မိတ္တဗလဋီကာ

အခန်း ၃ တစ်ကမ္ဘာလုံး လိုက်အံ့

အကြင်သူသည် ဤကိစ္စကို ဆောင်ရွက်နိုင်အံ့၊ ထိုသူ၏ နောက်သို့ တစ်ကမ္ဘာလုံး လိုက်အံ့။ အကြင်သူသည် ဤကိစ္စကို မဆောင်ရွက်နိုင်၊ ထိုသူသည် တစ်ယောက်တည်း နေရအံ့။

နွေရာသီတိုင်း ကျွန်ုပ်သည် မိန်း” ပြည်နယ်သို့ ငါးမျှားရန် တက်သွား၏။ ကျွန်ုပ်သည် ရှမ်းဆီးသီး နှင့် မလိုင်ကို နှစ်သက်၏။ သို့ရာတွင် ငါးများ သည် အကြောင်းထူးတစ်ခုခုကြောင့် တီကောင်များကိုသာ ကြိုက်နှစ်သက် သည်ကို တွေ့ရ၏။ ထို့ကြောင့် ငါးမျှားရန် သွားသောအခါ ကျွန်ုပ်သည် ကျွန်ုပ် နှစ်သက်သည့် အစာကို မစဉ်းစားချေ။ ငါးများကြိုက်သည့် အစာ အကြောင်းကိုသာ စဉ်းစားလေသည်။ ကျွန်ုပ်သည် ငါးများကို ရှမ်းဆီးသီး မလိုင်တို့ဖြင့် မမျှားချေ။ ကျွန်ုပ်သည် တီကောင် သို့မဟုတ် နှံကောင်ကို ငါးရှေ့တွင် လှုပ်ပြပြီးနောက် “မင်းတို့ ဒါကို မစားချင်ဘူးလား”ဟုသာ မေးလေသည်။ | လူများကို များသည့်အခါတွင်လည်း အဘယ့်ကြောင့် ဤနည်းကို မလိုက်ဘဲ နေရမည်နည်း။

ဤနည်းသည်လွိုက်ဂျော့ ” ၏ လက်သုံးဖြစ်၏။ ဝီလဆန်၊အော်လန်ဒို၊ ကလီးမင်းဆာ စသော ကမ္ဘာစစ်ကြီးအတွင်းက ထင်ရှားခဲ့သည့် ခေါင်းဆောင် ကြီးများသည် လူအများ၏ ဖယ်ရှားမေ့လျော့ခြင်းခံရသည့်တိုင်အောင် လွိုက် ဂျော့မှာမူကား ခေါင်းဆောင်ဖြစ်မြဲ ဖြစ်လျက်ရှိသည်။ ထိုသို့ အဘယ်ကြောင့် ဖြစ်ရသနည်းဟု သူ့ကို တစ်စုံတစ်ယောက်သောသူက မေးသောအခါ “ဤကဲ့သို့ ဖြစ်ရခြင်းမှာ အကြောင်းတစ်ကြောင်းကြောင့်ဟု ဆိုလျှင် ထိုအကြောင်းသည် . ဘယ်ငါးသည် ဘယ်အစာနှင့် များရမည်ဟူသော အတတ်ကို တတ်ထား သော အကြောင်းပင် ဖြစ်ကောင်း ဖြစ်ပါလိမ့်မည်”ဟု လွိုက်ဂျော့က ပြန်ပြော ဖူး၏။ .

ကျွန်ုပ်တို့ ဘာကို အလိုရှိသည်ကို အဘယ်ကြောင့် ပြောနေမည်လဲ။ ဤသို့ ပြောခြင်းသည် ကလေးကလား နိုင်၏။ ရယ်စရာ ကောင်း၏။ စင်စစ်မှာ သင်သည် သင်အလိုရှိသော အရာများ၌သာ စိတ်ဝင်စားနေ၏။ အမြဲတမ်း စိတ်ဝင်စားလျက် ရှိ၏။ သို့ရာတွင် သင်စိတ်ဝင်စားသောအရာကို သင်ကလွဲ၍ မည်သူမျှ စိတ်မဝင်စားချေ။ သင်ကလွဲ၍ ကျန်ရှိသော အားလုံးလူတို့သည် သင်ကဲ့သို့ပင် ကိုယ်အလိုရှိရာ၌သာ စိတ်ဝင်စားလျက် ရှိကြ၏။

ထို့ကြောင့် အခြားလူတစ်ဦးကို ကိုယ့်ဘက်ပါအောင် ဆွဲရန်အတွက် ကမ္ဘာပေါ်တွင် တစ်ခုတည်းသောနည်းလမ်းသည် ထိုလူအလိုရှိသောအရာကို ပြော၍ ထိုအရာကို ရအောင် ဘယ်လိုလုပ်ရမည်ကို ပြပေးခြင်းပင် ဖြစ်လေသည်။ . မနက်ဖြန်တွင် တစ်ဦးတစ်ယောက်အား တစ်စုံတစ်ရာကို လုပ်အောင် ခိုင်းချင်သောအခါ ဤအချက်ကို သတိရပါစေ။ ဆိုကြပါစို့။ သင်၏သားကို ဆေးလိပ်မသောက်စေလိုလျှင် ဆေးလိပ်မသောက်ရန် သူ့ကို သွား၍ တရား မဟောပါနှင့်၊ ဆေးလိပ်သောက်ခြင်းဖြင့် သူဝါသနာပါသော ဘေ့စ်ဘောကို သော်လည်း ကောင်းစွာမကစားနိုင်၊ ကိုက်တစ်ရာပြေးပွဲကိုသော်လည်း နိုင်တော့ မည်မဟုတ်ကြောင်း သူ သိအောင် ပြပါ။

ကလေးသူငယ်များနှင့်သော်လည်းကောင်း၊ နွားကလေးများနှင့်သော် လည်းကောင်း၊ လူဝံနှင့်သော်လည်းကောင်း မည်သူနှင့်မဆို ဆက်ဆံရာ၌ ဤနည်း သည် လိုက်နာရန်ကောင်းသော နည်းတစ်နည်းဖြစ်လေသည်။ သက်သေပြပါအံ့။ ရပ်ဝေါ်ဒိုအီမာဆန်နှင့် သူ၏သားသည် တစ်နေ့သ၌ နွားကလေးတစ်ကောင်ကို ကျီတစ်ခုတွင်းသို့ သွင်းရန်ကြိုးစားကြ၏။ သို့ရာတွင် ကိုယ်အလိုရှိသည့်အရာ ကိုသာ စဉ်းစားတတ်သည့် လူအများ မှားယွင်းနေကြသော အပြစ်ကို သူတို့ နှစ်ဦး ကျူးလွန်နေကြ၏။ သူ့သားက နွားကလေးကို ရှေ့ကနေ၍ဆွဲပြီးနောက် အီမာဆန်က နောက်ကနေ၍ အတင်းတွန်းပေး၏။ သို့ရာတွင် နွားကလေး ကလည်း သူကြိုက်သည့်အရာကိုသာ သူလုပ်လျက်ရှိ၏။ အဘယ့်ကြောင့်ဆိုသော် သူလည်း သူကြိုက်သည့်အရာ၌သာ စိတ်ဝင်စားလျက်ရှိသောကြောင့် တည်း။ ထို့ကြောင့် သူသည် ခြေကိုတောင့်ထားပြီးလျှင် သူစားနေသော စားကျက်မှ ထွက်မသွားဘဲ အတင်းရုန်းကန်နေ၏။ သားအဖနှစ်ယောက် အခက်ကြုံနေသည်ကို အိုင်ယာလန်ပြည်သူ အစေခံမသည် မြင်၏။ ထိုအစေခံမ သည် အီမာဆန်ကဲ့သို့ ဆောင်းပါးများနှင့် စာအုပ်များကို မရေးတတ်။ သို့ရာတွင် အဖျင်းဆုံး ထိုအချိန်အခါ၌ နွားအကြောင်းကို သားအဖနှစ်ယောက် ထက် ပို၍သိ၏။ ထိုအစေခံမသည် နွားကလေး ဘာကြိုက်သည်ကို တွေးမိ၏။ ထို့ကြောင့် မိခင်တို့၏ ယုယခြင်းမျိုးဖြင့် နွားကလေး၏ ပါးစပ်ထဲသို့ သူ့လက်ညှိုးကို ထည့်လိုက်၏။ ထို့နောက် အစေခံမသည် ကျီထဲကို ရှေ့က လျှောက်၍ဝင်လာရာ နွားကလေးသည် လက်ကိုစုပ်ရင်း နောက်က ထက်ကြပ် မကွာ ဝင်လိုက်လာ၏။

မွေးသည့်နေ့မှစ၍ သင်လုပ်သမျှအလုပ်တို့သည် တစ်စုံတစ်ခုကို လိုချင် သောကြောင့် ဖြစ်သည်။ သို့ဖြစ်လျှင် ရက် ခရော့” သူနာပြုတပ်သို့ ဒေါ်လာငွေ တစ်ရာကို သင်လှူလိုက်သောအခါတွင်လည်း တစ်စုံတစ်ခုကို အလိုရှိသောကြောင့် – ပင်လောဟု မေးစရာရှိ၏။ ဟုတ်ကဲ့။ ဤအလုပ်သည်လည်း အခြား အလုပ် များကဲ့သို့ပင် တစ်စုံတစ်ခုကို လိုချင်၍ပင် ဖြစ်၏။ သင်သည် ရက်ခရော့ သူနာပြုတပ်ကို ဒေါ်လာငွေတစ်ရာ လှူလိုက်ခြင်းသည် ဝေဒနာခံစားရသူများ အား ကူညီထောက်ပံ့ခြင်းဖြင့် ကိုယ်ကျိုးမငဲ့ဘဲ မြင့်မြတ်သော အလုပ်ကို လုပ်ချင်သောကြောင့်ပင် ဖြစ်သည်။

“ကျွန်ုပ်၏ ဆင်းရဲနွမ်းပါးဆုံးသော ဤညီအစ်ကိုတစ်စုကို ပြုစုခြင်းသည် ကျွန်ုပ်ကို ပြုစုခြင်းကဲ့သို့ပင် ဖြစ်သည်။”

ဤကဲ့သို့ မြင့်မြတ်သောအလုပ်ကို လုပ်လိုသော ဆန္ဒ၏ ပြေငြိမ်းမှုထက် ဒေါ်လာငွေ တစ်ရာကို ပို၍ မက်မောပါလျှင် ထိုဒါနကို သင်လုပ်ဖြစ်မည်မဟုတ်။ ဟုတ်ကဲ့။ အလှူငွေ မထည့်ဘဲနေရမည်ကို ရှက်၍သော်လည်းကောင်း၊ သင်၏ ဖောက်သည်တစ်ဦးဦးက ထည့်လိုက်ပါဟူ၍ တိုက်တွန်းသောကြောင့်သော် လည်းကောင်း ထိုဒါနကို သင်လုပ်လိုက်ရသည်ဆိုပါစို့။ ဘယ်လိုနည်းနှင့်ပင် လုပ်လုပ် သင်သည် တစ်စုံတစ်ခုကို အလိုရှိ၍ လှူသည်ဆိုသောစကားသည် မမှားနိုင် “တစ်ဖက်သားအပေါ် သြဇာညောင်းအောင် လုပ်နည်း ” စာအုပ်ထဲတွင် “အလုပ်သည် ကျွန်ုပ်တို့၏ အရင်းခံဆန္ဒမှ ပေါက်ဖွားလာလေသည်။ အလုပ်၌ ဖြစ်စေ၊ အိမ်၌ဖြစ်စေ၊ ကျောင်း၌ဖြစ်စေ၊ နိုင်ငံရေး၌ဖြစ်စေ တစ်ဖက်သားကို မိမိဘက်သို့ပါအောင် ဆွဲငင်လိုသည့်သူများသို့ပေးရန် အကောင်းဆုံးသော အကြံတစ်ခုမှာ “တစ်ဖက်သား၏စိတ်ထဲတွင် ပြင်းပြသောဆန္ဒတစ်ခု ဖြစ်ပေါ် လာအောင် ရှေးဦးစွာ ဆွပေးပါ” ဖြစ်၏။ အကြင်သူသည် ဤကိစ္စကိုဆောင်ရွက်နိုင်အံ့၊ ထိုသူ၏ နောက်သို့ တစ်ကမ္ဘာလုံးလိုက်အံ့။ အကြင်သူသည် ဤကိစ္စကို မဆောင်ရွက်နိုင်၊ ထိုသူသည် တစ်ယောက်တည်း နေရအံ့’ဟူ၍ ပရော်ဖက်ဆာ ဟယ်ရီ အေ အိုဗာစထရိ’ က ရေးသားထားလေသည်။

ဆင်းရဲစဉ်က တစ်နာရီလျှင် ၂ ဆင့်ကျနှင့် အလုပ်စ၍လုပ်ရသော်လည်း နောက်ဆုံး၌ ဒေါ်လာပေါင်းသုံးရာခြောက်ဆယ့်ငါးသန်းကို လှူသွားသော စကော့လူမျိုး အန်ဒရူး ကာနက်ဂျီသည် လူတို့ကို ကိုယ့်ဘက်ပါအောင်ဆွဲငင်ရန်အတွက် တစ်ခုတည်းသောနည်းသည် ထိုသူတို့အား သူတို့၏လိုဘတ်ကို – ပေးခြင်းသာဖြစ်ကြောင်း ငယ်ရွယ်စဉ်ကပင် နားလည်ခဲ့၏။ သူသည် ကျောင်းတွင် ၄ နှစ်သာ စာသင်ခဲ့ဖူး၏။ သို့သော်လည်း လူများကို အုပ်ထိန်းသည့်နည်းကိုနားလည်၏။

ရှင်းဦးအံ့။ သူ၏ ခယ်မတစ်ယောက်သည် သားနှစ်ယောက်အတွက် အတော်ပင် ရတက်ပွေလျက်ရှိ၏။ သူတို့သည် ယေး ယူနီဗာစီတီတွင် စာ သင်လျက်ရှိကြ၏။ ကျောင်းတွင် သူတို့၏ ကိစ္စများနှင့် သူတို့ အလုပ်ရှုပ်လျက် ရှိရာ အိမ်သို့ စာလည်းမရေးနိုင်။ သူတို့မိခင်က စိုးရိမ်ကြောင့်ကြပြင်းပြစွာ နှင့် ရေးသားလိုက်သော စာများကိုလည်း ဂရုစိုက်၍ စာမပြန်နိုင်ချေ။

