါမည့်အကြောင်း အသနားခံခဲ့ဖူး၏။ “ဧကရီ ထိပ်ခေါင်ကြီး ဟူ၍ လိပ်မတတ်သော ပေးစာများကို ကက်သရင်းဂရိတ် သည် ဖောက်၍ မဖတ်ချေ။ အိမ်ဖြူတော်တွင် မစ္စက် လင်ကွန်းက မစွက်ဂရန့်” ဘက်သို့ လှည့်ပြီးလျှင် “ငါ အထိုင်မခိုင်းဘဲနဲ့ ငါ့ရှေ့မှာ ညည်း ဘာကြောင့်ထိုင်ရသလဲ” ဟူ၍ ကျားမကဲ့သို့ ကြောက်မက်ဖွယ် ဟစ်အော်ခဲ့ဖူး၏။

ရေကြောင်း စစ်ဗိုလ်ချုပ်ကြီး ဘတ် အား အန္တာတိတ် သမုဒ္ဒရာ ဘက်ဆီသို့ ခရီးထွက်သွားနိုင်ရန်အတွက် ကျွန်ုပ်တို့၏ သန်းကြွယ်သူဌေး ကြီးများက ငွေများဖြင့် ထောက်ပံ့ကြခြင်းသည် ထိုအရပ်တွင် တွေ့ရှိသော ရေခဲအတိ ဖုံးနေသည့် တောင်တန်းများကို ထိုသူဌေးကြီးများ၏ နာမည်ဖြင့် အမည်မှည့်ပါမည်ဟူသော ဝန်ခံချက်ကြောင့်ပင် ဖြစ်လေသည်။ ဗစ်တာဟူးဂိုး” သည် ပြင်သစ်ပြည်၏ မြို့တော်ကို ပဲရစ်ဟု ခေါ်မည့်အစား ဗစ်တာဟူးဂိုး ဟူ၍ ပြင်မှည့်စေလိုသည့် ဆန္ဒထက်လျော့သော အခြားဆန္ဒ မရှိချေ။ ကဗျာသည်တို့၏ ဘုရင်တစ်ဆူဖြစ်သော ရှိတ်စပီးယား “ ပင်လျှင် သူ၏ နာမည် ပြောင်သည်ထက် ပြောင်စေရန် သူ၏ မိသားတစ်စုနှင့် ထိုက်တန်သော အဆောင်အယောင်တို့ကို ရအောင် ကြိုးစားခဲ့ဖူး၏။

အခြားသူများက သနား၍ ဂရုတစိုက်လုပ်ခြင်းကို ခံရလျက် မိမိကိုယ်ကို မိမိ အထင်ကြီးနေသော အာသာများ ပြေစေလိုသောကြောင့် သူတို့သည် တစ်ခါတစ်ရံ ကိုယ်မကျန်းဟန် ဆောင်ကြ၏။ သက်သေ ပြပါအံ့၊ မစ္စက် မက်ကင်လေ” ကို ကြည့်ပါ။ သူ၏ ခင်ပွန်းသည် အမေရိကန်ပြည် သမ္မတ မင်းအား အရေးကြီးသော တိုင်းရေးပြည်ရေးကို ဘေးချိတ်လျက် ခုတင်ပေါ်တွင် နာရီပေါင်းများစွာ အသာ စောင်းပြီးလျှင် သူ့ကို ပွေ့ဖက်၍ အိပ်ပျော်အောင် သိပ်စေသောအားဖြင့် ထိုမိန်းမသည် မိမိကိုယ်ကို မိမိ အထင်ကြီးလိုသော အာသာကို ပြေစေလေသည်။ သူ့ကို ဂရုစိုက်စေလိုသည့် အာသာကို ပြေစေရန် သူ့စိုက်သွားများကို တပ်နေစဉ် သမ္မတမင်းအား အနားတွင် နေခိုင်းသည်။ တစ်ကြိမ်သော် ဂျွန်ဟေး’ နှင့် ချိန်းထားသောကြောင့် သူ့ကို – သွားစိုက်ဆရာနှင့် ထားပစ်ခဲ့သည့်အတွက် သူသည် အတော်ပင် ဆူပွက်ခဲ့ သေး၏။

“တစ်နေ့တွင် ဒီမိန်းမဟာ သူ့အသက်ကိုသူ ပြန်တွက်ကြည့်ပြီး ငါတော့ ဒီတစ်သက်မှာ လင်မရတော့ပါဘူးလို့ တွေးမိပါလိမ့်မယ်၊ တစ်ကိုယ် တည်း နေရမယ့် နှစ်တွေက အများကြီး၊ မျှော်လင့်ချက်ကလဲ သိပ်မရှိလှ၊ အဲဒီတော့ အိပ်ရာပေါ်က တစ်ခါတည်း မထတော့ဘူး၊ လူမမာလုံးလုံးကြီး ဖြစ်နေတော့တာပဲ၊ ဆယ်နှစ်လုံးလုံး သူ့အမေကြီးဟာ သူနေတဲ့ သုံးထပ်တိုက် ပေါ်အထိ စားစရာ သောက်စရာတွေကို တက်လိုက် ဆင်းလိုက်နဲ့ သယ်ပို့ရင်း သူ့ကို ပြုစုနေရတယ်၊ ဒါနဲ့ တစ်နေ့ကျတော့ သူ့အမေအိုကြီးဟာ အလုပ် ပင်ပန်းပြီး လဲသေပါရော၊ တနင်္ဂနွေ အပတ်ပေါင်း အတော်ကြာကြာ လူမမာ ဟာ နွမ်းနယ်နေတာပေါ့လေ၊ သည်နောက် အိပ်ရာကထ အဝတ်အစားလဲပြီး ရှေးကလို ကျန်းမာလာတော့တာပဲ”ဟု မိမိကိုယ်ကို မိမိ အထင်ကြီးနေသော စိတ်ကို ပြေစေလိုသောဆန္ဒကြောင့် ကျန်းမာသန်စွမ်းလျက်နှင့် လူမမာလုပ်နေ သော မိန်းမတစ်ဦး၏ အကြောင်းကို ကျွန်ုပ်အား မေရီ ရောဘတ် ရိုင်းဟုတ် က ပြောပြဖူး၏။

