မိတ္တဗလဋီကာ

အပိုင်း ၂ လူကြိုက်များအောင်လုပ်ရန် နည်း ၆ နည်း

အခန်း (၁) ဤနည်းကို လုပ်၊ နေရာတိုင်းမှ ခရီးဦးကြို ပြုလုပ်လိမ့်မည်

မိတ်ဆွေပေါများရန်အတွက် ဤစာအုပ်ကို ဖတ်နေမည့်အစား ကမ္ဘာပေါ်တွင် မိတ်ဆွေအပေါဆုံးဖြစ်သူ၏ နည်းကို အဘယ့်ကြောင့် မလေ့လာသနည်း။ `သူသည် မည်သူနည်း။ သူသည် ဤလမ်းထဲသို့ မနက်ဖြန် လျှောက်လာသည်ကို သင် တွေ့ ရအံ့။ သူနှင့် ဆယ်ပေလောက်ဝေးသော နေရာသို့ သင်ရောက်သွား လျှင် သူသည် သူ၏အမြီးကို နန့်လိမ့်မည်။ အကယ်၍ သင်သည် ရပ်တည့်၍ သူ၏ ကျောကိုသပ်လျှင် အလွန်တရာ ရွှင်မြူးစွာ ခုန်ပေါက်၍ သင့်ကို မည်မျှ ချစ်ခင်ကြောင်း ပြလိမ့်မည်။ ဤသို့ ရွှင်မြူး ခုန်ပေါက်၍ပြခြင်းသည် သင့်ထံမှ တစ်စုံတစ်ခုကို ရရန် ရည်ရွယ်ချက်တစ်ခုခုကြောင့် မဟုတ်ပေ။ ဤကဲ့သို့ ရွှင်မြူး၍ ပြခြင်းသည် သင့်ကို ပစ္စည်းတစ်ခုခု ရောင်းလို၍လည်း မဟုတ်။ သင့်ကို ထိမ်းမြားလို၍လည်း မဟုတ်ချေ။ ‘, တိရစ္ဆာန်များထဲတွင် ခွေးသာလျှင် မိမိဝမ်းစာအတွက် အလုပ် လုပ်၍ မပေးရချေ။ ထိုအကြောင်းကို သင် သိပါ၏လော။ ကြက်မသည် ဥများကို အုပေးရ၏။ နွားမသည် နွားနို့ပေးရ၏။ သာလိကာသည် သီချင်းဆိုရ၏။ သို့ရာတွင် ခွေးသည် သူ့ဝမ်းစာအတွက် သူ့မေတ္တာမှလွဲ၍ အခြားအရာများကို မပေးရချေ။

ကျွန်ုပ် ငါးနှစ်သားအရွယ်က ကျွန်ုပ်၏ ဖခင်သည် ဒေါ်လာဝက်ပေး၍ ခွေးနီပါးကလေးတစ်ကောင်ကို ဝယ်၏။ သူသည် ကျွန်ုပ်၏အသက်ဘူးဖြစ်၏။ ညနေတိုင်း လေးနာရီခွဲလောက်တွင် သူသည် ခြံပေါက်ဝတွင် ဝပ်၍ လမ်းမ ဘက်သို့ သူ၏ လှပသော မျက်လုံးများဖြင့် စိုက်၍ ကြည့်နေလေသည်။ ‘

ကျွန်ုပ်၏ အသံကို ကြားလျှင်သော်လည်းကောင်း၊ ကျွန်ုပ်လျှောက်လာသည်ကို မြင်လျှင်သော်လည်းကောင်း သူဝပ်နေရာမှ တစ်ချက်တည်း ခုန်ထွက်လာပြီးလျှင် အလွန်မြူးထူးစွာ ဟောင်၍ တောင်ပေါ်သို့ ကျွန်ုပ်ကို ကြိုဆိုရန် မောကြီး ပန်းကြီး ပြေးတက်လာ၏။ ၊

ခွေးကလေးတစ်ပီ° မှာ ငါးနှစ်တိုင်တိုင် ကျွန်ုပ်၏ အမြဲတမ်းအဖော် ဖြစ်ခဲ့၏။ တစ်ညတွင် ထိုညကို ကျွန်ုပ် ဘယ်အခါမျှ မမေ့နိုင်း တစ်ပီသည် ကျွန်ုပ် အိပ်ရာမှ ဆယ်ပေမျှအကွာတွင် အိပ်နေစဉ် မိုးကြိုးပစ်ခံရ၍ သေရှာ သည်။ တစ်ပီ သေသွားသည်မှာ ငယ်ရွယ်သူ ကျွန်ုပ်အား များစွာ ယူကြုံးမရ ဖြစ်စေ၏။ –

အို တစ်ပီ၊ သင်သည် စိတ်ပညာစာအုပ်များကို မဖတ်ဘူးပေ။ ဖတ်ရန် လည်း မလိုပေ။ မိမိ၏ လိုအင်ကို အခြားသူများ စိတ်ဝင်စားလာအောင် နှစ်နှစ်တိုင်တိုင် ကြိုးစားခြင်းထက် အခြားသူများ၏ လိုအင်ကို နှစ်လမျှဟု ‘ အဟုတ်အဟတ် စိတ်ဝင်စားခြင်းသည် ထိုသူ၌ မိတ်ဆွေသင်္ဂဟ `ပိုမို၍ ပေါများစေမည့် အကြောင်းကို သင့်အတွင်းပင်ကိုဓာတ်ခံတို့က သင့်အား သိစေခဲ့၏။ ထိုစကားကို တစ်ကြိမ် ပြန်၍ ပြောပါရစေဦး။ သင့်လိုအင်ဆန္ဒများကို တစ်ဘက်သားတို့ စိတ်ဝင်စားလာအောင် နှစ်နှစ်တိုင်တိုင် ကြိုးစားခြင်းထက် တစ်ဘက်သားတို့၏ လိုအင်ဆန္ဒကို နှစ်လမျှ အဟုတ်အဟတ် စိတ်ဝင်စား ခြင်းသည် သင့်အား မိတ်ဆွေများပြားစေလိမ့်မည်။

သို့သော်လည်း လူတို့သည် မိမိတို့၏ အလိုဆန္ဒများ၌သာ တစ်ဘက်သား တို့အား စိတ်ဝင်စားစေခြင်းဖြင့် အမှားကြီး မှားခဲ့ကြောင်းကို သင်နှင့် ကျွန်ုပ်တို့ သိရှိကြပြီး ဖြစ်လေသည်။ ။

စင်စစ်မှာ ထိုနည်းသည် မအောင်မြင်နိုင်ချေ။ တစ်ဘက်သားတို့သည် သင့်ဆန္ဒတွင် စိတ်မဝင်စားကြချေ။ သူတို့သည် ကျွန်ုပ်၏ ဆန္ဒ၌လည်း စိတ် `မဝင်စားကြချေ။ သူတို့သည် နံနက်ခင်း၊ နေ့လယ်၊ ညစာ ထမင်းစားပြီးသည့် အချိန်တို့တွင် သူတို့၏ ဆန္ဒများ၌သာ စိတ်ဝင်စားလျက်ရှိကြသည်။

တယ်လီဖုန်းဖြင့် စကားပြောရာတွင် မည်သည့်စကားလုံးကို အများဆုံး အသုံးပြုသည်ကို သိရှိရန် နယူးယောက် တယ်လီဖုန်းကုမ္ပဏီသည် အသေးစိတ် စုံစမ်းကြည့်ရှုဖူး၏။ ထိုစကားလုံးကို သင်တွေးကြည့်မိပြီဟု ထင်သည်။

‘ထိုစကားလုံးသည် “ကျွန်ုပ်” ကျွန်ုပ်” “ကျွန်ုပ်” ပင် ဖြစ်၏။ တယ်လီဖုန်းနှင့် ပြောသောစကား အကြိမ်ပေါင်း ၅၀၀ တွင် “ကျွန်ုပ်” “ကျွန်ုပ်” “ကျွန်ုပ်” “ကျွန်ုပ်” ကို အကြိမ်ပေါင်း ၃,၉၉၀ အသုံးပြုကြသည်။

လူတစ်စုရိုက်ထားသော ဓာတ်ပုံတွင် သင်လည်းပါ၏။ ထိုဓာတ်ပုံကို ” မြင်လျှင် မည်သူ၏ ဓာတ်ပုံကို သင်သည် ရှေးဦးစွာ ကြည့်မည်နည်း။

အခြားလူများသည် သင့်အပေါ်တွင် စိတ်ဝင်စားလျက်ရှိသည်ဟု သင် အထင်ရောက်ခဲ့ပါလျှင် ဤမေးခွန်းကို ဖြေပါ။ ယနေ့ည သင် သေလျှင် သင်၏ အသုဘသို့ လူဘယ်နှစ်ယောက်လာမည်လဲ။