ထိုအခါ စာပြန်ပါဟု မမှာရဘဲနှင့် ချက်ချင်း စာပြန်ရစေမည်ဟု ကာနက်ဂျီသည် အခြားလူတစ်ဦးနှင့် ဒေါ်လာတစ်ရာကြေး အလောင်းအစား လုပ်ပြီးလျှင် ထိုသူငယ်များထံသို့ မာကြောင်းသာကြောင်း စာတစ်စောင် ရေးသား၍ သူတို့အဖို့ ဒေါ်လာငွေငါးကျပ်တန် စက္ကူတစ်ချပ်စီပို့လိုက်ကြောင်း စာ၏ အောက်နားက အမှတ်တမဲ့ ထပ်၍ ရေးထည့်လိုက်၏။

သို့ရာတွင် စာအိတ်ထဲတွင် ငွေစက္ကူများကို မထည့်လိုက်ချေ။

.. ချက်ချင်းပင် ကြင်နာစွာ ရေးပေးလိုက်သော စာအတွက် “ချစ်လှစွာသော ဦးလေးကြီး အန်ဒရူး’ ကို ကျေးဇူးတင်ကြောင်း အစရှိသော စာများ ပြန်လာလေသည်။ စာထဲတွင် အခြားမည်သည့်အကြောင်းများ ပါရှိဦးမည်ကို သင်တွေး၍သာ ကြည့်ပေတော့။ –… မနက်ဖြန်တွင် လူတစ်ဦးတစ်ယောက်ကို တစ်စုံတစ်ရာလုပ်ရန် သင် – စေခိုင်းချင်လိမ့်မည်။ ဤသို့ မခိုင်းမီ ခေတ္တရပ်၍ “သူ လုပ်ချင်အောင် ငါ – ဘယ်လိုခိုင်းရပါ့မလဲ”ဟု ကိုယ့်ကိုယ်ကို ပြန်မေးပါ။

အခြားလူများအား မိမိ၏ လိုအင်ဆန္ဒကိုသာ ဇွတ်တရွတ်လေကုန်ခံ၍ ပြောခြင်းမှ ထိုမေးခွန်းသည် ကျွန်ုပ်ကို တားမြစ်ပေလိမ့်မည်။ ။ – တစ်ရာသီလျှင် ညပေါင်း ၂၀ ကျ် ကျွန်ုပ်တို့၏ ဟောပြောပွဲများကို – ကျင်းပရန် နယူးယော့မြို့ရှိ ဟိုတယ်တစ်ခု၏ ကပွဲခန်းမကြီးကို ငှားထား၏။

တစ်ခါသော် ရှေးက ပေးခဲ့ရသော အခန်းငှားခထက် သုံးဆတိုး၍ ပေးရမည် – ဟူသော အကြောင်းကြားစာ တစ်စောင်ကို ကျွန်ုပ်သည် ရုတ်တရက် ရရှိလေသည်။ ထိုအကြောင်းကြားစာကို အားလုံးကြော်ငြာပြီးမှ လက်မှတ်များကို ” ပုံနှိပ် ရောင်းချပြီးမှ ရရှိ၏။

အမှန်အတိုင်းဆိုလျှင် ဤကဲ့သို့ တိုး၍ တောင်းခြင်းကို ကျွန်ုပ်သည် သူ့ မပေးချင်။ သို့ရာတွင် ကျွန်ုပ်၏ ဆန္ဒများကို ဟိုတယ်မန်နေဂျာအား ပြောကြား ခြင်းဖြင့် မည်မျှ အကျိုးရှိပါအံ့နည်း။ ဟိုတယ်မန်နေသည် သူအလိုရှိသည့် အရာ၌သာ စိတ်စောလျက်ရှိ၏။ ထို့ကြောင့် နှစ်ရက်လောက် ကြာသောအခါ မန်နေဂျာနှင့် သွားတွေ့ ၏။

“ခင်ဗျားရဲ့ စာကိုရတော့ ကျွန်တော် အတော်ကလေးလန့်သွားမိပါတယ်။ – သို့ပေမယ့် ခင်ဗျားကိုတော့ နည်းနည်းမှအပြစ်မတင်ပါဘူး၊ ခင်ဗျားနေရာမှာသာ ကျွန်တော် နေရလျှင်လဲ ဒီလိုပဲ ရေးကောင်း ရေးမိမှာပဲ၊ ဒီဟိုတယ်ရဲ့ မန်နေဂျာအဖြစ်နဲ့ ခင်ဗျားရဲ့ ဝတ္တရားဟာ အမြတ်ငွေကို များများရနိုင်သမျှ ရအောင် ကြိုးစားဖို့ပဲ၊ ခင်ဗျား ဒီလိုရအောင် မလုပ်ရင် ခင်ဗျား အထုခံရ မှာပေါ့ ဒီလို အထုခံရမယ်ဆိုလဲ ခံသင့်တာပဲ၊ ကောင်းပြီ၊ စာရွက်ကလေး တစ်ရွက်ပေးစမ်းပါဗျာ၊ အခန်းငှားခကို မရ ရအောင် ခင်ဗျားတောင်းလျှင် ခင်ဗျားမှာ အရှုံးနဲ့ အမြတ် ဘယ်ဟာကများသလဲဆိုတာ တွက်ကြည့်ရအောင်” . ဟု ကျွန်တော်က ပြောပြ၏။

ထို့နောက် စာရွက်တစ်ရွက်ကို အလယ်တည့်တည့်မှမျဉ်းသားပြီးလျှင် – – တစ်ဘက်ထိပ်တွင် “အမြတ်’ဟု ရေး၍ အခြားတစ်ဘက်ထိပ်တွင် “အရှုံး ဟူ၍ ရေးသားလေ့သည်။ အမြတ်ဘက်တွင် “ကပွဲခန်းမကြီး အား၍နေခြင်း” ဟူ၍ ရေးသား၏။ ထို့နောက် “ဒီကပွဲခန်းမကြီး အားနေလျှင် ကပွဲတွေ အစည်းအဝေးပွဲတွေအတွက် ငှားနိုင်ပါရဲ့၊ ဒါ ခင်ဗျားရဲ့ အမြတ်ပဲ၊ ဒါဟာ စင်စစ်မှာတော့ အမြတ်ကြီးပဲ၊ ဘာဖြစ်လို့လဲဆိုလျှင် ဟောပြောပွဲတွေအတွက် ငှားတာထက် ကပွဲတွေ အစည်းအဝေးပွဲတွေအတွက် ငှားတာက အခဲပိုရ တယ်၊ အကယ်၍ ဒီရာသီမှာ ည ၂၀ လုံးလုံး ခင်ဗျားရဲ့ ကပွဲ ခန်းမကြီးကို ” ကျွန်တော်၏ ဟောပြောပွဲများအတွက် ကျွန်တော် ယူထားလိုက်လျှင် ခင်ဗျားရဲ့ အလုပ်မှာ အတော်ကလေးနာမှာ အမှန်ပါပဲ။ .

ကဲ အရှုံးဘက်ကို တွက်ကြည့်ကြဦးစို့၊ ရှေးဦးစွာ ကျွန်တော့်ထံမှ ငွေအရမတိုးဘဲနှင့် ငွေအရတောင် လျော့သွားဦးမယ်၊ စင်စစ်မှာ ကျွန်တော့် ထံမှ တစ်ပြားမှ ခင်ဗျားရတော့မှာ မဟုတ်ဘူး၊ ဘာဖြစ်လို့လဲဆိုရင် ခင်ဗျား တောင်းနေတဲ့ အခန်းငှားခကို ကျွန်တော် မပေးနိုင်ပါ့၊ ဒီတော့ ကျွန်တော်ဟာ ကျွန်တော့်ရဲ ဟောပြောပွဲများကို အခြား နေရာ တစ်ခုခုမှာ ကျင်းပရပါ ၊ – လိမ့်မည်။ *

– “အခြား အရှုံးတစ်ခုလဲရှိသေးတယ်၊ ဒီဟောပြောပွဲတွေလုပ်ရင် ပညာ တတ်များ အထက်တန်းစားများဟာ ခင်ဗျားရဲ့ ဟိုတယ်ကို ရောက်လာကြ လိမ့်မည်၊ ဒါဟာ ခင်ဗျားအတွက် ကြော်ငြာကောင်းတစ်ခုပဲ မဟုတ်လား၊ စင်စစ်မှာ သတင်းစာထဲကနေပြီး ဒေါ်လာငွေငါးထောင်ဖိုး ကြော်ငြာတောင် `ကျွန်တော့် ဟောပြောပွဲတွေ ကျင်းပတာလောက် ခင်ဗျားရဲ့ ဟိုတယ်ကို လူတွေလာကြည့်အောင် လုပ်နိုင်မှာမဟုတ်ဘူး၊ ဒီလိုကြော်ငြာမျိုးဟာ ဟိုတယ် တစ်ခုအတွက် အလွန်အဖိုးတန်တယ် မဟုတ်လား။”

စကားပြောရင်း ကျွန်ုပ်သည် ဤအချက် နှစ်ချက်ကို “အရှုံး’ဘက်တွင် ရေးသား၍ “ခင်ဗျားရမယ့် အရှုံးနဲ့ အမြတ် နှစ်ခုကို ကောင်းကောင်းချိန်ဆ ပြီး ခင်ဗျား၏ နောက်ဆုံး ဆုံးဖြတ်ချက်ကို ကျွန်တော့်အား ပေးစေချင် ပါတယ်”ဟု ပြောပြောဆိုဆို အခန်းတွင်းမှ ထွက်လာခဲ့၏။

နောက်တစ်နေ့တွင် အခန်းငှားခကို ရာခိုင်နှုန်း ၃ဝဝ မတိုးတော့ဘဲ ရာခိုင်နှုန်း ၅၀ မျှသာ တိုးမည့်အကြောင်းနှင့် ပြန်ကြားစာတစ်စောင်ကို ကျွန်ုပ် ရရှိ၏။

ကျွန်ုပ်၏ အလိုရှိသည့် အရာနှင့် စပ်လျဉ်း၍ စကားတစ်လုံးမျှ မပြောရဘဲနှင့် ဤကဲ့သို့ လျှော့ခြင်းကို ကျွန်ုပ်ရသည်ကို သတိပြုပါ။ စ၍ပြောကတည်းကပင် သူ့အလိုရှိမည့်အရာနှင့် ထိုအရာကို မည်သို့ရှိနိုင်သည့် အကြောင်းကိုသာ ပြောပြခဲ့ပါသည်။

အကယ်၍ ပုထုဇဉ်တို့၏ ဓလေ့အတိုင်း ကျွန်ုပ်သည် မန်နေဂျာ၏ အခန်းတွင်းသို့ စိတ်ဆိုးမာန်ဆိုးနှင့် ဝင်သွားပြီးလျှင် “လက်မှတ်တွေနှိပ်ပြီး အားလုံးကြော်ငြာပြီးပြီဆိုတာကို သိတော့မှ ဒီအခန်းငှားခကို ရာခိုင်နှုန်း ၃၀ဝ မြှင့်တင်လိုက်တာဟာ ဘယ်သဘောလဲ၊ ရာခိုင်နှုန်း ၃ဝဝ တောင်၊ ဘယ်လောက်ရယ်စရာကောင်းသလဲ၊ မဖြစ်နိုင်တာတွေ ခင်ဗျား တောင်းနေ တယ်၊ ကျွန်တော် မပေးဘူး” စသည်ဖြင့် ဆူပူခဲ့ပါလျှင် ဘယ်လိုများ ဖြစ်မည်လဲ။

ဧကန်မုချ အတိုက်အခံပြောကြရတော့မှာပဲ။ ဤကဲ့သို့ အတိုက်အခံ ပြောခြင်းမျိုးသည် ဘယ်နေရာမှာ အဆုံးသတ်သည်ကို သင် အသိဖြစ်၏။ အကယ်၍ ကျွန်ုပ် ပြောသည့်အချက်များသည် မှန်သည်ဟု သူသဘောပေါက် အောင် ကျွန်ုပ် ပြောပြနိုင်စေကာမူ သူ၏ မာနခံနေသဖြင့် သူပြောပြီးစကား တွေကို ပြန်၍ ရုပ်သိမ်းကာ လျှော့ပေးရန် သူ့ အတွက် ခဲယဉ်းပေမည်။

ယခုပေးမည်ဖြစ်သော အကြံသည် လူများနှင့်ဆက်ဆံရာ၌ လိုက်နာရန် ပေးခဲ့သော အကြံများထဲတွင် အကောင်းဆုံး အကြံတစ်ခု ဖြစ်လေသည်။ အကယ်၍ ထမြောက်အောင်မြင်ရန်အတွက် နည်းကောင်းတစ်ခုရှိသည်ဟု ဆိုပါလျှင် ထိုနည်းကောင်းသည် အခြားသူ၏ ယူဆချက်များကို သူ့ဘက်နှင့် ကိုယ့်ဘက် နှစ်ဘက်စလုံးကြည့်ပြီးမှ ဆုံးဖြတ်နိုင်သော အရည်အချင်းပင် ဖြစ်လေသည်ဟူ၍ ဟင်နရီဖို့ က ပြောပြဖူးလေသည်။

ထိုစကားသည် အလွန်ကောင်း၏။ ထို့ကြောင့် ထိုစကားကို တစ်ဖန် ပြန်၍ ကျွန်ုပ် ဆိုချင်၏။ “အကယ်၍ ထမြောက်အောင်မြင်ရန်အတွက် နည်းကောင်းတစ်ခု ရှိသည်ဟုဆိုပါလျှင် ထိုနည်းကောင်းသည် အခြားသူ၏ ယူဆချက်ကို ရအောင်စုံစမ်းပြီးနောက် လုပ်ရန်အလုပ်များကို သူ့ဘက်နှင့် ကိုယ့်ဘက် နှစ်ဘက်စလုံးကြည့်ပြီးမှ ဆုံးဖြတ်နိုင်သော အရည်အချင်းပင် ဖြစ်လေသည်။”