မိမိကိုယ်ကို မိမိ အထင်ကြီးနေသော်လည်း မျှော်လင့်သည့်အတိုင်း ဤကမ္ဘာလောကကြီးက အထင်ကြီးခွင့် မပေးသဖြင့် စိတ်တိုင်းကျ အထင်ကြီး ခွင့်ရသော အရူးဘဝသို့ လူတို့သည် ပြောင်းကြကုန်၏ဟူ၍ စိတ်ပညာဘက် ဆိုင်ရာ အချို့ပါရဂူကြီးများက ထုတ်ဖော်ပြောကြားဖူးလေသည်။ အမေရိကန် ပြည်ထောင်စုရှိ ဆေးရုံများတွင် အခြားသော ရောဂါများကို ခံစားလျက်ရှိသော ဝေဒနာသည်များအားလုံးကို စုပေါင်းထားသော အရေအတွက်ထက် စိတ္တဇ ရောဂါ စွဲကပ်လျက်ရှိသော ဝေဒနာသည်တို့၏ အရေအတွက်က ပိုမိုများပြား လျက် ရှိလေသည်။

သင်၏ အသက်သည် တစ်ဆယ့်ငါးနှစ်ထက် ကျော်၍ သင်သည် နယူးယောက်ပြည်နယ်တွင် နေသူတစ်ဦးဖြစ်ခဲ့ပါမူ ခုနစ်နှစ်လောက် အရူးထောင် ကျနေဖို့ရန် အခွင့်အလမ်းများသည် အပုံ ၂၀ ပုံလျှင် တစ်ပုံလောက် ရှိလေသည်။ . .

ရူးသွပ်ခြင်း၏ အကြောင်းရင်းကား အဘယ်နည်း။ ။

ထိုကဲ့သို့ အဆုံးမသတ်သောမေးခွန်းမျိုးကို မည်သူမျှ ဖြေဆိုနိုင်မည် မဟုတ်။ သို့ရာတွင် ဆစ်ဖလစ်” ခေါ် ကာလသားရောဂါများ ကျရောက်ပြီးလျှင် ထိုရောဂါပိုးတို့သည် ဦးနှောက်အိမ်များကို ဖျက်ဆီးသောကြောင့် ရူးသွပ်သွား ရသည်ဟု ကျွန်ုပ်တို့ သိရှိရ၏။ ရူးသွပ်သောရောဂါများအနက် တစ်ဝက်လောက် သည် ဦးနှောက်ပျက်၍သော်လည်းကောင်း၊ အရက်ကြောင့်သော် လည်းကောင်း၊ အဆိပ်အတောက် များကြောင့်သော် လည်းကောင်း၊ ဒဏ်ရာ ဒဏ်ချက်များ ကြောင့်သော်လည်းကောင်း ဖြစ်၏။ ကျန်တစ်ဝက်မှာမူကား ဦးနှောက်တစ်စုံ တစ်ရာ ချို့ယွင်းချက် မရှိဘဲနှင့် ရူးသွပ်လျက် ရှိသည်ကို တွေ့ရသည်။ အလွန် ထိတ်လန့်ဖွယ်ရာကောင်းလေစွ။ ထိုဝေဒနာသည်များ အနိစ္စရောက်ပြီး နောက် သူတို့၏ ဦးနှောက်များကို ထုတ်ယူ၍ အားအကြီးဆုံး ပိုးမွှားကြည့် မှန်ဘီလူးကြီးများနှင့် သေချာစွာ ကြည့်ရှုစစ်ဆေးရာ ထိုဦးနှောက်များသည်

သင်နှင့် ကျွန်ုပ်တို့၏ ဦးနှောက်များကဲ့သို့ပင် လတ်ဆတ်ကောင်းမွန်လျက် ရှိကြောင်းကို တွေ့ရ၏။

သို့ဖြစ်လျက် ဤလူများသည် အဘယ်ကြောင့် ရူးသွပ်သွားရသနည်း။

ထိုမေးခွန်းကို ကျွန်ုပ်တို့၏ နာမည်အကြီးဆုံး စိတ္တဇဆေးရုံတစ်ရုံ၏ ဆရာဝန်ကြီးတစ်ဦးအား ကျွန်ုပ်ကိုယ်တိုင် မေးမြန်းဖူး၏။ ရူးသွပ်သော ဝေဒနာဘက်တွက် အထူးကျွမ်းကျင်သောကြောင့် အလွန်ရနိုင်ခဲသော ဂုဏ်ထူး ဘွဲ့ထူးကြီးများကို ရရှိထားသော ထိုဆရာဝန်ကြီးကိုယ်တိုင်ကပင်လျှင် ဤ မေးခွန်းကို မဖြေနိုင်ပါဟု ရိုးရိုး ဖွင့်ပြောဖူး၏။ မည်သူမျှလည်း အသေအချာသိမည် မဟုတ်။ သို့ရာတွင် ရူးသွပ်သွားသော လူတို့သည် မရူးသွပ်မီက မခံစားရရှာသော မိမိကိုယ်ကို မိမိအထင်ကြီးသောစိတ်ကို ရူးသွပ်သောအခါမှ ခံစားကြရလေသည်ဟု ထိုဆရာကြီးက ပြောပြဖူးလေသည်။ ထိုနောက် ဆရာကြီးသည် ကျွန်ုပ်အား အောက်ပါ အဖြစ်အပျက်ကို ပြောပြလိုက်လေသည်။