တစ်ဘက်သားတွင် စိတ်မဝင်စားဖူးဘဲနှင့် သင့်အပေါ်တွင် တစ်ဘက်သား က မည်သည့်အတွက်ကြောင့် စိတ်ဝင်စားရမည်နည်း။ သင့်ခဲတံကို လှမ်းယူပြီး လျှင် သင်၏ အဖြေကို ဤနေရာတွင် ရေးပါ။ ။

မိမိကိုယ်ကို လူများက အထင်ကြီးအောင်လုပ်ရုံမျှဖြင့် ကျွန်ုပ်တို့အပေါ် တွင် တစ်ဘက်သား စိတ်ဝင်စားအောင် ကြိုးစားခဲ့သော် ကျွန်ုပ်တို့သည် မိတ်ဆွေစစ်များ ရနိုင်မည်မဟုတ်ချေ။ မိတ်ဆွေရင်းချာများကို ဤနည်းအားဖြင့် မရနိုင်။

နပိုလီယန်” သည် ဤနည်းကို စမ်းကြည့်ဖူး၏။ ဂျိုးဆက်ဖင် J နှင့် နောက်ဆုံး တွေ့ရသော အကြိမ်တွင် “ဂျိုးဆက်ဖင်ရယ်၊ ကမ္ဘာပေါ်မှာ မောင်ဟာ ကံအကောင်းဆုံးလူတစ်ယောက်ပါပဲ၊ သို့ပေမယ့် ဒီအချိန်မှာ ခင်ကလွဲရင် မောင် အားထားရမယ့်လူဟာ တခြားမှာ မရှိတော့ဘူး” ဟူ၍ – နပိုလီယန်က ပြောပြဖူး၏။ သို့ရာတွင် သမိုင်းဆရာများကမူကား ဂျိုးဆက်ဖင် ကိုပင်လျှင် နပိုလီယန်သည် အားကိုးမှ ကိုးပါရဲ့ လား ဟူ၍ သံသယဖြစ်ကြ သေးသည်။

“ဘဝကိုသုံးသပ်နည်း” ခေါ် စာအုပ်တစ်အုပ်ကို ကွယ်လွန်သူ အယ်ဖရက် အတ်ဒလာသည် ရေးသားခဲ့ဖူး၏။ စာအုပ်တွင် “တစ်သက်တာတွင် ကိုယ်တိုင် ဒုက္ခအများဆုံး တွေ့ရ၍ အခြားတစ်ဘက်သားတို့ကိုလည်း ဒုက္ခ အများဆုံး ပေးသောသူသည် တစ်ဘက်သားတို့၏ ကိစ္စများတွင် စိတ်မဝင်စား သောသူသာလျှင် ဖြစ်၏။ ထိုကဲ့သို့သော ပုဂ္ဂိုလ်များမှ လူတို့၏ ချို့ယွင်း – ပျက်ကွက်မှုမှန်သမျှသည် ပေါ်ပေါက်လာကြသည်”ဟူ၍ ထိုကျော်ကြားသော ဗီယင်နာမြို့သား စိတ်ပညာဆရာကြီးက ရေးခဲ့လေသည်။

အလွန်နက်နဲသော စိတ်ပညာကျမ်းများကို သင်သည် ဖတ်ဖူးသော် လည်း သင်နှင့် ကျွန်ုပ်တို့အတွက် အရေးကြီးသော ဤလို စာကြောင်းမျိုးကို တွေ့ချင်မှ တွေ့ရပေမည်။ ကျွန်ုပ်သည် ထပ်ကာတလဲလဲ ပြန်၍ပြောခြင်းကို မုန်းတီးသော်လည်း အတ်ဒလာ၏ စာကြောင်းများတွင် အလွန် အဖိုးတန်သော အဓိပ္ပာယ်များ ပါရှိသောကြောင့် အထက်ပါစာကြောင်းများကို ထပ်၍ ပြောရ ပေဦးမည်။

တစ်သက်တာတွင် ကိုယ်တိုင် ဒုက္ခအများဆုံး တွေ့ရ၍ အခြားတစ်ဖက် သားတို့ကိုလည်း ဒုက္ခအများဆုံးပေးသောသူသည် တစ်ဖက်သားတို့၏ ကိစ္စ များတွင် စိတ်မဝင်စားသော လူသာလျှင်ဖြစ်၏။ ထိုကဲ့သို့သော ပုဂ္ဂိုလ်များမှ လူတို့၏ ချို့ယွင်း ပျက်ကွက်မှုမှန်သမျှသည် ပေါ်ပေါက်လာကြသည်။

နယူးယောက် ယူနီဗာစီတီတွင် ဝတ္ထုတိုရေးနည်း သင်ခန်းစာကို ကျွန်ုပ် သည် သွားရောက်သင်ယူဖူး၏။ ထိုသို့ သင်ယူနေစဉ် တစ်နေ့သ၌ ကော်လီယား” မဂ္ဂဇင်း စာတည်းသည် ကျွန်ုပ်တို့ အတန်းသို့ လာရောက်၍ ဟောပြော၏။ . သူ၏ စားပွဲခုံပေါ်ကို တစ်နေ့ တစ်နေ့လျှင် ဝတ္ထုတို ဆယ့်လေးငါးခု ရောက် လာသည်။ ထိုအထဲမှ ဝတ္ထုတိုတစ်ခုကို ဆွဲထုတ်ပြီးလျှင် ထိုဝတ္ထုတိုကို ရေးသားသူသည် လူများကို မေတ္တာရှိသောသူ ဟုတ်မဟုတ်ကို သူသိသည်ဟု ထိုစာတည်းက ထုတ်ဖော်ပြောပြလေသည်။ “အကယ်၍ ထိုဝတ္ထုတိုကို ရေးသားသောသူသည် လူများကို မေတ္တာမရှိလျှင် လူများလည်း ထိုဝတ္ထုတို ရေးသူ၏ ဝတ္ထုတိုများကို မေတ္တာရှိမည် မဟုတ်” ဟူ၍ ထိုသူက ဆက်လက် ပြောပြလေသည်။

ဤ အလုပ်ဝါရင့်ပြီးသောစာတည်းကြီးသည် ဝတ္ထုတိုရေးနည်း နိသျည်း များကို ဟောပြောစဉ် နှစ်ကြိမ်တိုင်တိုင် ရပ်ဆိုင်း၍ တရားစာပေ ဟောပြော သကဲ့သို့ ဖြစ်ရသည့်အတွက် ဝမ်းနည်းကြောင်း တောင်းပန်၏။ “သင်တို့၏ ဓမ္မကထိက ပြောပြမည်ဖြစ်သော တရားသဘောတွေကို ကျွန်ုပ်က ပြောပြ နေတာပဲ၊ သို့ရာတွင် သင်တို့သည် နာမည်ကျော် ဝတ္ထုရေးဆရာဖြစ်လိုလျှင် လူများအပေါ်တွင် စိတ်မဝင်စားဘဲ မဖြစ်နိုင်ကြောင်း ကြပ်ကြပ်မှတ်သားပါ” ဟူ၍လည်း ပြောပြသေး၏။

အကယ်၍ ဝတ္ထုရေးရာတွင် ဤစကားသည် တစ်ဆလောက်မှန်ကန် ခဲ့လျှင် လူများနှင့် မျက်နှာချင်းဆိုင်ကာ ပေါင်းသင်းဆက်ဆံရာ၌ ထိုစကား ‘ သည် သုံးဆလောက် ပို၍မှန်မည် ဖြစ်၏။ . မျက်လှည့်ဆရာတို့၏ အကြီးအမှူး ပဉ္စလက်ဆရာတို့၏ ဘုရင်ဖြစ်သော ဟောင်းဝပ် သာစတန် သည် ဘရော့ဒေအရပ်တွင် နောက်ဆုံးအကြိမ် ရောက်လာပြစဉ်က သူ၏ အဝတ်လဲသည့်အခန်းတွင် ကျွန်ုပ်သည် တစ်ညနေ လောက် အချိန်ဖြုန်းဖူး၏။ သူသည် နှစ်ပေါင်း ၄၀ ကျော် ကမ္ဘာကို လှည့်၍ အကြိမ်ပေါင်း များစွာ သူ၏ အလွန် အံ့သြဖွယ်ကောင်းသော နည်းမျိုးစုံတို့ကို ပရိသတ်များ ပါးစပ်ဟောင်းလောင်းနေအောင် ပြသခဲ့ဖူး၏။ သူ၏ မျက်လှည့်ပွဲသို့ လာရောက်ကြည့်ရှုကြသော လူဦးရေမှာ သန်းပေါင်း ၆၀ ကျော်၍ ထိုပြပွဲ အားလုံးမှ ဒေါ်လာငွေ ၂ သန်းလောက် အမြတ်ပေါ်ခဲ့လေသည်။