‘ အလွန်ရှင်း အလွန်ထင်ရှားလွန်းသော စကားဖြစ်သောကြောင့် မြင်လိုက် ရုံနှင့် ထိုစကား၏ မှန်ကန်ပုံကို တွေ့နိုင်ပေသည်။ သို့ရာတွင် ရာခိုင်နှုန်း ၉ဝ လောက် ကမ္ဘာပေါ်ရှိလူတို့သည် ထိုစကားကို အကြိမ်ပေါင်း ရာခိုင်နှုန်း ၉၀ လောက် ဂရုမပြုကြချေ။

သက်သေပြရဦးမည်လား။ မနက်ဖြန် နံနက် သင့်ထံသို့ရောက်လာသော စာများကို ဖတ်ကြည့်ပါ။ များစွာသော စာတို့သည် ဤစည်းမျဉ်း ဥပဒေကို များစွာ ‘ လွန်ကျူးဖောက်ဖျက်ထားသည်ကို တွေ့ရမည် ဖြစ်၏။ အောက်ပါ စာတစ်စောင်ကို ဖတ်ကြည့်ပါ။ ဤစာကို ရေးသူမှာ အမေရိကန်ပြည် အရပ်ရပ်တွင် ဆိုင်ခွဲပေါင်း မြောက်မြားစွာ ဖွင့်လှစ်ထားသော ကြော်ငြာကိုယ်စား လှယ် အလုပ်တိုက်၏ ရေဒီယိုဘက်ဆိုင်ရာ ဌာနကို အုပ်ချုပ်စီမံနေသူ လူကြီးပင် ဖြစ်လေသည်။ ဤစာသည် အရပ်ရပ်ရှိ သူတို့၏ ဆိုင်ခွဲများ၏ မန်နေဂျာများထံသို့ပို့သော စာဖြစ်လေသည်။ (ဤစာကို တစ်ပိုဒ်စီဖတ်ပြီးသော အခါ စိတ်တွင် ဖြစ်ပေါ်လာပုံတို့ကို စကားချပ်အဖြစ်နှင့်ဖော်ပြပါအံ့။)

မစ္စတာ ဂျွန် ဘလင့် ဘလင့် ဗီး –

အင်ဒီယားနား။ – ချစ်လှစွာသော မစ္စတာ ဗလင့် ကုမ္ပဏီသည် ရေဒီယိုဘက်တွင် ကြော်ငြာ ကိုယ်စားလှယ်တို့၏ ခေါင်းဆောင်ဖြစ်မြဲ ဖြစ်လိုသော ဆန္ဒရှိပါသည်။

(သင့်ကုမ္ပဏီ၏ ဆန္ဒကို ဘယ်သူက ဂရုစိုက်ရဦးမှာလဲ။ ကျွန်ုပ် လည်း ကျွန်ုပ်၏ ကိစ္စများနှင့် စိတ်ရှုပ်လျက်ရှိ၏။ ကျွန်ုပ်၏ အိမ် ပေါင်ထားသည်ကို ဘဏ်တိုက်က ရွေးခွင့်မပြုတော့ဘူး။ အပင်တွေလည်း ပိုးကျနေပြီ။ ငွေဈေးလည်း မနေ့ကကျသွားသည်။ ယနေ့ နံနက် ၈ နာရီ ၁၅ မိနစ် မီးရထားကို လွတ်သွား၏။ မနေ့ညက ဂျုံ၏ ကပွဲသို့ ကျွန်ုပ်ကို မဖိတ်။ ဆရာဝန်က ကျွန်ုပ်၌ သွေးတိုးရောဂါ အကြောရောင် ရောဂါနှင့် ဘောက်များရှိသည်ဟု ပြော၏။ ထို့ပြင် စိတ်ရှုပ်စရာများ – ဘာရှိသေးသလဲ။ ယနေ့နံနက် စိတ်ညစ်ပြီး အလုပ် တိုက်ကို ဆင်းလာရာ စာအိတ်များကို ဖွင့်လိုက်သောအခါ အလိုက် မသိတတ်သော မန်နေဂျာက သူ့ ကုမ္ပဏီသည် ဘာကိုအလိုရှိသည်ဟု ရေးလိုက်သော စာတစ်စောင်ကို တွေ့ရပြန်သည်။ ထီ သူ့စာသည် တစ်ဖက်သား၏ စိတ်ကို ဘယ်လို ဖြစ်သွားစေသည်ကို သူသိလျှင် သူသည် ကြော်ငြာသည့်အလုပ်မှ ထွက်ပြီး , ဘိနပ်သံခွာ ရိုက်စားကောင်း ရိုက်စားပေလိမ့်မည်။)

ဤကုမ္ပဏီ၏ အမျိုးသား ကြော်ငြာလုပ်ငန်းများသည် ထုထည် အကြီးဆုံး ဖြစ်၏။ လူ အသုံးများသဖြင့်လည်း ကြော်ငြာ ကိုယ်စားလှယ် များထဲတွင် နှစ်စဉ် နှစ်တိုင်း ထိပ်တန်းကျလျက် ရှိလေသည်။

(သင်သည် ကြီးကျယ်၏။ ချမ်းသာ၏။ ထိပ်တန်းကျ၏။ . ဟုတ်လား။ နောက်ပြီး ဘာဖြစ်သေးသလဲ။ အမေရိကန်ပြည် စစ်အဖွဲ့ချုပ် ဂျင်နရယ် အီလက်ထရစ် – ဂျင်နရယ် မော်တော်” ကုမ္ပဏီသည် ကြီးကျယ် သော်လည်း ကျွန်ုပ် အရေးမလုပ်။ ရူးပေါပေါ ပန်းရည်စုပ် ငှက်ကလေး ၏ ထက်ဝက်မျှလောက် ဉာဏ်ရှိမည်ဆိုလျှင် ကျွန်ုပ် မည်မျှကြီးကျယ် သည်ကိုသာ ကျွန်ုပ် စိတ်ဝင်စားကြောင်း သင် သိမည်ဖြစ်၏။ သင့် ကုမ္ပဏီ ကြီးကျယ်ခမ်းနားကြောင်းတွေကို ပြောပြခြင်းအားဖြင့် ကျွန်ုပ် စိတ်ငယ်၍ ‘ကျွန်ုပ်ကိုယ်ကို ကျွန်ုပ် အထင်သေးသွားအောင် သင်လုပ် နေသည်။) ကျွန်ုပ်တို့၏ ကြော်ငြာရှင်များကို ရေဒီယိုနှင့် စပ်လျဉ်းသမျှသော သတင်းတို့ကို အပြည့်အဝပေးရန် ကျွန်ုပ်တို့ အလိုရှိပါသည်။

(ကျွန်ုပ် အလိုရှိသည်။ ဟုတ်စ။ ကျွန်ုပ် အလိုရှိသည်။.တယ် လာတဲ့ နသိုးပဲ။ ခင်ဗျားဖြစ်စေ၊ မူဆိုလီနီ ́ ဖြစ်စေ၊ ဘင်းကရော့စဘီး ၁ , ဖြစ်စေ ဘယ်သူရဲ့ အလိုဆန္ဒကိုမျှ ကျွန်ုပ် ဂရုမစိုက်ဘူး။ ကုန်ကုန် ပြောပါရစေတော့။ ကျွန်ုပ်သည် ကျွန်ုပ်အလိုရှိသည့် အရာများ၌သာ စိတ်ဝင်စားလျက် ရှိသည်။ သင်၏ မိုက်မဲသော စာထဲမှာ ယခုထက်ထိ ကျွန်ုပ် အလိုရှိသည့် အရာကို တစ်လုံးတစ်ပါဒမျှ ဖော်မပြသေးဘူး။)

ထို့ကြောင့် ကျွန်ုပ်တို့ထံ အပတ်စဉ် သတင်းပေးပို့ရန် သင်၏ အထူးစာရင်းတွင် ကုမ္ပဏီ အမည်ကို တင်သွင်းထားစေလိုပါသည်။

အချိန်မီရောက် ပါက အကျိုးရှိမည့် မည်သည့်သတင်းမျိုးကိုမဆို ပေးရန် ဖြစ်ပါသည်။

(“သင်၏ အထူးစာရင်း’ တော်တော်လဲ နှုတ်ရဲတဲ့လူပဲ။ သင့်ကုမ္ပဏီ ကြီးကျယ်ကြောင်းတွေ လျှောက်ပြောနေသည့်အတွက် သင်သည် ကျွန်ုပ်ကိုယ်ကို ကျွန်ုပ် အထင်သေးအောင် လုပ်၏။ ထိုနောက်တစ်ဖန် . သင့်ကုမ္ပဏီကို “အထူးစာရင်းတွင် ထားရန် ကျွန်ုပ်ကို ခိုင်းလိုက်သေး၏။ ခိုင်းသည့်အခါတွင်လည်း “ကျေးဇူးပြု၍” ဆိုသော စကားကလေး တစ်လုံး ကိုမျှ ထည့်ရမှန်း မသိဘူး။)

ဤစာကိုရကြောင်း ပြန်စာတွင် သင့်ထံမှ နောက်ဆုံး သတင်း များကို ထည့်ရေးပြီးလျှင် ကျွန်ုပ်ထံသို့ အလျင်အမြန် ပို့လိုက်က နှစ်ဦးနှစ်ဝ အကျိုးရှိမည် ဖြစ်ကြောင်း။

‘ (သင်ဟာ လူမိုက်ပဲ။ ဆောင်းဦးပေါက်တွင် ကြွေသော သစ်ရွက်များ ကဲ့သို့ စာတစ်မျိုးတည်းကို ပုံနှိပ်ကာ အနှံ့အပြားပို့သော အဖိုးမထိုက် သည့် စာတစ်စောင်ကို သင်သည် ကျွန်ုပ်ထံသို့ ပို့လိုက်၏။ ထို့နောက် | အပေါင်ဆုံးသည့် အိမ်၊ ပိုးတွေဖျက်ဆီးနေသည့် အပင်၊ သွေးတိုးသည့် ‘ရောဂါများသည် ကျွန်ုပ်အား စိတ်အနှောင့်အယှက်ပေးနေသည့်အချိန် တွင် `သင့်စာကိုရကြောင်း အကြောင်းပြန်ရမည့် ကိုယ်ရေးကိုယ်တာ စာတစ်စောင်ကို ကျွန်ုပ်အား သင် အရေးခိုင်း၏။ ခိုင်းပြန်သောအခါ . လည်း “အလျင်အမြန်’ ရေးရန်ခိုင်း၏။ ကျွန်ုပ်သည် သင်ကဲ့သို့ပင် အလုပ်မရှုပ်တောင်မှ ကျွန်ုပ်သည် ကျွန်ုပ်ကိုယ်ကို သင်ကဲ့သို့ အလုပ် – ရှုပ်သည်ဟု အထင်ရောက်နေသည်ကို သင်မသိဘူးလား။ ထိုကိစ္စတွင် . ကျွန်ုပ်ကို အမိန့်ပေးရန် အခွင့်အရေးကို သင့်အား ဘယ်သူများပေးထား သနည်း။ “နှစ်ဦးနှစ်ဝ အကျိုးရှိမည်” ဟု သင်ရေးလိုက်၏။ နောက်ဆုံး ပိတ်တွင်မှ သင်သည် ကျွန်ုပ်၏ အကျိုးကို မြင်စပြုလာ၏။ သို့ရာတွင် ကျွန်ုပ်၌ မည်ကဲ့သို့ အကျိုးရှိစေမည်ကို ပွင့်ပွင့်လင်းလင်း ထုတ်ဖော်၍ မရေးလိုက်။)

သင်၏ အလွန် ဖြောင့်မှန်လှစွာသော

ဂျွန် ဘလင့် မန်နေဂျာ၊ ရေဒီယိုဌာန

စာဆက်။ ။ပူးတွဲပို့လိုက်သော ဘလင့် ဂျာနယ်မှ မိတ္တူသည် သင့်အား အကျိုးရှိစေလိမ့်မည်။ ထိုအကြောင်းကို သင်၏ ရေဒီယိုရုံမှ အသံလွှင့်ချင်ကောင်း လွှင့်ချင်ပေလိမ့်မည်။

(နောက်ဆုံး စာဆက်တွင်မှ ကျွန်ုပ်၏ အခက်အခဲတစ်ရပ်ကို ဖြေရှင်းမည့် ကူညီချက်တစ်ခုကို သင်သည် ဖော်ပြလိုက်၏။ အဘယ့်ကြောင့် ဤစာကြောင်းဖြင့် သင်၏ စာကို စ၍ မရေးသနည်း။ ဟာ ပြော၍ လည်း ထူးမည် မဟုတ်တော့ဘူး။ ကလေးကလားနိုင်လှတဲ့ ဤစာမျိုး ရေးသည့်အပြစ်ကို ကျူးလွန်သည့် ကြော်ငြာသမားတစ်ဦးသည် သူ့ ဦးနှောက် အာရုံကြောတွင် တစ်စုံတစ်ရာ ဖောက်ပြန်နေမည် ဖြစ်၏။ သင်သည် ကျွန်ုပ်ထံမှ နောက်ဆုံးသတင်းပါသည့် စာနှင့် မတန်ချေ။ သင့်အတွက် လိုသောအရာသည် သင်၏ လည်ပင်းရှိ အကြောအတွက် အိုင်အိုဒင်း ဆေးတစ်ပုလင်းသာ ဖြစ်လေသည်။) ကြော်ငြာဘက်တွင် တစ်သက်လုံး အလုပ်လုပ်၍ လူများကို ကုန်ဝယ် အောင် ဆွယ်သည့် အလုပ်အတွက် ကျွမ်းကျင်သူတစ်ဦးအဖြစ်ဖြင့် ဂုဏ်ယူ နေသော သူတစ်ဦးသည် ဤစာမျိုးကို ရေးခဲ့သော် အမဲသားရောင်းသမား၊ ပေါင်မုန့်ဖုတ်သမား၊ ကော်ဇော အလုပ်သမားတို့ထံမှ အဘယ်သို့သော စာများကို မျှော်လင့်ရတော့မည်နည်း။

ကျွန်ုပ်၏ တပည့်တစ်ဦးဖြစ်သူ မစ္စတာအက်ဒွပ် ဗားမီးလင်” ထံသို့ မီးရထားလမ်းဆုံးရှိ ကုန်တင်ကုန်ချ ဘူတာရုံပိုင်က ရေးပေးလိုက်သောစာကို ` အောက်တွင် ဖော်ပြလိုက်သည်။ ဤစာကိုရသောသူတွင် မည်ကဲ့သို့ စိတ်များ ဖြစ်ပေါ်လာသနည်း။ ဖတ်ပါ၊ ဖတ်ပြီးသောအခါ ကျွန်ုပ် ပြောပြပါမည်။

အဇာရီးဂါး၏ သားများ အလုပ်တိုက် ၂၈၊ ဖရန့်လမ်း

ဘရုကလင်၊ အင် ဝိုင်. .