“ကျွန်ုပ်ထံတွင် လင်ယူမှားတဲ့ မိန်းမ လူမမာတစ်ဦး ဆေးကုနေတာ ရှိတယ်၊ လင်ယူတဲ့အတွက် သူ့ကို ချစ်မယ့် လင်ရယ်၊ ရာဂ ငြိမ်းမှုရယ်၊ ကလေးရယ်၊ ဂုဏ်ရယ် သူမျှော်လင့်ခဲ့တယ်၊ သို့ပေမယ့် သူ့မျှော်လင့်ချက်တွေ ဟာ အကုန်လုံးလွင့်စင်ကုန်တာပဲ၊ သူ့ယောက်ျားက သူ့ကို မချစ်၊ သူနဲ့တောင် ထမင်းလက်ဆုံမစား၊ သူ့လင်နေတဲ့ အပေါ်ထပ်ကို သွားပြီး သူကိုယ်တိုင် ထမင်း ခူးခပ်ကျွေးရတယ်၊ သူ့မှာ ကလေးလ် မရှိ၊ ဂုဏ်လဲ မရှိ ဒါနဲ့ သူ ရူးပါရော၊ သူ့ စိတ်ကူးထဲမှာ သူ့လင်ကို သူကွာလိုက်ပြီး အပျိုဘဝက သူ့နာမည်ကို ပြန်ယူထားတယ်၊ ယခု သူ့ကိုယ်သူ အင်္ဂလိပ် မှူးမတ်တစ်ဦးနှင့် အိမ်ထောင် ပြုဖက်လို့ ယုံကြည်နေပြီး သူ့ကို လေဒီ ဆမစ်”လို့ အခေါ်ခိုင်းနေတယ်။

“ကလေးကို ဘယ်လောက် လိုချင်နေသလဲဆိုရင် ညတိုင်း ကလေး တစ်ယောက် တစ်ယောက် မွေးနေတယ်လို့ သူထင်နေတယ်၊ သူ့အခန်းထဲကို ကျွန်ုပ် ဝင်သွားတိုင်း “ဆရာ မနေ့ညက ကျွန်မ ကလေးတစ်ယောက်မွေးတယ်” ဟု ဆီးပြီး ပြောတယ်”ဟူ၍ ကျွန်ုပ်အား ထိုဆရာဝန်ကြီးက ပြောပြလေသည်။

လူကောင်းပကတိဖြစ်စဉ်က သူ၏ မျှော်လင့်ချက်များသည် အားလုံး ပျက်စီးခဲ့လေသည်။ သို့ရာတွင် ရူးသွပ်သောအခါမှ သူ၏ လိုအင်ဆန္ဒများ အားလုံး ပြည့်ဝရခြင်းသည် ကြေကွဲဝမ်းနည်းဖွယ်ရာကောင်းသလား ကျွန်ုပ် မသိပါ။ သို့ရာတွင် သူ့ဆရာဝန်ကမူကား “ကျွန်ုပ် လက်ကို ဆန့်လိုက်ရုံဖြင့် သူ ရူးသွပ်တဲ့ ဝေဒနာကို ပျောက်စေနိုင်မည်ဆိုသော်လည်း ကျွန်ုပ်သည် ပျောက်အောင် မလုပ်ပေးလို၊ ယခုအတိုင်း သူသည် ပို၍ စိတ်ချမ်းသာသည်” ဟု ကျွန်ုပ်အား ပြောလိုက်၏။

. လူတစ်စုအနေနှင့် ပြောရလျှင် အရူးများသည် သင်နှင့် ကျွန်ုပ်တို့ထက် – ပို၍ စိတ်ချမ်းသာကြသေး၏။ များစွာသော လူတို့သည် ရူးနေသည်ကို နှစ်ခြိုက်ကြ၏။ အဘယ့်ကြောင့် မနှစ်ခြိုက်ရမည်နည်း။ သူတို့၏ ခက်ခဲသော ပြဿနာများကို သူတို့ ဖြေကြခြင်းပင် ဖြစ်၏။ သူတို့သည် သင့်အား ဒေါ်လာတစ်သန်းတန် ချက်လက်မှတ်ကို ရေး၍သော်လည်း ပေးလိမ့်မည်။ အာဂါခန်” မင်းသားကြီးထံသို့ မိတ်ဆက်စာတစ်စောင်သော်လည်း ရေးပေး လိမ့်မည်။ သူတို့ နှစ်နှစ်ခြိုက်ခြိုက် အလိုရှိကြသော သူတို့ကိုယ်ကို သူတို့ အထင်ကြီးနေသည့် ဆန္ဒကို ရူးသွပ်နေစဉ် သူတို့သည် ပြည့်ဝကြရလေသည်။

အကယ်၍ အချို့လူတို့သည် မိမိကိုယ်ကို မိမိ အထင်ကြီးနေသော ဆန္ဒကို ပြည့်ဝရုံအတွက် ရူးသွပ်သည့် ဘဝသို့ပင် ကူးပြောင်း ရသည်ဟု ဆိုလျှင် လူတို့အား သူတို့အလိုရှိသော ဆန္ဒများကို မရူးသွပ်ရဘဲနှင့် ပြည့်ဝ

အောင် သင်နှင့် ကျွန်ုပ်တို့ လုပ်ပေးနိုင်ပါလျှင် အံ့သြ၍ မကုန်နိုင်သော ကိစ္စ များကို ကျွန်ုပ်တို့သည် မည်မျှ ပြီးစီးအောင် လုပ်နိုင်မည်ကို တွေး၍ကြည့်ကြ ပေတော့။

ကျွန်ုပ် သိရသလောက်မှာ လစာငွေအဖြစ်နှင့် တစ်နှစ်လျှင် ဒေါ်လာငွေ တစ်သန်းရသော သူများသည် လူ့သမိုင်းတွင် နှစ်ယောက်သာရှိသေး၏ ။ ဝေါလတာ ခရိုက်ဇလာ နှင့် ချားရွှပ် ၃ တို့ ဖြစ်ကြသည်။

အန်ဒရူး ကာနက်ဂျီ သည် ချား ရွှပ်ကို တစ်နှစ်လျှင် လစာငွေ ဒေါ်လာ တစ်သန်း သို့မဟုတ် တစ်နေ့လျှင် ဒေါ်လာငွေ သုံးထောင်ခန့်ကို အဘယ်ကြောင့် ပေးသနည်း။

ဘာကြောင့်လဲ။

သံမဏိသူဌေး အန်ဒရူး ကာနက်ဂျီသည် ချား ရွှပ်ကို တစ်နှစ်လျှင် လစာငွေ ဒေါ်လာ တစ်သန်း ပေးထားခြင်းမှာ များ ရွှပ်သည် ပဂေးတစ်ယောက် ဖြစ်၍လား။ မဟုတ်ပါ။ သို့မဟုတ်လျှင် သံမဏိလုပ်ငန်းကို အခြားသူများထက် ပို၍ နားလည်သောကြောင့်လား။ ဟာ မဟုတ်တာ။ သူ၏ လက်အောက်တွင် သူ့ထက် သံမဏိလုပ်ငန်းကို ပို၍တတ်သော အလုပ်သမား အမြောက်အမြား ရှိသည်ဟု ချား ရွှပ်က ကျွန်ုပ်ကို ပြောပြဖူး၏။