ကျွန်ုပ်သည် မစ္စတာ သာစတန်၏ အောင်မြင်ကြောင်း နည်းလမ်း ကောင်းများကို မေးမြန်းကြည့်၏။ ဤကဲ့သို့ သူအောင်မြင်ရသည်မှာ ကျောင်းမှ ရရှိခဲ့သော ပညာကြောင့် မဟုတ်ချေ။ အဘယ်ကြောင့်ဆိုသော် ငယ်ရွယ်စဉ် ကပင် အိမ်မှ ထွက်ပြေးပြီးနောက် ““တေလေ”လုပ်၍ ကြီးပြင်းလာရသော ကြောင့်တည်း။ . ကျောင်းမှရသော ပညာကြောင့် မဟုတ်လျှင် အခြား မျက်လှည့်ဆရာ များထက် မျက်လှည့်အတတ်ကို ပို၍ တတ်သောကြောင့်လော။ မဟုတ်ပါ။ မျက်လှည့်ပြနည်း နိသျည်းများကို ရေးသားထားသော စာအုပ်ပေါင်း မြောက် မြားစွာ ပေါ်ထွက်နေပြီဖြစ်၍ သူ့လောက်တတ်သောသူ အမြောက်အမြား ရှိမည်ဟု သူက ပြောပြ၏။ သို့ရာတွင် အခြားသူများတွင် မရှိသောအရာ နှစ်ခု သူ၌ရှိ၏။ ပထမအရာကား သူ၏ မင်ကောင်းခြင်းပင် ဖြစ်၏။ သူသည် ဟန်ပြအလွန်ကောင်း၏။ လူ့သဘောကို နားလည်၏။ သူ၏ ကိုယ်ဟန် လက်ဟန် သံနေသံထားမှစ၍ မျက်ခုံးကို ပင့်တင်သည်အထိ ဇာတ်စင်ပေါ်တွင် သူလုပ်ရမည့် ဟန်အမူအရာဟူသရွေ့ကို ပွဲမဝင်မီ အပြင်က ကျင်းပလေ့ရှိသောကြောင့် ထိုအမူအရာတို့သည် ပရိသတ်များကို အတော် “ထိ’ လေသည်။ ဒုတိယအရာသည်ကား ပွဲကြည့်သူ ပရိသတ်များအပေါ်တွင် စိတ်ဝင်စားသော သူ၏ စေတနာပင် ဖြစ်လေသည်။ “များစွာသောမျက်လှည့် ဆရာတို့သည် ပရိသတ်များကိုကြည့်ပြီး ကနေ့ညတော့ အမဲတွေလာကြပြီ။ ဒင်းတို့ကို အရူးလုပ်လိုက်ဦးမှပ် စသည်ဖြင့် သူတို့ကိုယ်ကို သူတို့ ပြောနေကြ တာပဲ” ဟူ၍ သာစတန်က ကျွန်ုပ်အား ပြောပြဖူးလေသည်။

သို့ရာတွင် သာစတန်၏ နည်းမှာမူကား အထက်ပါနည်းမျိုးနှင့် လုံးလုံး ဆန့်ကျင်လျက်ရှိ၏။ ဇာတ်စင်ပေါ်သို့ ရောက်တိုင်း “ဒီလူတွေလာ ကြည့်ပေလို့ ငါဟာ ထမင်းတစ်လုတ် ချောင်ချောင်စားနေရတယ်။ သူတို့ရဲ့ ကျေးဇူးဟာ အင်မတန်ကြီးပါပေတယ်၊ ဒီကျေးဇူးရှင်တွေကို ငါတတ်တာတွေ မှန်သမျှ အစွမ်းကုန်ပြရမှာပဲ” ဟူ၍ သူ သဘောထားကြောင်း ကျွန်ုပ်အား ပြောပြဖူး၏။”

ပရိသတ်ရှေ့တွင် ရပ်တိုင်း ရပ်တိုင်း “ငါ့ ပရိသတ်များသည် ချမ်းသာ ကြပါစေ”ဟူ၍ အစဉ်မပြတ် မေတ္တာပို့သည် ဟူ၍လည်း သူက ပြောပြဖူး၏။ ဒီစကားကို မယုံဘူးလား။ ရယ်စရာကောင်းမည်လို့ ဆိုမည်လား။ ဒါတော့ သင် ထင်ချင်သလို ထင်နိုင်၏။ ကျွန်ုပ်မှာမူကား ကမ္ဘာပေါ်တွင် အကျော်စောဆုံး သော မျက်လှည့်ဆရာကြီးတစ်ဦး၏ နည်းကောင်းတစ်ခုကို ကျွန်ုပ် ကြားရ သမျှ တစ်လုံးမျှ အပိုမပါဘဲ သင့်အား ဖောက်သည်ချလိုက်ခြင်းသာ ဖြစ်သည်။

– မက်ဒမ် ရှူမန် ဟိန့် လည်း ကျွန်ုပ်ကို ထိုကဲ့သို့ပင် ပြောပြဖူး၏။ သူ၏ ကလေးများနှင့် သူ့ကိုယ်သူ သတ်၍ သေကြရန်ကိုပင် ကြံစည်မိသည် အထိ အသည်းကြေကွဲစရာများနှင့် ငတ်မွတ်ခေါင်းပါးခြင်း ဒုက္ခများကို တွေ့လာခဲ့ရ သော်လည်း ဂီတဆရာကြီး ဝက်ဂနား ရေးသော သီချင်းများကို သီဆိုသူများ ထဲတွင်အကောင်းဆုံးဖြစ်၍ နားထောင်သူ ပရိသတ်များ၏ စိတ်ကို ချောက်ချား အောင် စွမ်းသူတစ်ဦးအခြေသို့ရောက်ရန် ကြိုးစားလာခဲ့ဖူး၏။ သူ၏ အောင်မြင် ကြောင်းနည်းကောင်းတစ်ခုသည် လူများ၏အပေါ်တွင် စိတ်ဝင်စားခြင်းပင် ဖြစ်သည်ဟု သူက ဝန်ခံ၏။

• မေတ္တာစိတ်၏ ထက်မြက်စူးရှပုံတည်း။ (ဘာသာပြန်သူ)

သီအိုဒိုရုစဗဲ့၏ အံ့ဩလောက်အောင် လူချစ်လူခင်ပေါများကျော်ကြား ခြင်း နည်းကောင်းတစ်ခုသည်လည်း လူများ၌ စိတ်ဝင်စားခြင်းပင် ဖြစ်လေ သည်။ သူ၏ အစေခံများကပင်လျှင် သူ့ကို ချစ်ခင်ကြ၏။ သူ၏ ကပ္ပလီ အစေခံ ဂျိမ်း အီ အာမိုး” သည် “တကယ့်လူတော် ရုစဗဲ့” စာအုပ် တစ်အုပ်ကို ရေးသားဖူး၏။ ထိုစာအုပ်ထဲတွင် အောက်ပါ မှတ်သားဖွယ် အဖြစ်အပျက်တစ်ခု ကို ရေးသားထားလေသည်။