သတိ မစ္စတာ အက်ဒွပ် ဗားမီးလင် လူကြီးမင်းခင်ဗျား

ပို့လိုက်သော ကုန်ပစ္စည်းများအနက် များစွာသော ကုန်ပစ္စည်း တို့သည် ကျွန်ုပ်တို့ထံသို့ အရောက်နောက်ကျသောကြောင့် ကျွန်ုပ်တို့ ဘူတာရုံ၏ အလုပ်အစီအစဉ်တို့ကို အနှောက်အယှက် ဖြစ်စေခဲ့ပါ သည်။ ဤကဲ့သို့ အရောက်နောက်ကျအောင် ပို့ခြင်းကြောင့် ကုန်များ ကျပ်နေခြင်း၊ အလုပ်သမားများ အချိန်ပို၍ လုပ်ရခြင်း၊ ကုန်တင် မော်တော်ကားများကို ကြန့်ကြာစေခြင်းနှင့် အချို့နေရာများတွင် ကုန်တင်ကုန်ချခြင်းကို နှောင့်နှေးခြင်းတည်း ဟူသော အမှုအခင်းတို့ ဖြစ်စေပါသည်။ နိုဝင်ဘာလ ၁၀ ရက်နေ့က လူကြီးမင်းများထံမှ ကျွန်ုပ်ထံသို့ ၄ နာရီ မိနစ် ၂ဝ မှ ရောက်ရှိသော ကုန်ထုပ်ပေါင်း ၅၀၀ ကို ရရှိခဲ့ပါသည်။ ၊ ဤကဲ့သို့ ကုန်များကို နောက်ကျမှရရှိသည့်အတွက် ပေါ်ပေါက် လာသော မနှစ်မြို့ဖွယ်ရာအချက်များ ပပျောက်စေရန် လူကြီးမင်း၏ အကူအညီကို တောင်းယူရပါကြောင်း။ ကုန်များကို ကျွန်ုပ်တို့ထံသို့ ပို့မည်ဆိုလျှင် ခပ်စောစောရောက်နိုင်အောင် ကြိုးစားပြီးပို့ပါ။ ဤကဲ့သို့ ကြိုးစား၍ မဖြစ်လျှင် ကုန်များအားလုံးကို တစ်ကြိမ်တည်း မပို့ဘဲ နံနက်ပိုင်းတွင် အချို့တစ်ဝက်ကို ပို့ပါရန် တိုက်တွန်းပါရစေ။ ။

ဤနည်းအတိုင်း ဆောင်ရွက်လျှင် လူကြီးမင်းများ၏ ကုန်တင် – မော်တော်ကားကို မကြန့်ကြာရဘဲ ခပ်စောစောပြန်၍ လွှတ်နိုင်ခြင်း၊ ကုန်များကို လက်ခံရရှိသော နေ့တွင်ပင် မနှောင့်နှေးစေဘဲ လိုရာ အရပ်သို့ တင်ပို့နိုင်ခြင်းဟူသော အကျိုးကျေးဇူးများကို ခံစားနိုင်လိမ့် မည် ဖြစ်ပါကြောင်း။ ..

သင်၏ မှန်ကန်လှစွာသော

ဗီ၊ ရုံပိုင် .

ဤစာကို ဖတ်ပြီးနောက် အေ ဇာရီးဂါးနှင့်သားများ ” အလုပ်တိုက်၏ . ကုန်ရောင်းမန်နေဂျာ မစ္စတာ ဗားမီးလင်သည် အောက်ပါ မှတ်ချက်ကို ရေးပြီးနောက် ကျွန်ုပ်ထံသို့ ပို့လိုက်လေသည်။

“ဤစာကို ရေးလိုက်ခြင်းအားဖြင့် ရုံပိုင် မျှော်လင့်တာက တစ်မျိုး၊ ရတာက တစ်မျိုး ဖြစ်နေသည်။ ဤစာတွင် စလျှင် စချင်း သူတို့ အကျပ် အတည်း ဖြစ်ပုံတွေကို ဖော်ပြထားသည်။ ထိုအကျပ်အတည်းများ၌ ကျွန်ုပ် – တို့သည် အများအားဖြင့် စိတ်မဝင်စားချေ။ ထို့နောက် ကျွန်ုပ်တို့တွင် အလုပ် ရှုပ်သွားမည် မသွားမည်ကို မစဉ်းစားဘဲနှင့် သူတို့ကို ကူညီရန် ကျွန်ုပ်တို့အား ခိုင်းပြန်၏။ နောက်ဆုံးစာပိုဒ်တွင်မှ ကျွန်ုပ်တို့ ကူညီလျှင် … ကျွန်ုပ်တို့၏ မော်တော်ကားပေါ်မှ ကုန်များကို ဘူတာရုံသို့ ရောက်သည့်နေ့တွင် တင်ပို့နိုင်မည့် အကြောင်းကို ဖော်ပြ၏။

. အမှန်အတိုင်း ပြောရလျှင် ကျွန်ုပ်တို့ စိတ်အဝင်စားဆုံးဆိုသောအချက် ကို နောက်ဆုံးမှ ဖော်ပြ၍ ဤစာကို ရေးလိုက်ခြင်းဖြင့် ကူညီလိုသော စိတ်ထားများမပေါ်ဘဲ ရွံရှာသော စိတ်ထားများသာ ပေါ်လာလေသည်။

ကျွန်ုပ်တို့သည် ဤစာကို တစ်မျိုးတစ်ဖုံ ပြုပြင်ကာပြန်၍ ရေးကြည့် ကြစို့။ ကျွန်ုပ်တို့၏ အကျပ်အတည်းတွေကို အချိန်ကုန်ခံ၍ ရေးသားခြင်းကို ရှောင်ကြဉ်ကြစို့။ ဟင်နရီဖို့က အကြံပေးသည့်အတိုင်း “အခြားသူ၏ ယူဆ ချက်ကို ရအောင် စုံစမ်းပြီးနောက် သူ့ဘက်ကိုယ့်ဘက် နှစ်ဘက်စကား ကြည့်ပြီးမှ ဆုံးဖြတ်ကြစို့’။ အောက်ပါစာသည် အကောင်းဆုံးဟု မဆိုလို။ သို့ရာတွင် ပထမစာထက် ပို၍ မကောင်းပေဘူးလား။

မစ္စတာ အက်ဒွပ် ဗားမီးလင် အေ ဇာရီဂါး၏သားများ အလုပ်တိုက်မှ တစ်ဆင့် ,

၂၈၊ ဖရန့်လမ်း ဘရုကလင် အင် ဝိုင်။

ချစ်ဆွေ ဗားမီးလင် . ..

ချစ်ဆွေတို့၏ ကုမ္ပဏီသည် လွန်ခဲ့သော ၁၄ နှစ်ခန့်မှ အစပြု၍ ‘ ကျွန်တော်တို့၏ ဖောက်သည်ကောင်းတစ်ဦး ဖြစ်ခဲ့ပါသည်။ ဤကဲ့သို့ ကြည့်ရှုအားပေးခဲ့သည့်အတွက် ချစ်ဆွေတို့၏ ကုမ္ပဏီကို ကျွန်တော် တို့သည် ကျေးဇူးအထူးတင်လျက်ရှိသည် ဖြစ်ပါ၍ ချစ်ဆွေတို့၏ ကိစ္စများဆိုလျှင် စေ့စပ် လျင်မြန်စွာ ဆောင်ရွက်ပေးလိုသောဆန္ဒ ရှိခဲ့ ပါသည်။ သို့ရာတွင် နိုဝင်ဘာလ ၁၀ ရက်နေ့ကကဲ့သို့ ညနေအတော် ကြီးစောင်းမှ များပြားလှသော ကုန်များကို ပို့လိုက်သည့်အခါ ကျွန်တော် တို့၌ ဆန္ဒရှိသလောက် မဆောင်ရွက်နိုင်ပါသဖြင့် ဝမ်းနည်းပါကြောင်း။ အခြားဖောက်သည်များလည်း ညနေစောင်းမှ ကုန်များကို ပို့ကြသည် ဖြစ်ရာ ဘူတာရုံတွင် ကုန်များကျပ်လျက်ရှိပါသည်။ ထိုကိစ္စမျိုး ပေါ်ပေါက်လျှင် မရှောင်လွှဲသာသဖြင့် ချစ်ဆွေတို့၏ မော်တော်ကား များသည် အချိန်ကြာစွာ စောင့်ဆိုင်းနေရပါလိမ့်မည်။ တစ်ခါတစ်ရံ | ချစ်ဆွေ၏ ကုန်များကို တင်ပို့ရန်ပင် နှောင့်နှေးကြန့်ကြာခြင်း ဖြစ်ပါ လိမ့်မည်။

ဤကဲ့သို့ ဖြစ်ရခြင်းသည် မကောင်းပါ။ အလွန် မကောင်းပါ။ ထိုကဲ့သို့ ဖြစ်ရခြင်းကို မည်ကဲ့သို့ ရှောင်ရှားရပါမည်နည်း။ တတ်စွမ်း နိုင်လျှင် ချစ်ဆွေ၏ ကုန်များကို ညနေမစောင်းမီ ကျွန်တော်တို့ထံသို့ အရောက်ပို့ခြင်းဖြင့် ရှောင်ရှားနိုင်ပါသည်။ ထိုကဲ့သို့ ပို့နိုင်လျှင် ချစ်ဆွေတို့၏ မော်တော်ကားလည်း အပိုသက်သက် စောင့်ဆိုင်းခြင်း မဖြစ်ရတော့ပါ။ ချစ်ဆွေ၏ ကုန်များကိုလည်း ချက်ချင်း ဂရုတစိုက် လုပ်၍ တင်ပို့နိုင်ပါလိမ့်မည်။ ထို့ပြင် ကျွန်တော်တို့၏ အလုပ်သမား များသည် ချစ်ဆွေတို့တိုက်ကလုပ်သော အလွန်အရသာရှိသည့် မုန့်တီ၏ အရသာကိုခံရန် အိမ်သို့ ခပ်စောစော ပြန်နိုင်ပါလိမ့်မည်။

ဤစာကို တိုင်ကြားစာဟူ၍ အယူမရှိပါနှင့်၊ ထို့ပြင်လည်း ချစ်ဆွေတို့၏ အလုပ်တိုက်ကို ဘယ်လိုလုပ်ရမည်ဟု သွန်သင်ဆုံးမ – နေသည် ဟူ၍လည်း မမှတ်ပါနှင့်။ ဤစာကို ရေးရခြင်းသည် ချစ်ဆွေတို့၏ အကျိုးကို ပို၍ ထိထိရောက်ရောက် ဆောင်ရွက်ချင်သော ဆန္ဒ၏ တိုက်တွန်းခြင်းကြောင့်ပင် ဖြစ်ပါသည်။ ။

ကုန်များ မည်သည့်အချိန်တွင် ရောက်သည်ကို ပဓာနမထားဘဲ ချစ်ဆွေတို့၏ အကျိုးကို ကျွန်တော်တို့ တတ်စွမ်းသရွေ့ မြန်မြန်ထက် ထက် အမြဲ ရွှင်ပျစွာနှင့် ဆောင်ရွက်ပါမည်။

ချစ်ဆွေတို့လည်း အလုပ်များလျက် ရှိပေမည်။ ကျေးဇူးပြုပြီး ဒုက္ခရှာပြီး စာပြန်မနေပါနှင့်။

သင်၏ မှန်ကန်လှသော

ဂျေ ဗီ၊ ရုံပိုင်

ယခုအခါတွင် ထောင်ပေါင်းများစွာသော ဈေးသည်တို့သည် မောပန်း စိတ်ငယ်လျက် အနည်းငယ်မျှသော လစာငွေကို ရပြီးလျှင် လမ်းတကာ လမ်းကို လျှောက်နေရခြင်းသည် အဘယ်ကြောင့်နည်း။ အကြောင်းမူကား ထိုသူတို့သည် သူတို့လိုချင်သည့် အရာများကိုသာ တွေးတောလျက် ရှိသော ကြောင့်တည်း။ သင်ဖြစ်စေ၊ ကျွန်ုပ်ဖြစ်စေ၊ မည်သည့်အရာကိုမျှ မဝယ်ချင် ကြောင်းကို သူတို့ မသိကြချေ။ ကျွန်ုပ်တို့ ဝယ်လိုလျှင် အပြင်ထွက်သွား၍ ဝယ်ကြမှာပေါ့။ သို့ရာတွင် သင်နှင့် ကျွန်ုပ်တို့မှာ ကိုယ့်ကိစ္စနှင့်ကိုယ် အမြဲ တမ်း အလုပ်ရှုပ်လျက်ရှိကြ၏။ အကယ်၍ ဈေးရောင်းသူတစ်ဦးသည် သူ၏ ကူညီချက် သို့မဟုတ် သူ၏ ကုန်ပစ္စည်းများသည် ကျွန်ုပ်တို့၏ ပြဿနာ များကို မည်ကဲ့သို့ ရှင်းလင်းပေးနိုင်သည်ကို သူတို့ ပြနိုင်လျှင် သူတို့ကိုယ် : တိုင် ရောင်းနေစရာမလို။ ကျွန်ုပ်တို့ ဝယ်မည်မှာ ဧကန်ဖြစ်၏။ ဖောက်သည် တစ်ဦးသည် ရောင်းသူက ဝယ်ပါဟု တိုက်တွန်းသဖြင့် ဝယ်ရသည်ကို အလို မရှိ၊ မိမိကိုယ်တိုင် အလိုရှိ၍ ဝယ်ယူရခြင်းကိုသာ အလိုရှိ၏။ ။

