ချစ်သူ ရည်းစား ထား လိုက်လို့ ဘဝကြီး တစ်ခု လုံး ပြောင်းလဲပြီး ကောင်း သွားတဲ့ သူ တွေ အများကြီးပါ ။ ချစ်သူရည်းစား ထား မှ ဆိုးသွမ်း ခဲ့ သူ တွေ လည်း မရေမတွက် နိုင်အောင် ရှိပါသေးတယ် ။
အချစ် စိတ် ဆိုတာ လူတွေ ကို မထင်မှတ် လောက် အောင် တွန်းရွှေ့ နိုင်တဲ့ အရာ မျိုးပါ ။
ရည်းစား မထားဖူး သူ ဟာ ဆေးလိပ် မသောက် ဖူး သူ လိုပါပဲ ။ ခန္ဓာကိုယ် ရဲ့ လိုအပ်ချက် ၊ ခံတွင်း ချဉ်တတ်မှန်း မသိသေးလို့ပါ ။ အကျိုး သက်ရောက်မှု က တော့ အတူတူ ပါ ပဲ ။
ချစ်သူ ရည်းစား ထားခြင်း ဟာ ရံဖန်ရံခါ၌ ကျန်းမာရေး ကို ဆိုးရွားစွာ ထိခိုက် ပျက်စီး စေနိုင်ပါတယ် ။
ကျွန်တော်တို့ အားလုံး ဟာ ကလေး ဘဝ ကနေ ကျော်လွန် လာကြတာ ဆိုတော့ မေးခွန်းပေါင်း များစွာ ဖြေဖူး ကြမှာပါ ။ မေးခွန်း တွေ မှာ အဖြေ ရှိပါတယ် ။ ပိုပြီး ထူးဆန်း တာ က တူညီတဲ့ အဖြေ တွေ ပဲ ဖြစ်ပါတယ် ။
တူညီတဲ့ အဖြေ မဟုတ်ရင်တော့ အဲဒီ လူ မှား ပြီ ဆိုတာ သေချာပါတယ် ။
စာမေးပွဲ တွေ လည်း ဖြေခဲ့ ဖူးပါတယ် ။
စာသင်ခန်း ထဲ မှာ အယောက် ခုနစ်ဆယ် ရှိ ရင် တောင် တူညီတဲ့ မေးခွန်း ကို ပဲ ပေး ပါတယ် ။ အားလုံး ဟာ တူညီတဲ့ အဖြေ ကိုပဲ ဖြေ ကြရပါတယ် ။ အဲဒီ ထဲ မှာ မှ ကိုယ့် ရဲ့အဖြေ က အများ နဲ့ မတူဘူး ဆိုရင် ကိုယ် မှားပြီ ဆိုတာ သေချာပါပြီ ။ ဘာကြောင့်လဲ ဆိုတော့ တူညီတဲ့ မေးခွန်း မှာ တူညီတဲ့ အဖြေ ပဲ ထွက် ပါတယ် ။
၂+၂ = ၄
ဒါကမှ ကိုယ် က ( ၃ ) ဖြစ်စေ ၊ ( ၂ ) ဖြစ်စေ ၊ ( ၁ ) ဖြစ်စေ ၊ ( ၅ ) ဖြစ်စေ ဖြေ လိုက်ရင် အဖြေ က မှား ပါပြီ ။ ၂ နဲ့ ၂ ပေါင်း ရင် ဘယ်လောက် ရသလဲ ။
“ အဖြေ က ( ၄ ) ပါပဲ ”
“ ဒါဟာ … ငြင်းမရတဲ့ အဖြေ ပါပဲ ”
ဒါပေမဲ့ မေးခွန်း က တူပြီး အဖြေ မျိုးစုံ လည်း ထွက်တယ် ။ ဒါပေမဲ့ အဲဒီ အဖြေ အားလုံး ဟာ ဖြေဆိုသူ အားလုံး ရဲ့ အဖြေ မှန် ဖြစ် နေတယ် ဆိုရင် ရော ။
ဒါဟာ ဘယ်လို မေးခွန်းမျိုးလဲ ။ မေးခွန်း က လွယ်ပါတယ် ။
“ အချစ် ဆိုတာ ဘာလဲ ”
မေးခွန်း က ရိုးရိုးကလေး ပါ ပဲ ။
ကဲ .… ကိုယ် ကိုယ်တိုင် လည်း ဖြေ ကြည့်ကြပါဦး ။
တချို့ က လည်း “ အချစ် ဆိုတာ ရယူခြင်း ” လို့ ဆိုကြတယ် ။
တချို့ က လည်း “ ပေးဆပ်ခြင်း ”