“ကျွန်ုပ်၏ မိန်းမသည် တစ်နေ့သ၌ သမ္မတမင်းအား ဆော့ဝှိုက်) ခေါ် ငုံးတစ်မျိုးအကြောင်းကို မေးလေသည်။ ကျွန်ုပ်၏ – မိန်းမမှာ .ထိုငုံးမျိုးကို တစ်ခါမျှ မမြင်ဖူးသောကြောင့် သမ္မတမင်းသည် ထိုဗုံးမျိုးအကြောင်းကို ပုံသဏ္ဌာန်နှင့်တကွ လုံးစေ့ပတ်စေ့ ပြောပြ၏။ ရက်အနည်းငယ်ကြာသောအခါ ကျွန်ုပ်တို့နေသည့် တဲအတွင်းရှိ တယ်လီဖုန်းခေါင်းလောင်း မြည်သံကို ကြားရ၏။ အာမိုးနှင့် သူ၏ . မိန်းမတို့သည် ချိုင်းစတား ဘေးရှိ ရုစဗဲ့၏ ခြံမြေတွင် တဲငယ်တစ်ခု ဆောက်၍နေလေသည်။ ကျွန်ုပ်၏ မိန်းမသည် တယ်လီဖုန်းကို သွား၍ နားထောင်သောအခါ တစ်ဘက်မှ စကားပြောသူသည် မစ္စတာ ရုစဗဲ့ကိုယ်တိုင် ဖြစ်နေကြောင်း သိရ၏။ ကျွန်ုပ်၏ မိန်းမ သိလိုသော ဆော့ဝှက်ခေါ် ငုံးငှက်သည် ကျွန်ုပ်တို့အိမ် ပြတင်းပေါက်ဝတွင် နားနေ၍ ထွက်ကြည့်လျှင် မြင်နိုင်ကြောင်းကို ပြောပြချင်သောကြောင့် – တယ်လီဖုန်းဆက် လိုက်သည်ဟု မစ္စတာရုစဗဲ့က ပြောပြ၏။ ထိုမျှ အသေးအဖွဲကိစ္စကလေးများ၌ပင် စိတ်ဝင်စားခြင်းသည် သူ၏ ထူးခြား ချက်ဖြစ်၏။ ကျွန်ုပ်တို့၏ တဲနားကို ဖြတ်သွားတိုင်း ကျွန်ုပ်တို့ကို ( မမြင်လျှင် “အို အင်နီ” တို့၊ အို ဂျိမ်းတို့” စသည်ဖြင့် ဟစ်သွားသည်ကို ကျွန်ုပ်တို့ ကြားရ၏။ တဲနားကို ဖြတ်သွားစဉ် ထိုသို့ ဟစ်ခြင်းသည် ကျွန်ုပ်တို့အား ချစ်ခင်ယုယစွာ နှုတ်ခွန်းဆက်ခြင်းပင် ဖြစ်လေသည်။

ထိုသို့သော ပုဂ္ဂိုလ်တစ်ဦးအား သူ၏ အစေခံများသည် အဘယ်ကြောင့် မေတ္တာသက်ဝင် မချစ်ခင်ဘဲ ရှိအံ့နည်း။

အာခီ ဘတ်” ကလည်း အောက်ပါအတိုင်း ရေးသားထားလေသည်။

သမ္မတမင်း တပ်ဖထနှင့် သမ္မတကတော်တို့ မရှိခိုက် တစ်နေ့သ၌ ရုစဗဲ့သည် အိမ်ဖြူတော်သို့ အလည်သွားလေသည်။ စားဖိုဆောင် လုံမငယ်များမှ အစ အိမ်ဖြူတော်ရှိ အစေခံအားလုံးအား သူတို့၏ နာမည်ရင်းများကို ခေါ်၍ နှုတ်ဆက်ခြင်းအားဖြင့် သူသည် အတန်းအစား မခွဲခြားဘဲ မေတ္တာအစစ် ရှိကြောင်းကို ပြလေသည်။ ။

‘သူသည် အဲလစ်’ အမည်ရှိသော မီးဖိုချောင်. အစေခံမကလေးကို . တွေ့သောအခါ ပြောင်းဖူးမှုန့် ပေါင်မုန့်များကို လုပ်သေးသလား”ဟု မေးရာ “အစေခံများအတွက်သာ တစ်ခါတစ်ရံ လုပ်ရပါသည်။ အိမ်တော်ပေါ်က မည်သူမျှ ထိုပေါင်မုန့်များကို မစားပါ”ဟု အဲလစ်က ပြန်ပြော၏။

, “သိပ်ပြီး ရိုင်းတဲ့လူတွေပဲ၊ သမ္မတကြီးနဲ့ တွေ့မှ ဒီအတိုင်း ငါပြောရ ဦးမယ်”ဟု ရုစဗဲ့က ကျယ်လောင်စွာ ပြန်ပြောလေသည်။

– အဲလစ်သည် ပြောင်းဖူးမှုန့် ပေါင်မုန့်တစ်လုံးကို ပန်းကန်ပြားနှင့် တည်သောအခါ ရုစဗဲ့သည် သမ္မတမင်း၏ ရုံးခန်းသို့သွားရင်း ပေါင်မုန့်ကို လမ်းလျှောက်စားလာ၍ လမ်းတွင် တွေ့သမျှသော ဥယျာဉ်မှူးများ အလုပ်သမား များကို နှုတ်ဆက်၏။

သူသည် လမ်းတွင်တွေ့သမျှသော သူများကို ရှေးမူအတိုင်း နှုတ်ဆက်၏။ နှုတ်ဆက်ခံရသူများကလည်း ထိုအကြောင်းကို တစ်ဦးနှင့် တစ်ဦး တီးတိုး ပြောလျက်ရှိကြ၏။ အိုက်ဟူးဗားက မျက်ရည်ဥကာ “ခု နှစ်နှစ်လောက် အတောအတွင်းမှာ စိတ်ချမ်းသာတဲ့ နေ့ရယ်လို့ ဒီတစ်နေ့ပဲ ရှိသေးတယ်၊ ဒီလိုနေ့မျိုးကို ဒေါ်လာတစ်ရာနဲ့တောင် မလဲဘူးကွာ” ဟူ၍ ပြောလေသည်။

ဒေါက်တာ ချား ဒဗလျူ အဲလီယော့ ကို ယူနီဗာစီတီကျောင်းကို အုပ်ချုပ်စီမံရသော ဥက္ကဋ္ဌများထဲတွင် အအောင်မြင်ဆုံးသော ဥက္ကဋ္ဌတစ်ဦး ဖြစ်အောင် ပြုလုပ်ပေးသော အရာသည်လည်း တစ်ဘက်သားတို့၏ အရေး ကိစ္စများတွင် စိတ်ဝင်စားခြင်းပင် ဖြစ်လေသည်။ အမေရိကန်ပြည်တွင်းစစ် ဖြစ်ပွားပြီးနောက် ၄ နှစ်အကြာမှ အစပြု၍ ကမ္ဘာစစ်ကြီးမဖြစ်မီ ၅ နှစ်တိုင် အောင် ဟားဗတ် ယူနီဗာစီတီကို သူသည် ဥက္ကဋ္ဌအဖြစ်ဖြင့် အုပ်ချုပ်လာခဲ့ သည်ကို သင် သတိရပေမည်။ ဒေါက်တာ အဲလီယော့၏ အုပ်ချုပ်ပုံသက်သေ တစ်ခုကို အောက်တွင် ဖော်ပြပါအံ့။

တစ်နေ့သ၌ ကျောင်းသားသစ်တစ်ဦးဖြစ်သူ အယ် အာ ဂျီ ကရင်ဒန် သည် ကျောင်းသားများ၏ ချေးငွေထဲမှ ဒေါ်လာငွေ ၅ဝ ကို ချေးရန် ဥက္ကဋ္ဌ၏ ရုံးခန်းသို့သွား၏။ ချေးလိုသည့်ငွေကိုရသောအခါ ကရင်ဒန်သည် ကျေးဇူးတင် စကား ပြောပြီးနောက် ရုံးခန်းမှ ထွက်လာရန် ထလေသည်။ ထိုအခါ ဥက္ကဋ္ဌ ဒေါက်တာ အဲလီယော့က “ခေတ္တကလေး ထိုင်ပါဦး မောင်၊ မောင့်အခန်းထဲမှာ မောင်ကိုယ်တိုင် ထမင်းချက်စားတယ်လို့ ကျုပ် ကြားရတယ်၊ အစားကောင်း ကိုလဲ ရမယ်၊ လုံလုံလောက်လောက်လဲ ရမယ်ဆိုရင် ဒီလိုချက်စားတာ အကောင်းသားပဲ၊ ကျုပ် ကောလိပ်ကျောင်းမှာ နေစဉ်ကလဲ ဒီလိုပဲချက်စား တာပဲ၊ ဒါနှင့် စကားမစပ် မောင် – နွားကလေးသားပါတဲ့ မုန့်ကို လုပ်တတ်” ရဲ့လား၊ အချိန်ယူပြီး နူးနေအောင် ချက်ထားတဲ့ နွားကလေးသားနဲ့လုပ်ရင် အင်မတန် အရသာရှိတာပဲ၊ ဘာတစ်ခုမျှလဲ လွှင့်မပစ်ရဘူး၊ ကျုပ်ချက်တဲ့ နည်းကတော့ ဒီလိုပဲ” စသည်ဖြင့် နွားကလေးသားမုန့်အကြောင်းကို လုပ်ပုံ လုပ်နည်းမှစ၍ ဘယ်လိုစားရသည်အထိ ပြောပြလေသည်။ ။

အမေရိကန်ပြည်ရှိ အလွန်ပွဲတောင်းခံရသော လူတစ်စုသည်ပင်လျှင် သူတို့အပေါ်၌ အဟုတ်တကယ် စိတ်ဝင်စားခြင်းဖြင့် သူတို့၏ အဖိုးတန်သော အချိန်များအကြားမှ ကျွန်ုပ်တို့ကို ဂရုတစိုက်ပြုကာ လာရောက်ကူညီအောင် ကျွန်ုပ်တို့ တတ်စွမ်းနိုင်ကြောင်းကို ကျွန်ုပ်ကိုယ်တိုင် တွေ့ရှိခဲ့ရ၏။ သက်သေ ပြပါအံ့။