သို့ရာတွင် များစွာသော ဈေးသည်တို့သည် ဝယ်သူဘက်မှနေ၍ မကြည့်ဘဲနှင့် ကုန်ပစ္စည်းများကို တစ်သက်လုံး ရောင်းလျက်ရှိကြသည်။ သက်သေထုတ်၍ ပြပါအံ့။ နယူးယောက်မြို့ကြီး၏ဗဟိုတွင်ရှိသော ဖောရက် ဟီး” အရပ်၌ ကျွန်ုပ် နေ၏။ တစ်နေ့သ၌ ဘူတာရုံသို့ သုတ်ခြေတင်၍ လျှောက် . လာစဉ် နှစ်ပေါင်းများစွာ ပေါင်းအိုင်လန်အရပ်တွင် အိမ်အရောင်းအဝယ် လုပ်နေသော ပွဲစားတစ်ဦးနှင့် တွေ့၏။ သူသည် ဖောရက်ဟီး အရပ်ကို ကောင်းစွာသိသူတစ်ဦး ဖြစ်သောကြောင့် ကျွန်ုပ်၏ နေအိမ်ကို သတ္တုအပါးစား နှင့် ဆောက်လုပ်ထားသလား၊ ခေါင်းပွအုတ်ကြွပ်နှင့် ဆောက်လုပ်ထားသလား ဟူ၍ သူ့ကိုလှမ်း၍ အလျင်စလို မေးလိုက်၏။ သူက အမှန်မသိပါဟူ၍ ပြန် ဖြေလိုက်၏။ သူပြောသမျှသည် ကျွန်ုပ် သိပြီးသားများပင် ဖြစ်၏။ စင်စစ်မှာ ကျွန်ုပ် သိလိုသော အချက်ကို ဖောရက်ဥယျာဉ်အသင်းသို့ သွားရောက် စုံစမ်းလိုက်လျှင် အစုံသိမည် ဖြစ်၏။ နောက်တစ်နေ့ နံနက်တွင် သူ့ထံမှ စာတစ်စောင်ကို ကျွန်ုပ် ရရှိ၏။ ထိုစာထဲတွင် ကျွန်ုပ် သိလိုသောအချက်များ ပါသလား။ ထိုအချက်များကို တယ်လီဖုန်းနှင့် စုံစမ်းပေးလျှင် စက္ကန့် ၆၀ အတွင်း သူသိနိုင်၏။ သို့ရာတွင် သူသည် ထိုကဲ့သို့ မစုံစမ်းချေ။ သူ၏ စာထဲတွင် ကျွန်ုပ် သိလိုသော အချက်ကို ကျွန်ုပ်ကိုယ်တိုင် တယ်လီဖုန်းနှင့် စုံစမ်းပါဟု ရေးထား၏။ ထို့နောက် ထိုအိမ်အတွက် အာမခံပြုလုပ်ရန်ကိစ္စကို သူလုပ်ပါရစေဟု ရေးသားလိုက်သေး၏။

သူသည် ကျွန်ုပ်ကို ကူညီရန် စိတ်မဝင်စားချေ။ သူ့ကိုယ်ကိုသူ ကူညီ ရန်ကိုသာ စိတ်ဝင်စားလျက်ရှိလေသည်။ ဗက်ယန်း” ရေးသော “အကျိုးဆောင်” နှင့် “သိုက်ဝေစု” ခေါ် စာအုပ် နှစ်အုပ်ကို ထိုသူ့ထံသို့ ကျွန်ုပ်သည် ပေးပို့ သင့်လေသည်။ ထိုစာအုပ်များကို ဖတ်ပြီးနောက် ကိုယ်တိုင် လေ့ကျင့်မည်ဆိုလျှင် ကျွန်ုပ်အိမ်၏ အာမခံကို ဆောင်ရွက်သည်ထက် အဆပေါင်းတစ်ထောင် လောက် ပို၍ အကျိုးရှိမည် ဖြစ်၏။

( ပညာသည်များသည်လည်း ထိုကဲ့သို့သော အမှားမျိုးကို လုပ်တတ်လေ သည်။ နှစ်ပေါင်းများစွာက ကျွန်ုပ်သည် ဖီလဒဲဖီးယားမြို့ရှိ နှာခေါင်းနှင့် – လည်ချောင်းရောဂါဘက်တွင် ကျွမ်းကျင်သူတစ်ဦး၏ အလုပ်ခန်းထဲသို့ ဝင် သွား၏။ ကျွန်ုပ်၏ လျှာခင်ကို မကြည့်ရသေးမီကပင် ကျွန်ုပ် ဘာအလုပ် လုပ်သည်ကို စုံစမ်း၏။ သူသည် ကျွန်ုပ်၏ လျှာခင်တွင် စိတ်မဝင်စား။ ကျွန်ုပ် ငွေဘယ်လောက်ချမ်းသာသည်ကိုသာ စိတ်ဝင်စားလျက်ရှိ၏။ သူ၏ ‘ အရေးအကြီးဆုံး ကြောင့်ကြမှုသည် ကျွန်ုပ်၏ ရောဂါကို ပျောက်အောင်မည်မျှ ကူညီနိုင်မည်ဟူသော အချက်မဟုတ်။ ကျွန်ုပ်ထံမှ ငွေကြေးမည်မျှရနိုင်မည် နည်းဟူသော အချက်ပင် ဖြစ်လေသည်။ ဤကဲ့သို့ ကြောင့်ကြသော စိတ်ထား၏ အကျိုးကား ကျွန်ုပ်ထံမှ သူသည် ပိုက်ဆံ တစ်ပြားမျှ မရခြင်းပင် ဖြစ်၏။ သူ၏ စိတ်ထား ညံ့ပုံကို ရွံရှာမုန်းတီးပြီးလျှင် ကျွန်ုပ် သည် သူ့အခန်းထဲမှ ထွက်လာခဲ့၏။

ကမ္ဘာကြီးသည် ထိုကဲ့သို့ လောဘကြီးသော ကိုယ်ကျိုးရှာသမားများ နှင့် ပြည့်နှက်လျက်ရှိ၏။ ထို့ကြောင့် သဒ္ဓါတရားရှိစွာနှင့် တစ်ဖက်သား၏ အကျိုးကို သည်ပိုးလိုသော လူထူးတစ်ဦး၌ အတိုင်းမသိသော အခွင့်အလမ်း

ကောင်း များစွာ ရှိလေသည်။ အိုဝင်ဒီယန်း” က “တစ်ဖက်သား၏နေရာတွင် ကိုယ့်ကိုယ်ကို ထားကြည့်ပြီးလျှင် တစ်ဖက်သား၏ စိတ်နေသဘောထားကို အကဲခတ်နိုင်သော သူတစ်ဦးသည် သူ၏ နောင်ရေးအတွက် ပူပင်စရာမလို’ဟု ပြောကြားဖူးလေသည်။

အကယ်၍ သင်သည် ဤစာအုပ်ကို ဖတ်ခြင်းအားဖြင့် တစ်ဖက်သား၏ ယူဆချက်ကိုသာ အမြဲ အစဉ်လိုက်လျော၍ စဉ်းစားပြီးလျှင် ထိုသူ၏ဘက်မှ – နေ၍ ကြည့်လိုသော ရင့်သန်သည့် စိတ်ဓာတ်ခံ တစ်ခုတည်းကိုသာ ရရှိသည်ဟု ဆိုပါက သင်၏ တက်လမ်းတွင် သင်သည် ခရီးအတော်ရောက်နေပြီဟူ၍ အလွယ်နှင့် သိနိုင်ပေသည်။

များစွာသော လူတို့သည် ကောလိပ်ကျောင်းသို့ သွားပြီးနောက် ဗားဂျီ” ရေးသားခဲ့သည့် စာကြီးပေကြီးများကိုလည်းကောင်း၊ အထက်တန်း သင်္ချာရပ်ကိုသော်လည်းကောင်း လေ့လာသင်ကြားကြကုန်၏။ သို့ရာတွင် သူတို့၏ ကိုယ်ပိုင်စိတ်နေစိတ်ထားများသည် မည်သို့မည်ပုံ ဖြစ်ပျက်နေကြ သည့် အကြောင်းကိုကား မစူးစမ်း မရှာဖွေကြချေ။ သက်သေပြပါအံ့။ အလုပ် တိုက်များနှင့် ကပွဲရုံများကို အေးအောင်လုပ်ပေးရသော နယူးဂျာစီ ပြည်နယ် နယူးဝပ်မြို့ ကဲရီးယားကော်ပိုရေးရှင်း တွင် အလုပ်လုပ်နေသော ကောလိပ်ကျောင်းမှ ထွက်လာသည့် လူငယ်တစ်စုအား “ထိထိရောက်ရောက် စကားပြောနည်း” ကို “ကျွန်ုပ်သည် တစ်ခါက သင်ပေးရဖူး၏။ သူတို့အထဲမှ တစ်ယောက်သောသူက အခြားသူများကို ဘတ်စကက်ဘော ကစားရန် ဆွယ်လိုသဖြင့် “မင်းတို့ ဘတ်စကက်ဘော လာရောက် ကစားစေချင်တယ် ကွာ၊ ငါ ဘတ်စကက်ဘောကို ကစားချင်တယ်၊ သို့ပေမယ့် ကစားရုံကို သွားတိုင်း ဘတ်စကက်ဘောကစားဖို့ ဘယ်တော့မှ လူမပြည့်ဘူး၊ မနေ့ညက တို့နှစ်ဦး သုံးဦးသာရှိလို့ ဘောလုံးကို တစ်ယောက်က တစ်ယောက်ဆီကို ပစ်ပြီးသာ ကစားနေကြတယ်၊ ငါ့မျက်ခွက်ကို မှန်လို့ မျက်ခွံတောင် ညိုသွား သေးတယ်၊ မင်းတို့ ဘတ်စကက်ဘော ကစားဖို့ မနက်ဖြန်ညကျရင် လာကြ စေချင်တယ်၊ ငါ ကစားချင်တယ်ကွာ” ဟူသော စကားမျိုးကို ပြောလေသည်။

သူသည် သင်အလိုရှိသော အကြောင်းများကို ပြောသလား။ မည်သူမျှ မသွားသော ကစားရုံသို့ သင်သည် မသွားချင်ဘူး မဟုတ်လား။ သူအလိုရှိ သည့် အရာကိုလည်း သင်သည် ဂရုမစိုက်၊ သင်သည် မျက်ခွံအညိုလည်း မခံလို။

ကစားရုံသို့ သွားခြင်းအားဖြင့် သင်အလိုရှိသော အရာများကို ဘယ်ပုံ ဘယ်နည်းဖြင့် ရရှိနိုင်သည်ဟု သူ မပြနိုင်ဘူးလား။ ပြနိုင်ပြီလား။ ဥဒါဟရုဏ်၊ ကစားပေးခြင်းဖြင့် အားတိုးလာမည်၊ ထမင်းစားကောင်းမည်၊ ဦးနှောက်ပို၍ ရှင်းမည်၊ ပျော်ရမည် စသော အချက်တို့ကို ပြောပြနိုင်၏။

ပရော်ဖက်ဆာ အိုဗာစထရိ၏ အဖိုးတန်သော အကြံကို ထပ်မံဖော်ပြ ပါအံ့။ ။

တစ်ဘက်သား၏ စိတ်ထဲတွင် ပြင်းပြသော ဆန္ဒတစ်ခု ဖြစ်ပေါ်လာ အောင် ရှေးဦးစွာ ဆွပေးပါ။ အကြင်သူသည် ဤကိစ္စကို ဆောင်ရွက်နိုင်အံ့၊ ထိုသူ၏ နောက်သို့ တစ်ကမ္ဘာလုံး လိုက်အံ့။ အကြင်သူသည် ဤကိစ္စကို မဆောင်ရွက်နိုင်၊ ထိုသူသည် … တစ်ယောက်တည်း နေရအံ့။ ။

ကျွန်ုပ်၏ အတန်းတွင် စာသင်နေသူ တပည့်တစ်ယောက်သည် သူ၏ သားလေးအတွက် စိတ်ပူလျက်ရှိလေသည်။ ကလေးသည် အတော်ပိန်၏။ အားရှိသော အစာအာဟာရများကို စားရန် ငြင်းဆန်လျက်ရှိသောကြောင့် သူ့မိဘများသည် လုပ်ရိုးလုပ်စဉ် နည်းလမ်းအတိုင်း သူ့ကို ကြိမ်းမောင်းကြ ၏။ ဆူပူကြ၏။ “မင်းကို မင့်အမေက ဒါကို စားရမယ်”တဲ့ “မင့်ကို မင့်အမေက ထွားကျိုင်းစေလိုသတဲ့” စသည်ဖြင့် အတင်းအကျပ် တိုက်တွန်း လျက်ရှိ၏။

ကလေးသည် သူတို့၏ စကားကို ဂရုစိုက်လေသလား၊ မဟာမေဒင် ဘာသာ၏ ပွဲတော်များအတွက် သင်နှင့် ကျွန်ုပ်တို့ ဂရုမစိုက်သလို ကလေး သည်လည်း သူတို့၏ စကားများကို ဂရုမစိုက်ချေ။

ကိုယ်ပိုင် ဉာဏ်တစ်ထွာလောက်ရှိသော သူတစ်ဦးပင်လျှင် အသက် ၃ဝ အရွယ် ဖခင်တစ်ဦး၏ အလိုကို မည်သည့်နည်းနှင့်မျှ သုံးနှစ်ရွယ် သား ကလေးက နားမထောင်ဘဲ လိုက်နာနိုင်မည် မဟုတ်ကြောင်းကို သိ၏။ သို့ရာတွင် ဤနေရာ၌ ဖခင်သည် သူ့အလိုကို သားငယ်လိုက်လိမ့်မည်ဟု မျှော်လင့်နေ၏။ ဤကဲ့သို့ဖြစ်ရသည်မှာ လုံးဝ မှား၏။ ဤအကြောင်းကို နောက်ဆုံး၌ ကလေး၏ ဖခင်သည် မြင်လေ၏။ ထို့ကြောင့် “ငါ့သားသည် ဘာကို အလိုရှိပါလိမ့်၊ သူအလိုရှိတာနဲ့ ငါအလိုရှိတာကို ဘယ်လို ထပ်အောင် အပ်စပ်ရမလဲ”ဟု သူ့ကိုယ်ကို သူမေး၏။