ဤလခကို သူရခြင်းသည် အခြားစွမ်းရည်သတ္တိတို့ထက် လူများနှင့် ဆက်ဆံရာ၌ အသုံးချနိုင်သော စွမ်းရည်သတ္တိအတွက်ဖြစ်သည်ဟု ရွပ်က ပြောပြ၏။ လူများနှင့် မည်ကဲ့သို့ ဆက်ဆံသနည်းဟု သူ့ကို ကျွန်ုပ်က မေး၏။ သူ၏ “တစ်ခုကောင်း”ကို သူပြောသည့်အတိုင်း အောက်တွင် ပြန်၍ ရေးပြ လိုက်ပါ၏။ ထိုစကားများသည် အမေရိကန်ပြည်ရှိ အိမ်တိုင်း ကျောင်းတိုင်း ဆိုင်တိုင်း အလုပ်ရုံတိုင်း၌ တစ်ကမ္ဘာတည် ကြေးနီပြားပေါ်တွင် ထွင်းထားရန် ကောင်းသော စကားများဖြစ်လေသည်။ ဘရာဇီး နိုင်ငံတွင် မိုးမည်မျှရွာသည်။ လက်တင်ဘာသာ ကြိယာများသည် မည်သို့ပြောင်းလဲသည် စသော စာများကို အချိန်ကုန်ခံ၍ အလွတ်ကျက်နေမည့်အစား ကလေးများ အလွတ်ကျက်ရန် ကောင်းသော စကားများသည် ထိုစကားပင် ဖြစ်လေသည်။

– ကျွန်ုပ်တို့ကိုယ်တိုင် ထိုအတိုင်း ကျင့်ဆောင်သွားနိုင်လျှင် ထိုစကား များသည် သင်နှင့်ကျွန်ုပ်တို့၏ နောင်ရေးကို ပြုပြင်ပြောင်းလဲပစ်မည့် စကားများ ဖြစ်၏။

” အလုပ်သမားများကို စိတ်အားတက်ကြွလာအောင် ဆွပေးနိုင်သော ကျွန်ုပ်၏ စွမ်းရည်သည် ကျွန်ုပ် ပိုင်ဆိုင်သမျှထဲတွင် အကြီးဆုံးသော အရည် အချင်းပင် ဖြစ်ပါသည်။ လူတစ်ယောက်အား သူ့၌ရှိသော အကောင်းဆုံး အစွမ်းကို ပြနိုင်အောင် မြှင့်တင်ပေးရန် နည်းလမ်းသည် ချီးမွမ်းခြင်းနှင့်’ . အားပေးခြင်းပင် ဖြစ်ပါသည်။ ။ . “အထက်လူကြီးများ၏ ပြစ်တင်ကြိမ်းမောင်းခြင်းလောက် လူတစ်ယောက်၏ တက်လမ်းကို အညွန့်တုံးအောင် လုပ်ပစ်သောအရာသည် မရှိ။ ကျွန်ုပ်သည် မည်သူ တစ်စုံတစ်ယောက်ကိုမျှ အပြစ်မတင်။ လူတစ်ယောက်ကို အလုပ် လုပ်ချင်အောင် ပြုလုပ်ပေးခြင်းကို ကျွန်ုပ် ယုံကြည်၏။ ထို့ကြောင့် ကျွန်ုပ်သည် ချီးမွမ်းရန် အချက်ကိုသာရှာ၍ အပြစ်ရှာရန်ကိုကား လွန်စွာ မုန်းတီးခဲ့၏။ ကျွန်ုပ် အကြိုက်နှင့်တွေ့လျှင် စိတ်ရောကိုယ်ပါ ထောက်ခံ၍ ချီးမွမ်းစရာ တွေ့က ရက်ရက်ရောရော ချီးမွမ်းပစ်လိုက်၏”ဟူ၍ ရွပ်က ပြောပြလိုက် လေသည်။

ရွပ်သည် ထိုကဲ့သို့ ကျင့်၏။ ယေဘုယျအားဖြင့် လူတို့သည် ဘယ်လို ကျင့်သလဲ။ ထိုစကားများနှင့် ပြောင်းပြန် ကျင့်ကြကုန်၏။ သူတို့အကြိုက်နှင့် `မတွေ့လျှင် အစွမ်းကုန် ဆူပွက်ပစ်၍ အကြိုက်နှင့်တွေ့လျှင် ငြိမ်ငြိမ်နေတတ်၏။

“ကမ္ဘာပေါ်ရှိ များစွာသော အရပ်ဒေသတို့၌ ကျွန်ုပ် ပေါင်းသင်းဆက်ဆံ ခဲ့ရသော လူကြီးလူငယ်များနှင့် များစွာသော လူများထဲတွင် မည်မျှပင် ရာထူးဌာနန္တရ ကြီးမားသောသူပင် ဖြစ်စေကာမူ ကြိမ်းမောင်း ဆူပူနေသည့် လက်အောက်တွင် လုပ်နေရသည်ထက် ထောက်ခံ ချီးမွမ်းလျက်ရှိသော လက်အောက်တွင် အလုပ်ကို ပို၍ကောင်းအောင်နှင့် ပို၍ အားကြိုးမာန်တက် -မလုပ်သောသူကို ယခုထက်တိုင် ရှာမတွေ့သေးပေ”ဟူ၍ ရွှပ်က ပြောဖူး၏။

ထိုအချက်သည် အန်ဒရူးကာနက်ဂျီ၏ အံ့မခန်းအောင်မြင်ခြင်း၏ ထူးခြားသော အကြောင်းတစ်ရပ် ဖြစ်သည်ဟူ၍ ရွပ်က ဖွင့်ဟ၍ ပြောပြလေ၏။ ကာနက်ဂျီသည် သူ၏ လုပ်ဖော်လုပ်ဖက်များကို လူများရှေ့တွင်သော် လည်း ကောင်း၊ နောက်ကွယ်တွင်သော် လည်းကောင်း ချီးမွမ်း၏။