နှစ်ပေါင်း အတော်ကြာလောက်က ဘရုကလင် သိပ္ပံ ဝိဇ္ဇာကျောင်း တွင် ကျွန်ုပ်သည် ပုံဝတ္ထုရေးနည်းသင်တန်းကို ဖွင့်ထား၏။ ကက်သလင်း နော်ရစ်၊ ဖင်းနီး ဟတ်၊ အိုင်ဒါတာဘယ်၊ အယ်လဘတ် ပေဆန်း တာဟွန်း’၊ `ရူပတ် ဟယူး နှင့် အခြားသော အလွန်အလုပ်များသော နာမည်ကျော် ဝတ္ထု ရေးဆရာများကို ဘရုကလင်သို့ လာရောက်၍ ကျွန်ုပ်၏ အတန်းသားများအား

သူတို့၏ ကိုယ်တွေ့ များမှ ရနိုင်သော အကျိုးကျေးဇူးများကို ဟောပြောစေ လို၏။ ထို့ကြောင့် သူတို့၏ စာအုပ်များကို ကျွန်ုပ်တို့သည် အလွန်လေးစား ကြောင်း၊ သူတို့၏ အကြံဉာဏ်များကိုလည်း အလွန်အမင်း ခံယူလိုကြောင်း၊ ထို့ပြင် သူတို့၏ အောင်မြင်ကြောင်း နည်းလမ်းကောင်းများကိုလည်း လေ့လာ ဆည်းပူးလိုကြောင်းဖြင့် သူတို့ထံသို့ စာရေးလိုက်၏။ .

စာအစောင်တိုင်းတွင် အတန်းသားပေါင်း ၁၅၀ လောက် လက်မှတ် ရေးထိုးကြ၏။ ထိုဝတ္ထုရေးဆရာကြီးများသည် အလွန် အလုပ်များလျက်ရှိသော ကြောင့် ကျွန်ုပ်တို့အား ဟောပြောရန်အတွက် ပြင်ဆင်ရန်ကိုပင် အချိန်ရနိုင်မည် မဟုတ်ကြောင်းကိုလည်း စာထဲတွင် ထည့်၍ ရေးလိုက်သေး၏။ ထို့ကြောင့် သူတို့၏ အတ္ထုပ္ပတ္တိနှင့်တကွ သူတို့၏ လုပ်ပုံလုပ်နည်း နိသျည်းများကို သိလိုသော မေးခွန်းတစ်ဖုံစီကိုလည်း စာအိတ်ထဲတွင် ထည့်ပေးလိုက်၏။ သူတို့သည် ဤကဲ့သို့ ဖိတ်မန္တကပြုခြင်းကို နှစ်သက်ကြ၏။ ဘယ်သူမကြိုက်ဘဲ ရှိပါအံ့နည်း။ ထို့ကြောင့် ထိုသူတို့သည် သူတို့မြို့ရွာမှ ဘဲရုကလင်မြို့သို့ လာ ရောက်ကြပြီးလျှင် ကျွန်ုပ်တို့ကို ကူညီကြ၏။ ‘

သီအိုဒိုရုစဗဲ့ အစိုးရအဖွဲ့၏ ဘဏ္ဍာရေးဝန်ကြီး လက်ဆလီရှော”၊ တပ်ဖထ အစိုးရအဖွဲ့၏ အစိုးရ ရှေ့နေချုပ်ကြီး ဂျော့ ဒဗလျူ ဝစ်ကာရှမ်’ ၊ ဝီလျံ ဂျင်းနင်း ဗရိုင်ယန်း၊ ဖရန့်ကလင် ဒီ ရုစဗဲ့နှင့် အခြားသောနိုင်ငံကျော် ပုဂ္ဂိုလ် ကြီးများကိုလည်း လာရောက်၍ ကျွန်ုပ်၏ တပည့်များကို နည်းပေးလမ်းပြ ပြုပါရန် ဖိတ်ကြားရာ၌ အထက်ပါနည်းကိုပင် အသုံးပြုခြင်းဖြင့် အောင်မြင် ခဲ့၏။

နွားသတ်သမားဖြစ်စေ၊ ပေါင်မုန့်ဖုတ်သမားဖြစ်စေ၊ ရှင်ဘုရင်ဖြစ်စေ လူမှန်သမျှသည် သူတို့ကို အထင်ကြီးသော လူများကို နှစ်သက်ခြင်းမှာ ဓမ္မတာပင်တည်း။ သက်သေပြပါအံ့။ ။

– ကမ္ဘာစစ်ကြီးပြီးစက ဂျာမန်ကိုင်ဇာ ဘုရင်မှာ ကမ္ဘာပေါ်တွင် လူများ၏ အလွန်စက်ဆုပ်ရွံရှာမုန်းတီးခြင်း အခံရဆုံးသူတစ်ဦး ဖြစ်ကောင်း ဖြစ်ပေ မည်။ သူ၏ တိုင်းပြည်သားများကပင် ပုန်ကန်ထကြွသောကြောင့် အသက် ဘေးမှ ချမ်းသာရာရအောင် သူသည် ဟော်လန် သို့ ထွက်ပြေးခဲ့ရ၏။

သူ့ကို မည်မျှ စိတ်နာမုန်းတီးကြသနည်းဆိုသော် သန်းပေါင်းများစွာသော လူတို့သည် သူ့ကို တွေ့ရာသင်္ချိုင်း ဓားမဆိုင်းဘဲ အရှင်လတ်လတ် ခုတ်ပိုင်း သတ်ဖြတ်ရန် များစွာ တောင့်တခဲ့၏။ ထိုကဲ့သို့ တစ်နိုင်ငံလုံး တစ်ကမ္ဘာလုံး သူ့အပေါ်တွင် ဒေါသူပုန်ထလျက်ရှိစဉ် ကလေးသူငယ်တစ်ဦးသည် သူ့အပေါ် တွင် ကြင်နာမြတ်နိုးကြောင်းဖြင့် စီကုံးထားသည့် စာတစ်စောင်ကို ခပ်ရိုးရိုး ကလေး ရေး၍ သူ့ထံသို့ ပို့လိုက်၏။ စာထဲတွင် အခြားသူများက ကိုင်ဇာ အပေါ်တွင် ဘယ်လိုပင် စေတနာထားစေကာမူ ထိုသူငယ်ကလေးကမူကား ကိုင်ဇာကို သူ၏ ဘုရင်ဧကရာဇ်မင်းမြတ်ဟူ၍ ချစ်မြတ်နိုးမည့်အကြောင်းကို လည်း ရေးထည့်လိုက်သေး၏။ ထိုစာသည် ကိုင်ဇာဘုရင်၏ အသည်းကို စွဲသွားစေ၏။ ထို့ကြောင့် သူသည် စာရေးသော သူငယ်ကလေးအား သူ့ထံ သို့ လာရောက်လည်ပတ်ရန် ဖိတ်ကြားလိုက်၏။ သူငယ်ကလေးသည် သူ၏ မိခင်နှင့်အတူ ကိုင်ဇာထံသို့ လာရောက်လည်ပတ်ရာ ကိုင်ဇာသည် သူငယ် ကလေး၏ မိခင်ကို ထိမ်းမြားလက်ထပ်လိုက်လေသည်။ သူငယ်ကလေးသည် “မိတ္တဗလဋီကာ’ စာအုပ်ကို ဖတ်ရန်မလို။ သူ၏ဝမ်းတွင်းမှ ထိုနည်းများကို အလိုအလျောက် သိပြီး ဖြစ်လေသည်။ . .