ထိုအကြောင်းကို စ၍ စဉ်းစားလိုက်သည်နှင့် တစ်ပြိုင်နက် သူ၏ ပြဿနာသည် လွယ်လာ၏။ ဘရုကလင်းအရပ်ရှိ သူ၏ အိမ်ရှေ့ လူသွားလမ်း ပေါ်တွင် ထိုကလေးသည် သူ၏ သုံးဘီး စက်ဘီးကလေးကို ခေါက်တုံ့ခေါက်ပြန် စီးရန် အလွန်နှစ်သက်၏။ ထိုအိမ်နှင့် မနီးမဝေးတွင် သူ့ထက်ကြီးသော လူဆိုးကလေးတစ်ဦးရှိ၏။ လူဆိုးကလေးသည် ထိုကလေးကို စက်ဘီးပေါ်မှ ဆွဲချပြီးလျှင် သူကိုယ်တိုင် တက်စီးလေ့ရှိ၏။

ဤသို့ ဆွဲပစ်ခံရလျှင် ထိုကလေးသည် သူ့အမေထံသို့ အော်ပြေးလေ၏။ သူ့အမေ လာ၍ လူဆိုးကလေးကို ဆွဲချပြီးမှ သူ့သားကို စက်ဘီးပေါ်သို့ ပြန်၍ တင်ရ၏။ ဤကိစ္စသည် နေ့စဉ်နှင့်အမျှလိုလို ဖြစ်နေလေသည်။

ထိုကလေးသည် ဘာကို အလိုရှိသနည်း။ ထိုမေးခွန်းကို ဖြေရန် ရှားလော့ ဟုမ်း” ထံမှ အကူအညီတောင်းစရာ မလိုပါ။ သူ၏ ရင်တွင်းရှိ စိတ်များတွင် အကြမ်းဆုံးဟု ဆိုအပ်သော မာန ဒေါသ၊ မိမိကိုယ်ကို အထင်ကြီးလိုသော ဆန္ဒတို့သည် ထိုလူဆိုးကလေးကို ခြေမွပစ်ကာ ကလဲ့စား ချေရန် သူ့ကို ဆွပေးလျက်ရှိ၏။ ထို့ကြောင့် “ဟေ့ ငါ့သား မင့်အမေ အစား ခိုင်းတဲ့ ဟောဒီ အစားတွေကိုစားရင် မင်း သိပ်ထွားလာပြီး လူဆိုးကလေးကို . ကောင်းကောင်းနိုင်မှာပဲ”ဟု ပြောလိုက်သည့်အခါမှစ၍ ကလေးကို အစာ အတင်းအကျပ် ကျွေးရန် မလိုတော့ချေ။ သူ၏ မာနကို ချိုးနှိမ်လျက်ရှိသော လူဆိုးကလေးကို နိုင်အောင် ကြီးထွားသန်စွမ်းရန် သူ့အမေကျွေးသမျှ အစာ တို့ကို စားလျက်ရှိလေသည်။ .

ထိုပြဿနာတစ်ရပ်ကို ဖြေရှင်းပြီးသော် ဒုတိယပြဿနာကို ဖြေရှင်းရန် သူ၏ ဖခင်သည် ကြိုးစားရပြန်၏။ ထိုကလေးသည် ညအိပ်လျှင် အိပ်ရာ ထဲတွင် အပေါ့သွားလေ့ရှိ၏။

သူသည် သူ၏ဘွားအေနှင့် အတူတူအိပ်၏။ နံနက်မိုးလင်းတိုင်း ဘွားအေကြီးသည် အိပ်ရာမှ ထသည်နှင့် မွေ့ရာ သေးစိုနေသည်ကို တွေ့သော အခါ “ကြည့်စမ်း ဂျော်နီ၊ မင်းညက ပေါက်တဲ့ သေးကွက်တွေ”ဟု မြေး ကလေးကို ပြလေ၏။ . . . ။

ထိုအခါ မြေးကလေးက၊ “ကျွန်တော် ပေါက်တာ မဟုတ်ဘူး၊ ဘွားဘွား ပေါက်တာတွေ”ဟု ပြန်ပြောလေသည်။

| ဘယ်လိုကြိမ်းကြိမ်း၊ ဘယ်လိုဆိုဆို အိပ်ရာထဲမှာ သေးပေါက်တာကို . မင့်မေမေ မကြိုက်ဘူးဟူသော စကားမျိုးကို ဘယ်လိုပြောပြော ကလေးသည် ပေါက်မြို့ ပေါက်နေ၏။ ထို့ကြောင့် “ခင်ရေ လူကလေး အိပ်ရာထဲမှာ သေး မပေါက်အောင် ဘယ့်နှယ်လုပ်ရမလဲ”ဟု မိဘများသည် တိုင်ပင်စပြုကြလေသည်။

သူသည် ဘာကို အလိုရှိသလဲ။ ရှေးဦးပထမ သူ၏ ဘွားအေဝတ်နေ သော အိပ်ရာဝင် အင်္ကျီမျိုးကို ဝတ်နေရသည်ကို မနှစ်သက်။ သူ၏ ဖခင် ဝတ်နေသော အင်္ကျီမျိုးကိုသာ ဝတ်လို၏။ အကယ်၍ ကလေးကသာ သေးမပေါက်တော့ပါဟု ဝန်ခံလျှင် ကလေးလိုချင်သော အင်္ကျီကို ဝတ်ပေးမည်ဟု သေးပေါက်လွန်း၍ စိတ်ညစ်နေသော ဘွားအေကြီးသည် သဘောတူလေ သည်။ သူအလိုရှိသော ဒုတိယအရာသည် သူ့အတွက် တစ်ယောက်အိပ်ခုတင် တစ်လုံး ဖြစ်၏။ ဘွားအေကြီးကလည်း ထိုခုတင်ကို ဝယ်ရန် ခွင့်ပြု၏။

‘ သူ၏မိခင်သည် သူ့ကို ဗရုကလင်အရပ်ရှိ လိုအီစား စတိုး ” တိုက်ဆိုင် သို့ ခေါ်သွားပြီးလျှင် ဈေးရောင်းသူ မိန်းကလေးကို မျက်စိ မှိတ်ပြလျက် “ဟောဒီ လူပျိုကြီးကကွယ်၊ သူကိုယ်တိုင် ဈေးဝယ်ချင်လို့တဲ့” ဟု ပြောလိုက် လေသည်။

“သော် လူပျိုကြီး ဒီကြွပါ၊ ဘာများ လိုချင်ပါသလဲရှင်”ဟု သူ့ကိုယ်ကို အတော်အထင်ကြီးသွားအောင် ဈေးရောင်းသူကလေးက ခပ်တည်တည် မေး၏။ . ကလေးသည် ရင်ကော့ပြီးလျှင် “ကျွန်တော် အိပ်ဖို့အတွက် ခုတင် တစ်လုံး ဝယ်ချင်တယ်” ဟု ပြန်ပြောလေသည်။

ထို့နောက် သူ့မိခင် အလိုရှိသော ခုတင်တစ်လုံးကို တွေ့သောအခါ မိခင်လုပ်သူသည် ဈေးရောင်းသူကလေးအား မျက်စိမှိတ်ပြပြီးလျှင် ထိုခုတင်ကို ဝယ်ရန် သူ၏သားကို အဆွယ်ခိုင်း၏။

နောက်တစ်နေ့တွင် ခုတင်ကို အိမ်သို့လာ၍ ပို့လေသည်။ ထိုညတွင် သူ၏ – ဖခင် ပြန်လာသောအခါ “ဖေဖေ၊ ဖေဖေ ကျွန်တော် ဝယ်လာတဲ့ ကျွန်တော့် ခုတင်ကို အိမ်ပေါ်မှာ လာကြည့်စမ်းပါ”ဟု အော်၍ တံခါးဝသို့ သွားပြီးလျှင် ဖခင်ကို ကြိုလေသည်။ ။

ဖခင်ဖြစ်သူသည် ချားရွှပ်၏ ဆုံးမစကားကို နာယူသော သဘောဖြင့် သူ၏ သား ဝယ်လာသော ခုတင်ကို စိတ်ရောကိုယ်ပါ ချီးမွမ်းလျက်ရှိလေသည်။

“လူကလေး ဒီနေ့ညတော့ ရှူရှူမပေါက်တော့ဘူး မဟုတ်လား”

“မပေါက်တော့ဘူး ဖေဖ’

ကလေးသည် သူ၏ ကတိအတိုင်း တည်၏။ အဘယ့်ကြောင့်ဆိုသော် သူ၏ မာနသည် ကတိအပေါ်တွင် တည်လျက်ရှိသောကြောင့်တည်း။ ထိုမျှ မကသေး၊ အိပ်ရာနှင့် ခုတင်သည် သူ့အိပ်ရာနှင့် ခုတင် ဖြစ်လျက်ရှိချေပြီ။ ထို ခုတင်ကို သူကိုယ်တိုင် ဝယ်လာ၏။ ထို့ပြင်လည်း လူကြီးတစ်ယောက်ကဲ့သို့ အိပ်ရာဝင် အင်္ကျီများကို ဝတ်ဆင်ရလျက်ရှိချေပြီ။ ထို့ကြောင့် သူသည် လူကြီးကဲ့သို့ ပြုကျင့်လို၏။ ထိုအတိုင်းလည်း ပြုကျင့်၏။

သက်သေတစ်ခုကို ပြဦးအံ့။ ကေတီ ဒူးရှမန်း” ဆိုသူ တယ်လီဖုန်း အင်ဂျင်နီယာ – တစ်ဦးတွင် ၃ နှစ်ရွယ် သမီးတစ်ယောက် ရှိ၏။ ဒူးရှမန်းသည် ကျွန်ုပ်ထံတွင် လာရောက်သင်ကြားနေသူ တပည့်တစ်ဦး ဖြစ်၏။ သူ၏ သမီးကို နံနက်စာစားရန် ပြော၍ မရသဖြင့် ကြိမ်းချည်တစ်ခါ ချော့ချည် တစ်လှည့်နှင့် တိုက်တွန်းပါသော်လည်း အချည်းနှီး ဖြစ်ခဲ့၏။ ထို့ကြောင့် “မနက်စာ စားချင်အောင် ဘယ်လိုလုပ်ရပါ့မလဲ” ဟူ၍ ဇနီးမောင်နှံနှစ်ယောက် တိုင်ပင်ကြလေသည်။ ။

သမီးကလေးသည် မိခင်ကို အတုခိုး၍ သူ့ကိုယ်သူ လူကြီးဖြစ်ချင်နေ၏။ ထို့ကြောင့် တစ်မနက်တွင် ကုလားထိုင်တစ်လုံးပေါ်တွင် သူ့ကို တင်ထား ပြီးလျှင် နံနက်စာကို သူကိုယ်တိုင် ချက်စေသည်။ ကလေးသည် ထမင်းအို ကို . မွှေနေသည့် အချိန်ကောင်းတွင် ဖခင်ဖြစ်သူသည် မီးဖိုချောင်ထဲသို့ ဝင်သွားသော အခါ “ဖေဖေ ကြည့်စမ်း၊ သမီး ထမင်းချက်နေတယ်”ဟု ပြောလေသည်။

. ထိုနေ့နံနက်စာ ထမင်းစားကြရာ မတိုက်တွန်းရဘဲနှင့် နှစ်ပန်းကန်ပြား ကုန်အောင် ကလေးမကလေးသည် စားလေသည်။ အဘယ်ကြောင့်ဆိုသော် သူချက်သော ထမင်းတွင် သူသည် စိတ်ဝင်စားလျက်ရှိသောကြောင့်ပင် ဖြစ်၏။ သူသည် သူ့ကိုယ်ကို အထင်ကြီးလျက်ရှိရာ ထမင်းချက်ရခြင်းဖြင့် ထိုအထင်ကြီးခွင့်ကို သူသည် ရရှိလေသည်။

“တွင်ကျယ်ချင်သော စိတ်သည် လူတို့တွင် ရှိသည့် အခြားသော စိတ် များကို လွှမ်းမိုးနေသောစိတ်ဖြစ်သည်” ဟူ၍ ဝီလျံဝင်းတား ‘ သည် တစ်ကြိမ်က ပြောဖူး၏။ အလုပ်လုပ်ရာတွင် ထိုစကားကို ကျွန်ုပ်တို့သည် အဘယ်ကြောင့် အသုံးမချနိုင်ရမည်နည်း၊ ကျွန်ုပ်တို့၌ အလွန်ကောင်းသော အကြံတစ်ခုရရှိလျှင် တစ်ဖက်သားအား ထိုအကြံသည် ကျွန်ုပ်တို့၏ အကြံဖြစ်သည်ဟု သိစေမည့် အစား ထိုအကြံကို သူ့ထံမှရသည် ဟူသော အနေမျိုးရောက်အောင် အဘယ် ကြောင့် မလုပ်ရမည်နည်း။ ထိုအခါ ထိုသူသည် ဤအကြံကို သူ၏အကြံ ဟူ၍ ယူဆပြီးလျှင် အလွန်နှစ်သက်ရုံမက နှစ်ပန်းကန်ပြားကုန်အောင်စားသော ကလေးမကဲ့သို့ ထိုအကြံကို အကြံပေးသူထက် နှစ်ဆပို၍ လုပ်ပေလိမ့်မည်။ . ထို့ကြောင့် “တစ်ဖက်သား၏ စိတ်ထဲတွင် ဆန္ဒတစ်ခု ပြင်းပြစွာ ဖြစ် လာအောင် ရှေးဦးစွာ ဆွပေးပါ။ အကြင်သူသည် ဤကိစ္စကို ဆောင်ရွက် နိုင်အံ့၊ ထိုသူ၏ နောက်သို့ တစ်ကမ္ဘာလုံး လိုက်အံ့၊ အကြင်သူသည် ဤကိစ္စ ကို မဆောင်ရွက်နိုင်၊ ထိုသူသည် တစ်ယောက်တည်း နေရအံ့”ဟူသော စကားကို ကောင်းစွာ မှတ်ကြပါကုန်။