သေပြီးသည့်နောက်ကာလ၌ပင် ကာနက်ဂျီသည် သူ၏ အလုပ်သမား ၊ များကို ချီးမွမ်းလိုသောကြောင့် “ဤနေရာသည် မိမိထက်ပို၍ လိမ္မာရေးခြားရှိသောသူများကို မိမိအား ကူညီအောင် ဘယ်လိုလုပ်ရမည်ကို သိသူတစ်ဦး၏ သင်္ချိုင်းဖြစ်သည်” ဟူ၍ ကျောက်ပြားတွင် ထွင်းကာ သူ၏ သင်္ချိုင်းဂူတွင် တပ်ဆင်ထား၏။

လူများကို သိမ်းသွင်းရာ၌ ရော့ဖဲလား၏ အောင်မြင်ခြင်းနည်းကောင်း တစ်ရပ်သည် လှိုက်လှိုက်လှဲလှဲ ချီးမွမ်းခြင်းပင် ဖြစ်လေသည်။ ဥပမာပြပါအံ့။ တစ်ခါတုန်းက ရော့ဖဲလား၏ အစုစပ်ပါတနာတစ်ဦးဖြစ်သော အက်ဒွပ် တီ ဘက်ဖို့ ” သည် တောင်အမေရိကတိုက်တွင် ရေနံတွင်းတစ်ခုကို အဝယ်မှား သောကြောင့် ကုမ္ပဏီသည် ဒေါ်လာတစ်သန်းခန့် ရှုံးခဲ့၏။ ထိုအခါ ရော့ဖဲလား သည် ဘက်ဖို့ကို အပြစ်တင်မည်ဆိုလျှင် တင်နိုင်၏။ သို့ရာတွင် ဘက်ဖို့သည် ၊ အစွမ်းကုန် ကြိုးစား၍ ဆောင်ရွက်သည်ကို ရော့ဖဲလားသိသည်နှင့် ဤကိစ္စကို မျက်စိမှိတ်လိုက်၏။ ထိုသို့လုပ်ခြင်းနှင့် `မကျေနပ်သေး။ ရော့ဖဲလားသည် ဘက်ဖို့ကို ချီးမွမ်းရန်အချက်ကို တွေ့သည်နှင့် ဘက်ဖို့သည် သူသွင်းထားသော . ငွေရင်း၏ ၆၀ ရာခိုင်နှုန်းကို ဆုံးရှုံး၍ မသွားလေအောင် တားထားနိုင်လေ သည်ဟူ၍ ချီးကျူး၏။ “ဒါအတော်ကို နေရာကျတာပဲ၊ တို့တစ်တွေ အစဉ် ဒါလောက်ကောင်းအောင် မလုပ်ဖူးဘူး”ဟူ၍ ရော့ဖဲလားက ပြောလေသည်။

ဘရော့ဒေအရပ်တွင် လူများ၏ အာရုံကို ညွှတ်နူးအောင် အသုံးတော်ခံ လျက်ရှိသော အငြိမ့်ဆရာများထဲတွင်အထင်ရှားဆုံးသော အငြိမ့်ဆရာ ဇစ်ဂဖဲ ? သည် အမေရိကန်သူများကို ဂုဏ်မြင့်အောင် အမွှမ်းတင်ပေးနိုင်သည့် စွမ်းရည် သတ္တိကြောင့် သူကိုယ်တိုင် ကျော်စောကိတ္တိ ရရှိလေသည်။ မည်သူတစ်ဦး တစ်ယောက်ကမှ နှစ်ကြိမ် ပြန်၍ မကြည့်ချင်သော အပေါစား မိန်းကလေး များကို မြင်သူတို့ လောက်အောင် တစ်မျိုးတစ်ဖုံ ပြုပြင်ပြီးလျှင် ဇာတ်စင် ပေါ်သို့ တင်ပေးလိုက်၏။ ချီးမွမ်းထောမနာပြုခြင်းနှင့် မိမိကိုယ်ကို စိတ်ချ ယုံကြည်လာအောင် ပြုလုပ်ပေးခြင်းတို့၏ တန်ဖိုးကို ကောင်းစွာ သိရှိသည် ဖြစ်ရာ သူ၏ အငြိမ့်သမများပေါ်တွင် သူကိုယ်တိုင် မြတ်နိုးခြင်း ညှာတာခြင်း တို့ဖြင့် သူတို့ကိုယ်သူတို့ ချောမွေ့လှပသော မိန်းမများဖြစ်သည်ဟု အထင် ရောက်စေလေသည်။ သူသည် လက်တွေ့သမားတစ်ဦး ဖြစ်သောကြောင့် တနင်္ဂနွေ တစ်ပတ်လျှင် အငြိမ့်သမတစ်ဦးကို ဒေါ်လာငွေ ၃ဝ ပေးရာမှ ဒေါ်လာငွေ ၁၇၅ အထိ မြှင့်တင်လိုက်၏။ မိန်းမသားများအပေါ်တွင် အထူး ထောက်ထားသောသဘောဖြင့် ပွဲဦးထွက်ည၏ အစီအစဉ်တွင် ပါဝင်သော အငြိမ့်သမများထံသို့ ကြေးနန်းတစ်စောင် ပို့လေ့ရှိ၏။ အငြိမ့်သမတိုင်းသို့ နာမည်ကျော် အမေရိကန်နှင်းဆီပန်းများကိုလည်း လက်ဆောင်အဖြစ် ပို့စေ၏။

ကျွန်ုပ်သည် တစ်ခါက အစာမစားဘဲနေသည့် ကျင့်စဉ်ကို သဘောကျ သောကြောင့် ခြောက်ရက် အစာမစားဘဲ နေခဲ့၏။ နှစ်ရက်မြောက်သောနေ့တွင် အနည်းငယ်ဆာ၍ ခြောက်ရက်မြောက်သောနေ့တွင် ထိုမျှလောက် မဆာလောင် တော့ချေ။ လူတို့သည် သူတို့၏ သားမယား သို့မဟုတ် လုပ်သားများအား ခြောက်ရက်လောက် ထမင်းမကျွေးဘဲထားမိလျှင် သူတို့ကိုယ်တိုင် ရာဇဝတ်မှု ကြီးကို ကျူးလွန်မိသလောက် အထင်ရောက်ကြကြောင်း သင်တို့ ကျွန်ုပ်တို့ သိရှိကြ၏။