ကျွန်ုပ်တို့သည် မိတ်ဆွေပေါများလိုလျှင် ကျွန်ုပ်တို့၏ ကိုယ်ကျိုးကို မကြည့်ဘဲ အချိန်ကုန် အပင်ပန်းခံ၍ အခြားသူ၏ ကိစ္စများကို ကြင်နာ ထောက်ထားစွာ အစွမ်းကုန် ဆောင်ရွက်ပေးရပေမည်။ ယခု ဝင်ဆာမြို့စား သည် ဝေလမင်းသား အိမ်ရှေ့ဥပရာဇာ ဖြစ်စဉ်က တောင်အမေရိကသို့ တိုင်းခန်း လှည့်လည်ရန် တာဝန်ကျလေသည်။ တိုင်းခန်းမလှည့်လည်မီ လပေါင်းများစွာက စပိန်ဘာသာကို ကြိုးစား၍ သင်ကြားလေသည်။ တိုင်းခန်းလှည့်လည်သည့် အခါ ဧည့်ခံကြိုဆိုပွဲများ၊ အစည်းအဝေးများ၌ တိုင်းရင်းဘာသာဖြစ်သော ” စပိန်ဘာသာဖြင့် ပြောကြားသည့်အတွက် တောင်အမေရိကတိုက်သားများသည် သူ့ကို မေတ္တာရှိကြသည်။

ကျွန်ုပ် မိတ်ဆွေများ၏ မွေးနေ့များကို ရအောင်ယူသော အလေ့အထ တစ်ခုကို ကျွန်ုပ် လုပ်ထား၏။ ဘယ်လိုယူသည်ကို ပြောပါအံ့၊ ကျွန်ုပ်သည် ဗေဒင်ပညာ၌ စိုးစဉ်းမှ အယုံအကြည်မရှိသော်လည်း ကျွန်ုပ်နှင့်တွေ့သော မိတ်ဆွေအား မွေးနေ့သည် လူ၏ စိတ်နေစိတ်ထား အကျင့်စာရိတ္တနှင့် ဆက် သွယ်လျက်ရှိသည်ကို ယုံကြည်ပါသလားဟူ၍ မေးလေသည်။ ထို့နောက် မိတ်ဆွေ၏ မွေးနေ့ကို မေးလိုက်၏။ ဥဒါဟရုဏ်အားဖြင့် ထိုအမေးခံရသူက သူ့မွေးနေ့သည် နိုဝင်ဘာလ ၂၄ ရက်ဟု ပြန်ပြောသည် ဆိုကြပါစို့။ ကျွန်ုပ်၏ စိတ်တွင်းတွင် “နိုဝင်ဘာလ ၂၄ ရက်” “နိုဝင်ဘာလ ၂၄ရက်” စသည်ဖြင့် ထပ်တလဲလဲ ရွတ်ဆိုလျက်ရှိ၏။ ထိုသူ ကွယ်သွားလျှင် သွားချင်း၊ ထိုမွေးနေ့ကို ရေးမှတ်ထားလိုက်လေသည်။ ကျွန်ုပ်၏ ပြက္ခဒိန်တွင် ထိုမွေးနေ့ များကို နှစ်စမှ စ၍ အစဉ်အတိုင်း မှတ်သားထားသောကြောင့် ပြက္ခဒိန်ကို ကြည့်တိုင်း မွေးနေ့များကို အလွယ်တကူ သိနိုင်၏။ ကျွန်ုပ် မှတ်ထားသော မိတ်ဆွေများ၏ မွေးနေ့များသို့ ရောက်တိုင်း ဆုတောင်းမေတ္တာ ပို့သသည့် သံကြိုးစာသော်လည်းကောင်း၊ စာသော်လည်းကောင်း ထိုမိတ်ဆွေများထံသို့ ပို့လေ့ရှိ၏။ ထိုစနစ်သည် အလွန် အောင်မြင်၏။ စာရသော မိတ်ဆွေတိုင်းက သူတို့၏ အကျိုးစီးပွားကို ကျွန်ုပ်သာလျှင် ဂရုစိုက်လုပ်သည်ဟု မကြာခဏ အထင်ခံရ၏။

ကျွန်ုပ်တို့သည် မိတ်ဆွေပေါများလိုလျှင် လူများနှင့် တွေ့သောအခါ အလွန် ဝမ်းမြောက်ရွှင်လန်းစွာနှင့် အားရပါးရ နှုတ်ခွန်းဆက်သကြပါစို့။ လူတစ်ဦးတစ်ယောက်သည် သင့်ထံသို့ တယ်လီဖုန်းနှင့် စကားပြောပါလျှင် အထက်တွင် ပြောပြသကဲ့သို့ စိတ်ရောကိုယ်ပါ ရွှင်လန်း ဝမ်းမြောက်စွာနှင့် ပြန်၍နှုတ်ဆက်ပါ။ “ဟဲလို” ဟု တုံ့ပြန်လိုက်သည်နှင့် တစ်ပြိုင်နက် ကြားရသူ တစ်ဖက်သားစိတ်တွင် သူနှင့် စကားပြောရ၍ သင်သည် အလွန်အမင်း ဝမ်းသာသည်ဟူသော သဘောမျိုးပေါက်စေနိုင်သည့် လေယူလေသိမ်းကို ပါပါစေ။ “ကျေးဇူးပြု၍ နံပါတ်ကိုပြောပါ’ ဟူသော စကားကို ပြောလျှင် တယ်လီဖုန်းပြောလိုသောသူ၏ စိတ်ထဲတွင် “မင်္ဂလာမနက်ပါရှင်၊ ဦးမင်း (သို့မဟုတ် ဒေါ်ဒေါ်)၏ `အကျိုးကို ဝမ်းမြောက်ဝမ်းသာစွာနှင့် ကျွန်မ သယ်ပိုးရွက်ဆောင်ပါရစေ”ဟု မပြောသော်လည်း ပြောဘိသို့ ထင်မှတ်သွားစေ နိုင်သည့် လေသံထားနည်းမျိုးကို ကျင့်သားရအောင် တယ်လီဖုန်းဆက်သား များအား ပြုပြင်ပေးရန်အတွက် နယူးယော့ တယ်လီဖုန်းကုမ္ပဏီက ကြပ်မတ်၍ ကျောင်းတစ်ကျောင်း ဖွင့်ထားလေသည်။ မနက်ဖြန် တယ်လီဖုန်းဆက်လျှင် ထိုနည်းကို မှတ်ထားပါ။

ရောင်းရေးဝယ်တာ လုပ်ငန်းတွင် ဤနည်းသည် နေရာကျပါ၏လော။ အကူအညီရပါ၏လော။ ကျွန်ုပ်သည် သက်သေသာဓကပေါင်းများစွာ ပြနိုင်သော် လည်း အချိန်မရ၍ နှစ်ခုသာ ပြပါအံ့။

နယူးယောက်မြို့ရှိ ဘဏ်တိုက်ကြီးတစ်ခုတွင် အလုပ်လုပ်သူ များ အာ ဝေါ်လတာ” သည် အလုပ်တိုက် တစ်တိုက်၏ အတွင်းရေးများကို စုံစမ်း အစီရင်ခံရန် တာဝန်ကျနေ၏။ ထိုအရေးကြီးသောကိစ္စနှင့် စပ်လျဉ်း၍ သူ့ကို ကူညီနိုင်မည့်လူသည် သူသိရသလောက်မှာ တစ်ဦးတည်းသာရှိ၏။ ထို့ကြောင့် သူသည် ထိုသူ့ထံသို့ သွား၏။ ထိုသူမှာ ကုမ္ပဏီကြီးတစ်ခု၏ ဥက္ကဋ္ဌကြီး ဖြစ်လေသည်။ ဝေါ်လတာသည် အခန်းထဲသို့ ရောက်လျှင် ရောက်ချင်း လုံမငယ်တစ်ယောက်သည် ဥက္ကဋ္ဌကြီး၏ အခန်းတွင်းသို့ တံခါးပေါက် တစ်ခုမှနေ၍ ခေါင်းပြုလျက် ထိုနေ့အတွက် တံဆိပ်ခေါင်းတစ်လုံးမျှ မရပါဟု ဥက္ကဋ္ဌကြီးအား ပြောလေသည်။ ။

“ကျွန်တော့်ရဲ့ ၁၂ နှစ်သားကလေးအတွက် တံဆိပ်ခေါင်းများကို စုပေးနေတယ်” ဟူ၍ ဥက္ကဋ္ဌကြီးက ဝေါ်လာတာကို ပြောပြ၏။

ဝေါ်လတာသည် သူလာရရင်းကိစ္စကို ပြောပြ၍ လိုချင်သည့်အချက် များကို မေး၏။ ဥက္ကဌကြီးလည်း မဖြေချင့် ဖြေချင် ကွေ့လည်ကြောင်ပတ် လုပ်၍ ဖြေလေသည်။ သူသည် စကားများများ မပြောချင်။ သူ့ကို စကား ပြောချင်အောင် သူ့ကို ဘယ်လိုလုပ်၍မျှလည်း ရပုံမပေါ်။ ထို့ကြောင့် မစ္စတာ ဝေါ်လတာလည်း ခပ်မြန်မြန် နှုတ်ဆက်ပြီးနောက် ဘာမျှ မပြီးပြတ် ဘဲနှင့် ဥက္ကဋ္ဌကြီး၏ အခန်းတွင်းမှ ထွက်ခဲ့ရလေသည်။ ”