တချို့ က လည်း “ သိမ်မွေ့နူးညံ့သော ”
တချို့ က လည်း “ ခက်ထန်ကြမ်းတမ်းသော ”
တချို့ က လည်း …
“ အဆိပ် ”
“ ရက်စက်တတ်ခြင်း ”
“ ဖောက်လွဲဖောက်ပြန်ကောင် ”
“ အင်အား တစ်ခု ”
“ ကျွန်ဖြစ်ခြင်း ”
စသည် စသည် ဖြင့် မေးခွန်း တစ်ခု တည်း ကို အဖြေ မျိုးစုံ ထွက် နိုင်ပါတယ် ။ ဒါပေမဲ့ အဲဒီ အဖြေ တိုင်း ဟာ မှန် ပါတယ် ။ ဘာကြောင့်လဲ ။
“ အချစ် ဆိုတာ ဗလာ စာရွက် အဖြူ တစ်ရွက် ပဲ ဖြစ် ပါတယ် ။ စာရွက် ပေါ် မှာ အဲဒီ မေးခွန်း ကို ဖြေ လိုက်တဲ့ အဖြေ တိုင်း ဟာ ကိုယ် လိုချင်တဲ့ အချစ် ဖြစ် တဲ့ အတွက် ဘာပဲ ရေးရေး မှန်ပါတယ် ”
ပြောပြပါ့မယ် ။
အချစ် ဆို တာ ဘာမှ ရေးသားထားခြင်း မရှိတဲ့ အဖြူ ထည် ဗလာ စာရွက် အလွတ် တစ်ရွက် ပါပဲ ။ လူတိုင်း မှာ ကိုယ်စီ ရှိတဲ့ ဗလာ စာရွက် အဖြူလေး ပါပဲ ။ ဒါပေမဲ့ တစ်စုံ တစ်ယောက် နဲ့ တွေ့တဲ့ အခါ ကိုယ့် ရဲ့ ဗလာစာရွက် ပေါ် မှာ ကိုယ်တိုင် စာကြောင်းလေး ချရေး လိုက်တော့တာပါပဲ ။ အဲဒီ ချ ရေးလိုက်တဲ့ စာကြောင်း ဟာ “ အချစ် ဆိုတာ ဘာလဲ ” မေးခွန်း ရဲ့ အဖြေ မှန်ပဲ ဖြစ်ပါတယ် ။
ရယူပိုင်ဆိုင်လို စိတ် ရှိတဲ့ သူ က တော့ “ အချစ် ဟာ ရယူပိုင်ဆိုင်ခြင်း ” လို့ ရေးပါ လိမ့်မယ် ။ ပေးဆပ်နေရ သူ အတွက်ကတော့ “ ပေးဆပ်ခြင်း ” ဖြစ်ပါလိမ့်မယ် ။ ဒါမှမဟုတ် “ အချစ် ဆို တာ ရောဂါ ” လို့ ရေးတဲ့ သူ တောင် ရှိကောင်း ရှိ နိုင်ပါလိမ့်မယ် ။
မှန်ပါတယ် ။ ကိုယ်တွေ့ ကြုံ နေရတဲ့ အရာ ဟာ ကိုယ့် ရဲ့ အချစ် ပါ ပဲ ။
အချစ် ဟာ သိမ်မွေ့ခြင်း လည်း ဖြစ် နိုင်သလို ၊ ရန် ဖြစ်ခြင်းလည်း ဖြစ် နေနိုင်ပါတယ် ။ ဘာကြောင့်လဲ ဆိုတော့ အချစ် ဆိုတာ ကိုယ် လိုချင်နေ တဲ့ အရာ နဲ့ ကိုယ် ကြုံတွေ့နေတဲ့ အရာ ကို ဘာသာ ပြန် တတ်ကြတာကိုး ။
အမှန်တော့ အချစ် ဆို တာ အုတ် တစ်ချပ် သဲ တစ်ပွင့် ဆိုရင် ကိုယ် ကိုယ်တိုင် လည်း ရင် ထဲ ဘုရား တည် ကိုးကွယ်ကြတာ ။ ကိုယ် ကိုယ်တိုင် ပဲ အုတ်တံတိုင်း ကာရံ ၊ အတွင်း မှာ အကျဉ်းသား လို နေ ကြတာပါ ။ ကိုယ် ကိုယ်တိုင် ပဲ လှေကား ထစ် လုပ် အမြင့် ကို တက်လှမ်း ကြတာပါ ။ ကိုယ် ကိုယ်တိုင် ပဲ လက် ထဲ မှာ ဆုပ်ကိုင်သူများ ကို ရန်ပြု သွေးထွက်သံယို ဖြစ်စေခဲ့တာပါ ။