သို့ရာတွင် ထမင်းကို တောင့်တသလောက် တောင့်တသော စိတ်ရော ကိုယ်ပါ ချီးမွမ်းမှုကို လူတို့သည် သူတို့၏ သားမယားကိုသော်လည်းကောင်း၊ လုပ်သားများကိုသော် လည်းကောင်း ခြောက်ရက်၊ တနင်္ဂနွေ ခြောက်ပတ်မျှမက အနှစ် ၆၀ တိုင်အောင်ပင် မပေးဘဲ ထားကြလေသည်။

အယ်ဖရက် လန့်” ဆိုသူသည် “ရီယူနီယံ အင် ဗီယင်နာ” ဆိုသော ပြဇာတ်တွင် ဇာတ်လိုက်ကြီးအဖြစ်ဖြင့် ဝင်ရောက်စာပြရစဉ်က “ကျွန်ုပ်ကိုယ်ကို ကျွန်ုပ် အထင်ကြီးစေရန်အတွက် အားဖြည့်မှုလောက် မည်သည့်အရာကိုမျှ ကျွန်ုပ် မလို” ဟူ၍ ထုတ်ဖော်ပြောဖူး၏။ ကျွန်ုပ်တို့သည် အစာအာဟာရကောင်း များဖြင့် ကျွန်ုပ်တို့၏ ကလေးများ မိတ်ဆွေသင်္ဂဟများနှင့် လုပ်သားများ၏ ကိုယ်ကာယများကို သန်မာထွားကျိုင်းအောင် ပြုလုပ်ပေးကြ၏။ သို့ရာတွင် သူတို့၏ ငယ်နေသော စိတ်များကို ကြီးထွားလာအောင် ဘယ်နှစ်ခါများ လုပ်ပေးဖူးသလဲ။ အားအင် ဖြည့်တင်းရန် ကျွန်ုပ်တို့သည် ထိုသူများအား အမဲသားကင်နှင့် အာလူးကို ပေးခဲ့ကြ၏။ သို့ရာတွင် အရုဏ်တက်တွင် မြင်ရသော ကြယ်တာရာများသည် လူတို့၏ နှလုံးကို နှစ်သိမ့်စေသကဲ့သို့ သူတို့၏ မှတ်ဉာဏ်တွင် နှစ်ပရိစ္ဆေဒပေါင်းများစွာ နှစ်သိမ့်စေနိုင်သည့် ထောက်ထား ညှာတာသော ချီးမွမ်းစကားများကိုကား ထိုသူများကို ပေးရန် ကျွန်ုပ်တို့ မေ့နေကြလေသည်။ ,

အချို့ စာဖတ်သူတို့က “ဒီမြှောက်လုံးပင့်လုံးတွေဟာ ရိုးနေပါပြီကွာ၊ ဒါတွေ ငါစမ်းဖူးပါတယ်၊ လူနပ်လူပါးတွေကိုတော့ စမ်းလို့မရပါဘူး”ဟူ၍ ယခုလောက်ရှိလျှင် ပြောနေရော့မည်။ ။

ဟုတ်ပါတယ်။ မြှောက်လုံး ပင့်လုံးများနှင့် ပါးနပ်သော လူများအပေါ် တွင် စမ်း၍ မရပါ။ မြှောက်လုံး ပင့်လုံးများကို ပြောသူများသည် စိတ်ထဲက ပါ၍ ပြောသူများ မဟုတ်။ ထိုသူတို့သည် ကိုယ်ကျိုးရှာသမားများသာ ဖြစ်ပါသည်။ မြှောက်လုံးပင့်လုံးသာ မှန်လျှင် စမ်း၍ မရသင့်ရုံသာမက များသောအားဖြင့် စမ်း၍ မရသည်သာများ၏။ အချို့သူများသည် အချီးမွမ်း ခံချင်လွန်းသောကြောင့် ဘယ်လိုမြှောက်မြှောက် ဘယ်လိုပင့်ပင့် ငတ်ပြတ် နေသော လူတစ်ယောက်သည် မြက်နှင့် တီကိုပင် ဝါးစားသကဲ့သို့ မြှောက် သမျှ ပင့်သမျှကို ကြိုက်သည်ကား မှန်၏။

သက်သေပြပါအံ့၊ မကြာခဏ လက်ထပ်ကြသော ဒီဗာနီညီနောင် . တို့သည် အဘယ်ကြောင့် မယားအရ ကံကောင်းကြပါသလဲ။ မင်းသားများဟု အမည်တွင်သည့် ထိုညီအစ်ကိုနှစ်ဦးသည် ကျော်ကြားထင်ရှားသော ရုပ်ရှင် မင်းသမီး နှစ်ဦး၊ ကမ္ဘာကျော် ဇာတ်သမကြီးတစ်ဦးနှင့် သန်းပေါင်းများစွာ ချမ်းသာသော ဘာဘရာ ဟတ်တန် တို့ကို အဘယ်ကြောင့် ရအောင် ယူနိုင် ကြပါသနည်း၊ အဘယ်ကြောင့်နည်း။ ဤသို့ ရအောင် သူတို့သည် မည်ကဲ့သို့ လုပ်ကြသနည်း။ ။

“ဒီဗာနီ ညီအစ်ကိုတို့၏ မိန်းမတွေကို စွဲစေသောမက်လုံးသည် အဘယ် အရာများ ဖြစ်ပါသနည်း” ဟူသော ပြဿနာမှာ များစွာသောလူတို့ နှစ်ပေါင်း များစွာ မဖြေနိုင်သော ပြဿနာတစ်ရပ်ပင် ဖြစ်လေသည်။