“အမှန်ပြောရမည်ဆိုလျှင် ကျွန်တော်သည် ဘာလုပ်ရမှန်းကို မသိတော့ ပါ၊ ဒါနဲ့ ဖြုန်းကနဲဆို ထိုဥက္ကဋ္ဌကြီးသို့ သူ့ အတွင်းရေးမှူးက ပြောသောစကား များနှင့်တကွ တံဆိပ်ခေါင်းအကြောင်း၊ ၁၂ နှစ်သားအရွယ်ကလေးအကြောင်း တို့ကိုပါ သတိရလာပါတယ်၊ ထို့နောက် ကျွန်တော်တို့ ဘဏ်တိုက်၏ နိုင်ငံခြားဌာနက အရပ်ရပ်မှလာတဲ့ တံဆိပ်ခေါင်းများကို စုဆောင်းနေကြောင်း ပြေးပြီး သတိရပြန်တယ်။

“နောက်တစ်နေ့ နေ့လယ်အချိန်လောက်တွင် ထိုဥက္ကဋ္ဌကြီးရဲ့ အလုပ် ရုံးခန်းသို့” သွားပြီး ကျွန်တော့်မှာ သူ့သားကလေးဖို့ တံဆိပ်ခေါင်းများ ပါလာတဲ့အကြောင်းကို အခန်းအပြင်ဘက်က အပြောခိုင်းလိုက်ပါတယ်။ ဒီစကားကြားတော့ ထွက်ပြီး ပျာပျာသလဲ နှုတ်ဆက်တာပဲ၊ ဥပဒေပြုအဖွဲ့ အတွက် ဝင်ပြီး အရွေးခံရရင်တောင် ရွှင်ရွှင်ပျပျ ကျွန်တော့်လက်ကို ဒါထက် ပိုပြီး ဆွဲငင် နှုတ်ဆက်မှာ မဟုတ်ဘူး၊ သူ့မျက်နှာကလဲ ပြုံးပြုံး ပြုံးပြုံးနဲ့ ပီတိတွေ သိပ်ဖြစ်နေတာပဲ၊ ပြီးတော့မှ “ကျွန်တော့်သား ဂျော့ဖြင့် ဒါကို သိပ် ကြိုက်မှာပဲ”လို့ တံဆိပ်ခေါင်းတွေကို ကိုင်ကြည့်ရင်း တစ်ပြောတည်း ပြောနေတော့တာပဲ။ .

“သူ့သားရဲ့ ဓာတ်ပုံကို ကြည့်လိုက်ကြ၊ တံဆိပ်ခေါင်းတွေအကြောင်း | ကို ပြောလိုက်ကြနဲ့ နာရီဝက်လောက်ကြာသွားတယ်၊ နောက်ပြီးတော့မှ ကျွန်တော်က ဘာမျှမပြောရဘဲနဲ့ ကျွန်တော် လိုချင်တာတွေကို တစ်နာရီ ကျော်ကျော် လျှောက်ပြီးပြောပါတယ်၊ သူသိတာတွေလဲ အကုန် ပြောလိုက် သေးတယ်၊ သူ့အလုပ်သမားတွေဆီကလဲ စုံစမ်းပေးလိုက်သေးတယ်၊ ပြီးတော့ လည်း သူ့မိတ်ဆွေတွေဆီကလည်း တယ်လီဖုန်းနဲ့ ထပ်ပြီး စုံစမ်းပေးလိုက် သေးတယ်၊ ဟာ မပြောပါနဲ့တော့၊ ကျွန်တော်လိုချင်တဲ့ အကြောင်းတွေ စာရင်းတွေ အစီရင်ခံစာတွေ စာပေးစာယူလုပ်တဲ့ စာတွေကို ပေးလိုက်တာ တစ်ပုံကြီးပဲ၊ သတင်းထောက်များရဲ့ စကားနဲ့ပြောရရင် ကျွန်တော်ဟာ သူများ မရနိုင်တဲ့ သတင်းထူး တစ်ခုကို ရတာပဲ” စသည်ဖြင့် မစ္စတာ ဝေါ်လတာက ပြောပြလေသည်။ ။

အခြားသာဓကတစ်ခုကတော့ ဖီလဒယ်လဖီးယားမြို့မှ စီ အမ် နက်ဖဲ ) (အငယ်) သည် ကြိတ်ဆက်ကုန်စုံဆိုင် ” အဖွဲ့ ကြီးတစ်ခုသို့ ကျောက်မီးသွေး များကို တင်သွင်းရန် နှစ်ပေါင်းများစွာက ကြိုးစားခဲ့၏။ သို့ရာတွင် ထိုကြိတ် ‘ဆက် ကုန်စုံဆိုင် အဖွဲ့ကြီးသည် ကျောက်မီးသွေးကို မြို့ပြင်ရှိ ကျောက်မီးသွေး ရောင်းသမား တစ်ဦးထံမှ ဝယ်ပြီးလျှင် ထိုကျောက်မီးသွေးများကို နက်ဖဲ၏ ဆိုင်ရှေ့တည့်တည့်မှ အရွဲ့တိုက်၍ သယ်ယူ၏။ တစ်ညသ၌ ကျွန်ုပ်၏အတန်း တစ်တန်းတွင် ထိုကြိတ်ဆက် ကုန်စုံဆိုင်များသည် တိုင်းပြည်၏ ဆူးငြောင့် ခလုတ်များဖြစ်ကြောင်းကို နက်ဖဲသည် စိတ်ထဲတွင်ရှိသရွေ့ အပြင်းအထန် ရှုတ်ချ ပြောဆိုလေသည်။

ဤကဲ့သို့ပြောပြီးနောက် ထိုအဖွဲ့သို့ ကျောက်မီးသွေး မရောင်းရသည် မှာ အဘယ့်ကြောင့်ဖြစ်သည်ကို သူသည် တွေး၍ မရသေးချေ။

ထိုကြောင့် နည်းသစ်တစ်ခုကို စမ်းသပ်ရန် ကျွန်ုပ် သူ့ကို အကြံပေး လေသည်။ ကျွန်ုပ်၏နည်းကို အကျဉ်းချုံး၍ ပြောပါအံ့။ “ကြိတ်ဆက်ကုန်စုံဆိုင် “အဖွဲ့များသည် တိုင်းပြည်အား အကျိုးထက် အပြစ်ကို ပို၍ပေးလေသည်” ဟူသော `အဆိုကို စကားရည်လုပွဲ ကျင်းပရန် တစ်နေ့တွင် ကျွန်ုပ်တို့ အတန်းသားများ စီစဉ်ကြ၏။

ကျွန်ုပ်၏ အကြံပေးချက်အရ နက်ဖဲသည် အထက်ပါအဆိုကို ကန့်ကွက် ` သည့်ဘက်မှနေ၏။ ကြိတ်ဆက် ကုန်စုံဆိုင်များကို ကာကွယ်ပြောဆိုနိုင်ရန် သူသည် သဘောတူ၏။ ထိုနောက် သူအလွန်မုန်းတီးသော ကြိတ်ဆက် ကုန်စုံဆိုင်၏ အမှုဆောင်တစ်ဦးထံသို့သွား၍ “ကျွန်တော်လာတာ ကျောက် မီးသွေးရောင်းရအောင် လာတာမဟုတ်ပါဘူး၊ ကိစ္စကလေးတစ်ခုအတွက် ကျွန်တော့်ကို ကျေးဇူးပြစမ်းပါလို့ တောင်းပန်ရအောင် လာတာပဲ”ဟု ပြော၏။ ထို့နောက် စီစဉ်ထားသည့် စကားရည်လုပွဲအကြောင်းကို ပြောပြပြီးမှ “အဲဒီ တော့ ဒီကိစ္စအတွက်နဲ့ စပ်လျဉ်းပြီး ဦးမင်းက လွဲရင် ကျွန်တော့်ကို ကူညီ နိုင်မယ့်လူ တခြားမှာ ကြည့်လို့တော့ မမြင်ဘူး၊ ဒီစကားရည်လုပွဲမှာ အနိုင် ရအောင် ကျွန်တော် ပြောချင်ပါတယ်၊ ကျေးဇူးပြုပြီး ဦးတတ်နိုင်သရွေ့ ကျွန်တော့်ကို ကူညီ မ စပါ” ဟု နက်ဖဲက ဆက်၍ တောင်းပန်လေသည်။