ဤစာအုပ်မှ အကျိုးကျေးဇူး အများဆုံးရနိုင်ရန် ပေးအပ်သော အကြံ ၉ ချက်

၁။ သင်သည် ဤစာအုပ်မှ အကျိုးကျေးဇူးတို့ကို အများဆုံး ရချင်သည်ဟု ဆိုလျှင် အခြားသော ဥပဒေသ သို့မဟုတ် စည်းကမ်းတို့ထက် အဆပေါင်းများစွာ – အရေးကြီး၍ လက်မလွှတ်နိုင်သော လိုလားတောင့်တအပ်သည့် အချက်ကြီး တစ်ခုရှိ၏။ အကယ်၍ သင့်၌ ထိုလိုလား တောင့်တရမည့် အချက်ကြီးတစ်ချက် မရှိဘူးဆိုပါလျှင် ဤစာအုပ်ကို ဆည်းပူးရမည်ဟူသော ဥပဒေသပေါင်း ရာထောင် ပေးသော်လည်း အကျိုးထူးမည် မဟုတ်ပေ။ သင်၌ အကယ်၍ ထိုလိုလား တောင့်တအပ်သော အချက်ကြီးရှိပါလျှင် စာအုပ် တစ်အုပ်မှ – အကျိုးကျေးဇူးတို့ကို အများဆုံးရအောင် ဘယ်ပုံဘယ်နည်း ပြုလုပ်ရမည်ဟူသော မည်သည့် အကြံပေးချက်တို့ကိုမျှ မဖတ်ရဘဲနှင့် အံ့သြဖွယ်ကောင်းသော ကိစ္စများကို သင်သည် ဆောင်ရွက်နိုင်လိမ့်မည်။ ။

ထိုသို့ မျက်လှည့်သဖွယ် ထူးဆန်းအံ့သြဖွယ်ကောင်းသော လိုလား တောင့်တအပ်သည့် အချက်ကြီးသည် အဘယ်နည်း။ ထိုအချက်သည် လူများ နှင့် ဆက်ဆံရာ၌ အသုံးပြုရန် အရည်အချင်းကို တိုးပွားအောင် လုပ်မည် ဟူသော ခိုင်မြဲသည့် သန္နိဋ္ဌာန်ဖြင့် တတ်သိပွန်းတီးလိုသည့် မဆုတ်မနစ် လေးနက်သော ဆန္ဒပင် ဖြစ်သည်။ . . ။

ထိုကဲ့သို့သောဆန္ဒကို ပိုမို၍ကြီးမားလာအောင် သင်သည် မည်ကဲ့သို့ လုပ်မည်နည်း။ ဤနည်းလမ်းများသည် မည်မျှ အရေးကြီးသည်ကို သင့်ကိုယ် သင် အစဉ် ထာဝရ သတိပေးခြင်းဖြင့် ပြုလုပ်နိုင်သည်။ မိတ်ဆွေဖြစ် ပေါင်းသင်းဆက်ဆံရာ၌လည်းကောင်း၊ ငွေရေးကြေးရေး ဆက်ဆံရာ၌လည်း ကောင်း ဤနည်းများကို နိုင်နင်းစွာ အသုံးချနိုင်ခြင်းသည် သင့်အား မည်သို့ “သော ဆုလာဘ်သပ္ပကာများ ပေးမည်ကို ထင်ရှား ပေါ်လွင်လာအောင် တွေးခေါ်ပါ။ “ကျွန်ုပ်၏ ကျော်ကြားမှု၊ ကျွန်ုပ်၏ ချမ်းသာမှု၊ ကျွန်ုပ်၏ ” ဝင်ငွေရမှုတို့သည် လူတို့နှင့် ဆက်သွယ်ရာ၌ အသုံးချရမည်ဖြစ်သော ကျွန်ုပ်၏ အရည်အချင်းပေါ်တွင် များစွာ မှီခိုလျက်ရှိသည်” ဟူ၍ သင့်ကိုယ်သင် မကြာခဏ ပြောပေးပါ။

၂။ အနည်းငယ် အခြေခံရထားနှင့်ရန် အခန်း အသီးသီးကို ပထမ အကြိမ်တွင် လျင်မြန်စွာ ဖတ်လိုက်ပါ။ တစ်ခန်းကို ဖတ်ပြီးလျှင် နောက် – တစ်ခန်းသို့ ဆက်တိုက်ဖတ်လိုသော ဆန္ဒများ ပေါ်ပေါက်လာလိမ့်မည်။ အကယ်၍ ဤစာအုပ်ကို အပျင်းပြေသဘောနှင့် မဖတ်ပါဟုဆိုလျှင် ဆက် တိုက် ဖတ်လိုသော ဆန္ဒ၏ အလိုသို့ မလိုက်ပါနှင့်။ ဤစာအုပ်ကို ဖတ် သည်မှာ လူများနှင့်ဆက်ဆံရာတွင် အသုံးပြုရမည့် သင်၏ စွမ်းရည်ကို တိုးပွားအောင်လုပ်ရန်အတွက် ဖြစ်သည်ဟု ဆိုလျှင် ဖတ်ပြီးသား အခန်းတိုင်း ကို သေချာစေ့စပ်စွာ ပြန်လည် ဖတ်ဦးလော့။ ရေရှည်တွင် ဤသို့ ပြုလုပ် ” ခြင်းသည် အချိန်ကုန်သက်သာ၍ အကျိုးပို၍ ရှိပေမည်။

၃။ ဖတ်နေစဉ်တွင် ခေတ္တ ရပ်နားပြီးလျှင် သင်သည် ဘာကို ဖတ်နေ . သည်ကို သုံးသပ်ကြည့်ပါ။ သင်ဖတ်နေသော နည်းလမ်းများကို ဘယ်လိုသုံးရ မည်၊ ဘယ်အခါမျိုး၌ သုံးရမည်ကို စာဖတ်ရင်း သင့်ကိုယ်ကိုသင် ပြန်၍ မေးမြန်းပါ။ ယုန်သူငယ်ကို ခွေးသမင်လိုက်သကဲ့သို့ ဆက်တိုက်ဖတ်ခြင်းထက် အထက်ပါနည်းအတိုင်း ဖတ်ခြင်းသည် သင့်ကို ပို၍ အထောက်အပံ့ပေးမည် – ” ဖြစ်၏။

၄။ ဖတ်သည့်အခါ ခဲတံအနီ၊ သို့မဟုတ် ခဲတံ သို့မဟုတ် ဖောင်တိန် တစ်ချောင်းကို လက်ထဲတွင် ဆောင်ထား၍ သင့်အတွက် အသုံး ပြုရန်ကောင်းမည့် နည်းတစ်ခုဟူ၍ သင်အထင်ရောက်သောနည်းကို တွေ့သော အခါ ထိုစာသား၏ ဘေးက မျဉ်းသားလိုက်ပါ။ အကယ်၍ ထိုနည်းသည် အရေးကြီးသောနည်း ဖြစ်ခဲ့ပါလျှင် စာကြောင်းတိုင်း၏ အောက်မှ မျဉ်းသား ထားပါ။ သို့မဟုတ် ထိုနည်း၏ ဘေးမှ ကြက်ခြေခတ် လေးခု ဤကဲ့သို့ -မှတ်သားထားပါ။ ဤသို့ မှတ်ခြင်းနှင့် မျဉ်းသားခြင်းသည် စာအုပ်၌ ပို၍ စိတ်ဝင်စားစေမည့်အပြင် စာအုပ်ကို လျင်လျင်မြန်မြန် ပြန်၍ ဖတ်ရန် အတွက် ပိုမိုလွယ်ကူပေလိမ့်မည်။

၅။ အာမခံ ကုမ္ပဏီကြီးတစ်ခုတွင် ၁၅ နှစ်တာမျှ မန်နေဂျာ အဖြစ်ဖြင့် အလုပ်လုပ်ခဲ့ဖူးသော လူတစ်ယောက်ကို ကျွန်ုပ် သိ၏။ သူသည် သူ့ ကုမ္ပဏီ၏ စာချုပ်များကို လ တိုင်း ဖတ်၏။ ဟုတ်ကဲ့၊ ထိုစာချုပ်များကို လမဆုံး နှစ်မဆုံး ထပ်ကာတလဲလဲ ဖတ်လေ့ရှိ၏။ အဘယ့်ကြောင့် ဤကဲ့သို့ ဖတ်ရသနည်း။ အကြောင်းမူကား ဤနည်းသည် စာချုပ်ထဲတွင် ပါဝင်သော ခံဝန်ချက်များကို စိတ်ထဲတွင် ပြတ်ပြတ်သားသား ပေါ်ပေါက်စေရန်အတွက် ကောင်းသောနည်းဖြစ်သောကြောင့်တည်း။

တစ်ခါတုန်းက ကျွန်ုပ်သည် လူတော စကားပြောနည်းအကြောင်းကို စာအုပ် တစ်အုပ်ရေးရာ နှစ်နှစ်မျှ ကြာလေသည်။ ထိုအတောအတွင်း ကျွန်ုပ် ရေးပြီးခဲ့သမျှတို့ကို မှတ်မိစေရန် မကြာခဏ ပြန်၍ ဖတ်ရလေသည်။ ကျွန်ုပ် တို့၏ အမေ့မြန်ခြင်းသည် အံ့သြရလောက်ပေစွ။

ထို့ကြောင့် ဤစာအုပ်မှ ခိုင်မြဲသော အကျိုးစစ်ကို ရရန်အလိုရှိပါလျှင်၊ အပေါ်ယံ အပယိက တစ်ခါလျှောက်ဖတ်သွားရုံနှင့် လုံလောက်ပြီဟူ၍ မမှတ် – လေနှင့်။ စာကို စေ့စေ့စပ်စပ် ဖတ်ပြီးသည့်နောက်၊ အချိန်အနည်းငယ်ယူကာ လစဉ် ပြန်ဖတ်ပါ။ သင့် စားပွဲခုံပေါ်တွင် သင်၏ ရှေ့တည့်တည့်၌ နေ့စဉ် ထိုစာအုပ်ကိုထားကာ မကြာခဏ ယူ၍ ဖတ်ပါ။ မိမိ၏ နောင်ရေးအတွက် တိုးတက်ကောင်းမွန်လာနိုင်ရန် အဖိုးတန်သည့် အခွင့်အလမ်းကောင်းများစွာ ရှိသေးကြောင်းကို အစဉ်အမြဲ သတိရပါ။ ဤစာအုပ်ပါ နည်းများကို လုံ့လထုတ် မနေရဘဲနှင့် အသုံးပြုနိုင်သော ကိုယ်ပိုင်နည်းများ ဖြစ်အောင် လုပ်နိုင်ရန်မှာ ထိုနည်းများကို မကြာခဏ စစ်ဆေးပြီးလျှင် မကြာခဏ . အသုံးပြုပေးခြင်း ဖြစ်၏။ ထို့ထက်ကောင်းသော အခြားနည်းများ မရှိတော့ပေ။

၆။ ဘားနတ်ရှော က “သင်သည် လူတစ်ယောက်ကို ဘယ်လိုပဲ သင်သင်၊ ထိုအသင်ခံရသူသည် ဘာကိုမျှ တတ်မည်မဟုတ်” ဟု တစ်ခါတုန်းက ပြောဖူး၏။ ရှောသည် `မှန်၏။ တတ်ချင်လျှင် ကိုယ်တိုင်လုပ်ရ၏။ သူများ လုပ်ပေး၍ မရ။ ကျွန်ုပ်တို့သည် ကိုယ်တိုင် ကြိုးစားခြင်းအားဖြင့် တတ်လာ ကြသည်။ ထို့ကြောင့် ဤစာအုပ်ထဲတွင် သင်ကိုယ်တိုင် ဖတ်လျက်ရှိသော နည်းတို့ကို နိုင်နင်းစွာ အသုံးပြုလိုပါလျှင် ဤနည်းများအတွက် တစ်စုံတစ်ခု လုပ်ပေးပါ။ အခွင့်အခါရတိုင်း ဤနည်းကို အသုံးပြုပါ။ အသုံးမပြုလျှင် ဤနည်းတို့ကို မကြာမီ သင်သည် မေ့သွားလိမ့်မည်။ အသုံးပြုသော ဗဟုသုတ သာလျှင် သင့်စိတ်၌ စွဲနေလိမ့်မည်။

ဤနည်းများကို အခါမရွေး အသုံးပြုရန် ခက်ခဲမည့်အကြောင်းကို သင် တွေ့ကောင်း တွေ့ပေလိမ့်မည်။ ဤစာအုပ်ကို ကျွန်ုပ်ကိုယ်တိုင် ရေး သောကြောင့် ဤနည်းများကို ကျွန်ုပ် သိ၏။ သို့သော်လည်း ကျွန်ုပ် တိုက်တွန်းသော နည်းများအတိုင်း အကုန်အစင် လိုက်နာ အသုံးပြုရန် . ခက်ခဲကြောင်းကို ကျွန်ုပ်ကိုယ်တိုင် မကြာခဏ တွေ့ရ၏။ ဥဒါဟရုဏ် သင်သည် မကျေမနပ်ဖြစ်နေသောအခါ တစ်ဖက်သား၏ အယူအဆကို နား လည်အောင် ကြိုးစားခြင်းထက် ထိုသူ့အား ကဲ့ရဲ့ခြင်း အပြစ်တင်ခြင်း ပြုလုပ်ရန် ပို၍ လွယ်ကူ၏။ ချီးမွမ်းခြင်းထက် အပြစ်ရှာခြင်းကို ပြုလုပ်ရန် ပို၍ လွယ်ကူ၏။ တစ်ဖက်သား အလိုရှိသည့် အရာကို ‘ပြောခြင်းထက် မိမိ အလိုရှိသည့် အရာကို ပြောရန် ဓမ္မတာအတိုင်း ပို၍ လွယ်ကူ၏။ ကျန်သဘော များမှာ ဤနည်းအတိုင်းပင်တည်း။ ထို့ကြောင့် ဤစာအုပ်ကို ဖတ်နေစဉ် သင်သည် ဗဟုသုတ ရှာမှီးရုံအတွက်သာ မဟုတ်မူဘဲ သင့်ဘဝကို အသစ်လဲရန် ဖတ်သည်ဟု အမှတ်ပြုပါ။ ဟုတ်တယ်လေ။ ဘဝသစ်တစ်ခု ထူထောင်ရန် သင် ကြိုးစားနေသည် မဟုတ်လား။ ဤကဲ့သို့ ထူထောင်နိုင်ရန်အတွက် အချိန် ဇွဲနှင့် နေ့စဉ် အသုံးချဖို့ လိုလေသည်။ ။