ကမ္ဘာကြီးနှင့် ယောက်ျားများအကြောင်းကို ကောင်းစွာ သိကျွမ်းပါးနပ်ပြီး ဖြစ်သူ နိုင်ငံကျော်ရုပ်ရှင်မင်းသမီး ပိုလာ နီဂရိသည် ထိုပြဿနာကို ကျွန်ုပ် အား တစ်ခါက ဖြေရှင်းပြဖူး၏။ ပိုလာ နီဂရိက “ကျွန်မတွေ့ဖူးသော ယောက်ျားတွေထက် သူတို့ ညီအစ်ကို နှစ်ယောက်ဟာ တစ်ဖက်သားကို မြှောက်ပင့်တဲ့အတတ်ကို ပိုပြီး ကျွမ်းကျင်ကြတယ်၊ ယခုလို အစစ်အမှန်ကို – လိုက်နေတဲ့ ခေတ်ကြီးထဲမှာ မြှောက်ပင့်တတ်တဲ့ အတတ်ဟာ ကွယ်ပျောက် ၊ သလောက် ဖြစ်နေတယ်၊ ဒီလို မြှောက်ပင့်တတ်တဲ့ အစွမ်းဟာ ဒီဗာနီ ညီအစ်ကိုတို့၏ မိန်းမများကို စွဲစေသည့် မက်လုံးများဖြစ်ကြောင်းကို ကျွန်မ အမှန်သိတယ်” ဟု ထုတ်ဖော် ပြောပြသည်ဟူ၍ အဒီလာ ရော်ဂျား စိန့်ဂျွန် – ဆိုသူက လစ်ဘာတီ မဂ္ဂဇင်း၏ ဆောင်းပါးတစ်ခုတွင် ထုတ်ဖော် ရေးသား” ခဲ့ဖူးလေသည်။

ဝိတိုရိယဘုရင်မကြီး ပင်လျှင် အမြှောက်ကြိုက်၏။ ဘုရင်မကြီးနှင့် ဆက်သွယ်ရာ၌ အလွန်အကျူး မြှောက်ပင့်ခဲ့သည်ဟူ၍ ဒစ်ဇရေလီဒ က ဝန်ခံ၏။ “ကျွန်ုပ်သည် အားရပါးရ မြှောက်ပင့်သည်” ဆိုသော စကားသည် ဒစ်ဇရေလီ ကိုယ်တိုင် ဝန်ခံသောစကားကို မူရင်းအတိုင်း ပြန်၍ ရေးသားလိုက်ခြင်းဖြစ်၏။ ” ဒစ်ဇရေလီသည် ကျယ်ပြန့်လှသော ဗြိတိသျှနိုင်ငံတော်ကြီး ကို အုပ်စိုးခဲ့ဖူး

သော လူများထဲတွင် အယဉ်ကျေးဆုံး အကျွမ်းကျင်ဆုံး အပါးနပ်ဆုံး ပုဂ္ဂိုလ် တစ်ဦး ဖြစ်လေသည်။ သူ့လုပ်ငန်းမျိုးတွင် သူသည် ပဂေးတစ်ဆူဖြစ်၏။ ‘ မြှောက်ပင့်ခြင်းသည် အကျိုးရှိရန်ထက် ဘေးတွေ့ရန်က ပို၍ များလေသည်။ မြှောက်ပင့်ခြင်းသည် အစစ်မဟုတ် အတုမျှသာ ဖြစ်၏။ ငွေဒင်္ဂါးတုကို သုံးမိ သကဲ့သို့ သင့်ကို နောက်ဆုံး၌ ဘေးတွေ့အောင် လုပ်မည်ဖြစ်၏။

` ချီးမွမ်းခြင်းနှင့် မြှောက်ပင့်ခြင်းတို့သည် ဘယ်ကဲ့သို့ ခြားနားကြသနည်း။ အဖြေသည် – အလွယ်ကလေးပင် ဖြစ်၏။ ချီးမွမ်းခြင်းသည် ရိုးဖြောင့်၏။

မြှောက်ပင့်ခြင်းသည် မရိုးဖြောင့်။ ချီးမွမ်းခြင်းသည် ဝမ်းထဲ စိတ်ထဲမှ ထွက်လာ၏။ မြှောက်ပင့်ခြင်းသည် နှုတ်ဖျားမှ ထွက်လာ၏။ ချီးမွမ်းခြင်းသည် ” အချီးမွမ်းခံရသူအတွက် အကျိုး ဖြစ်ရန် ရည်စူး၏။ မြှောက်ပင့်ခြင်းမှာမူကား မြှောက်ပင့်သူအတွက်သာ အကျိုးဖြစ်ရန် ရည်စူး၏။ ချီးမွမ်းခြင်းကို အားလုံး သော လူများသည် မြတ်နိုးကြ၏။ မြှောက်ပင့်ခြင်းကို စက်ဆုပ်၏။

မက္ကစီကိုမြို့တော်” ရှိ ချပူးတီးပက် နန်းတော် ‘ အတွင်း၌ ဂျင်နရယ် အိုဗရီဂွန် ” ၏ ကိုယ်ထက်ဝက်ရုပ်တစ်ခုကို တွေ့မိ၏။ ထိုအရုပ်အောက်တွင် “သင့်ကို ဝိုင်းတိုက်သော ရန်သူများကို မကြောက်ပါနှင့်၊ သင့်ကို ဝိုင်းမြှောက် .. နေသော မိတ်ဆွေများကို ကြောက်ပါ” ဟူသော အိုဗရီဂွန်၏ အယူအဆ စာလုံးများကို ထွင်းထားလေသည်။

ကျွန်ုပ်သည် မြှောက်ပင့်ရမည်ဆိုသော အကြံကို သင်တို့ကို ပေးနေ သည် မဟုတ်ပါ။ ဤလို အကြံမျိုးကို ပေးရန်ဝေးလေစွ။ လူများနှင့် ဆက်ဆံ ပေါင်းသင်းရာ၌ အသုံးပြုရန် နည်းသစ်နည်းကောင်းတစ်ခု ကြောင်းကိုသာ ကျွန်ုပ် ပြောနေခြင်း ဖြစ်ပေသည်။ တစ်ကြိမ်ထပ်၍ ပြောပါရစေ။ “လူများနှင့် ဆက်ဆံ ပေါင်းသင်းရာ၌ အသုံးပြုရန် နည်းသစ်နည်းကောင်းတစ်ခု အကြောင်း ကိုသာ ကျွန်ုပ် ပြောနေခြင်း ဖြစ်ပါသည်။”