– မစ္စတာနက်ဖဲ၏ ဖြစ်ပျက်ပုံကို သူ ပြန်ပြောသည့် စကားအတိုင်း အောက်တွင် ဖော်ပြပါအံ့။ ‘ “ကျွန်တော့်ကို ကူညီမစဖို့ ဒီလူ့ဆီမှာ တစ်မိနစ်ထဲ ကျွန်တော်ခွင့် တောင်းတယ်၊ သူနဲ့ တစ်မိနစ်ထဲ စကားပြောပါ့မယ်ဆိုလို့ သူ အတွေ့ခံတာ၊ ကျွန်တော် ပြောချင်တာကိုလဲ ပြောပြီးရော ကုလားထိုင် ပေါ် ထိုင်ပါဦးဆိုပြီး ကျွန်တော့်ကို’ သူပြောနေလိုက်တာ တစ်နာရီနဲ့လေးဆယ့်ခုနစ်မိနစ် ကြာသွားပါတယ်၊ သူတစ်ယောက်တည်းပြောလို့ မှ အားမရသေးဘူး၊ ကြိတ်ဆက် ကုန်စုံဆိုင်များအကြောင်းနဲ့ – စပ်လျဉ်းပြီး စာတစ်အုပ် ရေးဖူးတဲ့ အခြား အမှုဆောင်တစ်ယောက်ကို ခေါ်ပြီး ‘ အပြောခိုင်းလိုက်သေးတယ်၊ နောက်ပြီးတော့ “အမျိုးသား ကြိတ်ဆက် ကုန်စုံဆိုင်အသင်းကြီး” ကို စာရေးပြီး ကျွန်တော်တို့ ပြောရမယ့် ‘ အကြောင်းနဲ့ စပ်လျဉ်းတဲ့ စာအုပ်တစ်အုပ်ကိုလဲ မှာပေးလိုက်သေးတယ်၊ “ ဒီကြိတ်ဆက် ကုန်စုံဆိုင်တွေဟာ သူတို့ရဲ့ အကျိုးစီးပွားကို အဟုတ် တကယ် လုပ်နေတယ်လို့ သူ့ကိုယ်တိုင်ကတော့ သေသေချာချာ ယုံနေတာပဲ၊ လူတွေအတွက် အကျိုးဆောင်ရတယ်ဆိုပြီး သူ့အလုပ် ပေါ်မှာ သူ ဂုဏ်ယူနေတာပဲ၊ ဟာ ကျွန်တော့်ကို ပြောနေရင်း သူ့ဟာ သူ အတော့်ကို ပီတိဖြစ်နေတာပဲ၊ အဟုတ်ပြောတာပါ၊ သူဒီလိုလျှောက် ပြီး ပြောတော့မှပဲ ရှေးက ကျွန်တော် မမြင်ဖူး မကြားဖူးတဲ့ဟာတွေကို မြင်ဖူး ကြားဖူးရတော့တယ်၊ အဲဒီတော့မှပဲ ကျွန်တော့် အယူအဆဟာ တစ်ခါတည်း ပြောင်းသွားတာပဲ။

“အခန်းထဲက ကျွန်တော်ထွက်လာတော့ ကျွန်တော့်ပခုံးကို ဖက်ပြီး တံခါးဝအထိ သူကိုယ်တိုင် လိုက်ပို့လိုက်သေးတယ်၊ ပြီးတော့မှ “စကားရည်လုပွဲမှာ ဘယ့်နှယ်နေတယ်ဆိုတာကို ပြန်ပြောပါဦး၊ မောင်ရင် နိုင်ပါစေလို့ ဦး ဆုတောင်းနေပါတယ်၊ ဪ ဒါထက် စကားမစပ်၊ ဆောင်းကုန်ခါနီးလောက်ကျရင် ကျေးဇူးပြုပြီး ဦးနဲ့ တဆိတ်လောက် . လာတွေ့ဦး၊ မောင့်ထံက ကျောက်မီးသွေးဝယ်ချင်လို့ပါ’လို့ ဆက်ပြော လိုက်သေးတယ်။

“ဒီစကားတွေကြားရတော့ ကျွန်တော့်မှာ အတော် အံ့အားသင့် နေတယ်၊ ကျောက်မီးသွေးဝယ်ဖို့ ကျွန်တော်က ဘာစကားတစ်ခွန်းမျှ မပြောရဘဲနဲ့ သူက ဝယ်ချင်တယ်လို့ စပြောတယ်၊ ကျောက်မီးသွေး ရောင်းချင်တဲ့ ကျွန်တော့်ရဲ့ ဆန္ဒကို သူစိတ်ဝင်စားအောင် ကျွန်တော် ၁၀ နှစ်လောက် ကြိုးစားခဲ့ဦးတော့ သူ့ကိစ္စထဲမှာ နှစ်နာရီလောက် ကျွန်တော် စိတ်ဝင်စားလိုက်တာလောက် ခရီးမရောက်တာကို တွေ့ရ ပါတယ်” ဟူ၍ မစ္စတာနက်ဖဲက ပြောပြလေသည်။

စင်စစ်မှာ မစ္စတာ နက်ဖဲသည် နည်းသစ်ကိုရှာ၍ တွေ့သည်မဟုတ်။ . ခရစ်တော် မမွေးမီ နှစ်ပေါင်းတစ်ရာလောက်က ရောမတိုင်းသား လင်္ကာဆရာကြီး ပတ်ဗလိလီယပ် ဆိုင်းရပ်” ဆိုသူက အခြားလူများသည် ကျွန်ုပ်တို့ အပေါ်မှာ စိတ်ဝင်စားသောအခါသာ ထိုလူများအပေါ်တွင် ကျွန်ုပ်တို့ကလည်း စိတ်ဝင်စားလေသည်’ ဟူ၍ ပြောဆိုခဲ့ဖူး၏။

ထို့ကြောင့် သင့်ကို လူကြိုက်များစေလိုလျှင်နည်းအမှတ် ၁ သည် အောက်ပါအတိုင်း ဖြစ်၏။

အခြားလူများအပေါ်တွင် အဟုတ် အဟတ်စိတ်ဝင်စားပါ။

အကယ်၍ သင်သည် သင့်ကိုယ်ကို ချစ်မြတ်နိုးဖွယ်ရာ လူရည်သန့် လာအောင်သော်လည်းကောင်း၊ လူများနှင့် ဆက်ဆံရာ၌ ပို၍ ထိရောက်စွာ အသုံးပြုနိုင်မည့် စွမ်းရည်သတ္တိကို တိုးတက်ကြီးမားအောင်သော်လည်းကောင်း ပြုလုပ်လိုပါလျှင် ဒေါက်တာ ဟင်နရီ လင့်” ရေးသော “သာသနာကိုဖက်ရန်” စာအုပ်ကို ဖတ်ဖို့ သင့်ကို တိုက်တွန်းပါရစေ။ စာအုပ်အမည်ကြားရရုံနှင့် လန့်မနေပါနှင့်။ သပိတ်သံ အိတ်သံပါသော စာအုပ် မဟုတ်ပါ။ ထိုစာအုပ် ရေးသောသူသည် လူရည်သန့်အောင် ပြုလုပ်နည်းများအတွက် ဆည်းပူးကြသော တပည့်သုံးထောင်ကျော်တို့ကို ထိထိရောက်ရောက် ကယ်တင်ဆောင်ယူ ခဲ့သော စိတ်ပညာပါရဂူကြီး တစ်ဆူ ဖြစ်ပါသည်။ ထိုစာအုပ်ကို “ဥပဓိရုပ် မွေးမြူနည်း” ဟု လွယ်လွယ်နှင့် အမည်ပေးနိုင်ကြောင်း ဒေါက်တာလင့် ကိုယ်တိုင် ကျွန်ုပ်အား ပြောဖူး၏။ ထိုစာအုပ်သည် လူရည်သန့်မှုအကြောင်းကို ရေးထားသော စာအုပ် ဖြစ်သည်။ ထိုစာအုပ်သည် စိတ်ဝင်စားဖွယ်ကောင်း၍ နည်းကောင်းများပါဝင်သည်ကို သင် တွေ့ရလိမ့်မည်။ ထိုစာအုပ်ကို ဖတ်ပြီး နောက် စာအုပ်တွင်ပါသော နည်းများကို အသုံးချကြည့်လျှင် လူများနှင့် ဆက်ဆံရာ၌ သင့်စွမ်းရည်သည် တိုးတက်လာလိမ့်မည်မှာ မလွဲဧကန်ပင် ဖြစ်၏။

သင်၏ စာကြည့်တိုက်တွင်သော်လည်းကောင်း၊ စာအုပ်ဆိုင်တွင်သော် လည်းကောင်း ထိုစာအုပ်ကို မရနိုင်ခဲ့ပါလျှင် ထိုစာအုပ်ကို ပုံနှိပ်ထုတ်ဝေသော တိုက်’ သို့ ဒေါ်လာငွေ ၂၅ တင်ပို့၍ မှာထားနိုင်ပါသည်။