ထို့ကြောင့် ဤနည်းများကို မကြာခဏ ပြန်၍ ကြည့်ပါ။ ဤစာအုပ် – ကို လူများနှင့် ဆက်သွယ်ရာ၌ အသုံးပြုရမည့် လက်စွဲစာအုပ်တစ်အုပ်အဖြစ် အမှတ်ပြုပါး – သင်သည် စိတ်တိုတတ်သော ဝယ်သူကို ကျေနပ်အောင် ဆောင်ရွက်ပေးရန်သော် လည်းကောင်း၊ သင့်မိန်းမကို သင့် အလိုသို့ပါအောင် ဆွဲဆောင်ရန်သော် လည်းကောင်း၊ သင်၏ ကလေးကို ထိန်းသိမ်းရန်သော် လည်းကောင်း ပြဿနာတစ်မျိုးမျိုးနှင့် ရင်ဆိုင်တိုးရသည်ရှိသော် သင် လုပ် နေကျ စိတ်နောက်ကိုယ်ပါ မလုပ်မိရန် ဖြည်းနှေးပါစေ။ ဤသို့ စိတ်နောက် ကိုယ်ပါ ပြုလုပ်ခြင်းသည် များသောအားဖြင့် မှားတတ်သည်။ ဤသို့လုပ်မည့် အစား ဤစာအုပ်ကို လှန်လှော၍ သင်မှတ်ထားသော နည်းများကို ပြန်ဖတ်ပါ။ ထို့နောက် ထိုနည်းသစ်များကို စမ်းသပ်ကာ ထိုနည်းများ၏ မျက်လှည့်ကဲ့သို့ `ထူးဆန်းစွာ အောင်မြင်နိုင်ပုံကို စောင့်ကြည့်ပါလော့။

၇။ ဤနည်းများထဲမှ သင်လိုက်နာမည့် နည်းတစ်နည်းကို သင်သည် မနာယူဘဲ ဖောက်လွှဲဖောက်ပြန် ပြုကျင့်သည်ကို ဖမ်းမိတိုင်း သင့်မိန်းမကို ဖြစ်စေ၊ သားကို ဖြစ်စေ သို့မဟုတ် အလုပ်လုပ်ဘက် တစ်ဦးဦးကိုဖြစ်စေ ဒေါ်လာတစ်ပြား ပေးပါ။ ဤနည်းများကို ကောင်းစွာ နိုင်နင်းသောဘဝသို့ ရောက်ရန် ဤစနစ်ကို လုပ်ထားပါ။

၈။ ဝေါစထရိ အရပ်ရှိ နာမည်ကြီး ဘဏ်တိုက်တစ်တိုက်၏ ဥက္ကဋ္ဌ တစ်ဦးသည် ကျွန်ုပ်၏ အတန်းထဲတွင် သူ၏ အဖြစ်အပျက်ကို ပြန်၍ ပြောရာ၌ သူ၏ အရည်အချင်း တိုးတက်လာအောင် သူကိုယ်တိုင် ကျင့်သော ” အလွန်ကောင်းမွန်သည့် နည်းလမ်းတစ်ခုကို ထုတ်ဖော်ပြောပြသွားလေသည်။ သူသည် ကောင်းစွာ ကျောင်းမနေခဲ့ရဘူးပေ။ သို့ရာတွင် ယခုအခါတွင် သူသည် အမေရိကန်ပြည်၏ အရေးပါ အရာရောက်ဆုံးသော ငွေရင်းသည် ” ကြီး တစ်ဦးတစ်ယောက် ဖြစ်လေသည်။ သူ၏ အောင်မြင်ခြင်းသည် သူ ကိုယ်တိုင်ထွင်သော စနစ်ကို အစဉ်အမြဲ အသုံးပြုခြင်းကြောင့် ဖြစ်သည်ဟု သူက ဝန်ခံ၏။ သူ၏ စနစ်ကို သူပြောသမျှ ကျွန်တော် မှတ်မိသည့်အတိုင်း . အောက်တွင် ဖော်ပြလိုက်ပါ၏။

“ကျွန်ုပ်နှင့် ချိန်းထားသော နေ့စဉ် ချိန်းပွဲများ၏ စာရင်းများကို ရေး မှတ်သည့် စာအုပ်တစ်အုပ်ကို နှစ်ပေါင်းများစွာကပင် ကျွန်ုပ် ဆောင်ခဲ့လေသည်။ စနေနေ့ ညတိုင်းတွင် ကျွန်ုပ်၏ မိသားတစ်စုသည် ကျွန်ုပ်အတွက် မည်သည့် ဆောင်ရွက်ဖွယ်ကိုမျှ မထားချေ။ အဘယ့်ကြောင့်ဆိုသော် စနေနေ့ညတိုင်းတွင် အချိန်အနည်းငယ်ယူလျက် ကျွန်ုပ်သည် မိမိကိုယ်ကို ဆန်းစစ်ခြင်း၊ လုပ်ခဲ့သမျှ ကိစ္စများကို ပြန်လှန်စစ်ဆေးခြင်းနှင့် အကောင်းအဆိုးကို ဝေဖန်ကာ တန်ဖိုး ဖြတ်ခြင်းများကို ပြုလုပ်ကြောင်းကို အိမ်သားများ သိသောကြောင့်ပင် ဖြစ်သည်။ စနေနေ့ညတွင် ညစာထမင်းစားပြီးသောအခါ ကျွန်ုပ် တစ်ဦးတည်းနေလျက် ကျွန်ုပ်၏ ချိန်းပွဲ အမှတ်အသား စာအုပ်ကိုဖွင့်၍ တနင်္ဂနွေ တစ်ပတ်အတွင်း မျက်နှာချင်းဆိုင် ပြောဆိုခဲ့ပုံ၊ ဆွေးနွေးခဲ့ပုံ၊ တွေ့ဆုံခဲ့ပုံများကို ပြန်လှန် တွေးတော၏။ ထိုနောက် ကျွန်ုပ်ကိုယ်ကို ကျွန်ုပ် မေးလေသည်။

“ငါဟာ ထိုအချိန်မှာ ဘယ်လိုအမှားမျိုး လုပ်မိပါလိမ့်”

“မှန်တာတွေ ဘာများလုပ်မိပါလိမ့်၊ ဒါထက်ကောင်းအောင် ဘယ်လို များ လုပ်နိုင်သေးသလဲ” .

ဒီအတွေ့အကြုံများထဲမှ ဘာသင်ခန်းစာများ ရယူနိုင်ပါ့မလဲ”

“ဤကဲ့သို့ တနင်္ဂနွေအပတ်စဉ် ပြန်လှန်စစ်ဆေးရသောအလုပ်သည် ကျွန်ုပ်အား များစွာ စိတ်မချမ်းမြေ့ဖွယ် ဖြစ်စေ၏။ ကျွန်ုပ်၏ အမှားများကို ပြန်တွေ့ရသောအခါ ကျွန်ုပ်သည် များစွာ အံ့အားသင့်မိ၏။ သို့ရာတွင် နှစ် ပေါင်း အတော်ကြာညောင်းလာသောအခါ ထိုအမှားများသည် တစ်စတစ်စ နည်းသွားလေသည်။ ယခုအခါ ဤကဲ့သို့ စစ်ဆေးပြီးတိုင်း တစ်ခါတစ်ရံ ကျွန်ုပ်ကိုယ်ကို ကျွန်ုပ် ချီးမွမ်းချင်သလိုလို ဖြစ်လာ၏။ တစ်နှစ်ပြီးတစ်နှစ် ဆက်၍ ကျင့်လာသည့် ဤကဲ့သို့သော ကိုယ့်ကိုယ်ကို ဆန်းစစ်ခြင်း၊ ကိုယ့် ကိုယ်ကို ပညာသင်ပေးခြင်း ဟူသော စနစ်သည် ကျွန်ုပ် လိုက်နာခဲ့ဖူးသော အခြား စနစ်များထက် ကျွန်ုပ်အား ပိုမို၍ အကျိုးကျေးဇူး ပြုခဲ့ဖူးလေသည်။

ထိုစနစ်သည် ကျွန်ုပ်၏ ယတိပြတ် ဆုံးဖြတ်နိုင်သော သတ္တိကို များစွာ အကူအညီ ပေးခဲ့သည်။ လူများနှင့် ဆက်ဆံရာ၌ ဤစနစ်၏ ဂုဏ်ပုဒ်များကို ကုန်စင်အောင် ကျွန်ုပ်သည် ဖော်မပြနိုင်ပေ။

ဤစာအုပ်တွင် ဆွေးနွေးထားသော နည်းတို့ကို သင် အသုံးပြုရာ၌ မည်မျှ အောင်မြင်သည်၊ မည်မျှ ချွတ်ချော်သည်ကို စစ်ဆေးရန် အထက်ပါ – စနစ်ကို အသုံးပြုရလျှင် မကောင်းပေဘူးလား။ ထိုစနစ်အတိုင်း အသုံးပြုလျှင် . အကျိုးနှစ်ခု ရပေမည်။

ပထမအကျိုးမှာ သင်သည် အဖိုးအနဂ္ဃထိုက်၍ ဉာဏ်ကစားသော ပညာရေးစနစ်ကို သင်ကိုယ်တိုင် လေ့လာလျက်ရှိကြောင်းကို တွေ့မြင်ရပေမည်။

ဒုတိယအကျိုးမှာ လူအများနှင့် တွေ့ဆုံ ဆက်ဆံနိုင်သည့် သင်၏ အရည်အချင်းသည် ဗေဒါပင်ကဲ့သို့ တိုးတက် ပြန့်ပွားလာသည်ကို တွေ့မြင် ရပေမည်။

၉။ ဤနည်းများကို သုံးရာ၌ သင်ကိုယ်တိုင် ရရှိခဲ့သော အောင် ( မြင်ချက်တို့ကို မှတ်သားရန် ယခု စာအုပ်အဆုံးတွင် နေ့စဉ် မှတ်တမ်းတစ်ခု ကို တွေ့ရပေမည်။ သို့မှတ်သားရာ၌ အမည် ရက်စွဲနှင့် ရရှိသည့်အကျိုးကို သေချာကျနစွာ ရေးသားပါ။ ဤကဲ့သို့ မှတ်သားထားခြင်းသည် သင့်ကို ပို၍ , ကြီးကျယ်မြင့်မြတ်သော အလုပ်များလုပ်ရန် လှုံ့ဆော်ပေးလိမ့်မည်။ နောင် နှစ်ပေါင်း အတော်ကြာမြင့်၍ အသက်အရွယ် ကြီးလာသောအခါ ထိုမှတ်ချက် များကို ပြန်လည် ဖတ်ရှုလျှင် မည်မျှ ပျော်စရာကောင်းမည်နည်း။

ဤစာအုပ်မှ အကျိုးကျေးဇူး အများဆုံး ရနိုင်သရွေ့ ရရန်မှာ အောက်ပါ တို့ ဖြစ်သည်။ “

၁။ လူများနှင့် ဆက်ဆံနည်းများကို နိုင်နင်းစွာ အသုံးချနိုင်သော မဆုတ်မနစ် လေးနက်သည့် ဆန္ဒကို ကြီးထွား လာအောင် လေ့ကျင့်ပေးပါ။

၂။ ရှေ့သင်ခန်းစာကို လှမ်း၍ မဖတ်မီ သင်ဖတ်နေသော သင်ခန်းစာကို နှစ်ကြိမ်တိုင်တိုင် ပြန်ဖတ်ပါ။

၃။ ။သင်ဖတ်နေစဉ် နည်းအသီးသီးကို မည်ကဲ့သို့ အသုံးပြုနိုင်မည် ကို သင့်ကိုယ်ကို အကြိမ်ကြိမ်မေးပါ။ –

၄။ ။အရေးကြီးသော နည်းတိုင်းကို မျဉ်းသားထားပါ။

၅။ ။ဤစာအုပ်ကို တစ်လတစ်ကြိမ် ပြန်၍ ဖတ်ပါ။ဤနည်းများကို အခွင့်အခါရတိုင်း အသုံးပြုပါ။ သင်၏ နေ့စဉ် ပြဿနာများကို ဖြေရှင်းရာ၌ အကူအညီရစေရန် ဤစာအုပ်ကို လက်စွဲကျမ်း အဖြစ်ဖြင့် အသုံးပြုပါ။

၇။ ။ဤစာအုပ်ပါ နည်းများကို မနာယူဘဲ သင် ဖောက်ဖျက်တိုင်း ဖမ်းမိသော မိတ်ဆွေများသို့ ဖမ်းမိတိုင်း ဒေါ်လာ တစ်ပြားစီ ပေးမည် ဟူ၍ အလောင်းအစား လုပ်ထားပါ။ ။တနင်္ဂနွေတစ်ပတ်တိုင်း သင်သည် မည်မျှ တိုးတက်ခဲ့သည်ကို စစ်ဆေးပါ။ မည်သည့်အမှားများကို ကျူးလွန်ခဲ့သည်၊ ‘မည်မျှ တိုးတက်ခဲ့သည်။ နောင်ရေးအတွက် မည်သည့်သင်ခန်းစာများကို ရရှိခဲ့ သည်ဟု မိမိကိုယ်ကို ပြန်၍ မေးပါ။

၉။ ။ဤစာအုပ်ပါ နည်းများကို မည်သည့်အခါတွင် မည်ကဲ့သို့ အသုံးပြုသည်ကို ဤစာအုပ်၏ နောက်ကျောရှိ နေ့စဉ်မှတ်တမ်း တွင် ရေးမှတ်ပါ။