ပဉ္စမဂျော့ဘုရင်” သည် ဘတ်ကင်ဟမ်နန်းတော်တွင်းရှိ သူအလုပ် လုပ်သော အခန်း၏နံရံပေါ်တွင် စကားပုံခြောက်ခုကို ရေးဆွဲထား၏။ ယင်းတို့ အနက် တစ်ခုသည် “အပေါစား ချီးမွမ်းခြင်းကို ကျွန်ုပ်ကိုယ်တိုင် ခံယူရန်သော် လည်းကောင်း၊ ကျွန်ုပ်က ပေးရန်သော်လည်းကောင်း ကျွန်ုပ်အား မသင်ကြ ပါနှင့်” ဟူ၍ပင် ဖြစ်လေသည်။ အပေါစားချီးမွမ်းခြင်းဆိုသည်မှာ မြှောက်ပင့် ခြင်းပင် ဖြစ်၏။ တစ်ဖန်ပြန်၍ ဖော်ပြရန်ကောင်းသော မြှောက်ပင့်ခြင်း၏ အဓိပ္ပာယ် အရှည်ကောက်ကို ကျွန်ုပ်သည် တစ်ခါက ဖတ်ရဖူး၏။ “မြှောက်ပင့် ခြင်းသည် မြှောက်ပင့်ခံရသူအား သူ့ကိုယ်ကို သူထင်နေသည့် အထင်အတိုင်း တသဝေမတိမ်း ပြောပြခြင်းဖြစ်လေသည်”။ ၊ “သင်သည် မည်သည့်စကားကို ပြောပြော သင့်အကြောင်းကလွဲ၍ အခြားအကြောင်းကိုမပြောနိုင်ချေ”ဟူ၍ ရပ် ဝေါ်ဒို အီမာဆန်° ကပြောပြဖူး၏။

ကျွန်ုပ်တို့ လုပ်ရန် အလုပ်သည် မြှောက်ပင့်ရုံသာဆိုလျှင် လူတိုင်း “ ထိုအလုပ်ကို လုပ်ကြပြီးသော် ကျွန်ုပ်တို့အားလုံးသည် ပေါင်းသင်းဆက်ဆံရေး လုပ်ငန်းတွင် အထူးနှံ့စပ် ကျင်လျင်သူများချည်း ဖြစ်နေကြပေမည်။ ။

ကျွန်ုပ်တို့သည် ပြဿနာတစ်ခုခုကို စဉ်းစား၍ မနေသောအခါများတွင် ကျွန်ုပ်တို့ပိုင် အချိန်၏ ၉၅ ရာခိုင်နှုန်းကို ကျွန်ုပ်တို့၏ အကြောင်းကိုသာ စဉ်းစားနေခြင်းဖြင့် အချိန်ကုန်လွန်ကြစေ၏။ အကယ်၍ ကျွန်ုပ်တို့သည် ” ကျွန်ုပ်တို့၏ အကြောင်းကိုသာ တွေးတောနေခြင်းကို ခေတ္တ ခဏမျှလောက် ရပ်စဲ၍ အခြားသော သူများ၏ ကောင်းသောအချက်များကို စတင်စဉ်းစားမိ ပါလျှင် ပါးစပ်က မထွက်မီကပင် မြှောက်လုံးပင်လုံးများ ဖြစ်ကြောင်းကို ကြိုတင်၍ သိနိုင်သော အဖိုးမတန်၍ မဟုတ်မမှန်သည့် အမြှောက်အပင့်တို့ကို အသုံးပြုရသော အခြေသို့ ကျွန်ုပ်တို့ ဆိုက်ရောက်ကြမည် မဟုတ်ပေ။

“ကျွန်ုပ်တွေ့ရသော လူတိုင်းတို့သည် တစ်နည်းနည်းဖြင့် ကျွန်ုပ်ထက် `သာသောသူများဖြစ်သည်ဟု မှတ်လိုက်၏။ သို့မှသာ ကျွန်ုပ်သည် ထိုသူများ၏ – အကြောင်းကို သိနိုင်၏’ဟု အီမာဆန်က ပြောဖူးလေသည်။ ။

ဤစကားသည် အီမာဆန်လို ပညာရှိကြီးတစ်ဦးအဖို့ မှန်ကန်ခဲ့လျှင် – သင်နှင့် ကျွန်ုပ်တို့အဖို့ အဆပေါင်းတစ်ထောင်လောက် ပို၍ မံမှန်ပေဘူးလား။ ကျွန်ုပ်တို့ အောင်မြင်ခဲ့သည့် အရာများနှင့် ကျွန်ုပ်တို့ လိုလားတောင့်တချက် – များကိုသာ တွေးတောခြင်းကို ရပ်စဲကြပါစို့။ အခြားလူများ၏ ကောင်းသော အချက်များကိုလည်း ကြိုးစား၍ ရှာဖွေကြပါစို့။ ထိုသို့ရှာပြီးသောအခါ မြှောက်လုံး ပင့်လုံးများကို မေ့ပစ်ကြပါစို့။ ရိုးသားဖြောင့်မှန်၍ စိတ်ထဲက ပါသော ချီးမွမ်းခြင်းကို ပြုပါလေ။ ထောက်ခံရန်ကိစ္စပေါ်လာလျှင် “စိတ်ရော ကိုယ်ပါ ထောက်ခံ၍ ချီးမွမ်းစရာရှိလျှင် ရက်ရက်ရောရော ချီးမွမ်းပါ။ ထိုအခါ လူတို့သည် သင်၏ စကားများကို အလေးအမြတ်ပြု၍ ဆည်းပူးထား ကြပြီးလျှင် ထိုစကားတို့ကို သင်ကိုယ်တိုင် မေ့သွားသော်လည်း ထိုလူများက ‘မူကား သက်ဆုံးတိုင် အကြိမ်ကြိမ် အဖန်ဖန် ပြောဆိုသုံးစွဲလျက် ရှိကြမည် ဖြစ်၏။